Уйгулаах Ас

Сүһүөх эмтэрэ наһаа күүстээх эмтэр буолаллар, өр иһиллибэттэр, элбэх харгыстаахтар. Онтон бу туох даҕаны эмэ суох эмтэнэн көрөргө, боруобалыырга үчүгэй ньыма дии саныыбын, сүрүнэ диэн бэйэ үүннэриллибит удобрениета суох хортуоска буолуон наада.

Сергей Валерьевич Корепанов диэн онколог быраас, медицинскэй наука кандидата, фитотерапевт (Алтай кыраайа) эмиэ манныкка майгынныыр рецебы миома улааппатын туһугар сүбэлиир: "Для замедления роста миомы принимаются овощные соки: картофельный, морковный, свекольный. Чередуются курсами в 10-14 дней по 0,5-1 стакану в день за 30 минут до еды, свежеприготовленные. Исключение - сок свеклы. Чтобы не вызвать неприятных ощущений в пищеварительном тракте, он должен постоять 3-4 часа."

Бу биһиги төһө баҕарар булар-талар, оҕуруокка олордор үүнээйилэрбит буолаллар, онон күннэтэ сиир аспыт туһатын билиэххэйиҥ уонна өссө даҕаны билэ туруоххайыҥ, туһаныаххайыҥ.

Эмтэниини бу инньинэ суруллубут сүбэлэри кытта бииргэ дьүөрэлээн, нуорма ууну иһэн, төһө кыалларынан хайаан даҕаны эбии хамсаныыны киллэрэн, тымныыга сөптөөхтүк таҥнан, чөл олоҕу тутуһарга күүстээх санааны ылынан, бэйэ бодотун тардынан, күннэтэ махталлаах уонна тапталлаах сырыттахпытына эмтэнии көдьүүстээх буолара саарбаҕа суох.

Доруобай, чэгиэн-чэбдик буолуҥ! 🌿

Сүһүөх ыарыыларын профилактикатыгар хайаан даҕаны анал диета тутуһуллуохтаах, ону диета курдук буолбакка, баар олохпут быһыытын-майгытын (образ жизни) курдук ылыннаха чэпчэки буолар. Элбэх саахар, маҥан бурдук, доруоһалаах ас ким даҕаны доруобуйатын тупсарбат.
Аккаастаныахтаахпыт саахардаах, маргариннаах өлгөм минньигэс астан, бу манна маҕаһыыҥҥа атыыланар минньигэс ас барыта кэриэтэ киирэр, сахарозаменителлэртэн, элбэх туустаах уонна маринованнай астан, кэнсиэрбэлэртэн, копченай астан, араас ароматизатордаах астан (искусственные ароматизаторы, красители, уселители вкуса, соусы, кетчупы, майонезы). Биллэ аччатыахтаахпыт маҥан бурдугу (мука пшеничная высшего сорта), доруоһалаах аһы, ыһаарыланар аспытын, мокоруоннары, өр көйөрүллүбүт хойуу хара чэйи уонна растворимай кофелары, үүтү аҕыйатар ордук, тетрапакеттаах аһы аҕыйатабыт, онно элбэх химия туттуллар. Бу астар сүһүрүүнү (воспалениены) күүһүрдэллэр. Үрүҥ астан нуормалаан бэйэбит иэдьэгэйбитин, суораппытын сиибит, ол эбэтэр ферментацияны ааспыт үрүҥ аһы.

Хас биирдии киһи тус-туһунан буоллаҕа, биир быраабыла суох. Туруоруллубут диагнозтан эмиэ элбэх тутулуктаах. Ол эрэн сүрүннээн бу курдук диэн санаабын суруйдум. Сарсын өссө биир интэриэһинэй эмтэнэр рецебы таһаарыам.

Салҕыы суруйдахха, сүһүөх ыарыытыгар уонна профилактикатыгар биһиэхэ көмө буолар астартан СЕЛЕН диэн эттигинэн баай астар кэлэллэр. Селена - греческэй мифологияҕа ый таҥарата буолар, кини аатынан химическэй элемент ааттаныллыбыт, онон киһи ыйа суох сатамматын курдук бу элемена суох сатаммат. Кини күүстээх антиоксидант буолар, ону таһынан төрүүр-ууһуур органнар, щитовиднай железа былчархайдарын, ол аата үгүс гормоннар үлэлэрин иилиир-саҕалыыр элемент буолар. Онтон селен туһунан сүһүөххэ туһаайан эттэххэ күүстээх сүһүрүү ыарыытын мүлүрүтэр диэн эбит. Хомойуох иһин киһи сааһыран истэҕин аайы бу элемент аччаан киирэн барар диэн дакаастаммыт, ол иһин эбии сиэниллэрэ ирдэнэр. Селен баар цельнозерновой бурдукпутугар, пророщеннай сэлиэһинэйгэ (ростки пшеницы), эбиэскэ (овес), бороҥ дьүһүннээх рис курууппаҕа, ынахпыт этигэр (100 гр ~ 33 мкг), сымыыкка (1 устуукаҕа ~15 мкг), суораппытыгар (250 гр ~9 мкг). Онтон селенынан баай, чемпион үүнээйи бразильскай эриэхэ буолар эбит, 1 эриэхэҕэ ~90 мкг селен баар диэн ааҕаллар. Бу эриэхэ улахан соҕус кээмэйдээх - тойон эрбэххинэн, атыыга баар буолааччы. Бразильскай эриэхэ күннээҕи нуормата 1-2 устуука буолар, онтон элбэҕи сиэниллибэт. Подросток оҕоҕо уонна улахан киһиэхэ селеҥҥа күннээҕи нуормабыт 55 мкг диэн бэлиэтэнэр.

Артрикка сүһүөх өҥүргэһэ мөлтүүр (суставный хрящ), онтукайбыт коллагентан турар. Онтон коллагены харыстыыр С битэмиин буолар. Күннээҕи аспытыгар С битэмиин хаппыыстабыт бары көрүҥэр элбэх, ордук тууһаммыт хаппыстаҕа, биэрэскэ, күөх үүнээйилэргэ. Кэлии астарга - апельсиҥҥа, лимоҥҥа, кивига, клубникаҕа. Биллэн туран бэйэбит отоннорбутугар элбэх - моонньоҕоҥҥо, дөлүһүөммүт аһыгар, хаптаҕаска, малинаҕа, уулаах отоҥҥо уо.д.а. Маныаха уулаах отоҥҥо тохтоон ааһыахха наада. Уулаах отон саха дьонугар чахчы өлбөт мэҥэ уубут диэтэхпитинэ сыыспаппыт буолуо. Уулаах отоммут барахсан туох даҕаны харгыһа суох үүнээйи. Билэрдии аһа, уга барыта туһалаах, кини сүһүрүүнү эмтиир аналлаах, сүһүөх эрэ киэнин буолбакка, хааны ыраастыыр, токсиннары таһаарар, аллергияны эмтиир, сүһүөххэ мунньуллубут туустары сымнаҕастык суурайар. Отонун утаҕын саахардаабакка иһэ сатыахха наада, ириэрэн баран маарылла нөҥүө сүмэһинин ыган, оргуппакка, сылаас уунан убатыахха, мүөт буккуйуохха сөп. Уулаах отон хаан баттааһынын түһэрэр, бу дьайыыта кимиэхэ эрэ күүскэ дьайар, ол иһин намыһах хаан баттааһыннаах дьон киэһээ эрэ өттүгэр эмп быһыытынан иһиэхтэрин сөп. Итиилии уонна тымныылыы иһэр эмиэ тус-туспа дьайыылаах, ону көрүнээриҥ, бэйэҕитинэн бэрэбиэркэлээриҥ.
Коллагеммытыгар төнүннэххэ биир көмөлөөх үүнээйибит кучу (иван-чай) буолар. Бу үгүс дьон билэр, хомуйар ото. Кини элбэх С битэмиинэ уонна аминокислоталара коллаген оҥоһуллан тахсарыгар олус наада эбит уонна сүһүрүүнү (воспалениены) биллэрдик мүлүрүтэр. Кини күөх сэбирдэҕэ өр иһиллибэт, онон курс быһыытынан иһэр туһааннаах (10-14 күн).
Сүһүөх ыарыыларыгар көмөлөһөр өссө элбэх үүнээйилээхпит, чэ ол туспа кэпсээн буолар.

Билиҥҥи медицина артрит 100 көрүҥүн араарар эбит, эчи элбэҕин эрэ диибит, сүһүөхпүтүгэр этэҥҥэ турарбыт дьол буоллаҕа. Сүһүөхпүт ыалдьыбатын уонна ыарыытын мүлүрүтэр туһугар ас нөҥүө хайдах көмөлөһүөхпүтүн сөбүй?

Торт коржиктарын быыһыгар малина, сугун, дьэдьэн кутан маанылаан биэрдэххэ өссө тупсуо 😇🍓🫐🍒 Үрдүн эмиэ оннук киэргэтэн биэрэбит 😍
Мин быйыл кыратык үрүмэ оҥорон боруобалыахпын баҕарабын...

Крем:

1. Маныаха сүүмэх (поиск-сүүмэх, таһаарбытым баар) оҥорон чөчөгөйү (сливки 25-35%) кытта буккуйуохха сөп. Сүүмэҕи ньулуун суораттан оҥоробут, 3 хос маарыла нөҥүө сүүрдэн. Начаас оҥоһуллар, кыра бириэмэ эрэ наада, суорат уута сүүрүөн эрэ наада.

2. Көннөрү күөрчэх ытыйан баран онон сотуохха сөп.

3. Хойуу сүөгэйи (жирные сливки или сметана) чөчөгөйү кытта буккуйан. Холобур 150-200 гр хойуу сүөгэйгэ 250 гр чөчөгөй (сливки 25-35%)

Сливки 35% ордук, ол эрэн хайдах көстөрүнэн.

Сорох сүөгэйдэр (сметана) уулаах буолаллар, оннуку сүүмэхтиир ордук.

Кремын кыратык минньитэн фруктоза кутан биэрээччим эбэтэр тростниковый нерафинированный сахар 1 ост нь, ол сөп буолааччы, эбэтэр кыратык элбэтэҕит. Фруктоза аптека аайы атыыланар.

Онон саҥа дьылга даҕаны сиир саахарбытын көрүнэрбит ордук. Мүөттээх буолан син биир минньигэс буолар, дьиҥэ саахар олоччу да кутумуохха сөп.

Тиэстэтин рецеба:

2 сымыыт
150 гр мүөт
100 гр арыы
35 гр бороҥ саахар (тростниковый нерафинированный, көннөрү саахар эмиэ бассар эбэтэр фруктоза буолуон сөп).
Көрөргүт курдук саахара быдан аҕыйах, рецебыгар 180 гр саахар диэн этэ уонна 3 ост нь мүөт, оччо элбэх саахары куппатым, ол оннугар мүөтүн элбэттим.

Бу маны холбоон бараммыт водяной банялыыбыт, үчүгэйдик буккуйабыт, арыыта, саахара, мүөтэ ууллуор диэри, лаппа итии буолуохтаах, ол эрэн оргуппаппыт.
Эбии 1 ч нь сода кутабыт, биллэрдик үллэр, баар буоллаҕына 1 ост нь мандариннаах настойкабытын кутабыт.

Салҕыы сойута түһэбит уонна бурдукпутун, специяларбытын, тууспутун (1/4 ч нь) кытта холбоон сымнаҕас тиэстэ мэһийэбит.

Бурдук 350 гр кутулунна, хайдах бурдук баарынан, мин Ампаардаах бурдугун куттум (сэлиэһинэй 2 суорт). Араас эриэккэс бурдуктан кутуоххутун баҕарар буоллаххытына 1/3 элбэҕи куппаккыт, атына сэлиэһинэй (пшеничнай) бурдук буолара ордук. Бастаан 300 гр бурдугу бэлэмнээҥҥит холбооруҥ, хаалбыт 50 гр бурдугу көрөҥҥүт кыра-кыратык кутаарыҥ, тиэстэбит сымнаҕас буолуохтаах.

Специялартан корица, имбирь, мускатный орех ордук бассар, барытыттан 1/4 ч нь куттум. Суох буоллаҕына кутуллубат эбэтэр биир эмит көрүҥүттэн.

Тиэстэбитин 8 гына араарабыт - 8 чараас коржик тахсыахтаах. Мас скалканан тэнитэбит. Мин тимир хаппаҕынан форма оҥоһуннум (d.19,5 см) 18-19 см. Оруобуна 8 устуука таҕыста. Илииспин арыылаатым уонна үрдүгэр бурдук тамалаттым, биир илиискэ иккилиини ууран буһардым, онон түргэн буолла. Начаас буһан тахсар ~4 мүн 180´С.