«Арчы Дьиэтэ» духуобунай култуура киинэ🤲🏻

Сахабыт сиригэр интириэһинэй, талааннаах, сатабыллаах да дьоннор бааллар.Кинилэри дьонҥо - сэргэҕэ билиһиннэрэр сыалтан олунньу 8 күнүгэр, "АЛГЫСТААХ АЛАҺА" тэрээһиммит бастакы аартыгын арыйан ыалдьыттаата - олоҥхо тыйаатырын искусствоҕа лектора, СӨ култууратын үтүөлээх үлэһитэ, үөрэҕирии туйгуна, СӨ суруйааччыларын холбоһугун биирдэстэрэ, хоһоонньут, ырыа айааччы, түөргүһүт, алгысчыт Виктор Павлович Стручков - Дуулаҕа Дьуһаал.
Тэрээһин саҕаланыан иннинэ, Дуулаҕа Дьуһаал сырдык үрдүк куйаары кытта ситимниир алгыс тылыттан саҕаланна, алгыстаах алаһатын алаадьынан аһатан амарыйан, көмүлүөк оһоҕу тигинэччи уматан, оһох, сылааһа биллэн, тигинэччи умайбытын кэннэ , хантан хааннааҕын, кимтэн кииннээҕин, өбүгэлэрин, тустарынан сиһилии, кэпсээтэ. Кэлбит дьонугар,кэрэ кэпсээнин, бэйэтэ суруйбут алыптаах ырыатын, хомоҕой хоһооннорун бэлэхтээтэ.
Хоһооннорун ааҕа туран хос быһааран туспа маастар - кылаас курдук сүбэ-ама биэрдэ , дьон- сэргэ биһирээн, ытыс тыаһынан көрүстэ. Гитара доҕуһуолунан 3-4 ырыаны эмиэ аан тыллаан ыллаабыта сэргэхситтэ, ураты буолла. Сүрүн болҕомтотун (араас холобурдары киллэрэн туран) өрүү буоларын курдук, ийэ тылынан ыраастык саҥарыыга, кэпсэтиигэ уурда.Сиэпкэ, укта сылдьар дьоҕус , ол эрээри, ити кинигэ иһигэр тыһыынчаттан тахса тыл, баарын быһааран биэрдэ.Саха тылыгар, бэйэбит кытта , нууччалыы, кыбытан саҥарарбытын, саха тыла инникитин , сүппэтин туһугар о.д.а боппуруостары , кэлбит , дьон элбэҕи биэрдэ.Олонхобут, Саха библията буоларын, өбүгэлэрбит дьыл күнүн, ыйын ааҕыыларыгар "Ый" туһатын, сэрэхтээҕин, барытын халандаарынан быһааран, экраҥҥа көрдөрөн , өбүгэлэрбит, норуот суруйааччылара, учуонайдар үлэлэрин, анаарыыларын, үөрэтэ-билэ сылдьарын сырдатта.Саҥа сахалыы халандаарын быһааран,тоҕо тардан кэбистэ.
Дьон - сэргэ, Виктор Павлович үлэтэ, айымньыта элбэҕин билэн сөхтүлэр.Бу маанылаах түһүлгэҕэ кэлбит дьон бары биир тыынынан абылаппыттыы көмүлүөк оһох тула оллоонноон олорон иһиттилэр.
Дьиҥ хотулуу сахалыы тыын, ыйтан ыйаахтаах, күнтэн көнтөстөөх түгэх,сүдү өбүгэлээх норуот буоларбытын,бу көрсүһүү өссө төгүл санатта, бигэргэттэ.
Хомоҕой хоһоон,аныгылыы рок муусукалаах, ырыа,хоһоон бэйэтин айыыта,көрүүтэ,биир киһиэхэ баараҕай баһаам үлэ. Кини баай үөрүйэхтээх үлэтэ-хамнаһа,ону,толору бигэргэтэр. Ыччат,эдэр дьоҥҥо элбэх билиини,үөрүйэҕи биэрэр - баай талым,бастыҥ сүдү уһуйаан үөрэҕэ.
Виктор Павлович олоҕун,үлэтин илгэтинэн саха төрүт тылын-өһүн харааннаан сылдьарынан, биир бэлиэ киһибит.
В.П. Стручков-Дуулаҕа Дьуһаал "Алгыстаах Алаһа , түөлбэлээх төбүрүөнүгэр сылдьыбыт краеведтар, общественниктар, суруйааччылар саас ортолоох сэҥээрээччи дьон бэркэ астынан, дуоһуйан, билбэтэхтэрин билэн, доҕоттордуун көрсөн, Арчы Дьиэтигэр мустан, ирэ-хоро, кэпсэтиини сэргээн иһиттилэр, махтал тылларын этэн, үөрэ- көтө тарҕастылар.
Доҕорбут Дуулаҕа Дьуһаал, дьулуурдаах үлэҥ үллэ-балла турдун! Суолуҥ көнө,олоҕуҥ энчини билбэтин!

"Арчы Дьиэтэ” ыйын ахсын ый хаамыытынан “Айылҕалаахтардыын алтыһыы” диэн, дьоҥҥо-сэргэҕэ биллибит, бигэ көмө-тирэх, сүбэ-ама биэрэр “Айылҕалаах дьоннорбутуун” нэһилиэнньэни кытта көрүһүннэрэбит. Бу истиҥ көрсүһүүгэ, Бойуот ыалдьыттаата.
Бу истиҥ көрсүһүүгэ, кэлбит дьонугар - сэргэтигэр ыарыылартан харыстаныы, сыһыан тула, сомоҕолоһуу, олоҕу табатык көрүү, олоруу туһунан сүбэтин-аматын, ону тэҥэ алгыһын ыытта.

Доруобуйа бэйэни көрүнүүттэн, харыстаныыттан саҕаланар. Хас хамсаныы, аһылык, оннооҕор санааҥ онно дьайыылаах дииллэр.Олунньу 8 күнүгэр "Туругум - мин чэбдик олоҕум" диэн доруобуйаҕа аналлаах олус наадалаах, интэриэһинэй көрсүһүү ыытылынна. Бу истиҥ көрсүһүүгэ, ортопед-трамвматолог П.П.Ксенофонтов
атах сүһүөхтэрин ыарыыларын сиһилии кэпсээтэ, быһаарда, көрдөрдө. Фасция диэн быччыҥнар үрдүлэригэр плёнка ааттанарын, фасция хайдаҕыттан быччыҥнарбыт улахан тутулуктаахтарын, хайдах дьарыктыыры сырдатта. Быччыҥ туругун МРТ нөҥүө хайдах көрдөрөрүн илэ быһаарда. Сүһүөх ыарыыларыгар туттуллар айылҕабыт эмтээх отторунан, норуот ньымаларын туттуу туһунан үрдүк категориялаах биолог учуутал, отоһут Е.Н. Кириллина элбэҕи кэпсээтэ, сүбэлээтэ. Лабыктаны стелька иһигэр, тигэн уган кэтэри сүбэлээтэ, оҥоһуктары көрдөрдө. Кэлбит дьон илэ чахчы тутан- хабан көрөн, элбэҕи билбэттэрин билэн, ыарыыттан харыстаныы, чэгиэн сылдьыы туһугар эмчиттэр ыйыыларын - кэрдиилэрин атах тэпсэн олорон доруобуйаларын бөҕөргүтүнэргэ туһалаах иһитиннэриилэри ылынан, үөрэн- көтөн туран, махтал тылларын анаатылар.Өссө даҕаны маннык тэрээһиннэр буолуохтара, телеграм каналбытын көрө сылдьын.Көхтөөх кыттыыны ыларгытыгар ыҥырабыт.