Uzgen_TV

Farzand soʻrash duosi

Oila qurishdan asosiy maqsadlardan biri farzandli bo‘lish, ya’ni naslni davom ettirishdir. Insonlarda oila qurgach farzand ko‘rish tabiiy holdek bo‘lib qolmasligi, farzandni beruvchi Zot Alloh taolo ekanini eslatib turish uchun ba’zan oilada farzand tug‘ilishi kechikadi yoki kimlardir farzandsiz o‘tadi. Bu haqda Alloh taolo marhamat qiladi:

«U Zot xohlagan kishisiga qizlar hadya etur va xohlagan kishisiga o‘g‘illar hadya etur. Yoki ularni juftlab o‘g‘il-qiz qilib berur va xohlagan kishisini tug‘mas qilur...» 

Shuro surasi, 49-50-oyatlar

Farzand Allohning ulug‘ ne’mati. Shunday bo‘lsa-da, uni yaxshiga ham, yomonga ham beraveradi. Kimgadir farzand bermay turgani uning yomonligi uchun emas, unga shunisi yaxshiligi uchun bo‘lishi ham mumkin. Zotan, ba’zi payg‘ambarlar ham ulug‘ yoshlarida farzandlik bo‘lganlar. Bu haqda Kalomi sharifda zikr qilingan. Shuningdek, bu vaqtdagi ularning duolari ham keltirilgan. Quyida e’tiboringizga Zakariyo alayhissalomning duolarini keltirib o‘tamiz:

Robbi laa tazarnii fardan. Va anta xoyrul vaarisiyn.

«Ey Robbim, meni yolg‘iz tashlab qo‘yma, Sen O‘zing vorislarning eng yaxshisisan».

Anbiyo surasi, 89-oyat.

Shuningdek, farzand talabidagi kishilar ko‘proq istig‘for aytishi ham tavsiya qilinadi. Bu boradagi boshqa duolarni yana qo‘yamiz, inshaalloh.

© hubbuna