Орусча үйрөнөм🇷🇺🇰🇬 (Грамотность)

💥Орус тилин үйрөнүү үчүн кеңештер ✅

1. 📈 Уялбаңыз: орус тилин билүүгө милдеттүү бирөөдөй эмес, бул тилди чет тил катары көрүп үйрөнүңүз. Эгерде, орус классты бүткөн болбосоңуз, тегерегиңиздеги адамдардын баары же көпчүлүгү бул тилде сүйлөбөсө, анда чынында чет тилин үйрөнүп жатасыз) Сүйлөгөндөн такыр уялбаңыз.

2. 📈 Кызыгуу менен үйрөнүңүз: өзүңүзгө өзүңүз суроо берип, жообун өз алдынча издештирип тапканга аракет кылыңыз же билгендерден сураңыз. Үйрөнгөн нерсеңизди башкаларга да үйрөтүүнү сунуштайбыз. Себеби, бул - жаңы маалыматтын мээңизде бекем сакталуусун камсыздайт.

3. 📈 Көп окуу зарыл: бул кеңешти баарынан эле угуп жүргөндүрсүз же мүмкүн тажаган да чыгаарсыз. Бирок бул пайдасыз кеңеш эмес. Көп окуу ой-жүгүртүүнү кеңейтет жана оор акцентиңизди жеңилдеткенге көмөкчү болот. Бирок ичиңизден эмес, сыртыңыздан үн чыгарып окуганыңыз жакшы. Туура эмес интонация же басымдарга түшүп албоо үчүн алгач аудиосун угуңуз. Текстти окуп жатканда бирөөгө айтып берип жаткандай образга кирсеңиз түшүнүүгө гана эмес, сүйлөөгө да жардамын тийгизет.

4. 📈 YouTube, Инстаграм же ж.б сайттарда орусча видео көрсөңүз сөзсүз өзүңүз сүйлөп жаткандай артынан кайталаңыз. Бул сүйлөөңүздү жана акцентиңизди жакшыртат.

5. 📈 Курстарга баруу, орус тилин үйрөткөн каналдарга жазылуу. Тизмеңизде толтура орусча үйрөткөн каналдар болушу мүмкүн. Эгерде алардын бирин да карабасаңыз, жөн эле тизмеңизде орун ээлеп турганы туура эмес. Болбоду дегенде алар үчүн 1 же 2 күндө 20 мүнөт бөлүңүз.

6. 📈 Практика: мында да 1-кеңешке токтолом. Эгерде уялуу болсо такыр практика кыла албайсыз. А бул тил үйрөнүүдөгү эң маанилүү бөлүк. Орусча сүйлөшүп жатканда уялбастан өзүңүздү эркин кармаңыз. Билбей калсаңыз партнёруңуздан сураңыз. Ал сизди шылдыңдабайт. Эгерде шылдыңдаса ал анын инсандык маселеси, сизге тиешеси жок.

💥Тил үйрөнүү оңой, эгерде кызыгуу болсо жана жакшылап аракеттенсе!💯

📔«Орусча-кыргызча сүйлөшмө» китебинен алынды.