🕋 ЖУМА КҮНҮ ДУБАЛАР КАБЫЛ БОЛОТ
Пайгамбарыбыз (ﷺ) айтты:
إِنَّ فِى الْجُمُعَةِ سَاعَةً لاَ يَسْأَلُ اللَّهَ الْعَبْدُ فِيهَا شَيْئًا إِلاَّ آتَاهُ اللَّهُ
“Жума күнү бир саат бар. Пенде ошол саатта Алладан эмне сураса да сөзсүз берет”
(Тирмизи, Жума, 2)
Бүгүн улуу касиеттүү Жума күнү тууганым! Дубалар көккө көтөрүлүп, Алланын эшиктери ачылып береке төгүлө турган күн! Алланын куттуу үйүнө шашыл, бешенеңди саждага коюп, Жараткандан жалбарып, үй -бүлөңө, ата-энеңе,жакындарыңа,дос -туугандарыңа жакшылыктардан тилеп дуба кылып кайт!
👨👩👧👦 Үй -бүлөгө берке тилөө
“Оо жараткан Аллам, чексиз кудурет-күчтүн ээси Өзүңсүң. Аз нерсебизди көбөйт. Бар нерсебиздин берекесин арттыр. Жеп-ичкен тамак-ашыбызды, кийген кийим-кечебизди берекелүү кыл. Жашообузду, сүйүүбүздү, үйүбүздү жана дасторконубузду берекеге толтур”
▪️ Иштерибиз ийгиликтүү болуусу үчүн
“Оо Алла Таалам, жоопкерчилигин өз мойнума алган иштерди ийгиликтүү түрдө оорундатууну мага насип кыл. Алдыбыздан чыккан ар кандай тоскоолдуктарды токтолбой жеңип өткөн кайышпас кайрат-күч, майышпас эрк, ишеним бер. Ырайымыңды өксүтпө жана бизге көрсөткөн жардамыңды көп көрбө. Мени теңирин тааныбаган текеберден, дөөгүрсүп бой көтөргөн дөөпөрөстөн сакта"
👨👩👧👦 Ата -эне, бир туугандарга дуба
“Оо ааламдардын жаратканы болгон Аллам! Мени чоңойтуп өстүргөн ата-энеме ырайым кыл. Алар мени кандай сактап коргошсо, Сен да аларды ошондой сактап корго. Бул дүйнөдө да, акыретте да үй-бүлөмө көп-көп жакшылыктарды, жана ырыскыларды буюр. Мени, ата-энемди, бир туугандарымды жана бардык жакшы көргөн жакындарымды жамандыктардан сакта. Бизди бири-бирибизге карата күйүмдүү, боорукер кыл”
🤕 Ооруп калсак шыпа суроо
“Улуу кудуреттүү Аллам, Сен шыпаасы табылбаган дарт бербейсиң. Ар бир дарттын дарманын да жараткансың. Оорумдун шыпаасын бер. Жабышкан дарттан кутулууну, чың ден-соолук жана ошол ден-соолуктун баркын билүүнү мага насип кыл”
▪️ Өтүп кеткен жакындарыбызга
“Оо жараткан Алла, бизге жаныбызды аманат катары берген Өзүңсүң. Убагы келгенде аны бизден алган да Өзүңсүң. Өмүрүбүздүн акырына чейин Сенин сүйүктүү кулуң катары жашашыбызды бизге буюр. Алла таалам, учурда бул жашоодо болбогон бардык жакындарыма жана сүйгөндөрүмө ырайм кыл, аларга бейиштин ырыскыларын ырооло” Аамиин🤲
Жума маарек болсун!🌹