Лайпанланы Аппасны джашы Билал (1955 джыл апрелни 12-де Къыргъызстанда туугъанды) — къарачай-малкъар поэтди, Къарачай-Черкес республиканы халкъ поэтиди, СССР-ни джазыучуларыны союзуну члениди, Норвегия королевствону джазыучуларыны союзуну члениди, Халкъла арасы тюрк илмула академияны сыйлы докторуду, КъЧКъУ сыйлы докторуду, 25 китабны авторуду, публицист эмда белгили джамагъат ишчиди.
Джашау ызы:
Орта школну, Къызыл Къала элде бошагъанды. Урунуу джолун Ючкекен элде Микрокомпонент заводну ишчиси болуб башлагъанды. Аскер къуллутъун тындырыб, 1979-1984 джыллада Лайпан улу Москвада Горький атлы Литература институт бла МГУ-ну къурамында Азия бла Африка къралланы институтунда баш билимле алгъанды. Аны ызындан келген джыллада ГИТИС-де къарачай-малкъар тил бла адабиятны устазы (къарачай студияда окъугъанлагъа) болуб ишлегенди.
1991 джылдан башлаб, Москвада «Юйге игилик» издательствогъа башчылыкъ эте, «Ас-Алан» журналны (1998-2002), бир бёлек китабны чыгъаргъанды.
Лайпан улу талай назму китабны авторуду. Назмулары «Дон», «Знамя», «Октябрь», «Минги тау», «Ставрополье», «Бирлешлик Кавказия» журналлада басмаланнгандыла.
Ол А. Пушкинни «Маленькие трагедии», В. Шекспирни «Гамлет», М. Горькийни «Мещане», Э. Филиппону «Человек и джентельмен» деген чыгъармаларын къарачай-малкъар тилге кёчюргенди.