Россиянын мусулмандарынын дин башкармалыгы көп аял алууга уруксат берди

Аалымдар кеңеши россиялык мусулмандарга күйөөсү аялдарынын бардыгына бирдей (тең) мамиле кылган учурда төрт никеге чейин кыйдырууга макул болду.

Күйөөсү аялдарын материалдык жактан бирдей (ар бир аялга өзүнчө үй алып берүү, жубайларына убакытты тең бөлүү) камсыздашы керек.

Көп аялдуулукка жубайы төрөй албай калган же төрөгүсү келбеген учурда, репродуктивдүү маалдын бүтүшүндө же төшөк мамилесинде келишпестик болгондо жол берилет.

Күйөөсү жаңы аял алууну көздөп жатканы тууралуу өзүнүн аялына айтууга милдеттүү. Ошондой эле эркек жаңы аялынын балдарын асырап алууга жана аларга мурас калтырууга милдеттендирилет.