ИСЛАМ СУРОО-ЖООП📚

https://islamqa.info/ar/1130 حكم مشاركة الكفار في أعيادهم - الإسلام سؤال وجواب

🤍 КААПЫРЛАРДЫН МАЙРАМДАРЫНА КАТЫШУУНУН ӨКҮМҮ

🤍 СУРОО: 1130
Көптөгөн мусулмандардын каапырлардын майрамдары болгон Рождество жана башка майрамдарына катышкандарын көрүп келем.
Андай кылуу Шариатта дурус эмес, (күнөө) экендигине көздөрүн ача турган Курандан жана сүннөттөн келген далилдер барбы?

🤍 ЖООП:
Аллахка алкыш-мактоолор болсун болсун!

Бир канча себептен улам каапырлардын майрамдарына катышуу болбойт:
🤍Биринчиден:
Анткени анда каапырларга окшошуу бар. Пайгамбар ﷺ айтты:

{ من تشبه بقوم فهو منهم }
"Ким бир коомго окшошсо, ал ошолордон!"

(ЖАНА БУЛ ӨЗҮ ЭЛЕ ЖЕТИШТҮҮ КОРКУНУЧ!).
🤍 (Абу Дауд).

Абдуллах Ибну Аас айтат: "Ким мушриктердин жеринде отурукташып, Нооруз, Михражан (перстердин майрамы) майрамдарын аларга окшошуп тосуп, ошол абалда өлсө, Кыямат күнү зыян тартуучулардан болот".

🤍 Экинчиден:
Алардын майрамдарына катышуу - бул аларды дос тутуу жана аларга болгон сүйүүсүн көрсөткүчүнүн бир түрү. Аллах Таала айтты:

۞ يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَىٰ أَوْلِيَاءَ ۘ۞

"О, ыйман келтиргендер! Яхудийлер менен христиандарды дос тутпагыла!"

(Аль-Маида сүрөсү, 51).

۞ يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءَكُم مِّنَ الْحَقِّ ...۞

«О, ыйман келтирген пенделер! Менин жана өзүңөрдүн душманыңарды дос тутпагыла! Силер аларга достук (катын) жиберип жатасыңар. Алар силерге келген Акыйкатка каапыр болушкан!»

(Аль-Мумтахана сүрөсү, 1).

🤍 Үчүнчүдөн:
Майрам - бул дүйнөлүк адат иштерден эмес, динге жана акыйдага (ишеним) байланыштуу маселелерге кирет. Буга хадис далалат кылат:

{ إن لكل قوم عيدا وإن هذا عيدنا }

"Ар бир коомдун (өзүнүн) майрамы бар, бул - биздин майрам" (Эки Айт майрамы).

🤍 (Сахих аль-Бухари, Муслим).

Каапырлардын майрамы да алардын ширк жана каапырчылыкка курулган алардын акыйдасын көрсөтөт.

🤍 Төртүнчүдөн:
Аллах Тааланын:
۞ وَالَّذِينَ لَا يَشْهَدُونَ الزُّورَ …۞

"Жана алар (Аллахтын пенделери) жалган күбөлүк беришпейт..." деген сөзүн аалымдар "каапырлардын майрамы" деп тафсирлешкен. Аларга куттуктоо открытка жөнөтүп, майрамдарына иштетилүүчү шам, балаты, тамак-аш сыяктуу нерселерди сатуу болбойт!

🤍 Дагы кененирээк маалымат 947-суроодо да жообу берилген.
________
ИСЛАМ: СУРОО-ЖООП
➤➤ https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤ https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

Ибн Касир (Аллах аны ырайымына алсын) бул аятты тафсирлеп, айтты: "Бул аят бардык адамдардын - эркектердин жана аялдардын - жакшы амалдарын кабыл алууда Аллахтын жакшылыгын, берешендигин жана ырайымын көрсөтүп турат, албетте, шарты - эгер алар ыйман келтиришсе. Жана да аларды Бейишке киргизерин, жакшы амалдарынан курманын өзөгүндөй да кемитпей турганын айткан (النقير - курманын данегиндеги тилке же оюк).

Аллах Таала айтты:

۞ مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ ۞

"Эркекпи же аялбы, ыйманга келип, андан кийин жакшы амалдарды жасаса, Биз аны (бул дүйнөдө) таза жашоо менен жашатабыз жана алардын (акыреттик) соопторун жасаган амалынан жакшыраак сыйлыктар менен кайтарабыз".

(Ан-Нахль сүрөсү, 97).

Ибн Касир (Аллах аны ырайымына алсын) айтты: "Бул Аллах Тааланын жакшы иштерди кылгандарга берген убадасы, б.а. Адам баласынан эркек болобу, аял болобу, Аллахтын Китебине жана Анын Элчисинин ﷺ Сүннөтүнө ылайык амалдары, эгер алар Аллахка жана Анын Элчисине ыйман келтирсе, ошондой эле бул амалдар Аллах тарабынан буйрук кылынган жана шариаттан болсо, Аллах бул дүйнөдө ушундай сонун жашоону берерин жана түбөлүктүү Акыретте аларга кылгандарынан да жакшыраак сыйлык берерин убада кылган. Жакшы жашоо - жашоонун бардык тармагында тынчтыкты камтыйт.

Анан да Аллах Таала айтты:
۞ من عَمِلَ سَيِّئَةً فَلا يُجْزَى إِلاّ مِثْلَهَا وَمَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَأُوْلَئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ ۞

"Ким бир күнөө иш жасаса, ошол ишине жараша гана жаза алат. Ал эми, эркек же болбосо аялдардан кимиси ыймандуу болуп, бир сооптуу иш жасаса, Бейишке кирет (жана) анда (ага) эсепсиз ырыскы берилет".

(Гофир сүрөсү, 40).

Акыры, оо бир тууган карындаш, Аллахтын каалоосу менен сиздин жүрөгүңүздөгү аялдар тууралуу вавсвасаларды түп-тамыры менен жокко чыгаруучу хадисти эскерип өтөлү:

Умму Умара аль-Ансария айтат: «Ал Пайгамбар ﷺга келип:

"Бардык нерсе эркектерге эле, аялдарга эскерилген эч нерсе айтылбаганын көрүп турам" - дегенде,

إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ

"Чынында, мусулман эркектер менен мусулман аялдар, момун эркектер менен момун аялдар.."

(аль-Ахзаб, 35) аят түшүрүлдү.
📚 (Тирмизи, 3211).

Имам Ахмаддын Муснадында келгендей: Умму Салама (Аллах андан ыраазы болсун) айтты:

"Оо Аллахтын элчиси, эмнеге Куранда эркектер эскерилип, биз - аялдар - жөнүндө эскерилген эмес?" - деп сурадым. Күндөрдүн биринде чачымды тарап отурсам, мага ал жөнүндө эскербестен эле, минбардан үн салды. Чачымды жыйнап, угайын деп эшикке жакыныраак келип, кулак салдым, ал ﷺ: "Оо адамдар! Аллах Таала айтты:

«Чынында, мусулман эркектер менен мусулман аялдар, момун эркектер менен момун аялдар, моюн сунуучу эркектер менен моюн сунуучу аялдар, чынчыл эркектер менен чынчыл аялдар, сабырдуу эркектер менен сабырдуу аялдар, кичипейил эркектер менен кичипейил аялдар, садака берүүчү эркектер менен садака берүүчү аялдар, орозо кармоочу эркектер менен орозо кармоочу аялдар, жыныстык мүчөлөрүн сактаган эркектер менен аялдар, Аллахты көп эстеген эркектер менен аялдар… Алла ушуларга кечирим жана улук сооп-сыйлыкты даярдап койду».
(Аль-Ахзаб сүрөсү, 35).

Аллахтан сизге жана бизге сөзүбүздө жана амалыбызда ыкластуулук, динибизде бекемдикти сурайбыз. Жана Пайгамбарыбыз Мухаммадка Аллахтын салам-салаваттары болсун!
________
ИСЛАМ: СУРОО-ЖООП
➤➤ https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤ https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

https://islamqa.info/ar/608 ماذا للنساء في الجنة - الإسلام سؤال وجواب

📔 БЕЙИШТЕ АЯЛДАРГА ЭМНЕ ДАЯРДАЛГАН?

❓ СУРОО: 608
Аял киши суроо салып жатат: Мен Аллахка жана Анын китебине бекем ишенген момун аялмын. Аллахка мактоолор болсун, күндөн күнгө Аллахка ишенимим күчөп барат. Менин суроом: Ыйык Куранда дайыма эркектерге даярдалган көптөгөн Акыреттеги сооп-сыйлыктар, хур кыздар жөнүндө эскерилет. Ошого эл ичинде "Ислам - эркектердин үстөмдүгүнүн дини" деп айтып келишет. Эмнеге аялдардын сыйлыктары тууралуу сөз жок?

❗️ ЖООП:
Аллахка чексиз мактоолор болсун!

Сурап жаткан карындаш, Аллахка жана Анын китебине ыйман келтиргендиктен, Аллах Таала Китебинде "аль-Кахф" сүрөсүндө:

«Сенин Раббиң эч кимге зулумдук кылбайт»

"ан-Ниса" сүрөсүндө:

«Албетте, Аллах эч кимге чаңдын бүртүгүнүн салмагынча да зулум кылбайт. Эгер (пенденин иши чаңдын бүртүгүнчөлүк) жакшылык болсо, аны көбөйтөт жана Өзүнүн даргөйүнөн чоң сооп берет»

- деп айткандарын табасыз.

Чындыгында, Аллах Таала бул Шариатты эркектерге да, аялдарга да бирдей кылып түшүрдү. Куранда эркектерге айтылгандардын баары аялдарга да тийиштүү жана эркектерге тиешелүү бардык өкүмдөр аялдарга да тиешелүү. Бир гана эгер бирине жеке айтылганына далил келсе, Аллахтын жолунда согушуу, этек кири, махрам, башчылык сымал өкүмдөр сыяктуу, эркекке же аялга тиешелүү болот.

Шариатта бир өкүм эркектерге айтылып жаткан таризде болсо да, ал өкүм аялдарга да багытталганына далил катары, Аиша энебиздин хадиси мисал:

«Аллахтын элчисинен ﷺ [ойгонгондо] суу, б.а. уругунун (мааний суюктугу) агып калганын көрүп, бирок түшүркөгөнүн (түшүндө поллюция болгон) эстей албаган киши тууралуу сурашканда, "Гусул алсын" - деди. Ошондой эле (түшүндө) поллюция болуп, бирок суюктук чыкпаган киши тууралуу: "Ага гусул алуу уажиб эмес" - деди. Анда, Умму Сулайм айтты: "А эгерде аял

суюктук

көрсө, гусул алышы керекпи?" - "Ооба, аялдар - эркектердин эжелери" (бир туугандары)" - деди.

📚 (Абу Дауд, Тирмизи, 113).

Аялдардын Акыреттеги сыйлыктары жана Бейиште эмне болоору тууралуу бир катар аяттарды жана хадистерди келтиребиз:

{ عَنْ أُمِّ سَلَمَةَ قَالَتْ يَا رَسُولَ اللَّهِ لا أَسْمَعُ اللَّهَ ذَكَرَ النِّسَاءَ فِي الْهِجْرَةِ فَأَنْزَلَ اللَّهُ تَعَالَى : ( فَاسْتَجَابَ لَهُمْ رَبُّهُمْ أَنِّي لا أُضِيعُ عَمَلَ عَامِلٍ مِنْكُمْ مِنْ ذَكَرٍ أَوْ أُنْثَى بَعْضُكُمْ مِنْ بَعْضٍ فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لأُكَفِّرَنَّ عَنْهُمْ سَيِّئَاتِهِمْ وَلأدْخِلَنَّهُمْ جَنَّاتٍ تَجْرِي مِنْ تَحْتِهَا الأَنْهَارُ ثَوَابًا مِنْ عِنْدِ اللَّهِ وَاللَّهُ عِنْدَهُ حُسْنُ الثَّوَابِ }

Умму Салама: "Оо Аллахтын элчиси, мен Аллахтын хижрат кылган аялдар жөнүндө айткан эч нерсе уккан жокмун» - дегенде, Аллах Таала бул аятты (аль-Имран, 195) түшүрдү: «Албетте, Мен, эркек же аял болобу, силерден эч бир амал кылуучунун амалын текке кетирбейм. Бирөөңөр бирөөңөрдөн жаралгансыңар. Менин жолумда журттарынан чыгарылган, хижрат кылган (көчкөн), кордук-зомбулук көргөн, согушкан жана өлтүрүлгөн адамдардын (бардык) күнөө-кемчилдиктерин өчүрөмүн жана Аллах тарабынан берилген сооп иретинде, астынан дарыялар агып турган Бейиш бактарына киргиземин. Аллахтын алдында эң жакшы сооп-сыйлыктар бар».

📚 (Тирмизи, 3023).

Ибн Касир (Аллах Өз ырайымына алсын) айтты:
"فاستجاب لهم ربهم"
дегени - Аллах алардын суроолоруна жооп бергенин билдирет...
«أني لا أضيع عمل عامل منكم من ذكر أو أنثى»
дегендин мааниси - бардык эркектер жана аялдар кылган иштери үчүн адилеттүү сыйлык алышат деп кабарлады, жакшы амалдар жоголбойт же көз жаздымда калбайт.
"بعضكم من بعض"
соопторду берүүдө бирдей каралаарын билдирет.

Аллах Таала айтты:
۞ وَمَنْ يَعْمَلْ مِنْ الصَّالِحَاتِ مِنْ ذَكَرٍ أَوْ أُنثَى وَهُوَ مُؤْمِنٌ فَأُوْلَئِكَ يَدْخُلُونَ الْجَنَّةَ وَلا يُظْلَمُونَ نَقِيرًا ۞

"Эркекпи же аялбы, кимде-ким жакшы иштерди жасаса жана ал ыймандуу болсо, (жасаган иштеринин) кыпындайына да зулум кылынбаган абалда Бейишке киришет".

(Ан-Ниса сүрөсү, 124)

https://islamqa.info/ar/12681 لا يجوز استبدال ذهب قديم بذهب جديد مع إعطاء فرق القيمة - الإسلام سؤال وجواب

🏷️ЭСКИ АЛТЫНДЫ ЖАҢЫ АЛТЫНГА АЛМАШТЫРЫП, АЛАРДЫН БААСЫНЫН АЙЫРМАСЫН ТӨЛӨӨ УРУКСАТ ЭМЕС ЖАНА ТЫЮУ САЛЫНГАН

❓ СУРОО: 12681
Эски алтынды жаңы алтынга алмаштырып, экөөнүн баасынын айырмасын зергерге берсе болобу?

🪶ЖООП:
Аллахка алкыш-мактоолор болсун!

Эски алтынды жаңысына алмаштырып, ортодогу баанын айырмасын төлөөгө болбойт. Бул уруксат эмес жана шариатта тыюу салынган. Бухари жана Муслимдин “Сахихтеринде” жана башка ишенимдүү булактарда келтирилген Билалдын (Аллах андан ыраазы болсун) окуясы буга далил болуп саналат:

Билал Пайгамбарга ﷺ жакшы курма алып келип, аны кайдан алганын сураганда, ал:

“Бизде сапатсыз курмалар бар болчу, эки са’а жакшы эмес курманы берип, бир са’а жакшы курмага алмаштырдык. Андан Пайгамбар ﷺ жесин дедик” - деп жооп берген. Ошондо Аллахтын Элчиси (саллаллоху алейхи ва саллам) мындай деди: «Мындай кылбагыла! Бул анык риба (сүткорлук), анык риба.»

📚 (Бухари, 3212).

Пайгамбар ﷺ бирдей өлчөмдөгү буюм алмаштырылганда сапатынын айырмачылыгынан улам көбүрөөк кошуп берүү анык сүткорлук экенин жана анын тыюу салынгандыгын түшүндүрдү. Бирок Пайгамбар (саллаллоху алейхи ва саллам) адаты боюнча соода кылуунун уруксат берилген жолун көрсөттү. Ал алгач сапатсыз курмаларды сатып, андан кийин түшкөн акчага жакшы курма сатып алууну кеңеш кылды.

Ушуга карай айтаарыбыз: эгер аялда эски же тагынбай турган алтыны болсо, аны базарда сатып, акчасын алуу уруксат. Анан ошол каражатка каалаган жаңы алтынды сатып алса болот. Мына ушул – биздин Пайгамбарыбыз (саллаллоху алейхи ва саллам) көрсөткөн жол.

(са’а - өлчөм бирдиги)
________
ИСЛАМ: СУРОО-ЖООП
➤➤ https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤ https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

Ошондой эле сахабаларына эгер кабырды зыярат кылса, кантип айтууну үйрөтүп, ушундай дейт экен. Мисалы, Пайгамбар ﷺ ушул сөзү сыяктуу:
"Ассаляму 'аляйкум, ахля-д-дийари мин аль-му'минина уа-ль-муслимина! Уа инна ин ша'а-Ллаху би-кум ляхыкуна уа йархаму-Ллаху-ль-мустакдимина минна уа-ль-муста'хырина, ас'алю-Ллаха ляна уа лякум аль-'афийата"
«О, момундардан жана мусулмандардан болгон кабыр ээлери!! Силерге Аллах Тааланын саламы болсун! Аллах буюрса биз дагы силердин артыңардан жетип барабыз. Аллах Таала биздин жана силердин күнөөлөрүңөрдү кечирсин!»
📚 (Муслим, 975).

Аишага (Аллах андан ыраазы болсун) айтты:

" قُولِي : السَّلامُ عَلَى أَهْلِ الدِّيَارِ مِنْ الْمُؤْمِنِينَ وَالْمُسْلِمِينَ ، وَيَرْحَمُ اللَّهُ الْمُسْتَقْدِمِينَ مِنَّا وَالْمُسْتَأْخِرِينَ ، وَإِنَّا إِنْ شَاءَ اللَّهُ بِكُمْ لَلاحِقُونَ " أخرجه مسلم (974) ، وإنما يبلغ السلام من الغائب للحي
"Ассаламу аъла ахли ад-дияр мин аль-му'миниина уа мин аль-муслимиин йархамуллаху аль-мустакдимиина уа аль-муста'хириин уа инна ин шаа Аллаху бикум лаахикуун" - деп айткын" деди.

📚 (Муслим, 974)

Жок адамдан тирүү адамга салам алып келсе болот.
Чындыгында, Аллах бул үммөткө Пайгамбарга ﷺ салават жана салам айтууну жеңил кылды. Жана бул нерсени жердин кайсы бурчунда болсо да көбөйтүү керек. Чындыгында, Аллах Таала Пайгамбар ﷺдын кабырына периштелерди коюп, алар үммөтүнөн салават жана саламды жеткирип туруусун Өз кепилдигине алды. Саллаллоху алайхи ва саллам. Аллах туурасын билүүчү!"

Шейх Ибну аль-Усаймин айтты: "Ушул менен бирге айтабыз: "Эгер сен дүйнөнүн четинен салам айтсаң, албетте, саламың жетет. Анткени Аллах жерде саякаттап жүрүүчү периштелерди жаратып, алар эгер бирөө Пайгамбарга ﷺ салам айтса, Пайгамбарга ﷺ жеткирүүсүн Өз кепилдигине алган. Эгер биз азыр "Аллахумма солли уа саллим аъала расулиЛлахи" деп айтсак, аны жеткирет. Намазда:

{ السلام عليك أيها النبي ورحمة الله وبركاته }
Ассаламу алейка аййуха-н-набийу уа рахматуллахи уа баракатух" деп айтсак, биздин салам жеткирилет.

Кээ бир адамдар Мадина шаарында: "Мага атам Пайгамбарга ﷺ салам айтып коюуну осуят кылып: "Менден Пайгамбарга ﷺ салам айтып кой" деп айтканын угуп калдым. Бул ката! Пайгамбар ﷺ ага тирүүлөрдүн (тирүү адамдардын) саламын жеткире турган тирүү эмес. Андан да сенин атаң өзү Пайгамбарга ﷺ салам айтса, сага караганда жеткирүүгө кудуреттүү, ишеничтүү болгон периштелер бар.

Демек, бул нерсеге кажет жок. Сен өзүңдүн ордуңда туруп, жердин кайсы бурчунда болбосун
" السلام عليك أيها النبي"
"Ассаламу алейка аййуха-н-набий " деп айтсаң, ага эң тез, ишеничтүү жана эң сонун абалда жетет".
📚 (Мажмуъ аль-Фатава Ибну Усаймин, 23/416;417).

💡 Туурасын Аллах билүүчү!
________
ИСЛАМ: СУРОО-ЖООП
➤➤ https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤ https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

https://islamqa.info/ar/69807 ما حكم إرسال السلام للنبي صلى الله عليه وسلم مع الذاهبين للمدينة ؟ - الإسلام سؤال وجواب

✈ МАДИНА ШААРЫНА БАРГАНДАР АРКЫЛУУ ПАЙГАМБАРГА ﷺ САЛАМ АЙТТЫРЫП ЖИБЕРҮҮНҮН ӨКҮМҮ

🏷️СУРОО: 69807
Ажыга баргандар аркылуу Пайгамбарга ﷺ салам айтып жиберүүнүн өкүмү кандай?

❕ ЖООП:
Аллахка алкыш-мактоолор болсун!

БУЛ АМАЛ ШАРИАТТАН ЭМЕС!

Ошондой эле алгачкы эң жакшы муундун да амалы эмес болчу. Бул акылдуулардын да иши эмес. Анткени Пайгамбарга ﷺ ар бир адам кайсыл жерде болуусуна карабастан, салам айтса болот. Чындыгында, Аллах Таала, вазыйпасы саламдарды жеткирүү болгон периштелер аркылуу, бул саламды жеткизүүнү Өз кепилдигине алган. Кимде-ким Пайгамбарга ﷺ кайсыл жерден болсо да салам айтса, анын саламы анык жетет. Ал эми Пайгамбарга ﷺ бирөөнүн саламын жеткирип баруунун кепилдигине алган, Мадина шаарын зыярат кылган кимсенин саламы жетеби же жокбу, жана ал сиздин саламды эстейби же жокпу, белгисиз.

Абдуллах Ибну Мас'уд (Аллах андан ыраазы болсун) айтат: Пайгамбар ﷺ айтат:

{ إن لله ملائكة سياحين في الأرض يبلغوني من أمتي السلام }
"Чындыгында, жердин үстүндө саякат кылып жүргөн Аллахтын периштелери бар, алар мага үммөтүмдүн саламын жеткирет".

📚 (Ан-Наса'и, 1282; шейх Албани сахих деген).

Абу Хурайра (андан Аллах ыраазы болсун) айтат: Пайгамбар ﷺ айтты:

{ لا تجعلوا بيوتكم قبوراً ، ولا تجعلوا قبري عيداً ، وصلُّوا عليَّ فإن صلاتكم تبلغني حيث كنتم }

"Үйүңөрдү кабыр кылып албагыла, менин кабырымды майрамдай турган жер кылбагыла, мага салават айткыла! Чынында, кайсыл жерден болсо да салаватыңар мага жетет".

📚(Абу Дауд, 2042; шейх Албаний сахих деген).

Туруктуу фатва чыгаруучу комитеттин (Ляжнату ад-да'има) аалымдары айтты: "Бир адамдын башка адамдардан же өлүк адамдардан Пайгамбарга ﷺ салам алып келүүсү Шариаттан эмес. Балким, бул бидаъат амалы Пайгамбар ﷺ:

{ كل بدعة ضلالة ، وكل ضلالة في النار }

"Ар бир бидаъат - адашуу, ар бир адашуу - Тозок отунда",

- деп айткан.

Бизге милдет болгон нерсе - бул амалды таштап, бул амалды кылып жаткан адамга туура эмес экенин эскертүү. Аллахтын бизге берген пазилетинин бири - кайсыл жерде болуубузга карабай, чыгышта болобу, же батыштабы, Пайгамбарга ﷺ салам айтсак, жеткирет. Пайгамбар ﷺ айтты:
«Чындыгында, жердин үстүндө саякат кылып жүргөн Аллахтын периштелери бар, алар мага үммөтүмдүн саламдарын жеткиришет».
📚 (Ан-Насаи, Ахмад ж.б. риваят кылган).

Ошондой эле башка хадисте: Пайгамбар ﷺ айтты:

{ خير أيامكم يوم الجمعة ، فأكثروا عليَّ من الصلاة فيه ، فإن صلاتكم تبلغني حيث كنتم }

"Күн (чыгыштан) чыккан күндөрдүн эң жакшысы - Жума күнү. Ошол күнү мага салават айтууну көбөйткүлө. Чындыгында, салаватыңар кайсыл жерде болбогула, жетип келет".

Башка хадисте Пайгамбар ﷺ айтты:

"Үйүңөрдү кабыр кылып албагыла, менин кабырымды майрамдай турган жер кылбагыла, мага салават айткыла! Чынында, кайсыл жерден болбосун, салаватыңар албетте мага жетет".

Бул маанидеги хадистер аябай көп.

📚

(Шейх Абдулазиз Ибну Бааз, Абдулазиз аали шейх, шейх Абдуллах Ибну Гудайан, шейх Солих аль-Фаузан, шейх Бакр Абу Зейд (Туруктуу комитеттин фатуасы, 16/29,30).

Шейх Абдуррахман Насыр аль-Баррак (Аллах Өз коргоосуна алсын) - Имам Мухаммад Ибну ас-Сауд университетинде сабак берүү бөлүмүнүн мүчөсү айтат: "Мадинага сапар кылган адам аркылуу Пайгамбарга ﷺ салам айтып жиберүүдө эч кандай негиз жок. Алгачкы муундан болгон сахабалар, табииндер, илим ээлери мындай кылган эмес. Алардын биринен да мындай кылгандыгы бизге жетип келген эмес. Анткени Пайгамбарга ﷺ үммөтүнөн болгон салам жеткирилет. Төмөндө келген хадистей:
"Үйүңөрдү кабыр кылып албагыла, менин кабырымды майрамдай турган жер кылбагыла, мага салават айткыла! Чынында, кайсыл жерден болсо да салаватыңар мага жетет."
Башка вариантында "Чындыгында, силердин саламыңар кайсыл жерде болсо мага жетет".
📚 (Абу Дауд, 2042) деп келет. (Абу Я'ла 469)

📌 Ушуга карай, Пайгамбарга ﷺ салам жөнөтүү менен Аллахка жакындоо (таъабуд кылуу) - бидаат. Негизи эле өлүктөргө салам жөнөтүү Шариаттан эмес. Балким, ким зыярат кылса, ошол гана салам берет. Пайгамбар ﷺ Бакиъге (Мадинада жайгашкан мүрзө) барганда, салам айтып, анан аларга дуа кылат эле.

Ал Хорасандагы Наса шаарынан чыккандыктан, ан-Насаи деп аталып калган.

Ал 215-хижрий жылы жарык дүйнөгө келген. Имам Насаи өз доорундагы хадис илиминин эң алдыңкы аалымдарынын бири болгон. Анын илимдеги даражасы жана хадис риваят кылуучуларды сындоо жана баалоодогу тактыгы жогорку деңгээлде болгон.

Хадис илиминин аалымдары анын илимин жана ишенимдүүлүгүн жогору баалашкан. Имам аль-Хаким ан-Насаинин даражасы тууралуу мындай деп айткан:
“Абу Абдуррахман (ан-Насаи) өз доорунда хадис илиминде, риваят кылгандарды сындоо жана баалоо боюнча эң алдыңкы орунда турган.”

Имам Насаи такыбаалыгы жана ыймандуулугу менен таанылган. Ал эң мыкты орозо түрү болгон Дауд пайгамбардыкын (бир күн орозо кармап, бир күн кармабоо) туруктуу кармаган.

Ал өзүнүн жашоосунун бир бөлүгүн Мисрде өткөрүп, ошол жерде өзүнүн китептерин тараткан. Анын илиминен көптөгөн адамдар пайдаланышкан. Андан соң Дамаскка көчүп барган. Имам Насаи 303-хижрий жылы 13-Сафар күнү, 85 жашында дүйнөдөн кайткан.

Аллах Таала ага ырайым кылып, бейишти насип этсин.

6️⃣ ➖➖➖➖ ➖➖➖ ➖➖➖➖➖

Мухаммад ибн Язид ар-Рибъи аль-Кузайни, Абу Абдуллах. Анын атасы Язид Мажжа деп белгилүү болгон, ошондуктан ал Ибн Мажжа деген ат менен таанымал болгон. Ар-Рибъи деген ат анын Рибиа урууларына болгон байланышын билдирет. Ал белгилүү хадис таануучу жана “Ас-Сунан” деген хадис китебинин автору. Ал 209-жылы хижра боюнча Кузайн шаарында туулган.

Ибн Мажжа хадис жазуу үчүн Ирак, Басра, Куфа, Багдад, Мекке, Шам, Миср жана Рейге саякат кылган.

Ал саякатында үч китеп жазган:
1. Тафсир китеби;
2. Тарых китеби, анда ал сахабалардан баштап өзүнүн дооруна чейинки хадис жазган адамдардын тарыхын жазган,
3. Ас-Сунан деген хадис китеби.

Ибн Мажжа 273-жылы Рамазан айынын 22-күнү дүйшөмбү күнү 64 жашында кайтыш болгон.

Аллах Таала ага ырайым кылып, бейишти насип этсин.

Алты китептеги хадистердин өкүмү:
• Имам Бухари менен имам Муслимдин “Сахих” китептериндеги хадистерди үммөт кабыл алып, алардын ишенимдүүлүгүнө бир добуштан макул болушкан, бир нече гана хадистерден башкасы. Бул хадистерди алар алардын алсыздыгын түшүндүрүү үчүн келтиришкен, жана бул тууралуу «Сахихтерге» жазылган түшүндүрмөлөрдө, мисалы, Ибн Теймия (Аллах аны ырайымына алсын) айткан.
• Ал эми калган “Сунан” китептеринде болсо, алсыз хадистер кездешет. Бул хадистердин айрымдарына авторлор өздөрү токтолуп, эскертүү беришкен болсо, кээ бирлерине башка аалымдар түшүндүрмө беришкен. Хадистердин иснад менен берилгендиги үчүн аалымдар анын риваятчыларынын ишенимдүүлүгүн текшерип, күчтүү хадистерди алсыздарынан айырмалай алышат.

Бул жаатта өзгөчө белгилүү болгон аалымдар: Ахмад, ад-Даракутни, Яхья бин Маин, ибну Хажар, аз-Захаби, ал-Вакии, ас-Сахави, ошондой эле заманбап аалымдардан ал-Албани, Ахмад Шакир жана башкалар. Аллах бардыгына ырайым кылсын.

⚖️ Туурасын Аллах Таала билүүчү!
____________
ИСЛАМ: СУРОО-ЖООП
➤➤ https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤ https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

Атагы чыккан эмгектери:
Имам Муслимдин эң белгилүү китеби – “Сахих Муслим”. Бул хадис илиминдеги алты негизги китептин бири болуп саналат. Аны жазуу үчүн имам Муслим өмүрүнүн 15 жылын жумшаган. “Сахих Муслим” ишенимдүүлүк жана баалуулук жагынан “Сахих Бухариден” кийинки орунда турат. Бул китепти көптөгөн аалымдар түшүндүрүп, шарх жазышкан.

Башка эмгектери:
• “Китаб ат-Табакат”,
• “Китаб аль-Жами”,
• “Китаб аль-Асма”, жана башка көптөгөн басылмалар жана кол жазмалар.

Имам Муслим 261-хижрий жылы Нишапурга жакын жайгашкан Наср-Абад шаарчасында 57 жашында дүйнөдөн кайткан.

Аллах Таала ага ырайым кылсын жана эң жогорку даражаларды насип кылсын.

3️⃣➖➖➖➖
➖➖➖ ➖➖➖➖

Ал: Сулайман ибн аль-Ашъас ибн Шаддад ибн Амр ибн Исхак ибн Башир аль-Азди ас-Сижистани, Абу Дауд деген ысым менен белгилүү. Ал хадис илиминин улуу аалымы жана өз заманынын мыкты мухаддиси болгон. Анын эң белгилүү эмгеги – “Сунан Абу Дауд”, ал хадис илиминдеги алты негизги китептин бири болуп саналат.

Имам Абу Дауд 202-хижрий жылы туулган. Ал илим алуу үчүн Багдадга барып, имам Ахмад ибн Ханбалдан фикх жана хадис илимин үйрөнгөн. Имам Ахмадга жакын болуп, кээ бир мүнөздөрү менен ага окшош болгон. Андан соң, Хижаз, Ирак, Хорасан, Шам, Миср жана башка аймактарды кыдырып, хадистерди жыйнаган. Анын хадистерин имам ан-Насаи, Тирмизи жана башка аалымдар риваят кылган. Абу Дауд өзүнүн “Сунан” китебине 5300гө жакын хадис жыйнаган. Бул китеп хадис илиминде өтө баалуу эмгек болуп саналат.

Имам Абу Дауддан аббасиддердин башкаруучусу Абу Ахмад Талха (ал-Мууафак) үч нерсени өтүнгөн:
1. Басра шаарына көчүп барып, аны илим борборуна айландыруу үчүн ошол жерде жашоо.
2. Анын уулдарына хадистерди үйрөтүү.
3. Балдарына жалпы элден бөлүнгөн өзүнчө сабак өткөрүү.

Абу Дауд буларга мындай жооп берген:
• Биринчи жана экинчи өтүнүчтөрдү кабыл алган да,
• Үчүнчүсүнөн баш тарткан, анткени илимде адамдардын баары тең, бөлүнүүгө жол жок деп эсептеген. Мунун натыйжасында халифтин уулдары да жалпы эл менен бирге сабакка катышкан.

Имам Абу Дауд өмүрүнүн акыркы жылдарын Басрада өткөргөн жана ошол жерде 275-хижрий жылы 73 жашында каза болгон.

Аллах Таала ага ырайым кылсын жана Жаннаттагы эң жогорку даражаларды насип кылсын.

4️⃣ ➖➖➖➖ ➖➖➖➖➖➖➖

Ал: Мухаммад ибн Иса ибн Сура ибн Муса ибн аз-Заххак ас-Суллами ат-Тирмизи, Абу Иса деген ысым менен белгилүү. Ал Мавераннахр аймагындагы (азыркы Өзбекстандын аймагындагы) Тирмиз шаарынан чыккан. Ат-Тирмизи хадис илиминин улуу аалымы жана хадистерди сактап, тараткан имамдардын бири болгон.

Имам Тирмизи 209-хижрий жылы төрөлгөн. Алгачкы илимди өзүнүн жеринде алып, андан соң ал кездеги улуу аалымдардын бири болгон имам Бухариден таалим алган. Экөө кээ бир устаттардан биргелешип сабак алышкан. Ал илим издеп Хорасан, Ирак жана Хижаз сыяктуу көптөгөн аймактарды кыдырган. Имам Тирмизи өзүнүн хадистерди сактап калуу жөндөмү, ишенимдүүлүгү жана терең илими менен таанымал болгон. Анын устаттарынын арасында имам Ахмад ибн Ханбал жана Абу Дауд ас-Сижистани сыяктуу улуу аалымдар болгон.

Ат-Тирмизинин эң белгилүү эмгеги – “Аль-Жами”, ал хадис илиминдеги алты негизги китептин бири болуп эсептелет. Бул китепте ал хадистерди алардын чын-төгүнүн тактап, ар бир хадиске байланыштуу кээ бир маселелерди да түшүндүргөн. Тагыраак айтканда, ал хадистин иснадын, аны риваят кылган сахабаларды, хадистин сахих даражасын жана ал боюнча фикх аалымдарынын көз караштарын кошо берген.

Имам Тирмизи дагы башка көптөгөн эмгектерди жазган, алардын катарына:
• “Аш-Шамаил ан-Набавийя” (Пайгамбарыбыздын ﷺ мүнөздөмөлөрү),
• “Аль-Илаль” (Хадистердин кемчиликтери тууралуу китеп).

Илим издеп көптөгөн аймактарды кыдырып, хадистерди тактоо жана жыйноо менен алектенгенден кийин, өмүрүнүн акыркы жылдарында көзү көрүүсүнөн ажыраган. Ошондой болсо да, илим изилдөө жана сабак берүү иштерин уланткан. Имам Тирмизи 279-хижрий жылы 70 жашында дүйнөдөн кайткан.

Аллах Таала ага ырайым кылсын жана Жаннаттагы эң жогорку даражаларды насип кылсын.

5️⃣ ➖➖➖➖ ➖➖➖➖➖

Ахмад ибн Шуайб ибн Али ибн Синан ибн Бахр ибн Динар ан-Насаи, Абу Абдурахман деген ысым менен белгилүү.

https://islamqa.info/ar/21523

📜 “КУТУБУ АС-СИТТА” (Эң ишенимдүү алты китеп) КИТЕПТЕРИНИН ТҮЗҮҮЧҮЛӨРҮ

❓ СУРОО: 21523
“Алты эң ишенимдүү хадис жыйнактарынын” түзүүчүлөрү жөнүндө айтып бересизби жана алардын китептеринде алсыз хадистер барбы?

📎 КЫСКАЧА ЖООП:

Алты китеп ээлери:
1. Имам Бухари
2. Имам Муслим
3. Имам Абу Дауд
4. Имам Тирмизи
5. Имам Насаи
6. Имам Ибн Мажжа.

Имам Бухари менен имам Муслимдин “Сахих” китептериндеги хадистерди үммөт кабыл алып, алардын ишенимдүүлүгүнө бир добуштан макул болушкан, бир нече гана хадистерден башкасы. Бул хадистерди алар алардын алсыздыгын түшүндүрүү үчүн келтиришкен, жана бул тууралуу «Сахихтерге» жазылган түшүндүрмөлөрдө, мисалы, Ибн Теймия (Аллах аны ырайымына алсын) айткан.
Ал эми калган “Сунан” китептеринде болсо, алсыз хадистер кездешет. Бул хадистердин айрымдарына авторлор өздөрү токтолуп, эскертүү беришкен болсо, кээ бирлерине башка аалымдар түшүндүрмө беришкен. Хадистердин иснад менен берилгендиги үчүн аалымдар анын риваятчыларынын ишенимдүүлүгүн текшерип, күчтүү хадистерди алсыздарынан айырмалай алышат.

🪶 ЖООП:
Аллахка алкыш-мактоолор болсун!

Алты китеп ээлери кимдер?

1. Имам Бухари
2. Имам Муслим
3. Имам Абу Дауд
4. Имам Тирмизи
5. Имам Насаи
6. Имам Ибн Мажжа.

1️⃣➖➖➖➖ ➖➖➖➖➖➖

Ал: Абу Абдуллах Мухаммад ибн Исмаил ибн Ибрахим ибн аль-Мугира ибн Бардизбах ал-Жуфи аль-Бухари. Анын чоң атасы Мугира Бухаранын башкаруучусу Йаман ал-Жуфинин азат кылынган кулу болгон. Исламды кабыл алгандан кийин, ал Жуфи уруусуна таандык болуп калган.

Имам Бухари хижранын 194-жылы Бухарада туулган. Ал кичине кезинде жетим калып, 10 жашка толо электе хадистерди жаттай баштаган. Жашы жетилгенде илим издеп саякатка чыккан. Алгач Меккеге барып ажылык парзын аткарган жана ошол жакта бир нече убакыт калып, фикх, усул жана хадис илимдерин ошол доордогу алдыңкы аалымдардан үйрөнгөн.

Андан кийин 16 жыл бою Ислам өлкөлөрүн кыдырып, илимдин борборлоруна барып, хадистерди топтогон. Бул мезгил аралыгында ал 600 миңден ашуун хадисти чогултуп, 1000ден ашык мухаддис менен жолугушуп, алардын хадистерин изилдеп, талкуулап чыккан.

Имам Бухари хадис риваят кылгандардын арасында чынчылдык, такыбалык жана туура ишенимди кармангандыгы менен белгилүү болгон адамдардан гана хадистерди чогулткан. Бул чогулган хадистердин чоң көлөмүнөн ал “Сахих” деп аталган китебине эң ишенимдүү хадистерди кылдаттык менен тандап киргизген.

Имам Бухари хадистердин тууралыгын аныктоо үчүн эң так илимий ыкмаларды колдонгон: ар бир хадисти иликтөө, аныктоо, риваятчылардын ишенимдүүлүгүн текшерүү жана туура эмес хадистерди четке кагуу менен өзүнүн китебине “сахих хадистерди” гана киргизген.

Ал өзүнүн бул эмгегин: «Аль-Жами ас-Сахих аль-Муснад мин хадиси Расулиллахи ﷺ ва сунанихи ва аййямихи».(“Аллахтын элчисинин ﷺ хадистери, анын сүннөттөрү жана өмүр таржымалы боюнча сахих тастыкталган жыйнак” деп атаган).

Бухаранын башчысы имам Бухарини өз үйүнө чакырып, балдарына сабак берип, хадистерди окутуп берүүсүн каалаган. Бирок имам Бухари муну кабыл алган эмес жана ага мындай деп жооп берген: “Илимди өз үйүндө үйрөтүшөт.” Башкача айтканда,

📒ИЛИМ АДАМГА БАРБАЙТ, АДАМ ИЛИМГЕ БАРАТ📕

Ким аалымдардан илим алгысы келсе, аларга мечитке же алардын үйүнө барышы керек деген ойду карманган.

Бул жооп башкаруучунун кыжырын келтирип, ал имам Бухарини Бухарадан чыгарып жиберүүнү буйрук кылган. Ошентип, имам Бухари Самаркандга жакын жайгашкан Хартанг айылына көчүп барып, ошол жактагы туугандарынын жанында жашаган. Ал ошол жерде жашап, хижранын 256-жылы 62 жашында каза болгон.

Аллах Таала имам Бухариге ырайым кылып, бейиште эң жогорку даражаларды насип кылсын.

2️⃣ ➖➖➖➖ ➖➖➖➖➖➖

Ал: Муслим ибн Хажжаж ибн Муслим аль-Кушайри ан-Найсабури, Абу Хусейн деген ысым менен таанылган. Хадис илимине өзгөчө салым кошкон улуу аалымдардын бири. Ал 204-хижрий жылы Нишапурда, имам Шафиинин көз жумган күнү төрөлгөн. Алгачкы илимди туулуп-өскөн жеринде алган соң, жашы жетилгенде хадис издеп Ирак, Хижаз жана башка аймактарга саякат кылган. Ал көптөгөн аалымдардан хадистерди уккан жана анын хадистерин дагы көптөгөн мухаддистер риваят кылган.

https://islamqa.info/ar/316 تحريم سفر المرأة بغير محرم وشروط المحرم - الإسلام سؤال وجواب

✈️ АЯЛДЫН МАХРАМСЫЗ САПАР КЫЛУУСУ АРАМ. МАХРАМДЫН ШАРТТАРЫ

🧡 СУРОО: 316
Энем ин шаа Аллах умра кылып келүүнү ниет кылып жатат. Күйөөсү жана ага-инилери ал менен барууга кадыр эмес. Авасынын баласы, ал күйөөсүнүн иниси (кайниси), ошол эле учурда ал эжесинин күйөөсү (жездеси), аялы менен ажылык кылат экен. Энем ошол экөө менен умрага сапар кылуусу болобу?

❤️ ЖООП:
Аллахка алкыш-мактоолор болсун!

Ислам дини аялдарды коргоп, алар сапар кылганда аларды жаман ойлуу, кара ниет адамдардан сактоо, коргоо үчүн жана азаптын бир бөлүгү болгон сапарда алсыз болгон аялга жардам берүү үчүн, махрамы (ага үйлөнүүсү арам болгон эркектер) болуусун милдеттендирди (важиб кылды). Аял кишиге махрамсыз сапар кылуу дурус эмес. Ибну Аббастан келген Пайгамбар ﷺ дын хадисинин негизинде:  

{ لا تُسَافِرَنَّ امْرَأَةٌ إِلا وَمَعَهَا مَحْرَمٌ فَقَامَ رَجُلٌ فَقَالَ يَا رَسُولَ اللَّهِ اكْتُتِبْتُ فِي غَزْوَةِ كَذَا وَكَذَا وَخَرَجَتِ امْرَأَتِي حَاجَّةً قَالَ اذْهَبْ فَحُجَّ مَعَ امْرَأَتِكَ }  
"Аял киши махрамсыз сапар кылбасын! Бир киши турду да: "Оо Аллахтын элчиси, баланча деген казатка жазылып койдум эле, аялым ажыга чыгып жатат", - деди эле, Пайгамбар ﷺ: "Баргын да, жубайың менен ажылык кыл!", - деди".

❤️ (Сахих аль-Бухари, 3006).

Махрам болуусу важиб экенине далил болгон жери, Пайгамбар ﷺ ал кишиге жазылып калуусуна карабастан, казатты (Аллах жолундагы согуш) таштоону буйруду. Ал эми ал аялдын сапары эс алуу үчүн эмес, саякаттоо да эмес, балким, ибадат (Аллахка жакындык) болуусуна карабастан, күйөөсүн ал менен бирге сапар кылууга буйруду.

Аалымдар махрамга беш шартты талап кылган. Алар:
❤️1. Эркек болуу
❤️2. Мусулман болуу
❤️3. Балагатка жетүү
❤️4. Акыл-эстүү болуу
❤️5. Түбөлүктүү махрам болуу, мисалы, атасы, акеси, авасы, тайкеси, күйөөсү, кайнатасы, апасынын күйөөсү (өгөй ата), эмчектеш ага-инилери, ж.б.
Бул убактылуу никеси арам болгондордун каршысында. Мисалы: эжесинин күйөөсү, таежесинин жана апежесинин күйөөсү сыяктуу.

Ушуга карай, күйөөсүнүн агасы жана авасынын балдары же тайкесинин балдары махрам болуп эсептелбейт. Ал аял алар менен сапар кылуусу дурус эмес.

❤️ Туурасын Аллах билүүчү!
____________
ИСЛАМ: СУРОО-ЖООП
➤➤https://chat.whatsapp.com/CzmVof5gWcT8OMTehFEYrD
➤➤https://t.me/Islam_SurooJoop
➤➤https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

https://islamqa.info/ar/4523 سفر المرأة بغير محرم - الإسلام سؤال وجواب

🏠 АЯЛ КИШИНИН МАХРАМСЫЗ САПАРГА ЧЫГУУСУ

❔ СУРОО: 4523
Аял кишинин бир күн жана бир түндүк сапарга махрамсыз чыгуусу арам экенин билем. Аял кишини махрам эркек аэропортко алып барып салып койсо жана конгон тарапта башка махрамы тосуп алса болобу? Анын сапары 10 саатка созулат.

✔️ ЖООП:
Аллахка алкыш-мактоолор болсун!

Аял кишиге махрамсыз сапар кылуу Пайгамбар ﷺдын ушул сөзүнүн негизинде дурус эмес:

{ لا يحل لامرأة تؤمن بالله واليوم الآخر أن تسافر إلا مع ذي محرم }
«Аллахка жана Акырет күнүнө ыйман келтирген аялга сапарга махрамсыз чыгуусу адал болбойт».

Анткени жанында махрам болуусунун максаты - аны сактоо, коргоо, анын иштерин бүтүрүү. Айрыкча, сапарда мөөнөтү канча болуусуна карабастан, зарыл нерселер болуп калуу ыктымалы жогору. Эми, адамдар сапар деп эсептеген жер - сапар болот. Ошол учурда сапардын өкүмдөрү жүрө берет.

📚 Махрамдар жөнүндө кошумча маалыматты (5538) суроодон окуп алсаңыз болот.
____________
ИСЛАМ: СУРОО-ЖООП
➤➤https://chat.whatsapp.com/CzmVof5gWcT8OMTehFEYrD
➤➤https://t.me/Islam_SurooJoop
➤➤https://www.instagram.com/islam_suroo_joop/profilecard/?igsh=MWVtYWpvcW0xcHAybQ==
➤➤https://www.facebook.com/islamsuroojoop.islamsuroojoop

https://islamqa.info/ar/136921 شراء الشقق بالتقسيط قبل البناء - الإسلام سؤال وجواب

🪶ҮЙДҮ КУРУЛУУДАН МУРДА БӨЛҮП ТӨЛӨӨГӨ (РАССРОЧКАГА) САТЫП АЛУУ

❔ СУРОО: 136921
Эч кандай ортомчусу жок кыймылсыз мүлктүн өзүнүн ээсинен бөлүп төлөөгө (рассрочка) батир сатып алуунун өкүмү кандай? Ал кыймылсыз мүлк башталуу стадиясында туруп, тапшыруу убактысы эки же үч жылдан кийин.

↖️ ЖООП:
Аллахка алкыш-мактоолор болсун!

Жер там болобу, же батир болобу, курулуудан мурда, эгер сыпааты анык сыпатталса, сатып алуу дурус. Баарын бир төлөйбү же бөлүп төлөйбү, айырмасы жок. Бул "Истиснаъ" келишиминин бир түрү. Ислам конференциясынын организациясына ээрчиген Ислам фикхи Советинин номер 56 (1/6)
“Кыймылсыз мүлктү курулуусу жана үй сатып алуусу үчүн каржылоо” чечиминде: «Бул жакта турак-жайды менчикке өткөрүүдө Шариат уруксат берген жолдор бар, алар арам болгон жолдорсуз эле бүтөт. Алардан:

д) Турак-жайды "истиснаъ" келишими менен менчикке өткөрүү - зарыл болгон негизде - ушул аркылуу талаш-тартышка алып баруунун алдын алган аныксыздыкты кетирген, так, анык сыпат менен сыпатталуусу жана бардык баасын эртелетип дароо төлөөнү милдеттендирбөө, балким, тетириси, келишим менен, бөлүп төлөөгө кечиктирүү негизинде, турак-жайды курулуудан мурда сатып алуу орун алат. "Салам" соодасынан айырмалаган, факых аалымдарынын көз карашында, "Истиснаъ" келишими үчүн, шарттар жана абалдарды эске алуу керек.
Ушул чечимдин аягында "Истиснаънын" шарттарын баяндап берди. Төмөндө ошол шарттардын тексти:

Сауд Аравия падышачылыгындагы Джидда шаарында өткөрүлгөн Ислам фикхинин Совети уюштурган жетинчи конференциясындагы отурумда 7-12-Зуль-Каъда 1412-хижрий жылы, григорян эсеби менен 9-14-Май 1992-жыл "Истиснаъ" келишими боюнча Советке келип түшкөн изилдөөнү текшерип бүткөндөн кийин, жана ошол теманын алкагында болгон өз ара талкууну уккандан кийин, пенделердин пайдасы үчүн Шарият максаттарын жана келишимдеги, сарптоодогу фикх эрежелерин эске алуу менен, жана "Истиснаъ" келишими курулушту активдештирүүдөгү ролу чоң экенин карап жана Ислам экономикасы өнүгүп, акчалай камсыздоо үчүн кенен болгон тармактарды ачуу үчүн төмөнкү чечимге келишти.

1️⃣Биринчи:
Чындыгында, "Исьиснаъ келишими - бул амалды жана ошол жасай турган нерсени мойнуна алуу келишими - эгер рүкүндөрү жана шарттары орун алса, эки тарап тең милдеттендирилет.
2️⃣Экинчи:
"Истиснаъ" келишиминде ушул нерсе шарт кылынат:
а) талап кылынып жасала турган нерсенин түрү, өлчөмү, сыпаты баяндалуу;
б) кайсы убакытка даяр болот экенине чек коюп коюу.
3️⃣Үчүнчү:
"Истиснаъ" келишиминде баасын баарын кийин төлөсө болот, же белгилүү убакытка бөлүп төлөсө болот.
4️⃣Төртүнчү:
"Истиснаъ" келишиминде эки тараптын келишүүсү менен, форс мажор абалы эле болуп калбаса, штраф шартын киргизсе болот.
Туурасын Аллах билүүчү!
📚 [Ислам советинин журналынан (2-том 223- бет].

✔️ Жыйынтык:
Курулуудан мурда бөлүп төлөөгө батир сатып алсаңыз болот. Шарты: билимсиздикти кетире турган деңгээлде сыпаттап берүү зарыл. Жана качан колго тапшырылат экенин айтуу керек.

📢 Туурасын Аллах билүүчү!
____
ИСЛАМ: СУРОО-ЖООП
➤➤ https://chat.whatsapp.com/Eep1mS7JNIrFPuP2ztua3u
➤➤https://t.me/Islam_SurooJoop
➤➤https://www.instagram.com/invites/contact/?i=1bi7415d1h6u2&utm_content=kmxuio7
➤➤https://www.facebook.com/islamsuroojoop.islamsuroojoop