Электрондук китептер🕊️📚

Бир жигиттин энеси ооруканага түшүп калат. Күндөрдүн биринде дарыгерлер жигитти чакырып: "Апаңдын айыгып кетээрине үмүт жок, абалы аябай оор жана бул жашоо менен кош айтышарына аз күн калды"- дейт.
Жигит апасынын жүзүнө карап көз жашын төккөн бойдон ооруканадан чыгып кетет. Эртеси энесинен кабар алганы келе жаткан жигит машинасына май куюп алуу үчүн токтоп, май куюп берүүчү жумушчуну күтүп турган кезде картондун астында ачка жаткан мышыктарга көзү түшүп калат. Жанындагы дүкөнгө чуркап кирип, консерваланган балык сатып алып кичинекей мышыктарга берет да ары карай жолун улайт. Ооруканага жетип энеси жаткан бөлмөгө кирсе ал жерде энеси жок болот. Коркуп эмне кылаарын билбей калат! Апамдан айрылып калдым деп ойлоп көзүнө жаш ала баштайт. Кайра тактап алуу максатында энесин караган мед айымдан: "Энем кайда?" - деп сурайт.
Мед айым: "Энеңиздин абалы жакшырып калды, ошол себептен кошуна бөлмөгө чыгардык" - дейт. Сүйүнүчү койнуна батпай чуркаган бойдон бөлмөгө кирсе энеси өзүнө келген болот. Энеснин колун өөп саламдашат да эмне болгонун сурайт. Апасы: "Эсиме келбей жаткан кезимде мышыктардын колдорун көтөрүп Аллага дуба кылып жатканын көрдүм" - деп жооп берет. Жигит мышыктарга тамак бергендиги үчүн Алла Таала энесине шыпаа бергендигин түшүнөт.
.
Паи‌гамбар (соллаллоху алейхи васаллам) айтты: "Курманын жарымын берип болсо да садака кылгыла". "Садака балээден сактайт". "Оорукчандарыңарды садака менен дарылагыла" .

Аллахым ата-энелерибизди ар-кандай оору сыркоолордон сактасын.
(хадис)

Көркөм адабияттын адамга оң таасири канчалык?


АКШда күн сайын 1,8 миллион китеп сатып алышат. Улуу Британияда жарым миллион китеп сатылат. Азыркы доордо кишинин көңүлүн алагды кылган көптөгөн себептер болгонуна карабай, көп кишилер мурдакыдай эле китеп окуганды жактырат.

Китептер бизди курчап турган чөйрөнү аңдап түшүнгөнгө, болбосо сөз байлыгыбызды кеңейтип, туура жазганга үйрөтөт десек болот.

Бирок көркөм адабият бизди өнүктүрүп, өстүрө алабы?

Жогору чеберчилик менен жазылган чыгармалардын каармандары бизди ошол окуяларга байлап алат. Аристотель айткандай, трагедияны көргөндө бизде эки эмоция болот: боор оору (башкы каарманга) жана коркунуч (өзүңө).

Чыгарманы окуп жатып, окурман андагы каармандарга өзүн салыштырат. Өзү ошондой кырдаалга түшсө, эмне кылышты ойлонот. Балким, эртең ушундай кырдаалга түшүп калса, кандай чечим кабыл алмагына түйшөлөт. Бул ыкма башка бирөөнү түшүнүү үчүн машыгып жаткан сыяктуу.

Ошондуктан канадалык психолог Кит Оутли көркөм адабиятты "биздин аң-сезимибизди өнүктүргөн эң жогорку деңгээлдеги машыгуу жайы" катары көрсөтөт.