Бүгүн менин жакыным Жамгыр биз жашаган чөлкөмгө баш багып келди
Жамгырга болгон сезимдеримди бул тамгалар айта албайт
Аны карагандагы көз карашым билдире алышы мүмкүн
Жамгыр келгенде бардык нерсени унутам
Жашоо токтогондой, жайлашкандай, жылуудай сезилет.
Күнүмдүк жашоодо ката кетирсем болбочуудай, дайыма аракетте болуп, тынбашым керектей сезиле берет. Жашоо зымырайт, убакыт шашат
Бирок, Жамгыр,сен келериң менен сенин кучагыңа жашынгандай сезинем. Мени аягандай, эркелетип, башымдан сылап, жылуу жан дүнүйөңө орогондой сезилесиң
Жылуусуң, ооба ооба, сен башкалар үчүн сууктуктун белгисидирсиң балким, бирок, мен үчүн Жылуусуң.
Бардык жумуштарды унутуп, план, максат, ритуал, эмне болсо баарын унутуп, бөлмөбүздүн бир бурчунда, жылуу жуурканга ороно, ыссык кофени жаныма коюп, китебимди кармап, Эч бир Үнгө салыштыргыс дабышыңды тыңдаганча бул жашоодон жашынам.
Жылуулугуңа, үнүңө куурчана таттуу уйкуга кетем.
Сени менен болгон байланышым өзгөчө, муну сезем, билем.
Сен жашоомдогу эң кооз нематтардын бирисин🌧️🤍
