OSHO

Оң рулдуу автоунааларды такси кызматына пайдаланууга тыюу салууну сунуштаган мыйзам долбоору ЖКда биринчи окуудан өттү.


Аталган мыйзам долбоорун ИИМ сунуштоодо. Министрлик оң рулдуу унаалар жолдогу автокырсыктын көп болушун шарттап жатат, деп эсептейт.

Депутат Дастан Бекешов оң рулдуу автокөлүктөр менен такси кызматына чыккан айдоочулар бардар жашоодо жашабастыгын айтып, мындай мыйзам менен алардын каражат таап үй-бүлөсүн багууга чек коюлуп каларына министрликтин көңүлүн бургусу келерин айтты.

Эскерте кетсек, Улуттук статистика комитети билдирген маалыматка ылайык, 2024-жылы 910 оң рулдуу автоунаа катышкан жол кырсыгы катталып, 56 адам каза болуп, 1420 киши жаракат алган.

Кыргызстанда 180 миңден ашык оң рулдуу автоунаа катталган.




@osho Билип жаша!

УКМК төрагасы ага коркутуулар камтылган флешка менен кат келгенин билдирди

Атайын кызматтын төрагасы мындай коркутууну өзү уюшкан кылмыштуу топтор менен күрөштү баштаганы менен байланыштырууда.

Келип түшкөн катта төмөнкүлөр камтылган.

1) каттын автору Кыргызстанда 45 күн иликтөө кылып, өлкөнүн күч түзүмдөрүнүн жетекчилери жана алардын үй-бүлө мүчөлөрү тууралуу маалымат чогултканын жазган.

2) Митинг болот деп белгиленген күнү (кайсы күн экени так жазылган эмес) күч түзүмдөрү элге каршы чыкпашы керектиги жазылган.

3) Кыргызстанда мамлекеттик төңкөрүш жасаш үчүн улуттар аралык жаңжал чыгаруу жазылган.

4) Кат жазган киши жакшы гонорар алганын, үстүндөгү уюштуруучулар 6оо экеинин, алар менен кошо 65 атайын даярдыктагы кишилер келгенин, алардын баары учуучу, сойлоочу, атуучу түрдүү куралдар менен жабдылганын билдирген.

5) Ал бул төңкөрүштү жасоого акча абдан көп төлөнгөнүн жана жергиликтүү адамдар да тартылганын кошумчалаган.

6) Ал Ташиев өмүр бою жакындарынын жабыркаганын көрүп сыздап өтүүсү үчүн, өзүнө эмес, жакындарына кол салуу пландалганын да жазган.

7) Кат автору Кыргызстанда өнүгүү болуп жатканын көрүп жана элдин Ташиев тууралуу оң пикирде экенин баалап өз оюнан баш тартканын жазган.

8) Ал Ташиевге бир өтүнүч келтирген. ЖКнын мурдагы депутаты Чыныбай Турсунбековдун жубайына, экс депутаттын мамлекетке өткөн байлыктарынын 10% кайтарып берип коюшун өтүнгөн.

9) Киллер бул өтүнүчү аткарылса миллиондогон башка каражаттар катылып жаткан эсептерди, адамдардын аты-жөндөрү жазылган документтерди Ташиевге берерин, эгер аткарылбаса кан төгөрүн айткан.

Камчыбек Ташиев журналисттер үчүн уюштурулган бирифингде бул каты ал иш сапардан келсе столунда пайда болуп калганын айтып, алгач президентке көрсөткөнүн, эми журналисттерге көрсөтүп жатканын билдирди.

Ошондой эле, өлкөнүн башкы чекисти катты ким таштап кеткенин табуу кыйынчылыкка турбастыгын кошумчалады.






@kgosho Билип жаша!

“ Президентке карата даярдалган 2-кол салуунун, мага карата 5-6 кол салуунун алдын алдык”. Мындай билдирүүнү К. Ташиев жасады


Атайын кызматтын төрагасы Камчыбек Ташиев, президент Садыр Жапаровго 2, өзүнө карата 5-6- кол салуу аракетин токтотуп калышканын айтты.

“Мага каршы 5-6 аракет даярдалган. Атүгүл мен өтө турган жолду жардырууга камданышкан. Күч органдары менен милициянын кыраакылыгы алардын планын ишке ашырууга мүмкүндүк берген жок”

, - деди ал.


Анын айтымында, мындай аракеттер уланууда. Аларды аткаруучуларга ири каражаттар бөлүнүүдө.


@kgosho Билип жаша!

УКМК экс депутат Эмил Жамгырчиев менен активист Тилекмат Куреновдун жолугушуусу боюнча үн катты

“Жогорку Кеңештин экс депутаты Эмил Жамгырчиев активист Тилекмат Куренов менен жолугушуу максатында Бириккен Араб Эмираттарына барган факты боюнча УКМКга суракка чакырылды”,- деп айтылат маалыматта.

Атайын кызмат экс депутатты мындан ары жоопкерчиликке тартарын, учурда тергөө иштери жүрүп жатканын белгилеген.

Эске салсак, кечээ активист Болот Темиров, Куреновдун паспортун БАЭде Жамгырчиев уурдап кеткени боюнча жазып чыккан эле.


@kgosho Билип жаша!

"Сиз уулуңуз Таймурасиктин өкүл атасы К.Конгантиевди абдан жакшы көрөрүңүздү түшүнөм" "КСДП" партиясынын төрагасы Темирлан Султанбеков абактан УКМК төрагасы Камчыбек Ташиевге кайрылуу жасады



Темирлан социалдык тармактарга жарыялаган өз кайрылуусунда Бишкек шаардык ички иштер башкы башкармалыгында бардык тергөөчүлөр, оперативдүү кызматкерлер КСДП партиясы тарабынан эч кандай добуш сатып алуу болбогонун, бирок атайын кызматтын төрагасынын тапшырмасы менен иш алып барууга аргасыз болуп жатышканын айтканын жазган.

"Далил катары мага УКМКнын 8-ноябрдагы тергөө буйругун көрсөтүштү",

-деген ал.


Ошондой эле Султанбеков Камчыбек Ташиевди калыс лидер болууга чакырган.

"Сиз бүгүн өлкөбүздөгү лидерлердин бирисиз. Баарына бирдей мамиле кылышыңыз керек. Сиз Таймурасикти жана анын өкүл-атасы К.Конгантиевди (Кубанычбек Конгантиев - Бишкек шаардык кеңешине эң көп мандат менен келе жаткан "Жаңы күч" партиясынын төрагасы) абдан жакшы көрөрүңүздү түшүнөм. Бирок сиз мени жана башка миллиондогон балдарды өз уулуңуздай көрүшүңүз керек. Сиз адилеттүү лидер болушуңуз керек"

, - деген ал.


Султанбеков, Конгантиевдин буга чейин бир топ партияларда мүчө болгонун, соңунда келип "Ата - Журт" партиясына кошулганын, кримтөбөл аталып жок кылынган Камчы Көлбаевден да 3 бөлмөлүү батир алганын кошумчалап, өзүн жана Конгантиевди калп аныктоочу детектордон өткөрүүнү сунуштаган.


Эске салсак, "Добуштарды сатып алуу" беренеси менен иш козголгон Темирлан Султанбеков Бишкек шаарынын Свердлов районунун соттук чечими менен 2 айга абакта калтырылган. Ал эми 14-ноябрда КСДП партиясы жергиликтүү кеңештер шайлоосунан четтетилген. Учурда Султанбеков менен кошо партиянын штаб башчысы Ирина Карамушкина, партия мүчөсү Роза Турксевер да абакта отурушат. Алар 13-январга чейин абакта болушат.


Темирландын бул коомчулукка жарыялап жаткан биринчи кайрылуусу эмес. Ал абактан күн сайын социалдык тармак колдонуучуларына кат жолдоодо.




@kgosho Билип жаша!

Президент Садыр Жапаров окуучунун апасы мугалимди тилдеген окуяга коментарий берди

Мамлекет башчысы жакында эле болуп өткөн кейиштүү окуяга - бир окуучунун апасы мектеп мугалимин „баламды урушасың“ деп тилдегенине капа болгонун айтты.

" 45 мүнөттүк сабак учурун ата-эне түгүл, ошол мектептин директору эле эмес, керек болсо министр дагы барып токтотууга укугу жок . Ал эми бул жосунсуз жорукта 45 мүнөт сабак токтогону аз келгенсип, „мугалим“ деген улук аттын кадыр-баркы тебеленип, ошол жерде мугалим болсом деген канча окуучунун ой-кыялы талкаланды",

- деди ал.


Садыр Жапаров мындай түркөйлүккө мектепте да, бала-бакчада да, керек болсо коомчулуктун кайсыл жеринде болбосун жол берилбеши керектигине токтолду. "Мугалим менен тарбиячыны ушундай салтанаттуу иш-чараларда эле эмес, иш жүзүндө коргоп, колдоп, көтөрүп алышыбыз маанилүү", - деди өлкө башчысы.

Ал мындай пикирин бүгүн, 20-ноябрда, мектепке чейинки жана жалпы билим берүү уюмдарынын педагогикалык кызматкерлери үчүн ар жылдык республикалык конкурстун жыйынтыгы менен сыйлыктарды тапшыруу иш-чарасында билдирди.




@kgosho Билип жаша!

Өлкөдө сапаттуу жолдор болушун каалайсызбы? Анда ар бир литр күйүүчү майга 1 сом кошуп төлөңүз. ЖК бүгүн ушундай мыйзам кабыл алды


Бүгүн парламент “Жол фонду жөнүндө” мыйзам долбоорун 2-3- окуулардан өткөрдү. Ага ылайык эми айдоочулар ар бир сатып алган күйүүчү майдын литрине 1 сомдон мамлекетке кошумча каражат төлөйт.

Чогулган каражат Жол фондуна түшөт. Фонддун 2023-жылдагы бюджети 4,5 млрд сом болсо, 2025-жылы 5 млрд-га жетери, ал эми аталган мыйза ишке кирген соң, бул сумма жылына 7 млрд-га көбөйөрү айтылат.

Ошондой эле министрлик утилизациянын 2 түрүнө да жыйым киргизүүнү пландап жатат. 1) эски дөңгөлөктөрдү кайра иштетүү үчүн жыйымдар;
2) автоунаанын бузулган тетиктерин жана колдонулган майларды жок кылуу;


Жыйымдардын бул түрлөрү өндүрүүчүлөр жана импорттоочулар тарабынан төлөнөт. Төлөө тартиби Кабмин тарабынан аныкталат.


Белгилей кетсек, учурда Жол фонду күйүүчү-майлоочу майларга акциздик салыктын 50 пайызынан, жол жана транспортко байланыштуу жыйымдар жана айып пулдар, республикалык бюджеттен бөлүнгөн каражаттар менен толукталууда.


Сиз салыктын бул түрүнө макулсузбу?


@kgosho Билип жаша!

Бүгүн, Бишкекте Дөлөн Өмүрзаков атындагы стадионунда Кыргызстан - Иран футболдук курама командалары беттешет.


Оюн саат 20:00до башталат. Учурда шоу-программасы башталуу алдында турат. Беттеш 2026-жылкы дүйнө чемпионатынын квалификациялык үчүнчү раундунун алкагында жүрүүдө. Ак шумкарларды колдойлу!



@osho Билип жаша!

Президент ЖК депутаттарына кызматтык автоунааны кайтарып берүүнү колдогон жок

Бүгүн Жогорку Кеңештин Конституциялык мыйзамдар, мамлекеттик түзүлүш жана сот-укуктук маселелер комитетинде "Жогорку Кеңештин депутатынын статусу жөнүндө" мыйзамына өзгөртүүлөрдү киргизүүнү карашты.

Анда эл өкүлдөрүнө кызматтык автоунааларды кайтарып берүү маселеси көьтөрүлгөн болчу. Буга чейин мыйзамга өзгөртүү киргизүүнү кайра карап чыгуу үчүн президент артка кайтарган болчу. Бирок алар бир чечимге келе алышкан эмес.

Финансы министринин орун басары Жибек Дүйшеева аталган мыйзамды аткаруу үчүн кошумча автомашиналарды сатып алып, айдоочуларды жумушка алуу талап кылынарын, 2025-2026-жылдын бюджетинде буга акча каралбаганын айтты.

Министрдин орун басары Конституциялык башка мыйзамга ылайык мамлекеттен каржылануучу иштер боюнча кабмин каржы булагын тапкан соң гана мыйзам ЖКда караларын белгиледи.

Эске салсак 2021-жылы кабыл алынган мыйзамга ылайык ЖК депутаттарын каржылоо кыскарган. Мамказынаны үнөмдүү пайдалануу максатында админстративдик имараттарга ремонт иштерин жасоого, кызматтык автоунааларды сатып алууга тыюу салынып, министрлердин орун басарлары кыскартылган.




@osho Билип жаша!

“Манас” аэропортунун FRU коду BSH болуп өзгөрүшү мүмкүн


“Манас” эл аралык аэропорту учурда колдонулган FRU кодун алмаштырууга аракет кылып жатканын бүгүн парламентте Жарандык авиация мамлекеттик агенттигинин директорунун орун басары Данияр Бостонов билдирди.

Анын айтымында кодду өзгөртүү процедурасы 1 жылга созулат.

Ал Кыргызстанга учуу жасаган бардык авиакомпаниялардан уруксат алынганын айтты. Ошондой эле аба кемелеринин кодун өзгөртүүгө уруксат берген эл аралык ассоциацияга (IATA) да сурам жиберилген.

Бостонов код кандай болуп өзгөрөрүн айткан жок. Бирок, буга чейин BHS деп өзгөртүү сунушталган.




@kgosho Билип жаша!

Базарлар өрт коопсуздугун сактабаса 1 млн сомго чейин айып салуу сунушталды

Бүгүн, Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында Өзгөчө кырдаалдар министрлигинин башчысынын орун басары Урматбек Шамырканов эл көп топтолгон жерлерде өрт коопсуздугунун талаптарын күчөтүүнү караган мыйзам долбоору сунушталып жатканын билдирди.

Тиешелүү мыйзам долбоорунда ширетүү, битум, электр жана башка өрт коркунучу бар жумуштарда коопсуздук эрежелерин бузгандыгы үчүн айыппулдар каралган. Ага ылайык, соода, оюн-зоок жана коомдук жайларда эреже бузгандар 200 миң сом айыпка жыгылат.

Айыптын өлчөмү соода түйүндөрүнүн санына жана объектилердин сыйымдуулугуна жараша 500 миң сомдон, 1 млн сомо чейин жетиши мүмкүн.

Министрдин орун басары соодагерлердин саны 3000ден ашкан "Дордой" жана "Кара-Суу" сыяктуу ири базарларга жогорудагы эрежелерди бузган учурда 1 млн сом айып салуу керектигин айтты.

Ал эми “Орто-Сай”, “Ош базарлары”, “Аламүдүн”, “Ак-Суу”, “Азия” базарлары, “Береке Гранд”, “Береке”, “Табылга”, “Беш-Сары” сыяктуу сатуучулардын саны 1000 ден жогору болгон жайларда өрт коопсуздугу сакталбаган учурда 500 миң сом айып салуу сунушталат.





@kgosho Билип жаша!

Депутаттар мектептерде акча чогултууга тыюу салган мыйзамды кабыл алышты. Эми мындай аракеттерге айып пул каралат


Бүгүн Жогорку Кеңештин Социалдык саясат боюнча комитетинде депутаттар мектептерде мыйзамсыз акча чогултуу үчүн айып пул салуу боюнча мыйзам долбоорун жактырышты.

Комитет “Билим берүү жөнүндө” мыйзамга жана Жоруктар жөнүндө кодекске өзгөртүүлөрдү экинчи жана үчүнчү окууда кабыл алды. Документте билим берүү мекемелеринде акчалай жыйымдарга тыюу салуу сунушталууда.

Демилгечи Миргүл Темирбаева мыйзамда ата-энелердин өз ыктыяры менен мектепке демөөрчүлүк жардам көрсөтүүсүнө тыюу салынбай турганын айтты. Эл өкүлү мыйзамда кеп окуучулардан акча чогултуп, фонддорду түзгөн билим берүү жайлары тууралуу жүрүп жатканын кошумчалады.




Миргүл Темирбаева мектептерде мыйзамсыз акча чогултуу үчүн 20 миң сом айып салууну сунуштоодо. Ошондой эле, фонддорду түзүү үчүн жеке жактарга 40 миң сом, юридикалык жактарга 60 миң сом айып салуу каралган.





@kgosho Билип жаша!

Экономика министрлиги маданий мурас категориясындагы айрым имараттарды инвесторлорго берүүнү сунуштоодо. Маданият министрилиги буга каршы чыгууда


Депутаттар “Тарыхый, маданий мурастарды коргоо жана пайдалануу жөнүндо” , “КРдеги инвестициялар жөнүндө” мыйзамдарын талкуулашты. Анда мамлекеттик же муниципалдык эски имараттарды ишкерлик максатына сатуу сунушталган. Сунуш ээси Экономика жана коммерция министрлиги.

Аталган министрлик Бишкекте 219 тарыхый-маданий мурас статусундагы имараттар болсо, анын 14 ү админстративдик мекемелер экенин айтып, инвестициялык келишимдер алкагында аларды бузуп ордуна ишкерлик багыттагы имараттарды салууну көздөйт.

Маданият министрлиги мындай сунушка каршылыгын билдирип, бул Конституциянын 15-беренесине каршы келерин белгилейт.

“Конституцияга ылайык, тарыхый-маданий мурастардын эстеликтери, архитектуралык, археологиялык имараттар жана табылгалар мамлекеттик менчик болуп эсептелерин айтып, өзгөчө корголот”,

- дейт Маданият министринин орун басары Чыңгыз Эсенгул уулу.

Ал эми Экономика министринин орун басары Искендер Асыкулов Салык кызматынын имаратын мисал катары келтирип;

“Чүй проспектисинде жайгашкан Салык кызматынын имаратын бузуп, ордуна инвесторлор 20 млн $ салып башка имарат куруп берет. Ал эми салыкчылар президенттик админстрациянын маңдайына жаңы имаратка көчүрүлөт”,

-дейт.


Сиздин пикириңизде кимиси туура?





@kgosho Билип жаша!

Айдоочулардын кулагына күмүш сырга. Эртең саат 14:00 дөн тарта Бишкекте бул көчөлөр жабык болот


Фрунзе көчөсү, Тоголок Молдодон, Панфиловго чейин;

Тоголок Молдо, Чүй проспектисинен Фрунзе көчөсүнө чейин;

Бишкек кайгуул кызматы жол кыймылына киргизилген убактылуу чектөө Д. Өмүрзаков стадионунда өтүүчү Кыргызстан-Иран футбол оюнуна байланыштуу экенин кабарлайт.

Мелдеш саат 18:00 дө башталат. Көчөлөр оюн бүткөнчө жабык болот.

Командалар 2026-жылкы Дүйнө чемпиондугунун тандоо раундунун 6-турунда ат салышышат.

Кыргызстандын курама командасы “А”тайпасында жайгашкан.




@kgosho Билип жаша!