Катталыңыз ➤➤👉
https://youtu.be/a01Czg1wPJ4?si=tVZ0b_LNO7rb5WKh
Кадырлуу мусулман бир тууган! Ислам дининин беш шартынын төртүнчүсү - ыйык Рамазан айында күн сайын орозо кармоо парз болуп эсептелет. Орозо – адам ар кандай күнөөлөрдөн оолак болуп, өз напсисин көзөмөлдөөсү үчүн өтө ыңгайлуу ибадат болуп эсептелет. Адам баласын жалкоолукка жетелеген, ибадаттарын аткаруусуна тоскоолдуктарды жараткан жана анын көп уктоосуна себепкер болгон нерсе – бул кумардануу, аша тоюнуу. Андыктан, орозо кармоо жолу менен адам баласы ачка жүрүүгө, кумардануудан алыс болуп, напсисин көзөмөлдөөгө үйрөнөт. Ошентип, орозо кармаган адамдардын ач жүргөн адамдарга болгон айоо, жардам берүү сезимдери күчөйт. Асыресе, орозо арам иштерден оолак болууга, ыплас сөздөрдөн, ушак-айыңдан алыс болууга үйрөтөт.Рамазан айында мусулман баласы орозо кармоо, Куран окуу, таравих намазын окуу жана башка ушул сыяктуу ибадаттар менен руханий жашоосун жандандырат.Жандандыруу аракети анын бир жыл бою ушул калыбынан жазбай жүрүүсүнө шарт түзөт. Орозо кармаган адам жеп-ичүүдөн, жыныстык катнаштан алыс болуу менен гана чектелбестен, арам нерселерди кароодон, арам тамактан, жаман сүйлөөдөн, урушуудан жана пайдасыз нерселер менен алектенүүдөн оолак болот. Орозодо адамдын дене-мүчөлөрү да орозо кармоосу керек.
Жабир (радияллаху анху) айтат:
“Эгерде орозо кармасаң, анда кулагың да, көзүң да, тилиң да жалган жана жаман арам нерселерден орозо кармасын. Кол алдыңдагы кызматчыңа зыян бербе. Орозо кармаганыңда сенде токтоолук жана тынчтык көрүнүп турсун. Орозо кармаган күнүң менен башка күнүң айырмаланып тургандай кыл”.Орозо - убакытты туура пайдаланууга үйрөтөт. Болбосо орозо кармаган адам жеп-ичүүнү токтоткону менен башка жаман адаттарын таштабаса, хадисте айтылгандай, жөн гана ач болгону болбосо, ага эч кандай сооп болбойт.
Орозо адам күнөөлөрдөн да сактануусу керек.
Пайгамбарыбызﷺ айтат:
“Ким (орозо учурунда) жалган сөздү, жалган иш-аракеттерди жана наадандыкты таштабаса, Аллах анын тамак-аштан баш тартуусуна муктаж эмес”. Бухари 6057.
Түшүндүрмө:
Хадистин мааниси орозо кармабай эле койсун деп буйрук берүү эмес. Балким ошол айтылган күнөөлөрдөн кайтаруу.
Орозо – адамдын эркин күчөтүп, жакшы мүнөздөрүн калыптандырат жана ага ырааттуу жашоону үйрөтөт. Адамды сабырдуу болууга үйрөтөт. Орозо – байларга, бардарларга, кедей-кембагалдардын абалынан кабардар кылат. Адамдардын бири-бирин туура түшүнүүгө, жардам көрсөтүүлөрүнө жол ачат.
Ошондой эле, орозо - адамдын ден-соолугу үчүн да абдан пайдалуу ибадат.
Орозо - адамдын мурунку күнөөлөрүн тазалайт. Бул жөнүндө Пайгамбарыбызﷺ мындай деп айткан:
“Чын ихлас менен жана сообун бир Аллахтан күтүп, үмүт кылып, Рамазан айында орозо кармаган адамдын мурунку күнөөлөрү кечирилет”. (Бухари).
Бул ай – сабырдуулуктун айы. Сабырдуулуктун түбү – бейиш.
Бул ай – жакшылыктын, жардам берүүнүн айы.
Бул ай – момун-мусулмандын ырыскысы көбөйгөн, ырыскысына береке кирген ай.
Орозо чын ихлас менен Аллах үчүн орундалуусу зарыл. Ибадат ихластуулук менен орундалат.
Мусулман баласы күчүнүн жетишинче жаман адаттардан арылууга аракет жасайт. Жеп-ичүүдөн, жыныстык катнаштан алыс болуу, албетте, орозо үчүн шарт. Ошону менен бирге орозо учурунда мусулман адам жакшы иштер менен алектенип, тилин жалган сүйлөөдөн, ушак-айыңдан алыс тутуу менен, зикир кылып жараткан Аллахты даңазалоо менен жан дүйнөсүн аруулоо керек.
Орозо кармаган адам Куран окуп Аллахты көп зикир кылуусу зарыл. Рамазан айында күндүзү орозо кармап, түнкүсүн Таравих намазын калтырбай окууга аракет кылуу керек. Ооз ачаарда аша тоюнбоо зарыл. Ооз ачарга жалаң байлар гана эмес, кедей-кембагалдар да чакырылышы кажет.
➖➖➖➖➖➖➖➖
✍
Нематулла Кадайев
Telegram
👉https://t.me/islambulagy
Instagram:
https://instagram.com/islambulagy?utm_medium=copy_link
YouTube
👉https://youtube.com/channel/UCtuOzuA3x1mDPhdhD3HKMHA
Facebook
👉https://www.facebook.com/groups/1009528672915026/?ref=shareКанал менен бөлүшүүнү унутпаңыз бир тууган!
