ИСЛАМ БУЛАГЫ

"Билип койгула, Иблистин адамдарга карата эң биринчи куулугу - бул аларды илимден алыстаткандыгы.
Иблис алардын илим чырактарын өчүргөндө, алардын караңгылыгын пайдаланып каалаганын кылат".
📚 Ибн аль-Жаузи, "Тальбис Иблис" 283.
--------------------
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=shareе

ЭҢ КҮЧТҮҮ АДАМ КИМ?

Дүйнө чемпионун, же болбосо "чоң муштумдарды” ойлошуң мүмкүн. Бирок жашоодо эң күчтүү адам бул сабыр кылган адам. Барына да, жогуна да канаат кылып, күнүн өткөргөн адам болот.

Бийик даражага жетүү, кыялдануу менен болбойт, түшкөргөндүк менен да болбойт, чечкиндүүлүк жана сабырдуулук менен гана болот.

Эгерде Аллах сизге кыйынчылык, ооруу, дарт берген болсо, ал сизди жакшы көрөт жана ийгиликтери менен сыйлайт.

Ийгилике бакытка жетүү жолу бул бир гана - Сабырдуулук.

Бул тууралуу Аллах мындай деп айтат:

“وَاصْبِرْ وَمَا صَبْرُكَ إِلَّا بِاللَّهِ“

“Сабыр кыл. Сабырың – Аллахтын колдоосу менен гана болот”.
Куран, Нахл: 127.

“فَاصْبِرْ صَبْرًا جَمِيلًا”

“Эң мыкты сабыр кылып, чыдамкай бол”. Куран, Маариж: 5.

Мусулман адамга кыйынчылык келгенде үч нерсени аткаруу керек:

1️⃣Сабырдуулук.

2️⃣ Дуба кылуу.

3️⃣ Кыйынчылыктын кетүүсүн күтүү.

Сабыр кыл десе эле жатып алып күтүү дегендик эмес. Сен жашооңду уланта бересиң. Кыйынчылыктарга Сабыр кылуу, жакшы инсандардын мүнөзү, алар башына түшкөн кыйынчылыктарды жеңилдик менен кабыл алышат. Эгерде сен экөөбүз сабыр кылбасак анда эмне кылуу керек?!

Же болбосо сенде сабырдан башка чече турган нерсе барбы? Же бизге сабырдан башкасын үйрөтөсүңбү?

Жок албетте сен сабырсыздык кылсаң, ыйласаң, кыйкырсаң, урушсаң, капаланып караңгылыкка камалсаң, тагдыр ушул экен деп үмүттү үзүп салсаң эле бир нерсең чечилеби же жакшы болуп кетеби?! Эч качан! Андан көрө
сабыр кылууну үйрөнүп сабыр менен жашайлы.

Сабырдуулук ыймандан. Аллах менен бирге бол, Ал гана сага жардам берет! Эгерде башыңа кыйын күндөр, жокчулук, оору, дарт, кайгы-капа түшсө, олтуруп алып:-“Бүттү баары! Мен элдей эмесмин! Жашоо кыйын! Качан айыгам? Жашоо мынча татаал? Эмнеге кайгы капа менде?” – деп туңгуйука камалба. Сен Аллахтан сура. Аллахтан бир эки күн эле жакшы дуба кылып сурап коюу эмес Аны менен дайым бирге бол, көп эсте, ыйлап тилеп дуба кыл, ошондо Аллах берет. Эч качан караңгыдан кийин жарык болбой калганы жок го?

Баардык кыйынчылыктын чечиле турган күнү, убагы болот. Аллахым Сабыр кылгандарды жакшы көрөт, сабыр кылгандар менен дайым бирге болот.
---------------------
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

ЫЙМАН – АДАМДЫН КӨРКҮ ЖАНА КООЗДУГУ

Бул туурасында Аллах мындай деп айтат: “Аллах силерге ыйманды жакшы көрсөтүп жана аны жүрөктөрүңөрдүн көркү кылып койду”. Куран, Хужурат: 7.

Аллахтын Элчисиﷺ мындай деп көп дуа кылчу: “Оо, Аллах! Биздин (жүрөктөрүбүздү) ыймандын көркү менен көрктө жана бизди туура жолго баштоочулардан жана туура жолдогулардан кыл”.📚Имам ан-Насаий.

Ошондой эле ыймандын таттуулугу жана эч нерсеге салыштыргыс ырахаты бар. Бул туурасында Аллахтын Элчисиﷺ мындай деп айткан: “Аллахтын – Роб экендигине, Исламдын – дин экендигине жана Мухаммаддынﷺ Элчи экендигине ыраазы болгон адам ыймандын даамын сезет”. 📚Имам Муслим.

Ал эми башка хадисте айтат:

ثَلاثٌ مَنْ كُنَّ فِيهِ وَجَدَ حَلاوَةَ الإِيمَانِ: أَنْ يَكُونَ اللهُ وَرَسُولُهُ أَحَبَّ إِلَيهِ مِمَّا سِوَاهُما، وَأنْ يُحِبَّ المَرْءَ لا يُحِبُّهُ إلَّا للهِ، وأَنْ يَكْرَهَ أنْ يَعودَ في الكُفرِ كَما يَكْرَهُ أَنْ يُقْذَفَ فِي النَّار

“Кимде үч нерсе табылган болсо, анда ал ыймандын даамын таткан болот: Аллах жана анын Элчисиﷺ башкалардан сүйүктүрөөк болуусу. Бир кишини жакшы көрсө, аны бир гана Аллах үчүн жакшы көрүүсү жана каапырлыка кайтууну тозокко түшүүнү жек көргөндөй жек көрүүсү.”📚Имам Бухари жана Имам Муслим.

Демек, ар бир момун адам дайыма ыйманын сактоого жана ага терс таасирин тийгизген иш-аракеттерден алыс болууга аракет кылуусу керек. Анткени ыймандуулук бул ар бир адамдын руханий дүйнөсү муктаж болгон азыктардын эң зарылдуусу жана эки дүйнөдөгү бактылуулуктун ачкычы.

Кимде-ким эки дүйнө жакшылыктарын кааласа жана чыныгы бактылуулукка жетүүнү самаса, анда ыйманын көздүн карегиндей сактасын. Мына ошондо ал бул жашоодо да, Акыретте да чыныгы бактылуулукка жетет.
 --- - - - - -
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

КЕЛГИЛЕ, ЫЙМАНДЫ КӨТӨРӨЛҮ

Бул үммөттүн сахааба, табийиндер башында турган улуу муун өкүлдөрү (салафу солихиндер)ыймандын зарылдуулугун жана ага болгон муктаждык тамактан да, суудан да, абадан да зарыл экендигин толук түшүнүп билишкен кезде, алар өз ыймандарын сактоого болгон аракеттерин жумшашкан жана ыйманды бардык нерседен алдын коюшкан.

Алар ыймандын гана камын көрүп, кылган ар бир ишине көзөмөл жүргүзүп жана бири-бирин жакшылыкка чакырышкан. Умар ибн аль-Хаттаб (радиаллаху анху) сахабаларга: “Келгиле, ыйманды көтөрөйлү”,- деп көп айтчу. Ал эми Абдулла ибну Масуд (радиаллаху анху) мындай деп айтчу: “Биз менен бирге отургула, ыйманыбызды көтөрөлү” жана мындай деп көп дуа кылчу: “Оо, Аллах! Менин ыйманымды көбөйт, ишенимимди тереңдет, түшүнүгүмдү кеңейт”.

Абу Дарда (радиаллаху анху) мындай деп айтчу: “Аллахтын кулунун туура түшүнгөндүгүнүн белгиси – ал ыйманы түшкөндөрдүн катарындабы, же көтөрүлгөндөрдүн катарындабы, ошону билүүсү жана анын туура түшүнгөндүгүнүн белгиси – шайтандын азгырыгы кайсыл тараптан болуп жаткандыгын билүүсү”.

Умайр ибн Хабиб (радиаллаху анху) мындай деп айтчу: “Ыйман көбөйөт жана азаят. Андан сурашты: “Анын көбөйгөнү жана азайганы кандай?”. Ал айтты: “Эгерде Аллахты эстеп, зикир кылсак, Ага шүгүрлөрдү айтсак (тахмид) жана Аны арууласак (тасбих) – мына ушул анын көтөрүлгөнү. А эгер кайдыгерлик кылсак, убактыбызды текке кетирсек жана Аллахты унутсак – мына ушул анын азайганы”.

Ыйман тууралуу сахабалардан айтылган накыл сөздөр өтө көп. Мына ошондуктан момун адам жашоосунда эки нерсени ишке ашырууга умтулуусу керек.

1️⃣ Ыйманды көтөрүү жана ага байланышкан иш-аракеттерди окуп, үйрөнүп, иш жүзүнө ашыруу.

2️⃣ Ыймандын түшүүсүнө себеп болгон жана ага каршы келген ачык жана жашыруун иш-аракеттерден сактануу.

Ошондой эле кетирген кемчиликтерин оңдоп, Аллахга чын ихластан тооба кылып, Аллахтын ырайымынан үмүттөнүү жана жазасынан коркуу менен Ага гана моюн сунуп, жан дили менен Ага гана бет алуусу зарыл.

Абдулла ибн Аъмрдан (радиаллаху анху) риваят Аллахтын элчисиﷺ айткан: “Чындыгында, силердин көкүрөгүңөрдөгү ыйман – кийим эскирген сыяктуу эскирет. Андыктан Аллахтан жүрөгүңөрдөгү ыйманды жаңылоосун сурагыла”. 📚“Мустадрак”, Хаким.

Бул хадисте Пайгамбарыбызﷺ ыйман да кийим сыяктуу эскирерин баяндады. Бул дүйнө жашоосунун ар кандай азгырыктарынан жана күнөөлөрдөн улам адамдын ыйманы алсырайт. Буга окшогон терс көрүнүштөр ыймандын жандуулугун, күч-кубатын жана көркүн кетирет.

Мына ушундай абалда Пайгамбарыбызﷺ жүрөктөгү ыймандын жаңылоо жана жандандыруу керектигин белгилеп: “Алладан жүрөгүңөрдөгү ыйманды жаңылоосун сурагыла!”,– деп айткан.

Демек, момун адам Аллахка жан дили менен бет алып, Андан гана муктаждыктарын сурап: “Жүрөгүмдөгү ыйманды көбөйт, күчөт, жаңыла жана анда туруктуу кыл”,– деп талыкпай дуа кылуусу керек.

Аллах бул тууралуу мындай деп айтат: “Аллах ыйман келтиргендерди бул дүйнөдө да, Акыретте да бекем сөзгө (“Лаа илааха илла Аллах” – Таухид келмесине) туруктуу кылат”. Куран, Ибрахим: 27.
 ---- - - - - -
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

МУСУЛМАН БИР ТУУГАНЫҢДЫ ӨЗҮҢДӨЙ КӨР!

Пайгамбарыбызﷺ Анас бин Маликтен келген хадисте мындай деп айткан: "Силерден эч кимиңер өзүнүн мусулман бир тууганына өзүнө эмнени кааласа ошону кааламайын толук момун боло албайт". 📚 Бухарий 13, Муслим48.

Хадистен алынган пайдалар:

1️⃣ Мусулман адам өзүнө жакшы көргөн нерсени өзгөлөргө да жакшы көрүүсүнүн важиб экендиги.

2️⃣ Бул хадисте көрө албастыктан эскертүү бар. Анткени ичи тардык кылып башкаларды көрө албаган адам аларга өзүнө каалаган жакшы нерсени каалабайт.
📚 Булак: Кырк хадистин шархы /Шейх Усеймин.
---------————
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

Адамдар ыймандуулук жагынан бири-биринен кескин түрдө айырмаланат.

Бул айырмачылык ыймандуулукка байланышкан сыпаттардын көптүгүнөн же аздыгынан, күчтүүлүгүнөн же алсыздыгына байланыштуу. Демек, ар бир мусулман бул сыпаттарды билүүгө, алар туурасында ой жүгүртүп, андан соң жашоосунда иш жүзүнө ашырууга аракет кылуусу керек. Мына ушул анын ыйманын көтөрөт, ишенимин бекемдейт жана көп жакшылыктарга жеткирет. Натыйжасы ыймандын алсыздашына себеп болгон жана жамандыкка алып барган бардык иштерден сактанат.

Ыймандын көтөрүлүүсүнө себеп болуучу иш-аракеттер бар. Алардын арасынан эң зарылдуулары:

1️⃣ Динибиздин негизи болгон “Лаа илааха илла Аллах” – Таухид келмеси тууралуу илим алуу.

2️⃣ Куран окуу жана анын маанисине ой жүгүртүү.

3️⃣ Аалымдардын алдында отуруп илим алуу.

4️⃣ Ыймандуулар менен бирге болуу.

5️⃣ Аллахтын ысым-сыпаттарын окуп үйрөнүү.

5️⃣ Ислам дининин артыкчылыктары үстүндө ой жүгүртүү.

6️⃣ Пайгамбарыбыздынﷺ жана сахабалардын өмүр баянын окуу.

7️⃣ Ааламдагы кубулуштар жана андагы болуп жаткан аят-белгилер туурасында ой жүгүртүү ж.б.у.с.

“Чындыгында, Асмандар менен Жердин жаралуусунда жана күн менен түндүн алмашуусунда – акыл ээлери үчүн аят-белгилер бар. Алар турганда да, олтурганда да, жатканда да Алланы эстешет жана асмандар менен жердин жарашылы туурасында ой жүгүртүшүп: “Раббибиз! Сен муну жөндөн жөн эле жараткан жоксуң. Сен аруусуң! Бизди тозок азабынан сакта”,– (деп айтышат)”. Куран, Аали Имран:190-191.

​Аллахка моюн сунуу, Анын өкүм-буйруктарына баш ийүү жана Ага жакындаткан бардык иш-аракеттерди өз убактысында аткарууга болгон аракет менен ыйман көтөрүлөт. “Биздин (жолубузда) күрөшкөндөрдү, сөзсүз Өз жолубузга баштайбыз. Чындыгында, Алла жакшылык кылуучулар менен бирге”. Куран, Анкабут:69.

Ыйманды алсыздатуучу жана түшүүсүнө себеп болуучу иш-аракеттер бар. Момун адам дайым бул иштерден этият болуусу зарыл. Алардын арасынан эң белгилүүлөрү:

1️⃣ Аллахтын дининин негизи “Лаа илааха илла Аллах” – Таухид келмесин билбестик.

2️⃣ Кайдыгерлик.

3️⃣ Текеберлик.

4️⃣ Күнөөлөрдү кылуу.

5️⃣ Жамандыкка үндөгөн нафсини ээрчүү.

6️⃣ Бузуку адамдар менен аралашуу.

7️⃣ Дүнүйө топтоого баш оту менен кирип кетүү, шайтанды жана өз каалоолорун ээрчүү ж.б.у.с.
---------————
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtb>ube.com/channel' rel='nofollo' rel='nofollow'>rel='nofollow'>b>ube.com/channel' rel='nofollow'>annel/UCtuOz' rel='nofollow'>b>ube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

Ыймандуулук – бактылуулуктун ачкычы

Бул жашоодо мусулман үчүн эң зарыл болгон нерсе – өз ыйманын көздүн карегиндей сактоо. Ыймандуулук – көңүлдөр самаган, жүрөктөр каалаган жана эки дүйнөдө Алланын кулун сый-урматка жеткирген нерселердин эң мыктысы. Бул дүйнөдөгү жана Акыреттеги жакшылыктардын бары туура ыйманга гана негизделген.

Ыймандуулук – бул адамдар издеген жана умтулган ой-максаттардын эң улугу. Аллахка ыйман келтирген адам эки дүйнөдө көптөгөн жакшылыктарга жетип, жакшы жашоодо жашайт жана жамандыктардан, кыйынчылыктардан кутулат. Ошондой эле, Акыреттеги сооп-сыйлыктарга ээ болот жана түбөлүктүү ырахаттын, түгөнбөс жакшылыктардын жайы болгон Бейишке кирет. Ал эми Бейиште көз көрбөгөн, кулак укпаган, жүрөк сезбеген нерселер ыймандуулар үчүн даярдалган жана Бейиштин кеңдиги асман менен жерден да кең.

Ыймандуулук Аллахтын пендесин тозок отунан жана азабынан куткарат. Ыймандуулук Аллахтын ыраазычылыгына жеткирет, Анын каарынан сактайт жана Кыяматта Аллахтын Асыл Жүзүн көрүп, чексиз ырахат алуу насип кылынат.

Ыймандуулук жүрөктүн жан азыгы жана ал аркылуу көңүлдөр тынчып, жүрөктөр эс алат. Бул тууралуу Аллах Куранда мындай деп айтат: “Алар ыйман келтиришти жана алардын жүрөктөрү Аллахты эстөө менен тынчтыкта, бейпилчиликте болот. Аллахты эстөө менен жүрөктөр тынчтык табат!”. (Раад сүрөөсү:28)

Аллахка ыйман келтирүүдө көптөгөн пайдалар жана жакшылыктар бар. Ал жакшылыктар бул дүйнөдө да, Акыретте да улана берет жана анын эсебин бир гана Аллах өзү билет. “Алардын кылган (жакшылык) иштери себептүү алар үчүн көздөрдү кубанткан кандай гана нерселер жашырылгандыгын эч бир жан билбейт”. Сажда сүрөөсү (32:17)

Ыйман бул берекелүү жана мөмөлүү дарак сыяктуу. Анын өсүп-өнүүсү үчүн атайын даярдалган жер жана суу келе тургандай жайы болуусу керек. Ошондой эле анын тамыры, сөңгөгү, бутакчалары жана мөмөлөрү бар. Анын отургузулган жери – момун адамдын жүрөгү. Мына ушул жерге анын данеги, же көчөтү отургузулуп, ушул жерден өнүп жашылданат. Ал эми суу ичкен жайы – Аллахтын адамзатка түшүргөн Кураны жана Анын Элчисинин Сүннөтү. Мына ушулар менен берекелүү дарак сугарылып, сууга каныгат. Ал суусуз эч качан өспөйт жана мөмө-жемиш да бербейт. Ал эми анын тамыры – Ыймандын жети негизи: Аллахга ыйман келтирүү жана Анын периштелерине, китептерине, пайгамбарларына, Акырет күнүнө, тагдырдын жакшылык-жамандыгына жана өлгөндөн кийин тирилүүгө ыйман келтирүү.

Аллахга ыйман келтирүүнүн өзөгү жана асылдардын эң негизи “Лаа илааха илла Аллах” – Таухид келмеси, андан кийин намаз, зекет, ажылык, орозо болуп саналат. Ал эми бутакчалары – момун адамдын кылган жакшылык иштери кылган ибадаттары болот. Ал эми мөмөлөрү – момун адам жеткен бардык жакшылыктар жана эки дүйнөдөгү бактылуулук. Мына ушулар ыймандын мөмөлөрүнөн болуп эсептелинет. “Эркек болобу, аял болобу, кимде-ким ыймандуу болуп, жакшы иштерди кылса, анда Биз ага сөзсүз жакшы жашоону беребиз жана алардын кылган иштерине сөзсүз андан да артык соопторду ыйгарабыз”. Нахл сүрөөсү (16:97)
 ---------————
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

ЫЙМАН ДЕГЕН ЭМНЕ?

Ыйман сөздүк маанисинде ишенүү – дегенди билдирет.
 
Шарияттагы терминдик маанисинде
Ыйман деп – тил менен айтуу, жүрөк менен бекем ишенип тастыктоо, дене мүчөлөр менен амал кылуу, ыйман жакшы иштерди кылуу менен көбөйөт жана күнөө, бузуку иштерди кылуу менен азаят.

Ыймандын жетимиштен ашык бутагы бар. Алардын эң жогоркусу – “Ла илаха иллаЛлах”- Таухид келмесин айтуу, эң төмөнкүсү - жолдон адамдарга зыян тийгизүүчү нерселерди алып таштоо. Ошондой эле, уялуу да – ыймандын бир бутагы.

ЫЙМАНДЫН АЛТЫ ТҮРКҮГҮ БАР
 
1️⃣ Аллахка ыйман келтирүү
2️⃣ Периштелерине ыйман келтирүү
3️⃣ Китептерине ыйман келтирүү
4️⃣ Элчилерине ыйман келтирүү
5️⃣ Акырет күнүнө ыйман келтирүү
6️⃣ Тагдырга, анын жакшылыгы менен жамандыгы Аллахтан болот деп ыйман келтирүү.

Ушул алты түркүккө далил - Аллах мындай деп айтат:
“Жакшылык бир гана жүзүңөрдү чыгыш менен батышка каратууңарда эмес, бирок (нагыз) жакшылык – ким Аллахка, Акырет күнүнө, периштелерге, китепке жана пайгамбарларга ыйман келтирсе...”. (Куран, Бакара 2:177)
 
Тагдырга ыйман келтирүү, тактап айтканда жакшылык жамандык Аллахтан болот экенине бекем ишенип, ыйман  келтирүү милдет экендиги тууралуу Аллах мындай деп айтат: “Ырасында, биз ар бир нерсени тагдыр (өлчөм) менен жараттык” (Куран, Камар 54:49).

Сүннөттөн далил болсо Жебреилдин узун белгилүү хадисинде келтерилген.

Ыйман жакшы, сооп иштерди кылуу менен көбөйөт, жаман, күнөө иштерди кылуу менен азаят.

Ыймандын көбөйүүсүнө далил Аллахтын бул сөздөрү: “Чынында, ыймандуу адамдарга Аллах эскертилгенде, жүрөктөрү коркууга түшүп, аяттары окулганда, ал аяттар алардын ыймандарын көтөрүп, көбөйтөт жана алар Раббисине гана тобокел кылышат.” (Куран, Анфаль 8:2)

Ыйман менен Исламдын айырмасы
 
Эгер ислам, ыйман экөө бир келип, чогуу айтылса, анда ислам деп көбүнчө мусулман адам дене мүчөлөрү менен аткарчу сырткы амалдарды айтабыз (намаз, орозо, зекет, ажылык). Ал эми ыйман деп жүрөк менен ичтен аткарылуучу амалдарды айтабыз (Аллахка, акыретке, Анын периштелерин ж.б.у.с. ишенүү).
Эгер экөө эки бөлөк айтылса, анда ислам менен ыймандын мааниси чогуу түшүнүлөт.
 ---------————
✍ Нематулла Кадайев

Telegram
👉https://t.me/islambulagy

Instagram:
👉
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share