🌐BATKEN_TV

Казакстандагы селден улам Кыргызстанда азык-түлүк коопсуздугу боюнча көйгөй жаралышы мүмкүн экенин депутат Дастан Жумабеков билдирди.

Анын айтымында, бийлик азыр бул маселени ойлонуп, буудай менен арпаны камдашы керек.

“Коңшу мамлекетте суу ташкындарынан улам түшүм жыйноодо кыйынчылыктар жаралышы мүмкүн”, — деди Жумабеков.

📌Улуттук статистикалык комитеттин маалыматы боюнча, былтыр Кыргызстанга 370,8 миң тонна буудай импорттолсо, анын 351,4 миңи Россиядан, калганы (19,4 миң) Казакстандан келген.

Ошондой эле 2023-жылы 38 миң тоннадан ашык ун импорттолгон: 29 миң тоннадан ашыгы Казакстандан, 7,8 миңи Россиядан алынган.

❗️ Кыргызстанда мындан ары 23-февраль, 7-апрель жана 7-8-ноябрь дем алыш эмес, иш күн болот. Жаңы Эмгек кодексинин долбооруна ушундай өзгөртүүлөр киргизилди (министрлер кабинети жактырган, кезек парламентте).

Бул даталар майрам күндөрү бойдон калып, бирок иш күндөрү болот.

Жаңы кодекске ылайык, 8-март, 21-март, 5-май, 9-май жана 31-август жумуш эмес күндөр бойдон калат.

Дагы бир жаңылык: дем алыш күндөрүн жылдыруу нормасы жокко чыгарылат. Мурда майрам ишемби же жекшембиге туура келсе, эс алуу күнү кийинки жумуш күнүнө которулчу. Эми мындай болбойт.

Документте жаңы жыл (1-6-январь) жана май майрамдары (1, 2, 3, 4, 6, 7, 8-май) да так көрсөтүлгөн.

❗️Кенелер ойгонду, этият болуңуз

Энцефалиттин белгилери:

▪️оорунун инкубациялык мөөнөтү бир күндөн 14 күнгө, кээде 60 күнгө чейин созулат

▪️энцефалитке чалдыккан учурда адам чыйрыгып, башы катуу ооруп, жүрөгү айланып, кусуп, дене табы 38-39 градуска чейин көтөрүлөт

▪️көбүнчө моюн жана ийин ооруксунуп, көкүрөк, бел жана кол-буттун булчуңдары ооруйт

Кенеден сактануу үчүн жаратылышта эс алууда түстүү кийим кийип, шымды өтүктүн ичине же байпакка кыстарып коюу зарыл. Ал эми үстүңкү кийимди шымдап алуу керек. Дененин ачык жерлерине курт-кумурсканы качыруучу аэрозоль, мазь, крем сүйкөп туруу зарыл.

📌Кене энцефалити — борбордук нерв системасын жабыркатуучу курч жугуштуу вирустук оору. Ал адамды майыптыкка жана өлүмгө да дуушар кылат.

ЖМКлар Кыргызстанда TikTok жабыларын жазууда

Платформаны балдардын адеп-ахлагына жана психикасына терс таасирди алдын алуу максатында чектөө зарылдыгы белгиленген.

Санариптик өнүктүрүү министрлигине караштуу Байланыш тармагын жөнгө салуу жана көзөмөлдөө кызматы өлкөнүн интернет провайдерлерине TikTok платформасын чектөө боюнча кат жөнөткөн. Бул тууралуу бир нече маалымат агенттик жазып чыкты

Маалыматка караганда, Байланыш тармагын жөнгө салуу жана көзөмөлдөө кызматына УКМКдан тиешелүү кат келип түшкөн. Анда TikTok платформасынын кыргыз сегментинде контентти, тактап айтканда, “балдардын маалымат мейкиндигинде” тиешелүү деңгээлде көзөмөл жок экендиги айтылган.

УКМК “Балдардын ден соолугуна, психикасына, руханий жана адеп-ахлагына зыян келтирүүнү алдын алуу боюнча чаралар жөнүндө” мыйзамга шилтеме кылган.

“Балдардын ден соолугуна, алардын интеллектуалдык, психикалык, руханий жана адеп-ахлактык өнүгүүсүнө зыян келтирбөө максатында, УКМК Кыргыз Республикасынын аймагында TikTok маалымат кызматына кирүү мүмкүнчүлүгүн чектөөнү жана 2024-жылдын 18-апрелине чейин жазуу түрүндө жооп берүүнү өтүнөт”, — деп айтылат катта.

Расмий органдар бул маалыматты тастыктай да, төгүндөй да элек.

❗️Баткенде бычактан жараат алган өспүрүм кыз каза болду

Окуя 15-апрелде болгон. Саат 21:05 чамасында облустук ооруканага эки жерине бычак жеген 16 жаштагы кызды алып келишкен. Тилекке каршы, ал өзүнө келбей жарым сааттан кийин каза болгон.

Кызды ким алып келгени, ага эмне себеп болгону азырынча белгисиз.

Аталган факт боюнча тергөөгө чейинки текшерүү башталып, соттук–медициналык экспертиза дайындалды.

👉 @batken_tv 👈