Хадистер📜

"Орозонун эң мыктысы – ашказан сыяктуу эле көз, кулак, жүрөк, кыял, ой-пикир сыяктуу инсандын бардык жабдыктарына да орозо карматуу. Аларды арам, пайдасыз нерселерден тыйып, ар бирине өзүнө тиешелүү ибадаттарды кылдыруу.

Мисалы тилди жалган айтуудан, гыйбаттан, ушактан, орой сөздөрдөн тыйып орозо карматуу. Куран окутуп, зикир, тасбих, салават жана истигфар айттырып ибадат кылдыруу.

Көздү намахрамды кароодон, кулакты жаман сөздөрдү угуудан тыйып, көздү ибрат алчу жакшы нерселерге, кулакты хак сөз менен Куран угууга колдонуу сыяктуу башка дене-мүчөлөргө да орозо карматуу керек."

📚 "Орозонун сырлары"
🖌 Бедиуззаман Саид Нурси

@akmatbekovich010

Хира үңкүрүнөн түшүп баратып, вахий алгандан улам бүткөн бою титиреп, өз уруусунун эли тарабынан айыпталып, Таифте таш бараңга алынып, Меккеде кысымга кабылып, Хижра күнү куугунтукталып, тамак-ашына кошулган уудан уулангандыктан, бетиндеги канын аарчып, бала-чакасынын, жубайынын, абасынын өлүмүнө кайгырып, ушундай тикендүү жолдордон сабырдуулук менен басып өтүп, Ал бул динди сага жеткирди. Жана Ал, саллаллаху алейхи уа саллам, сага шапаат кылуу үчүн Кыямат күнү сени күтөт. Андыктан ушул Жума күнү ага салават айтууну унутпа.

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

#котормоru
@joloochular

✨ ОТУЗ КҮНГӨ ОТУЗ БАЯН
⠀
📍Аллах мени кечиреби?
⠀
Бир убакта түрмөдө таш боор, өтө оор кылмыш жасаган бир киши жашачу. Ал түрмөгө келген ар бир таксырдан, намаз окуган жана динден кабары бар адамдардан дайыма бир эле суроону сурай берчү: "Аллах мени кечиреби?" Бирок, анын жүрөгүнө үмүт бере тургандай жооп табылчу эмес. Ошондуктан, ал кээде аларды кыйнап да койчу.
⠀
Бир күнү түрмөгө дагы бир таксыр келет. Кылмышкер ага дагы ошол эле суроону узатат. Таксыр андан:
⠀
"Сен кайсы жактансың?"– деп сурайт.
⠀
Кылмышкер:"Мен Көлдөн болом"– деп жооп берет.
⠀
Ошондо таксыр: "Эгер мен бир челек кир сууну Ысык-Көлгө төксөм, көл булганып кетеби?"– деп сурайт.
⠀
Кылмышкер таң калып: "Жок, анткени Ысык-Көл өтө чоң, аны бир челек кир суу менен булгай албайсың"– дейт.
⠀
Таксыр жылмайып: "Андай болсо, сен кылган күнөөлөр Аллахтын ырайым жана мээрим деңизин булгай алабы?"– деп жооп берет.
⠀
Бул сөздөр кылмышкердин жүрөгүнө үмүт отун жандырат. Ошол күндөн тартып ал тооба кылып, намазга баш коёт. Акыры түрмөдөгү башка кылмышкерлерге да таасир этип, алардын да намаз окуп, туура жолго түшүүсүнө себепчи болот.
⠀
Аллахтын кечирими чексиз
⠀
Аллах Таала Өзүнүн кулдарына өтө мээримдүү жана кечиримдүү. Алла Таала Куранда мындай деп айткан:
⠀
> "(Эй, пайгамбарым!) Кулдарымдан өздөрүнө каршы зулум кылган (күнөө кылган) пенделерге айт: 'Аллахтын ырайымынан үмүт үзбөгүлө! Чындыгында, Аллах бардык күнөөлөрдү кечирет. Ал – Кечиримдүү, Ырайымдуу!'"(Зумар сүрөсү, 53-аят)
⠀
Ошондой эле, Пайгамбарыбыз (с.а.в.) хадисте мындай деген:
⠀
> "Аллахтын ырайымы жүз бөлүк. Анын бир бөлүгүн бул дүйнөгө түшүргөн, анын себебинен пенделер бири-бирине боорукер жана мээримдүү болушат. Ал эми калган токсон тогуз бөлүгүн Аллах Кыямат күнүнө сактап койгон." (Бухари, Муслим)
⠀
Күнөөгө маашыр болбоо керек:
⠀
Бирок, шайтандын "Аллах кечирет, күнөөлөрдү кыла бер" деген азгырыктарына алданбоо зарыл. Аллах кечирет, бирок, адам өз күнөөсүнө өкүнүп, аны кайталабастан, чын жүрөктөн тооба кылууга тийиш.
⠀
Пайгамбарыбыз (с.а.в.) хадисте мындай деген:
⠀
> "Тообага келгенде, Аллахтын кечиримине эч кандай чек жок. Бирок, чыныгы тооба – күнөөнү таштап, ага кайра кайтпоо."(Тирмизи)
⠀
Жыйынтыктап айтканда:
⠀
Аллах Таала каалаган пендесинин күнөөлөрүн кечирет. Бирок, бул – күнөөнү атайылап жасап, "канткенде да Аллах кечирет" деп, эркин күнөө кылууга жол ачпашы керек. Адам ар дайым тооба кылып, Аллахтын мээримине үмүт артып, бирок, ошол эле учурда күнөөлөрдөн алыс болууга аракет кылышы зарыл.
⠀
Орозоңуздар кабыл болсун!
⠀
🧕 Насиба Абдуллаева

https://t.me/akmatbekovich010

✨ ОТУЗ КҮНГӨ ОТУЗ БАЯН
⠀
📍Унчукпай даават кыл
⠀
Бир убакта менин 30 жаштагы бир таанышым бар эле. Ал өзүн атеист деп эсептеп, динге анчейин маани берчү эмес. Экөөбүз тең мугалим болуп иштечүбүз. Орозо учурунда достор менен кезектешип ооз ачар уюштурчубуз. Бир күнү кезек мага келип, ошол таанышымды да ооз ачарга чакырдым.
⠀
Ал мага:
— Мен орозо кармабайм,— деди.
⠀
Мен болсо жылмая жооп бердим:
— Мен сени орозо кармаган үчүн эмес, жөн гана досум катары чакырып жатам.
⠀
Ооз ачарга беш мүнөт калганда биз баарыбыз азанды күтүп отурдук. Мен досума:
— Сен жей берсең болот,— дедим.
⠀
Ал болсо:
— Жок, мен да күтөм,— деп жооп берди.
⠀
Бир аздан кийин анын өңү өзгөрүп, кандайдыр бир ойго батып кеткендей болду. Азан айтылып, баарыбыз оозубузду ачтык. Бирок ал эч нерсе жеген жок. Бир топко унчукпай отуруп, анан төмөнкүлөрдү айтты:
⠀
— Оо, тооба! Аллах кандай гана боорукер жана адилеттүү! Отуз жыл бою мен Ага ишенген жокмун, бирок Ал мага ырыскымды үзбөй берип келди. Анын буйруктарына баш ийген жокмун, бирок Ал мени жазалаган жок. Мындай эркиндикти кайсы падыша же кайсы бир инсан бере алат эле? Аллах менин тандоомо тоскоол болгон жок, мени мажбурлаган жок. Бирок мен азыр чындап ойлонуп калдым...— деп, көзүнө жаш алды.
⠀
Ошол күндөн кийин ал ислам жөнүндө изилдей баштады. Кийин, бир нече убакыт өткөн соң, ал исламды кабыл алып, ажылыкка барып келди. Биз ага эч кандай даават кылган эмеспиз, дин жөнүндө түшүндүргөн жокпуз. Болгону, жакшы мамиле жана үлгү болуу жетиштүү болду.
⠀
Бул окуядан бир нече маанилүү сабактарды чыгарсак болот:
⠀
1. Исламды жүрүм-турум менен жеткирүү – Исламды үйрөтүүнүн эң натыйжалуу жолу – бул өз жүрүм-турумуң менен үлгү болуу. Пайгамбарыбыз Мухаммад (САВ) айткандай:
⠀
"Силердин эң жакшыларыңар – адамдарга жакшы мамиле кылгандарыңар." (Тирмизи, Бирр, 11)
⠀
2. Аллахтын кең пейилдиги – Аллах Таала адам баласына тандоо эркиндигин берген. Куранда мындай деп айтылат:
⠀
"Динде мажбурлоо жок. Туура жол менен адашуу айкын болуп калды." (Бакара, 256-аят)
⠀
3. Боорукердик жана сабырдуулук– Бирөөнү динге чакырууда мажбурлоо эмес, боорукерлик жана сабырдуулук маанилүү. Аллах Таала мындай деп эскерткен:
⠀
"Раббиңдин жолуна даанышмандык жана жакшы насаат аркылуу чакыр." (Нахль, 125-аят)
⠀
Бул окуя бизге даават кылуунун эң жакшы жолу адамдарга мээримдүүлүк жана чыдамкайлык менен мамиле кылуу экенин көрсөтөт. Бир адамдын жүрөгүнө имандын нуру тийиши үчүн кээде бир жылмайуу, бир жылуу сөз жетиштүү болушу мүмкүн. Динибизди башкаларга сылыктык, жакшы мүнөз жана чыдамдуулук менен жеткирели.
⠀
Орозоңуздар кабыл болсун!
⠀
🧕Насиба Абдуллаева