Электрондук китептер🕊️📚

ЖҮРӨКТӨРДҮН АРАЛЫГЫ
Бир күнү мугалим сабакта студенттерден сурап калды:
– Кана балдар, айткылачы, эмне үчүн адамдар урушканда бири-бирине кыйкыра башташат?
– Себеби, алар эмоцияга алдырып коюшат, – деди бирөө.
– Бирок, экинчи адам алыста эмес,жанында эле отурса деле эмне үчүн кыйкыра беришет? Жай эле сүйлөшсө болбойбу?
– Ачуусу келген үчүн кыйкыра баштайт, – деди дагы бирөөсү. Ошентип, ар кимиси ар кандай жооп айтып жатты. Акыры, алардын ичинен унчукпай турган бир студент колун көтөрүп мындай деп жооп берди:
– Адамдар нааразы болгондо, алардын жүрөгү бири-биринен алыстай баштайт. Канчалык бири-бирине жини келген сайын алардын жүрөктөрү ошончолук алыстайт да, ал аралыкты жоюу үчүн алардын кыйкырганы күчөйт.
– Туура, – деди мугалим анын айтканын коштой, – чындыгында эле ушундай. Мисалы, бирин-бири жакшы көргөн адамдарды карагыла, алар канчалык жакшы көргөн сайын бири-бирине жай сүйлөй баштайт. Себеби, алардын жүрөгү өтө жакын болуп калат. Ал эми сүйүшкөндөрчү. Алар бирге отурганда шыбырашып калышат. Айрым учурда сөздүн да кереги жок болуп калат, туурабы? Демек, адамдардын арасындагы аралык физикалык жактан гана эмес, алардын ортосундагы мамиледен дагы көз каранды.

АДАМДАРДЫ МИНТИП КОЛДООНУН КАЖЕТИ ЖОК:
⠀

• Дароо кеңеш берип, бир нерсе кылып жиберүүгө аракеттенүүнүн кажети жок.
Андан көрө: " Мен сага бул жагдайда кантип жардам бере алам? " деп сураңыз.
⠀
• Көйгөйдү болбогон бир нерсеге салыштырбоо
Биз колдойт десе эле, " ииий, ушу болбогон нерсеге кайгырасыңбы? ", " эмне болуп кетмек эле? ",
" сандырактык " ж.б деп киребиз. Бул - колдоо эмес.
Муну уккан адам, же маани бербейт, анткени маселеге сиз маани бербей жатасыз, же өзүн кичине НЕнормальныймын го деп ойлоп калат. ( Анткени нормальныйлар сандырак бир нерселерден жабыркабайт да)
⠀
• " Ээээй мен билгем да! "
" Айткам илгери эле"
" мурда ойлонбойт белең "
⠀
Сиз да ушинтип айтасызбы?
Анда билип коюңуз, бул - колдоо эмес. Бул - өзүнүкү туура экенин далилдөө.
⠀
• Эмоцияларга тыюу салбаңыз Ыйлагысы келсе ыйласын, наалынгысы келсе наалысын.
⠀
Өз эмоцияларын блоктоо стрессти күчөтөт.
⠀
• Көйгөйдөн алаксытууга аракет кылбаңыз
⠀
" Жумуштан кетирсе эмне болуптур эми, кандай жакшы күйөөң бар карачы?! "
" Ооба ишиң жүрүшпөй калды, бирок татынакай балдарың бар "
Ал киши деле билет анын баарын. Болгону дал азыркы учурда аны тынчсыздандырып жаткан көйгөй башка.
⠀
• Салыштырбаңыз
⠀
" Сеники эчтеке эмес, ВОТ-ВОТ баланчанын жашоосу таптакыр ит болду. Сенин башың ооруйбу, ал эчтеке эмес менин бүт денем ооруйт " дебей эле коюңузчу, Кудай жалгагыр.
Адам сизден салыштыруу эмес, колдоо күтүп жатат. Ар кимге өз көңүлү алтын, өз окуясы маанилүү.
⠀
АНДА КАНТИП КОЛДОЙБУЗ?
⠀
💚 Сураңыз. Эмне жардам керек, эмне кылууга болорун.
⠀
💚 Сезимдериңиз менен бөлүшүңүз.
Мис: " ушундай болуп калганы мен үчүн өтө өкүнүчтүү ", " бул жагдайга аябай кайгырып жатам ".
⠀
💚 Жалгыз эмес экенин билдириңиз. Мейли эч нерсе кыла албасаңыз да, сизге ар убак кайрыла алаарын айтыңыз.