МАЙА СОНУННАРА

Олунньу 24 күнүгэр И.М.Сосин аатынан улуустааҕы киин библиотекаҕа Аҕа дойдуну көмүскээччилэр күннэригэр аналлаах “Аҕа – уол оҕо тирэҕэ” тэрээһин ыытылынна. Бу күн “Уол оҕону иитиигэ аҕа оруола” остуол тула сэһэргэһии, туһалаах сүбэлэр, “Аҕа уонна уол” аныгы остуол оонньууларыгар күрэх тэрилиннэ.
Бүгүҥҥү тэрээһин ыалдьыттара: Мэҥэ Хаҥалас Ытык Сүбэтин бэрэссэдээтэлэ, алгысчыт Зиновий Иванович Игнатьев, Анал байыаннай дьайыы кыттыылааҕа Александр Гаврильевич Данилов, уолаттарыгар холобур буолар бастыҥ аҕалар: Майа тыа сирин түөлбэтин баһылыга, элбэх уол оҕолоох Алексей Иннокентьевич Неустроев уолунаан Алешалыын, тарбаҕар талааннаах Айаал Алексеевич Яковлев уолунанаан Арсенныын, дэгиттэр талааннаах Александр Сергеевич Кулешов уолунаан Антоннуун, олоххо көхтөөх Юрий Петрович Беляев уолунаан Павликтыын, спорду өрө тутар Алексей Николаевич Охлопков уолунаан Арылханныын, аныгылыы көрүүлээх Руслан Иванович Никаноров уолунаан Тимурдуун, сатабыллаах Ким Георгиевич Нестеров уолунаан Сулустаанныын.
Остуол тула кэпсэтиигэ аҕалар билиҥҥи уол оҕону иитиигэ бэйэлэрин көрүүлэрин, санааларын үллэһиннилэр. Төрөөбүт дойдуга таптал дьиэ кэргэнтэн саҕаланарын, аҕа бэйэтин холобурунан, чөл туругунан доруобай, ситиһиилээх кэскилин түстүүрүн бигэргэттилэр.
“Аҕа уонна уол” аныгы остуол оонньууларыгар күрэххэ аҕыс хамаанда кыттыыны ылла. Ол курдук, үс көрүҥ оонньууга (Кульбитто, Джакколо, Матрешка) күөн көрүстүлэр. Тыҥааһыннаах киирсии түмүгүнэн 3 миэстэни Айаал, Арсен Яковлевтар, 2 миэстэни Юрий, Павлик Беляевтар, 1 миэстэни Алексей, Арылхан Охлопковтар ыллылар. Көхтөөх кыттыыны ылбыт дьиэ кэргэттэрбитигэр махтанабыт.
Аҕа – дьиэ кэргэн эркинэ, эрэлэ, тирэҕэ.


#библиотекамк #Аҕадойдунукөмүскээччикүнэ

🎭🎭🎭 Олунньу 22 күнүгэр Майа сэлиэнньэтин тэрилтэлэрин бөлөхтөрүн икки ардыларыгар 68-с төгүлүн ыытыллар “В.К. Степанов аатынан култуура уонна спорт эстафетата" бэстибээл "ХОДУЛОВ-FEST" испиктээхтэрин түһүмэ5э Д.Ф. Ходулов аатынан норуот айымньытын дьиэтигэр буолан ааста. Бэлиэтээн эттэххэ, бэстибээл 2025 сылга Саха норуотун национальнай дьоруойа Манчаары Баһылай төрөөбүтэ 220, Мэҥэ Хаҥалас улууһа төрүттэммитэ 95 уонна Улуу Кыайыы 80 сылларынан, «Түмсүөҕүҥ, сомоҕолоһуоҕуҥ – эйэлээх олоҕу тутуоҕуҥ!» диэн девизтээх ыытыллар.
🎭 Бу күн Майа сэлиэнньэтин тэрилтэлэрин бөлөхтөрө испэктээхтэрин көрдөрдүлэр:

🔷 В.П.ЛАРИОНОВ аатынан МАЙА ОРТО ОСКУОЛАТЫН БӨЛӨҔӨ – Н.Неустроев “Куһаҕан тыын”;
🔷 "КЭНЧЭЭРИ" ОҔО УҺУЙААНЫН БӨЛӨҔӨ - Артур Томас Уоткин “Ллойд Роуд стрит кистэлэҥэ”;
🔷 Ф.Г.ОХЛОПКОВ аатынан МАЙА ОРТО ОСКУОЛАТЫН БӨЛӨҔӨ – А.Софронов “Таптал”;
🔷 И.Г.ТИМОФЕЕВ аатынан МАЙАТААҔЫ ЛИЦЕЙ БӨЛӨҔӨ – Хотугу норуоттар остуоруйаларыгар олоҕурбут “Кэҕэ”;
🔷 КИИН БАЛЫЫҺА БӨЛӨҔӨ – Н.Якутскай ”Төлкө" айымньытынан “Олох оҥкула".

🎭🎭🎭 Бэстибээл түмүгүнэн,
“Кэнчээри” оҕо уһуйаанын бөлөҕө Артур Томас Уоткин “Ллойд Роуд стрит кистэлэҥэ” ЛАУРЕАТ үрдүк аатын ылла.

Анал номинациялар туттарылыннылар:
🔹 “Бастыҥ музыканан киэргэтии”- И.М.Сосин аатынан киин библиотека дириэктэри солбуйааччыта Анна Петровна Петрова;

🔹 «Дьахтар иккис былаанын бастыҥ оруола» - М.И.Брызгалова аатынан оҕо библиотекатын библиотекара
Лилия Платоновна Федорова;

🔹“Бастыҥ дьахтар оруола” - Мэҥэ Хаҥаластааҕы библиотека тиһигин дириэктэрэ Марианна Афанасьевна Никанорова;

🔹“Бастыҥ актерскай бөлөх” - И.М.Сосин аатынан киин библиотека кэлэктиибэ;

Биир идэлээхтэрбитин дьүүллүүр сүбэ үрдүк сыанабылын ылан ЛАУРЕАТ аатын ылан, бэстибээл кыайыылааҕынан тахсыбыттарынан итиитик-истиҥник э5эрдэлиибит.

#библиотекамк
#бэстибээл