БИЛИМ МЕДИА

Мотивация берип, ишенимди күчөтө турган 5 мыкты фильм:

1. "В погоне за счастьем" (The Pursuit of Happyness, 2006)
Күйүп-бышып аракеттенүү, өжөрлүк, жана ишеним тууралуу өзгөчө окуя. Крис Гарднердин чыныгы жашоосуна негизделген.


2. "1+1" (Intouchables, 2011)
Француз тасмасы, эки таптакыр башка дүйнөдөн келген адамдардын достугу жана бири-бирин колдоо аркылуу жашоого болгон сүйүүсүн көрсөтөт.


3. "Рокки" (Rocky, 1976)
Жөнөкөй боксчунун кыйынчылыктарга карабай максатына жетүү үчүн күрөшкөнү, өжөрлүк менен иштөөнүн маанисин ачып берет.


4. "Форрест Гамп" (Forrest Gump, 1994)
Таланты менен эмес, жүрөгү жана өжөрлүгү менен ийгиликке жеткен жөнөкөй адамдын кызыктуу окуясы.


5. "Социальная сеть" (The Social Network, 2010)
Facebook платформасынын жаралышына негизделген окуя. Тасма жаштарга идеяны ишке ашырууда өжөрлүктүн жана изденүүнүн маанилүүлүгүн көрсөтөт.

Жоош адамдар тууралуу 10 факт:

1. Тынчтыкты артык көрүшөт
Жоош адамдар конфликттен качышат жана тынчтыкта жашоону каалашат. Алар көбүнчө компромисске оңой барышат.


2. Байкоочу жөндөмдөрү күчтүү
Алар көбүнчө сүйлөгөндөн көрө угууга жана байкоого басым жасашат. Айлана-чөйрөдөгү өзгөрүүлөрдү оңой байкап, терең түшүнүшөт.


3. Сүйлөгөнгө караганда ишти жакшы көрүшөт
Жоош адамдар ашыкча сөздөрдү эмес, аракеттерди баалашат. Алар аз сүйлөп, көп иштешет.


4. Жакшы достор болушат
Алар ишенимдүү, боорукер жана көңүл бурууга даяр болгондуктан, башкалардын арасында жакшы дос катары бааланат.


5. Көп учурда чыгармачыл болушат
Өзүнчө тынч абалда иштегенде чыгармачылыкка болгон шыгы артып, жаңы идеяларды жаратканга жөндөмдүү болушат.


6. Стресс менен жакшы күрөшөт
Өздөрүнүн эмоцияларын башкара билгендиктен, стресстүү учурларда сабырдуу жана токтоо болушат.


7. Бош убакытты баалашат
Алар жалгыз убакыт өткөрүү аркылуу энергия топтоп, ой жүгүртүүнү жакшы көрүшөт.


8. Чечкиндүүлүктөн тартынгандай көрүнүшөт
Кээде алар чечкиндүү кадамдарды жасоодо башкаларга салыштырмалуу жай болушу мүмкүн, бирок бул алардын терең ойлонгонунан кабар берет.


9. Аракеттери ойлонулган болот
Жоош адамдар эч качан шашылыш чечим чыгарышпайт. Алар ойлонуп, пландап анан иш кылышат.


10. Ишенимдүүлүгү менен айырмаланат
Алар көп учурда берилген убадасын аткарып, жоопкерчиликтүү мамиле жасашат. Башкалар аларга ишенип, аркалай алышат.



Жоош адамдардын бул сапаттары аларды көптөр үчүн жагымдуу жана ишенимдүү инсан кылат.

Дарыгердин телефонуна күтүүсүздөн коңгуроо келди :

-Алоо! Сизди угуп жатам.

-Өтүнүч сизден,тез ооруканага келиңиз! Бир оорукчан бала өлүм алдында жатат.Тезинен операция жасоо керек.

-Бара жатам,-деди да машинага отуруп,ооруканага жол тартты.

Аны эшик алдынан өлүм оозунда жаткан баланын атасы кабагын чытып тосуп алды:

-Неге кечигип жүрөсүз?! Балам өлөйүн деп жатат! Эгерде менин баламдын ордунда сиздин балаңыз болуп калса сиз да ушинтип жүрөсүзбү?

-Суук кабарды угаарым менен ушул жакка жөнөдүм,сиз
кабатырланбаңыз-деди да операция жасоочу бөлмөгө кирип кетти.

Операция убакыты узакка созулду.Операция аякталган соң хирург дарыгер бөлмөдөн чыгып, оорулуу баланын атасынын жанынан үнсүз өтүп кетти. Анын артынан дарыгердин жардамчысы чыкты да:

-Кайгырбаңыз,атасы! Сиздин балаңыз аман калды! Балаңыз буйруса өмүр сүрө турган болду-деп жакшы кабарды жеткизди.Баланын атасы аябай катуу кубанды,бирок хирург дарыгер тууралуу мындай деди:

- Бул хирург эмне мынча катаал адам. Эң кур дегенде жакшы кабарды да айтып койбойт...

-Жок сиз адашасыз! Ал өтө жакшы адам. Анын баласы... жол апаатынан каза тапты....
Бүгүн жерге берилет. Ал ошол нерсенин баарын таштап, сиздин балаңызга операция жасоо үчүн дароо жетип келген болчу...

Анын сабырдуулугун айтсаңыз...

ЭГЕР СИЗДЕ КЫЯЛДАНУУ БАР БОЛСО,
АНДА ӨЗ ЖОЛУҢУЗ МЕНЕН КЕТЕ БЕРИҢИЗ
Гвинеялык бир жигит Египеттеги суннит мусулмандары үчүн эң мыкты Аль-Азхард Ислам Университетинде билим алууну кыялданчу. Бирок анын учак менен жеткенге акчасы жок болчу. Ошентип, жигит жети мамлекет аркылуу велосипед менен саякатка чыкты.
Сапар кооптуу болду. Жолдо ал көптөгөн боорукер адамдарга жолугуп, алар анын кылмыштуу топторго жолукпоосуна жана согуштук аймактарга туш келбей өтүүсүнө жардам беришти.
Төрт айдан кийин Мамаду аттуу жигит Каирге келип, көп өтпөй Аль-Азхар университетинен стипендия алды. Ал айтты: «Эгерде кыялданууң болсо, ага таян жана өжөр бол. Кудай сага жардам берет».

КУТКАРЫП КАЛУУ ҮЧҮН ДАГЫ БИР МҮМКҮНЧҮЛҮК

Устат Ли Хунчжи — Фалунь Дафа (Фалуньгун) рухий жактан өркүндөтүүчү практикасынын негиздөөчүсү, 30 жылдан бери биринчи жолу бардык адамдарга кайрылды. Өзүнүн кайрылуусун түшүндүрүп жатып, Ли Хунчжи бардык тирүү жандыктарды сактап калууга дагы бир мүмкүнчүлүк берилип жатканын белгиледи.
Дүйнө жүзүндө башаламандык жана табигый кырсыктар болуп жатат. Күн сайын кырдаал татаалдашып баратат. Ли Хунчжи куткаруунун кандай мүмкүнчүлүктөрү жөнүндө айтып жатат? 100 миллион жолдоочулардын руханий насаатчысы катары, ал аларды адил жолго түшүүгө үйрөтөт.
Фалуньгундун принциптери — Чындык, Боорукердик, Сабырдуулук. Алар Ааламдын принциптери жана бардык диндерде камтылган. Устаттын бардык окуулары Чындык-Боорукердик-Сабырдуулукка негизделген. Гениалдуулук жөнөкөй, деп айтышат акылмандар. Кудайга ишенүү, жакшы адам болуу, башкаларга боорукер болуу, жардам берүү жана боорукердик менен мамиле кылуу, кыйынчылыкка тайманбастык менен туруштук берүү, ата-бабаларыбыздын салт-санаасын сактоо, жаратылышты, айланабыздагы бардык нерселерди сүйүү – бул куткаруунун негизги мүмкүнчүлүктөрү.
Ли Хунчжинин кайрылуусу 108 сүйлөмдөн турат, алардын ар бири Асман сыры. Алар сенин мүмкүнчүлүгүң.
«Адамзат эмне үчүн жашайт» деген макала бардыгына жеткиликтүү жана бир нече сайттарда, анын ичинде TheEpochTimes жана NTD TV сайттарында жайгаштырылган.

Акыркы убактарда мындай ой келе баштады, туурабы же туура эмеспи чогуу талкуулайлычы.

1990-2000-жылдары АМАН КАЛУУ (выживание) үчүн жашадык. Себеби Союздан жаңы эле ажырап эч нерсе жок болчу, жадагалса нанга кезекке турган учурлар болгон.

2000-2010-жылдары НОРМАЛДАШУУ башталды. Кимдин эмнеге шыгы болсо ошонун үстүндө иштей баштады. Россияга мигрант болуп кеткени болду, шустрыйлары ишкер болду. Саясат менен жан багам деп келечекти саясатта көргөндөр болду. Себеби саясат кирешелүү "кесип" болчу. Башкача айтканда кайсы кесиптен көп киреше түшсө ошол жака ыктай башташты.

2010-2040-жылдары материалдык байлык топтоп "БАЮУ" жылдары башталды. Жаңы үй алгандар, машина алгандар, айылдагы эски үйүн оңдогондор, жакшы табит менен кийингендер, дүйнө жүзүндө жана өлкө ичинде саякаттагандар. Кыскасы ар ким өз жолун таба баштады. Элдин жашоо деңгээли көтөрүлө баштады. Бирок бул процесс аяктай элек, дагы бир топ жыл уланат.

2040-жылдан баштап өзү-көзү байлыкка тойгон эл үчүн РУХАНИЙ, МАДАНИЙ, ДИНИЙ ЖАНА ИЛИМИЙ ЖАКТАН ИЗДЕНҮҮ жылдары башталат. Баарын татып көргөн эл чындап издене баштайт. Материалдык байлык жетишпестигин көрөт. Ошондо ЭЛ үчүн эмес ӨЗҮ үчүн жашаганды үйрөнөт. Башкача айтканда ИЧКИ ДҮЙНӨСҮН сугара баштайт. Мамлекет жана коом мына ошондо гана толук кандуу ӨНҮГӨТ деп ойлойм. Болбосо азыр 570 айдаган билимсиз байлар, көчөгө мусор ыргыткан маданиятсыз профессорлор, эмнеге налог төлөшүм керек деген түшүнүгү жок маданият адамдары толуп кеткен. Булардын жоюлушуна бираз убакыт керек болот.

деп салдым :)
Силер кандай ойлойсуңар?

Автор:Сүйүн Откеев

Акча таап, абийрин саткандар бар.
Акча таап, ата-энесин каккандар бар.
Акча таап, күнөөгө баткандар бар.
Акча таап, мекенин саткандар бар.
Акча таап, ыйманын саткандар бар.
Акча таап, ырахатын көрбөй, гөр-кабырда азапталып жаткандар бар.

Дүйнө жүзүндө 197 көз карандысыз мамлекет бар, анын ичинен 193 мамлекет Бириккен Улуттар Уюмуна мүчө, 2 мамлекет байкоочу катары мүчөлүк кылат. Дүйнө мамлекеттери тууралуу түркүн кызыктар бар, алардын айрымдары менен төмөндөгү маалыматтар топтомунан тааныша аласыз.

Канаданын аймагында дүйнө жүзүндөгү көлдөрдүн 60%ы жайгашкан. Бул өлкөдөгү 3 миллион көл анын аймагынын 9%ын ээлейт.

Ливиянын кээ бир аймактарынын 99%ы чөлдөр менен капталган, ал жерлерде ондогон жылдар бою бир тамчы да жаан жаабайт.

Гуамда жаратылыш кумдары жок болгондуктан жолду асфальттоо үчүн кораллдарды жна мунайды колдонушат.

Францияда башка аймактарын кошо эсепке алганда 12 сааттык, Россияда 9, АКШда 11 сааттык алкак бар.

Науруну ашыкча салмактагы адамдардын өлкөсү деп аташат. Анын калкынын 95%ын толук адамдар түзөт.

АКШда Жер шарынын калкынын 5%ы жашаса, андагы түрмөлөрдө дүйнө жүзүндөгү камактагылардын 25%ы — 2,2 миллион адам олтурушат. Экинчи орунда Россия (1,5 миллион адам), үчүнчү орунда Кытай (870 миң адам) турат.

Сингапур дүйнө жүзүндөгү ири шаар-мамлекет болуп эсептелинет.

Папуа-Жаңы Гвинеянын жашоочулары ар түрдүү 820 тилде сүйлөшөт. Расмий англис тилин калктын 2%ы гана колдонот.

Фолкленд аралында (Улуу Британия) 3 миң адам жашайт жана 500 миң кой бар.

Катарда башка өлкөнүн жарандары үчүн жарандык алуу мүмкүн эмес, жарандык алуу үчүн араб болуп төрөлүүдөн башка жол жок.

Нью-Йорктогу Эркиндиктин Статуясын АКШлыктар эмес, француздар курган. Бирок ал эстеликти алгач АКШга эмес, Мисирдин Порт Саид шаарына куруу пландаштырылгандыгын баары биле бербейт.

Эне болуу үчүн эң ыңгайлуу мамлекет – Финляндия. Эларалык уюмдун изилдөөсүнө ылайык, аны аныктоо үчүн 5 көрсөткүч каралган. Ага ылайык, үчилтикке Финляндия, Норвегия жана Швеция кирди. Кыргызстан болсо, бул рейтингде 178 өлкөнүн ичинен 108-орунга илинди. Ал эми эң ыңгайсыз мамлекет деп Сомали деп табылды.

Сингапурда сагыз чайноого тыюу салынган. Сагыз чайнагандар административдик жазага тартылат. Сингапур- эң өнүккөн жана эң чоң шаар мамлекет катары да таанымал.

Монголияда 1 чарчы километр аянтта 3 эле киши жашайт. Ал эми Гонгконгдо ушундай эле аянтка 340 000 адам туура келет.

#Пайдалуумаалымат

Алыскы-алыскы Африка деген жерде, кулак угуп көз көрбөгөн чөлдө, бир абдан тентек коделек жашады. Бир күнү ал оюн салып бара жатып, акырага жолукту. Анын асман тиреген узун моюнуна таңыркап, минтип сурады:

-Акыра, акыра! Сага мынчалык куркуйган узун моюндун эмне кереги бар?
Акырага коделектин суроосу жакпай калды:

-Аны билгиң келсе жүр, артымдан ээрчи! – деди ал кыжырданып. Коделек акыраны ээрчиди, акыра алдыга түштү. Экөө кайдадыр бир белгисиз тарапка жөнөштү. Көп өтпөй какыраган чөлгө да жетишти. Анан алар чөл аралап жүрүп отурушту. Өздөрү абдан чарчап, карындары ачты.

Бир кезде жашыл десе жашыл, бийик десе бийик өскөн жалгыз даракка туш болушту. Акыра моюнун созуп жалбырак үзүп жеди.

-Бах! Абдан даамдуу жалбырак тура! – деди ал коделектин шилекейин агызып. Аны көргөн коделектин оттогусу келди. Бирок, какыраган чөлдө кайдагы от. Шыгыраган кумдан башка серейген куурай да жок эле. Айласы кеткен коделек: -Акыра, акыра жалбырактан мага да үзүп берчи? – деп сурады. –Өзүң эле үзүп жечи – деди, акыра моюнун толгоп. Коделек дарактын башына моюнун канчалык созсо да жете албады. Ыйламсырап акырага минтти:

-Акыра, акыра! Кардым аябай ачты куркуйган моюнуңду берип турчу, жалбырак үзүп жейин?

-Жок коделек! Ал куркуйса да менин моюнум! Мен сага өз моюнумду бере албаймын! – деди акыра.

Коделек ойлонуп калды. Акырага орунсуз суроо берип, аны капа кылып койгонун сезди. Ал эми кетирген каталыгын оңдогусу келди:

-Акыра, акыра! Мени кечирип койчу? Мындан ары орунсуз суроо берип, сени капа кылбаймын, – деди. Аны укканда акыра жибип кетти: -Ии, макоо коделек! Ар кимдин өзүнө жараша моюну да болорун түшүндүңбү акыры?! – деди ага жалбырак үзүп берип жатып.

Ошондон кийин коделек бирөөгө жөнү жок суроо бергенин койду. Ал ошентип акыра менен дос болуп алды.

#окуялар

БИЛИМ МЕДИА