Postal

Мульти-бот с премиум emoji Постинг+приветствие!

Как привлекать от 1000 пдп ежедневно?

Запустить рекламу в MiniApp с оплатой за пдп по 15 руб

Настоящая или искусственная?

Делаем выбор елки на Новый год!

Статистика Избранное

Nozima HABIBULLAYEVA

@Nozima_Habibullayeva

Гео и язык канала: Киргизия, Киргизский

Категория: Книги

Shoira Nozima Habibullayevaning ijodiy kanali

Связанные каналы | Похожие каналы

Гео и язык канала

Киргизия, Киргизский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Nozima HABIBULLAYEVA

20 Dec, 12:17

Ko‘pning duosi ijobat, har qancha duoga muhtojman.
Dadajonim insult bo‘lib qoldilar, reanimatsiyada.
Shifo so‘rab duo qilib qo‘yinglar, iltimos... 🙏🏻😭
Tuzalib ketsinlar ilohim 🤲🏻

161 0 0 24 19

Nozima HABIBULLAYEVA

16 Dec, 15:43

Симфония 3 'Героическая' 1-1 — Бетховен Людвиг Ван

XIX asr simfonik musiqasida tub burilish yasagan, yangi davrni boshlab bergan 3-simfoniya 👆

Betxoven uni dastlab Napoleon Bonapart sharafiga bag‘ishlab, uning ismi bilan nomlagan.
Chunki Betxoven o‘sha payti Napaleonning qahramonlik faoliyatiga kumir edi.
(1803-1804 yillarda yozilgan)
Keyinchalik, Napoleon siyosatidan hafsalasi pir bo'lganligi sababli (inqilobning demokratik va respublika ideallariga xiyonat sifatida qabul qilingan imperator unvonini qabul qilish) Betxoven bitta notani ham o'zgartirmasdan simfonik partitura muqovasidan "Napaleon" ismini o‘chirib tashlaydi. Keyinchalik bu asar "Qahramonlik" nomini oladi.

Simfoniyaning premyerasi 1805-yil 7-aprelda Venada boʻlib oʻtgan.

@Nozima_Habibullayeva

255 0 1 9

Nozima HABIBULLAYEVA

16 Dec, 15:04

#Betxoven_day

Bugun sevimli kompozitorim, musiqadagi "pir"im Lyudvig van Betxoven tug‘ilgan kun! 😊
Klassikaning eng yorqin namoyandasi xotirasiga bir daqiqa sukut saqlab, ijodidagi o‘zimiz sevgan asarlardan ulashamiz... 👇🏻

@Nozima_Habibullayeva

196 0 0 7

Nozima HABIBULLAYEVA

16 Dec, 14:58

ПИАНИСТ
(Баллада)

Оппоқ рояль ва муҳташам зал.
Ҳаяжоннинг безаклари жам.
Титроқ ўйнар саҳнани ўпган
Кўйлагимнинг этакларида.

Минг кўзнайза нишонида – мен,
Нафасларим борар қисилиб.
Ва чалишни бошлайман Бетховеннинг
14-сонатасини.

Илк аккорд ва клавиш доми
Нозик бармоқларим чўза бошлайди.
Юрак ритми:
сол-до-ми, сол-до-ми...
Ўн бармоқ – ўн ғаввос оқ-қора
Денгиз аро суза бошлайди...

Рўпарамда клавир – нота,
Ноталарки қора томчилар.
Куй йиғлайди клавишларга
Бармоқларим бўлиб томчилаб.

Бирдан ўзни йўқотиб қўйдим,
Қўлларим чалаверар менсиз ҳам.
Руҳим дайдиб қўним топар сўнг
Ўтмиш. Вена.
Ва тор хонада.

Мана
Топилмаган партитуралар,
Чанг юкидан ётар инграниб.
Ўргимчак тўрлари қучоқлаб ётар
Создан тушган пианинони.

Унутилган пианинони.
Инларида тебраниб куйга
Ўргимчаклар тинглар исиниб.
Бармоқларимла ўпаман Бетховеннинг
14-сонатасини.

Куй авжига келар. Ё Худо
Кўзёш келар бутун танимни босиб.
Куй авжида нимжон бармоқларимга
Куч қаердан келяпти оқиб.

О Бетховен! Даҳойим менинг,
Кар қулоққа дардни опичлаб
Яралган шу оҳанг домига
Кўзёшларим билан томчила-аб
чўкиб кетгум.
Янграйман энди,
Энди мени шу денгиз чалар.

Беҳос. ..
Қарсак қармоқларила
Тортиб олади қарсакчилар.
Оппоқ рояль ва муҳташам зал...

@Nozima_Habibullayeva

152 0 1 5

Nozima HABIBULLAYEVA

12 Dec, 10:05

Репост из: “Аkademnashr” nashriyoti

Izlam turkumidagi ijodkorlarning telegramdagi ijodiy kanallari:

1-mavsum

Azizbek Norov @kitob_xiyoboni
Tillaniso @TillanisoEN
Xurshid Abdurashid @xurshidabdurashid
Jontemir @jontemir_t
Feruza Xayrullayeva @FeruzaXayrullayeva
Madina Norchayeva @Madina_Norchayeva
Muhammad Siddiq @Muhammad_Siddiq
Mirzohid @bobil_kutubxonasi

2-mavsum

Furqat Alimardon @f_alimardonqoralamalari
Bayram Ali @BeshinchiTomon
Sevara Alijonova @sevara_alijonova
Mansur Jumayev @Mansur_Jumayev
Najmiddin Ermatov @Najmiddin_Ermatov
MehrNoz Abbosova @mehrnoz_abbos
MohiRa @Altruistning_qizi
Nozima Habibullayeva @Nozima_Habibullayeva
Suhrob Ziyo @suhrob_ziyo1
Jaloliddin Sayyid @jaloliddinsayid
Gulhayo Anorova @GulhayoAVRON
Shahriyor Shavkat @shahriyor_shavkat
Jumanazar Yo‘ldosh @Jumanazar_Yuldash
Rahmat Bobojon @Rahmat_Bobojon

📚 @akademnashr

#IZLAM to‘plamini chegirmali narxda xarid qiling.

Xarid: t.me/akademsavdo

Youtube | Instagram | Facebook | Twitter

138 0 2 2 3

Nozima HABIBULLAYEVA

11 Dec, 18:20

Репост из: “Yoshlik” jurnali

Ushbu misralar muallifini toping. "Qo‘llarimga qizil olov tutqazdi u, Million yillar sovqotmasam kerak endi. Ishonchimni yutib, dilin yutqazdi u, Ko‘ksimdagi ko‘ksidagi yurak endi".

Опрос

Madina Norchayeva
Nozima Habibullayeva
Kumush Abdusalomova
Mehrinoz Abbosova

288 голосов

216 0 0 4 9

Nozima HABIBULLAYEVA

10 Dec, 14:00

Репост из: O‘zbekiston Yozuvchilar uyushmasi Farg‘ona viloyati bo‘limi (rasmiy)

https://telegra.ph/FARG%CA%BBONA-Ijod-peshqadamlari-12-04-2

FARGʻONA: Ijod peshqadamlari

🏛Oʻzbekiston Yozuvchilar uyushmasi Fargʻona viloyati boʻlimi
Telegram | Facebook | Instagram‌‌

298 0 0 5

Nozima HABIBULLAYEVA

7 Dec, 20:31

Репост из: “Аkademnashr” nashriyoti

#maqola

🕯"Izlam" izlamlimi?! — Nurali Qahramon

Bu savolga javob ko‘p kitobxonlarni qiziqtirgani tabiiy, shuning uchun ham tahliliy maqola yozishga qaror qildim. Yozgan revyularimda kitobxonlarga asarlarni subyektiv fikrlarga asoslanib tavsiya etgan yoki etmagan bo‘lishim mumkin. Lekin tahlil to‘laqonli obyektiv asoslarga tayangan holda "Izlam"ning izlam ekan yoki yo‘qligi, uning ustun va kamchiliklari haqida mufassal bayon etilgan.

👉 Maqolani o‘qish uchun bosing
👉 Maqolaning davomi

254 0 0 4

Nozima HABIBULLAYEVA

1 Dec, 08:31

Репост из: Shahriyor Shavkat

ҲАМНАФАС ШЕЪРИЯТ

Адабиётда ижодкор жуфтликлар кўп бўлмаса-да, учраб туради. Ҳамид Олимжон ва Зулфия, Саид Аҳмад ва Саида Зуннунова, Абдулла Қаҳҳор ва Кибриё Қаҳҳорова... Бугунги замонимизнинг ҳам ана шундай бахтли жуфтликлари қаторида Шаҳриёр Шавкат ва Нозима Ҳабибуллаевалар ижоди алоҳида ажралиб туради. “Излам”да иккала ижодкорнинг китоби гўё бир бутун ҳолда номи ҳам, шакли ҳам монанд чоп этилган. Чунки икки ижодкор ҳаётда ҳам ижодда ҳам “Ҳам” “Нафас”. Бир-бирин тўлдиради, бойитади. Ажабмаски, ўзбек адабиётини ҳам биргаликда абадий тўлдирса... Уларнинг шеърларини навбат билан ўқисангиз, худди лапар айтишаётгандек бўлади. Бир-бирларига айтган изҳорларини, айтимларини китобга жам айлагандек...

Шаҳриёр: Сиз ёмғирни яхши кўрасиз,
Мен Бетховен эмасман, афсус,
Кўзингизда ноталар сузар,
Сўз оқади, томиримда Сўз! (“Сиз ёмғирни яхши кўрасиз...” шеъридан)

Нозима: Сукунатга тортилган тароқ,
Тун ёйилар сочларимдек тим.
Деразамнинг остида ногоҳ
Сиренада куйлаётган ким? (“Сукунатга тортилган тароқ...” шеъридан)

Шаҳриёр: Исмингни исмимнинг ёнига ёздим,
Юзларин беркитиб кулди таносиб.
Оқлиги янаям ошди қоғознинг,
Тунга ой,
Сувга сой,
Ким-кимга муносиб (“ШаҳриНоз” шеъридан)

Нозима: Қўлларимга қизил олов тутқазди у,
Миллион йиллар совқотмасам керак энди.
Ишончимни ютиб, дилин ютқазди у,
Кўксимдаги кўксидаги юрак энди. (“Қўлларимга қизил олов тутқазди у...” шеъридан)

Аммо китоблар тўла изҳорлардан иборат деб ўйлаганлар ҳам адашади. Уларда Шаҳриёрнинг оғриқли саволлари, замону жамият билан муросасиз мисралари, юрагингизга тўғридан-тўғри етиб борадиган яланғоч сатрлари, Нозиманинг бугуннинг аёли ўлароқ инжа туйғулари, саккизликларга яширинган фалсафий кечинмалари, гоҳ исёнкор, гоҳ музтар ҳолатдаги сирли сезимлари мужассам.

Шаҳриёрнинг мумтоз адабиётдан суғорилган, халқ оғзаки ижодидан таъсирланган гўзал лирикаси билан бирга, ижтимоий мавзудаги шеърлари ҳам кўп. Уларда бугунги давр муаммоларидан тортиб, замонамиз қаҳрамонларигача акс этади. Шоир жамиятимизни тафаккур синтезидан ўтказар экан, ўзига дадил саволлар бера олади?

Қўрқоқлар кўпайган замонда,
Олчоқлар кўпайган замонда,
Аҳмоқлар кўпайган замонда,
Маддоҳлар кўпайган замонда,
Нега сен шоирсан?

Шаҳриёр – ёвқур шоир. Бу унинг характеридан ижодига ҳам шундоққина кўчиб ўтган. Қоғозга ўраб-чирмаб ўтирмай, гапнинг дангалини айтиб қўя қолади. Аммо бу бадиийликка бироз путур етказади, ўқувчига дағалдек туюлади. “Қаримсиқ вафо”, “Йўқсиллар устига чоптирар нуқул”, “Инқиллаб кавшанар инқилоб”, “Қарғишдек қуриган душман қони” каби ўхшатишлар ҳам шеър ёзиш жараёнида туғилган шиддат ва ниҳоятда юқори ҳаяжон ҳосиласи. Уларни бироз таҳрир қилиш фойдадан холи бўлмайди, назаримизда.

Нозима Ҳабибуллаева ўзбек аёли ўлароқ бугунги хотин-қизларимизнинг руҳан эркин, илму зиёли ва аждодларга муносиб бўлишини истайди. Ҳар бир шеърига ана шундай аёл назокатини, садоқат ва муҳаббатини, ўтли юрак кечинмаларини жойлашга ҳаракат қилади. Айниқса, “Нурхон монологи” шеърида бу туйғулар бўртиб кўринади. 16 ёшида санъатни танлагани учун ўз акаси томонидан ваҳшийларча ўлдирилган илк ўзбек раққосаси тилидан айтилган бу шеър бугунги кун учун ҳам долзарб. Аёллар эркини чеклашга уринадиган, уларнинг таълим олиши, кийиниши, юриш-туришига турли тақиқлар қўйишга ҳаракат қиладиганларга қаратилган исёндир бу.

Менми?
Истаганим озодлик, илм,
Муножотим рақсдир, мукофотим – рақс.
Сиздами тарози?
Не гуноҳ қилдим?
“Ўзингиздан Худо ясамангиз, бас!

Бу икки ҳамнафас ижодкордан ҳали жуда кўплаб асарлар кутиб қоламиз. Зеро, адабиёт мана шундай қўшқанот истеъдодлар билан янада сермазмун, файзли бўлади.

Бекзод Иброҳим

335 0 1 1 8

Nozima HABIBULLAYEVA

30 Nov, 15:24

Репост из: Tillaniso

Kecha bekorchilikda AI bilan she'r tahlil qildik. Men 15 dan ortiq shoirning o'zim yaxshi deb biladigan she'rlarini tashladim. Ular orasida katta klassik avlod vakillari (jumladan, Abdulla Oripovning "Birinchi muhabbatim" she'ri) va hozirgi davr o'rta yoshu yosh shoirlari ham bor edi. AI faqat ikkita she'rni har tomonlama yetuk deb topdi. Nozimaning yuqoridagi she'ri va Guljamol Asqarovaning "Ichkarida" she'ri. 50 dan 50 berdi. Reytingda ham bu she'rga birinchi o'rin berdi. Ba'zi shoirlar she'riga past ball berdi (masalan, "Birinchi muhabbatim" ga 41 ball) ammo reytingda 15 talik ichida yuqori o'rinlarga qo'ydi. Uyam shaxsiy dididan keb chiqdi shekilli😁. Lekin Asqarova va Habibullayevaga ham eng baland ball, ham eng yuqori o'rinlarni berdi. (Ha, bular orasida boshqa shoirlarimizning zo'r ijtimoiy, falsafiy she'rlari ham bor edi)

Nima demoqchiman, AI ham biladi qanaqa she'r yaxshiligini😊

"NAFAS" ni olib o'qinglar.

351 0 1 1 10

Nozima HABIBULLAYEVA

30 Nov, 15:21

Репост из: Tillaniso

СИҒИНДИ

Ўша кун... ортиқчалик қилдим
жаннатга —
Лаш-лушсиз учдим-у,
Машриққа тушдим.
Қирқ йиллик фироқда жоним увишди —
Либосим япроқ эди.

Худо беҳудага бермас қирқта жон,
Кўнглимни кундага қўйиб чопдилар,
Чопқилар гуллади, чопқилар!
Сотдилар...
Қадримга дунё топдилар —
Дунёси қуроқ эди.

Бир кун остонадан ҳайдалди онам,
Вазифасин янглиш уққани —
Ўғил эмас мени туққани
учун.
Ваҳоланки уларга меҳрим
Ўғилдан кўпроқ эди.

Бошқа ҳаётимда очиқ қабрга
Қўғирчоғим билан кўмдилар,
Ўйладим: "Ҳалиям мен билан бирга
Беркинмачоқ ўйнаяпти улар...
Нега ҳалигача топишолмади?"
Қўрқардим, дилдираб совуқда таним.
Охирги нафасда чақирдим зўрға...
Сўнгра
ҳўнграб-ҳўнграб қоришдим гўрга...
Асосим тупроқ эди.

Яширин, — дедилар, — югур, қопга кир,
Беркитгил, — дедилар, — кўзларинг гўзал.
Қуёш олгани чун юзимдан бўса
Тошбўрон остида чайқалиб боқдим,
(гўё)
Илма-тешик мешдан май каби оқдим...
Кайф-у сафосига қон томиб турган
Кўйлагим — байроқ эди.

Ўз уйи бўлмаган ҳеч вақт аёлнинг —
Отаси,
боласи,
эрининг уйи...
Аъвомнинг умрида энг олий ўйи —
Аёлдан қутилишдай
жирканч озодлик!
Бу эрк — чин қамоқ эди.

Одамзот ғажир ўз қовурғасини,
Ишлашга қўймайди,
Тишлашга қўймас,
Миннатга йўяр-у,
Суннатга йўймас,
Мен туққан оломон ҳуркди ўзимдан,
Нақадар қўрқоқ эди.

Томоғимдан ўтган ҳар томчи сувда,
Рақамлар акс этар ҳисобин жамлаб,
Сўнг қоришиб кетар оби дийдам-ла
Шунчаки,
Малолим келмасин ҳеч кимга дедим,
Уволим келмасин ҳеч кимга дедим,
Истагим топ-тоза авлод ўстириш,
Умидим буроқ эди.
Бироқ энди...

Жаннат оёғимнинг остидалиги
Бошидан сўроқ эди.

___

@Nozima_Habibullayeva

P.s: Kecha ma'ruzaga shu she'rni olganimda, ohangidan "voh" dedim. Mast bo"ldim. Taqdimot payti o'qib yana bir bor sel bo'ldim. O'qigan she'rlarim ichida ohangida sel bo'lib oqadigani shu edi. Kechga kelib, yana shu ohang xumor qildi-da. Qayta topib o'qidim. To'ymadim. Keyin Nozimaning boshqa she'rlarini qiroat etdim.
Nozimaning ilk kitobi chiqqanida xonadoshim bilan birga ovoz chiqarib o'qigandik - yillar narisida. O'shanda xonadoshim "Nozima kompozitor-da, darrov bilinadi. Uning she'ri tayyor musiqa" degandi. Ha, agar she'r bu avvalo ohang deydigan bo'lsak, hozirgi yosh shoirlar ichida Nozima uloqni ilib ketadi. Ohangning bunaqa garmonik ritmini undan boshqa shoirda topmadim. She'r degani, dard deganiyam shunaqa shirin musiqaviy bo'ladimi?! Xuddi Chaykovskiy asarlaridek...

Aytgancha, Nozimaning yangi kitobi "Izlam" ning ikkinchi faslida chiqdi. "Nafas" nomida. O'qing, yomg'ir nafasidek sipqorasiz bu she'rlarni.

291 0 3 8

Nozima HABIBULLAYEVA

29 Nov, 17:46

Деразамнинг томирларида
ёмғир оқар,
ювиб дунёни.
Ичкарида чаламан арфа,
Долғалари шамол зурёди.

Финжонда чой хўрсинар кўриб
Япроқларнинг видо рақсини.
Йўллар чўзар,
тунга қайғуриб,
Чироқларнинг йироқ баҳсини.

Сендан хабар келар, меҳрибон,
"Иссиқми? "- деб сўроқлайсан бот.
Шамоллаган иссиққина жон,
Ҳароратга чулғанган сабот.

Жунжикмасми борлиқ вужуди?
Тополарми йилдирим танин?
Сўздек юпун оламда худди
Уяламан совқотмагани.

Фурсатинг-у рухсатинг борми?
Қанот боғлаб мавҳуми ўйга-
Меҳрибони йўқ дарахтларни
Иситгани чақирсам уйга.

Ва улардан тизиб арғанун,
Ижро этсам оҳангги қадим.
Юрагимнинг томирида хун —
Хазонларнинг қони оқадир...

____

@Nozima_Habibullayeva

378 0 8 10 14

Nozima HABIBULLAYEVA

28 Nov, 21:09

Репост из: UzA | Расмий канал

Санжар Назар: "Излам" - бу шунчаки адабий тўплам эмас! (+видео)

Хабарингиз бор, ўзбек адабий жараёнида ўзига хос ўрин эгаллашга улгурган, китобхонликни янги даражага олиб чиққан “Izlam” тўпламининг иккинчи фасли чоп этилди. Мазкур тўпламда 16 нафар наср, назм, адабий танқид ва публицистика йўналишларидаги истеъдод эгаларининг ижодий намуналари сараланиб танлаб олинган.

🎥 https://youtu.be/atCKU5tBL9Q

Батафсил: https://uza.uz/posts/662067

Тelegram | Facebook | Instagram | YouTubе

281 0 1 3

Nozima HABIBULLAYEVA

28 Nov, 19:31

"O‘z ruhing dunyosini anglash va egallash bir zamonlar Iskandar Zulqarnayn yer yuzini egallaganga nisbatan mushkulroq. Lekin hammadan mushkuli keyin kelur, hamma narsani anglarsen-u, ammo dunyo telbaliklariga boqib, uni bir zarra bo‘lsa-da o‘zgartirish ilkingdan kelmagay! Mushkuldan ham mushkul savdo bu! "

Jaloliddin Rumiy
_

@Nozima_Habibullayeva

401 0 3 5

Nozima HABIBULLAYEVA

27 Nov, 11:35

Репост из: Santuagara (20+)

#review #izlam

🦋"Nafas"
😀Nozima Habibullayeva

Mudroqlarga tushmas samoning ko‘zi,
Tushlarimning nishi kuragimdadir.
Momomning kamoni qo‘limda, ammo
Nishon ko‘p.
Markazi yuragimdadir...

Shoiralar ko‘pincha o‘z dardlarini, ya'ni ayol shaxsiyatidagi muammolar haqida ko‘p yozishadi. Shoirlar ham shu o‘rinda ayollarga atab ijodining katta qismini ajratadi. Shunday bo‘lishiga qaramasdan ko‘pchilik malaklarimiz feministik mafkura atrofida chunon o‘ralashib qolganliklarini guvohi bo‘lamiz. Nozima Habibullayeva ijodi esa o‘z she'rlarini feministik g‘oyadan gumanistik g‘oyaga ko‘tara olganligi bilan tengqurlaridan farq qiladi.

Ya'ni gumanizm o‘z domiga feministik g‘oyalarni qabul qilishi mumkin, ammo feminizm gumanistik g‘oyalarni hazm qilolmaydi. Aynan shu anglamni tushungan Nozima Habibullayeva she'rlaridagi dard, muhabbat, og‘rinch-u sevinchlar barcha jins vakillari, bashariyat uchun birdek taalluqli va ta'sir etish kuchiga ega, deya olish mumkin. Uning:

Qo‘llarida tasbeh,
nafslari g‘avvos,
Bismillo deb shomda sharob ichganlar.
Anglashga unnayman,
shimaraman yeng,
Ammo savollarning pirovardi yo‘q.
Nahot, Ko‘hna Turon avlodlarining
Endi qo‘shxotindan bo‘lak dardi yo‘q.

...kabi satrlari o‘zi aytgan Ko‘hna Turonning chinakam avlodi ekanligining dalilidir. Chunki qadim tuproqlarning asl farzandlari dardlarini dasturxon qilmay, yeng shimarib, muammoga yechib izlashga, uni hal qilishga harakat qilishadi. Farangizdek, To‘marisdek, Xonzodebgim-u Salixo‘jalar qo‘lida nohaq qoni to‘kilgan Nurxondek va shoira Nozima Habhbullayevadek.

Shoira ijodi bilan tanishlar "Nafas"ni shak-shubhasiz o‘qishlari turgan gap, notanishlarga esa o‘qish istagi tug‘ilib qolsa bir nafasda o‘qishlariga kafilman. Barchaga yoqimli mutolaa tilab, hurmat va ehtirom ila S.N.K

P.s: 2024-yil o‘qilgan 47-kitob
#photo_by Santuagara

357 0 2 8

Nozima HABIBULLAYEVA

26 Nov, 15:21

Репост из: ERKIN BOZOROV | RASMIY

02:05

Видео недоступно для предпросмотра

Смотреть в Telegram

BEGUNOH
—————
SHAHRIYOR SHAVKAT she’ri

Rejissor: Erkin Bozorov
Tasvirchi: Hojiakbar Nurmuhammedov
Ovoz rejissori: Elbek Hamdamov
Colorist: Bahriddin Shavqiyev
—————
Hamkorlik uchun @crystalresort2023 ga, ijodkor avlodga baxsh etayotgan ruh va qanot uchun @Akademnashr ga tashakkur bildiramiz!
——————
Telegram kanallarimiz:
shahriyor_shavkat
@erkinbozorovv
—————————
Facebook / Instagram / Youtube

241 0 2 8

Nozima HABIBULLAYEVA

24 Nov, 14:23

Репост из: Mikrofon ko‘targan ayol

03:21

Видео недоступно для предпросмотра

Смотреть в Telegram

Шоира Нозима Ҳабибуллаеванинг шеърини Эркин Бозоров ижросида эшитиб, этим жимирлади. Шеър оиласини боқиш ташвишида мусофирликда юрган оталар ҳақида ёзилган. Инстаграмда Эркин Бозоров саҳифасида бир киши шундай коммент қолдирибди: “Ватан ҳам майли, фарзандлари унутмасин оталарини”…

***

…“Мусаффо” кунларнинг бирида
Отам мусофирга кетган маҳали,
Укам билан “сариқ” бўлгандик ёмон.
Дўхтирга, дорига пул йўқ шекилли
Жўҳори попугин қайнатиб бергач
Кўйимизга боқиб,
Сизнингда рангингиз бўлганди сомон.
Сариқ рангни шундай англайман ҳамон.

Отам ватанини севарди жуда.
Унутмаслик учун уни сафарда
Баҳор ифорини кўтариб бошга
Дўпписин остида кетди авайлаб.
Тўрт фасл ортидан қайтди саҳарда
Оппоқ дўппи бўлиб сочлари...
Бошидан,
кўнглидан не ўтса ўтди.
Чизмай қўйди,
чалмай қўйди,
айтмай қўйди...
Сўнг алам устида айтдим, онажон:
Отамни ватани унутди!

Соғинч шеърлар ёздим қучиб рубобни,
Укам қўшиқ айтди отамнинг овозида.
Отам дала чопди,
Сиз орзу ёпдингиз.
Қамаша бошлади дунёнинг ранги.
Ишончим – рубобнинг торлари эди.
Шунда ҳам чаляпман дилда борини.
Аммо,
Келажак кўзига тик боқай деса
Ватан унутмасин Оталарини!

317 0 4 1 15

Nozima HABIBULLAYEVA

24 Nov, 11:22

***
Она, об-ҳавога дўнди йилларим
Хотирамни уради яшин.
Бўғзимда чақади момақалдироқ
Кўзимга бир олов, бирда сув ташир.
Уйимизнинг тили бўлса, бўларди китоб.
Ўзи ўйнаб,
ўзи йиғлаб,
ўзи юпатгувчи китоб.
Соғинчларим айлайди хитоб,
Деворда оёғидан осилган рубоб,
томирлари
отамнинг етимлик йилларида ва
рўзғорнинг авжида узилган рубоб...

Отам хониш қилса шашқатор бўларди шашмақом,
Тебрани-иб тебраниб йиғлар эди шам.
Суратлар чизардик мафтункор бирам,
Дунёнинг рангидан кўп эди қувончларимиз.
Энг муҳими тўқ мусаффо эди кўзларимиз.
Сиз айтган эртаклар каби мусаффо...

“Мусаффо” кунларнинг бирида
Отам мусофирга кетган маҳали,
Укам билан “сариқ” бўлгандик ёмон.
Дўхтирга, дорига пул йўқ шекилли
Жўҳори попугин қайнатиб бергач
Кўйимизга боқиб,
Сизнингда рангингиз бўлганди сомон.
Сариқ рангни шундай англайман ҳамон.

Отам ватанини севарди жуда.
Унутмаслик учун уни сафарда
Баҳор ифорини кўтариб бошга
Дўпписин остида кетди авайлаб.
Тўрт фасл ортидан қайтди саҳарда
Оппоқ дўппи бўлиб сочлари...
Бошидан,
кўнглидан не ўтса ўтди.
Чизмай қўйди,
чалмай қўйди,
айтмай қўйди...
Сўнг алам устида айтдим, онажон:
Отамни ватани унутди!

Соғинч шеърлар ёздим қучиб рубобни,
Укам қўшиқ айтди отамнинг овозида.
Отам дала чопди,
Сиз орзу ёпдингиз.
Қамаша бошлади дунёнинг ранги.
Ишончим – рубобнинг торлари эди.
Шунда ҳам чаляпман дилда борини.
Аммо,
Келажак кўзига тик боқай деса
Ватан унутмасин Оталарини!

____

@Nozima_Habibullayeva

614 0 10 1 15

Nozima HABIBULLAYEVA

22 Nov, 13:49

Репост из: ERKIN BOZOROV | RASMIY

03:21

Видео недоступно для предпросмотра

Смотреть в Telegram

VATAN UNUTMASIN OTALARINI
(Ushbu she’rni ro‘zg‘or tebratish uchun umri musofirlikda o‘tayotgan, farzandi diydoridan benasib barcha otalarga bag’ishlayman)

NOZIMA HABIBULLAYEVA she’ri

Rejissor: Erkin Bozorov
Tasvirchi: Hojiakbar Nurmuhammedov
Ovoz rejissori: Elbek Hamdamov
Colorist: Bahriddin Shavqiyev

Hamkorlik uchun @crystalresortuz ga, ijodkor avlodga baxsh etayotgan ruh va qanot uchun @akademnashr ga tashakkur bildiramiz!

316 0 7 4 14

Nozima HABIBULLAYEVA

22 Nov, 07:16

Репост из: Shahriyor Shavkat

02:04

Видео недоступно для предпросмотра

Смотреть в Telegram

O‘zbekiston xalq shoiri
Iqbol Mirzo tavsiya etadi

318 0 0 14

Показано 20 последних публикаций.

481

подписчиков

Статистика канала

Популярное в канале

*** Она, об-ҳавога дўнди йилларим Хотирамни уради яшин. Бўғзимда чақади момақалдироқ Кўзимга бир ...

"O‘z ruhing dunyosini anglash va egallash bir zamonlar Iskandar Zulqarnayn yer yuzini egallaganga...

Деразамнинг томирларида ёмғир оқар, ювиб дунёни. Ичкарида чаламан арфа, Долғалари шамол зурёди....

XIX asr simfonik musiqasida tub burilish yasagan, yangi davrni boshlab bergan 3-simfoniya 👆 Betx...

#Betxoven_day Bugun sevimli kompozitorim, musiqadagi "pir"im Lyudvig van Betxoven tug‘ilgan kun!...