✨ Для души ✨

Жалгыз болгондо өзүңө, көпчүлүктүн арасында сөзүңө сак бол.

к.Рустам Абилов

Идрис Айитбаев устазыбыз кулагыбызга күмүш сырга кылып айтты эле.
“Куран жаттаган кыз экен деп эле өзүңөрдөн кетпегиле. Кээ биркилер куранды тамагына гана жат алат. Жүрөккө жеткирбейт. Илим алган деп машырканбагыла. Амалы маанилүү”.

– Жолдошуңуз чырактай 3 уулун неге таштады?
– Аябай көп ичет эле. Балдарды да карабай жүрдү. Кийин биринчи аялы менен жарашып алып, ошого кетип калды. Ажырашууга туура келди.
– Балдарыңыз канчада?
– Чоңу 12де, ортончусу 10до, кичүүсү 7де.
– Маа шаа Аллах эже. Намаз окуйсузбу?
– Кээде багымдатты окуп турамын.
– Жакшы-ы. Намаз окуңуз. Үч чырактай уулуңуз бар экен, ушуларга жакшы таалим-тарбия бериңиз. Эртең чоңоюп эл багар, жер багар, сизди ашыгы менен бапестеп карай турган мыкты жигиттер болот…

Ошентип баласын ээрчитип базардан кайткан эжени айылдан алып, тоо тараптагы бир айылга таштап келдим. Барып жүктөрүн түшүрүп жатсам кичүү баласы да чуркап келди.

– Ассалому алейкуму!
– Уа алейкуму ассалому.
– Атың ким?
– Нурдин..
– Сеникичи - деп чоңунан сурадым.
– Нурбек..
– Маа шаа Аллаһ, керемет атыңар бар экен. Жакшы окугула, апаңарды таарынтпай жакшы карагыла, макулбу?
– Ооба - дешти.. Чекелеринен сылап коюп үйгө кайттым.

45 ке жакындап калган эже ыраазычылыгын билдирип, аябай кубанып кала берди. Болгону эки ооз жакшы сөз. Болгону эки ооз. Жесир, тоо тараптагы үйдө үч чүрпөсү менен араң тиричилик өткөрүп жаткан, эптеп алган алиментине күн өткөргөн эженин көңүлүн жубатып, үмүтүнө үмүт кошуп, жашоого болгон кызыгуусун, балдарынын келечеги кең экендигин көрүүгө себеп болду… Адамдардан жакшы сөзүбүздү аябайлычы.. Жакшы сөз бекер го..

с.Рустам Абилов

#Дилазык🌾