OSHO

Айгүл Жапарова жана Жамиля Исаева 50 таасирдүү аялдын катарына кирди



Постсоветтик мейкиндиктеги саясаттагы эң таасирдүү 50 аялды салттуу түрдө “Преемник” Telegram каналы жарыялады. Тизмеге Кыргызстандын эки өкүлү: өлкөнүн биринчи айымы Айгүл Жапарова жана Жогорку Кеңештин вице-спикери Жамиля Исаева кирген.

Эң таасирдүү 50 аялдын рейтингин Россия Федерация кеңешинин төрайымы Валентина Матвиенко жетектеген. Экинчи орунда Азербайжандын президенти Илхам Алиевдин жубайы Мехрибан турат. Алдыңкы үчтүктү Светлана Медведева (Россия) жыйынтыктады.

Ошондой эле тизмеге Өзбекстандын, Тажикстандын, Грузиянын, Армениянын, Украинанын, Түштүк Осетиянын башчыларынын аялдары жана Түркмөнстандын башчысынын апасы да кошулган. Тизмеде Өзбекстандын президентинин кызы Саида Мирзиёева менен Эмомали Рахмондун кызы Озода Рахмон да бар.

Талапкерлер постсоветтик мейкиндиктеги саясий процесстерге системалык таасиринин деңгээли сыяктуу критерийлердин негизинде тандалып алынган; элиталык колдоо жана/же мамлекет башчысына жакындык; расмий статусу же кызмат орду; башка саясий ишмерлерге жана ачык-айкындуулукка таасир көрсөтүүсүнүн деңгээли каралган.

Айгүл Жапарова да 2024-жылы мурдагы СССРдин эң таасирдүү 50 айымынын катарына кирген.






@kgosho Билип жаша!

Америкада кыргызстандык бир үй бүлө киши колдуу болду. Маалыматты Тышкы иштер министрлиги тастыктады


АКШнын Иллинойс штатында каза болгон үй бүлө башчысы 45 жашта, 48 жаштагы жубайы жана 6 жашар уулу болгон. Алардын киши колдуу болгонун жана сөөктөрдү Кыргызстанга алып келүү иштери уюштурулуп жатканын Тышкы иштер министрлиги тастыктады.


Үй бүлөнүн логистикалык компаниясы болгон. Иликтөө жүрүп жаткандыктан өлүмдүн себептери расмий булактарда айтылган эмес.


Ал эми социалдык тармак колдонуучулары үй бүлө өлтүрүлгөн соң көп күн үйүндө жатып калганын, Америкадагы мекендештер сөөктөрдү жиберүүгө каражат чогултуп жатышканын жазышууда.




@kgosho Билип жаша!

12-13-мартта бала бакча жана мектептер онлайн иштейт.


Тажикстан президенти Эмомали Рахмондун Кыргызстанга жасачу мамлекеттик иш сапарына байланыштуу 12-13-мартта мектеп жана бала бакчалар онлайн режимде иштейт.

14-март, жума күнү кайрадан кадимки тартипке өтөт.

Баса, бул Бишкек шаарындагы гана мекемелерге тиешелүү.



@kgosho Билип жаша!

"Курманбек Бакиев менен Сапар Исаков өлкөгө алынып келиши мүмкүн". Президент Садыр Жапаровдун билдирүүсү.



"Кабар" маалымат агенттиги өлкө башчыдан "Максим Бакиев Кыргызстанга келди деген маалымат чынбы?" деген суроо менен кезектеги маегин алган.

Анда Садыр Жапаров Максим жана Жаныш Бакиевдер өлкөгө келсе эле камаларын, анткени бул боюнча соттун чыгарган чечими бар экендигин билдирген. Ошондой эле жогорудагы маалыматтын чындыкка дал келбестигин айткан.

Ал эми Курманбек Бакиведи камакка албоо кепилдиги менен Беларусь бийлиги кайтарып берүүгө даярдыгын билдирип жатканына токтолгон.



"Ал эми Курманбек Бакиев боюнча сүйлөшүүлөр жүрүп жатат. «Эгер камабасаңар өткөрүп берели» деп жатышат. Сапар Исаков боюнча дагы ушундай эле маселе. “Камабасаңар бүгүн өткөрүп берүүгө даярбыз” дешти. Биз ойлонуп жатабыз. Бир чети макул деп алып келип ТЭЦ боюнча, музей боюнча сурабайлыбы? Кимдер канча акча алганын айтып берсе болду. Акчаларды бюджетке кайтарып алыш күч органдарынын иши. Уурдалган миллиарддаган акчаларды ушундай жолдор менен эле кайтардык го. Ал эми Курманбек Бакиев боюнча деле ушундай маселе. Ячейкаларда канча акча болгон. Максимдин офисинен уурдалып кеткен алтын концентраты жөнүндө сөз болуп жатат. Канча тонна болгон. Апрель, июнь окуялары жана башка иштер боюнча ал кишиден да экинчи тарап катары угуп, иштерди жыйынтыктап койбойлубу. ", -деген Жапаров.





@kgosho Билип жаша!

Эмомали Рахмондун Кыргызстанга болгон иш сапарында чек ара боюнча документке кол коюлат


Тажикстан президенти Бишкеке болгон мамлекеттик сапарында КР президенти Садыр Жапаров, ЖК төрагасы Нурланбек Тургунбек уулу жана минкаб башчысы Адылбек Касымалиев менен жолугушат.

Сапардын алкагында кыргыз-тажик чек арасы боюнча документке жана башка документтерге кол коюлат.

Эмомали Рахмондун иш сапары 12-13- мартка белгиленген.



@kgosho Билип жаша!

Кыргызстанга мамлекеттик визит менен Эмомали Рахмон келет


Тажикстан президенти Эмомали Рахмондун расмий Бишкеке мамлекеттик сапары 12-13 мартка белгиленгени кабарланды.

Буга байланыштуу Бишкек шаары жана Чүй облусунун айрым көчөлөрү маал-маалы менен жабылат.


📍”Манас” эл аралык аэропортунан Бишкек шаарына чейин;

📍Фучик көчөсү Бишкектин башталган чегинен Чүй проспектисине чейин;

📍Чүй проспектиси Фучик көчөсүнөн Манас проспектисине чейин чыгышты карай;

📍Манас көчөсү жана Ч. Айтматов проспектиси “Ала Арча” мамлекеттик резиденциясына чейин түштүктү карай;


📍”Ала Арча” мамлекеттик резиденциясынан “ Ата-Бейит” мемориалдык комплексине чейин.



@osho Билип жаша!

Чек арасыз террор: бийлик зомбулуктун куралына айланганда. Сирияда соңку күндөрү 300-600 жай тургун өлтүрүлдү.

Сирияда бийликти басып алган күчтөр аёосуз кыргынды баштагандан бери 250дөн ашык жай тургун террордук операциянын курмандыгы болду жана трагедия жаңы гана башталып жаткандай, -деп жазат , https://t.me/ExpressAsia каналы.


Анткени этникалык тазалоонун курмандыктарынын көбүнүн сөөгү али табыла элек. Террорчулардын негизинен алавиттерди кырууда, бирок бир катар провинцияларда башка диний азчылыктардын өкүлдөрүнүн да өлүмү катталууда. Мисалы Латакияда 2 күрт студент набыт болгон. Тартуста 60тан ашуун диний азчылыктын курмандыктары, анын ичинде аялдар, балдар, атүгүл христиандар бар. Бул адам жашоосуна кайдыгерликтин жана аймактагы жалпы башаламандыктын күчөп баратканынан кабар берет.

Бул массалык өлүмдөрдөн кийин согушкерлер алавиттер менен христиандарга таандык ондогон үйлөрдү тоноп, өрттөп кетишкен. Мындай көрүнүш болуп жаткан окуялардын трагедиялуу картинасын ого бетер күчөттү. Ал эми Сириянын убактылуу президенти Абу Мухаммад аль-Жулани башаламандык үчүн айыпты САРдын мурдагы аскер кызматкерлерине оодарууга аракет кылып, террорчуларды жана куралдуу күчтөрдү эски бийлик чакырып элди кыргынга учуратып жатат, деген маалымат таратты.

Ошол эле учурда онлайн режиминде өлүм жазасына тартуу, кыйноо, уруп-сабоо жана башка мыкаачылыктар тууралуу видеотасмалар жигердүү жайылууда. Ал тасмаларда Башкы коопсуздук кызматынын адамдары даана көрүнүп турат жана Ислам мамлекетинин чакырыктары угулат. Бул кадамдар алар ЖМКларды терроризмди пропагандалоого колдонуп жатканын агийнелейт.

Бул окуялардан кийин бир катар өлкөлөр, анын ичинде Россия, зордук-зомбулуктун күчөшүнө терең тынчсыздануусун билдирип жатышат. Ал эми Израилдин коргоо министри Исраэл Катц Аль-Джуланинин аракеттерин кескин айыптап, аны "Аль-Каида" террордук уюмунун мектебинен чыккан террорист", - деп атады.


Адам укуктары боюнча Сирия обсерваториясынын маалыматына караганда, эки күндө 300дөн ашуун жай тургун өлдү. Ал эми алавит булактары бул сандын 600дөн кем эмес экенин айтууда. Бул жаңы өкмөттүн күчтөрү гана эмес, мурда Асаддын режимине каршы чыккан Түркия менен Өзбекстандын исламчыл “интернационалисттери” дагы бул массалык кыргындарга катышып жатканына кабар берет, - дейт булактар. Ал эми Батыш ЖМКлары учурдагы бийликтин маалыматтарын гана таратып, ал тургай мурда салынган санкцияларын четинен кайтарып ала баштады. Муну менен Европа этникалык азчылыктын кыргынга учурап жатканын ачык колдоп жатканын көрсөтүүдө.

🚫 Эскертүү: биз бул материалдын алдына жарыялаган видеолордо зомбулук жана адам өлтүрүүлөр ачык көрсөтүлгөн.




@kgosho Билип жаша!

АКШ USAIDдин долбоорлорунун 83% толугу менен жапканы кабарланды



Американын мамлекеттик катчысы Марко Рубио 6 жумалык анализден кийин USAID программаларынын 83%ын расмий түрдө жапты деп билдирди.

Ал миллиарддаган долларлар Вашингтондун улуттук таламдарына жооп бербеген максаттарга жумшалганын баса белгиледи.





@ Билип жаша!

Билим берүү министрлиги бакалавриаттын мөөнөтү кыскартыларын блдирди



"Ата-энелер бардык эле бала жогорку билим ала албастыгын түшүнүшү керек. 12 жылдык окуу системасынын алкагында бакалавриаттын мөөнөтү кыскартылат", - деди министр Кендирбаева. Ал муну менен катар кесиптик билим берүү күчтөнөрүн кошумчалады. Бирок министр айым, адаттагыдай эле эч бир аракеттин так мөөнөтүн атаган жок. Тактап айтканда, кайсы этапта эмне иштер жүрөрү тууралуу ырааттуу маалымат министрлик тарабынан дагы деле бериле элек.





@kgosho Билип жаша!

Матрезерв дыйкандарга 10 000 тонна күйүүчү майды жеңилдетилген наркта бермей болду




Жазгы талаа иштерин өз убагында жана сапаттуу өткөрүү максатында Мамлекеттик материалдык резервдер фонду дыйкандарга 10 000 тоннага чейин дизель майын 65 сомдон жеңилдетилген баада берет.

Ведомстводон белгилешкендей, дыйкандарга айыл чарба өсүмдүктөрүнөн жана мөмө-жемиштерден жогорку түшүм берүүчү сортторду өстүрүү сунушталууда.

Ошондой эле жазгы талаа иштерин жүргүзүү үчүн 42,2 000 тонна дизель майы жана 12 000 тонна бензин талап кылынары айтылды.

Нефтетрейдерлер ассоциациясынын маалыматы боюнча, нефтебазаларда жана май куюучу жайларда дизель майы жана бензин жетиштүү.

Мындан тышкары, Айыл чарба министрлиги пайдаланылбай жаткан айдоо жерлеринин аянты 3,3 000 гектардан 35,7 000 чейин азаят деп билдирди. Башкача айтканда, 2025-жылы жалпы айдоо аянты 1 миллион 250 000 гектарды түзүп, былтыркыдан 3,3 000ге көбөйөт.




@kgosho Билип жаша!

Сирияда учурда абдан аянычтуу жана келечеги коркунучтуу окуялар орун алууда


Учурда бийлике келген “Хаят Тахрир аш-Шам” тобунун өкүлдөрү Латакия менен Тартусту мекендеген азчылыктын өкүлдөрүнө үстөмдүк кылууда. Алар алавит, шиит, христиан жана башка өздөрү менен дин тутунуу көз карашы төп келбегендердин баарын тукумкурут кылууга киришишти.

Эң өкүнүчтүүсү бул башкесерлердин арасында Орто Азиялык да жарандардын бар экендиги.

ЖМКлардагы ачык маалыматтарга таянсак болжол менен 5000 дей Орто Азиялык алардын арасында башкесерлик кылышууда.


Коркунучтуусу бул жарандар өздөрүнүн туура эмес диний көз карашын мекенине келип да жайбайбы, деген суроону коет ПолитФонарь каналы.

https://t.me/politlamp/597



@kgosho Билип жаша!

Улуттук Университет 11-класстар арасында “Улуу Жеңишке 80 жыл темасында олимпиада өтүп жатканын жарыялады


Ж. Баласагын атындагы Кыргыз Улуттук университетин Тарых жана чөлкөм таануу институту 11-класстар арасында “Улуу Жеңишке 80 жыл!” темасында олимпиада өткөрүп жатат. Уюштуруучулардын айтымында ага бардык каалоочу 11-класстын окуучулары катыша алат.

Ал үчүн окуучулар 3 кишиден турган команда түзүшү керек. Ар бир команданын куратору ошол мектептин мугалими болууга тийиш.

Балдар чөнтөк телефондору же профессионалдык камеранын жардамы менен 10-15 мүнөттөн ашпаган Улуу Ата Мекендик согушту чагылдырган сценка тартуулары тийиш.

Институт өкүлдөрү анын жанрына чек коюлбай турганын айтат.

Учурда олимпиаданын 1-этабы жүрүүдө. Андан тандалып алынган командалар үчүн 2-этабы апрель айында башталары кабарланды.


Олимпиаданын демөөрчүсү Россиянын “Звезда” телеканалы экени кабарланат.

Жеңүүчүлөр ноутбук, планшет, смартфон жана башка баалуу белектер менен сыйланары кошумчаланган.


Катышууну каалагандар социалдык тармактардагы институттун баракчаларынан же КУУнун сайтынан кенен маалымат алсаңыздар болот.


Эскерте кетсек, быйыл Улуу Ата Мекендик согуштун Жеңишине 80 жыл толуп отурат.

Мунун алкагында мурдагы СССР курамына кирген өлкөлөрдө ар кандай мааракелик иш чаралар уюштурулууда. Ал эми Москвада мааракелик парад болору, ага Кытай лидеринен тартып бир нече өлкө башчылары катышары айтылган.

Садыр Жапаровдун да бул парадга барары кабарланган.




@kgosho Билип жаша!

“Ар бир районго Улуу Ата Мекендик согуштун катышуучулары жөнүндө музей ачуу керек”. Эксперттик пикир.


Улуу Ата Мекендик согуштун катышуучулары жетиштүү урматталбай жатат, дейт көп жылдар мектеп директору болуп иштеп, азыр да мугалимдик кесипти аркалаган, алгачкы “Билим берүү жөнүндө” мыйзамынын авторлорунун бири, педагог Дүйшөн Батырбеков.

Ал СССРдин баатыры наамын алган 74 кыргызстандык тууралуу жаш муун билбестигин, ал тургай ар ким өз айылы, районунан чыккан Улуу Ата Мекендик согуштун катышуучулары, мекен коргоочуларын тааныбай калганын айтат.


“Жумушума байланыштуу Кыргызстанды көп кыдырам. Барган жеримде ушул аймакта Улуу Ата Мекендик согуштун катышуучулары кандай баркталып жатар экен, деп көз салам. Тилеке каршы дээрлик бардык жерде өлкө тарыхыбызда эбегейсиз орду бар бул согуштун катышуучуларына жеткиликтүү көңүл бурулбай келет. Коюлган эстеликтер талкаланып, каралбай калган. Эч кандай маалыматтык тактайчалар жок. Жаштар жалпы өлкөнү кой, өз айылынан кайсы баатыр чыкканын билбей калды”,-дейт Батырбеков.


Ал өлкө жетекчилигине өз сунушун билдирип, ар бир районго бар имараттардан колдонуп бирден чакан музей ачууну айтты. Ал жака Улуу Ата Мекендик согуштун ошол райондон катышкан эр-азаматтары, оруктагы эмгекчилердин күжүрмон аракеттери, согуш жылдарындагы наристелердин оор балалыгы тууралуу маалыматтар, бар буюмдар коюлса, жаш муун үчүн тарбиясы зор жайга айланмак, дейт педагог.

Ошондой эле өз районунан чыккан Улуу Ата Мекендик согуштун катышуучуларынын атынан мектеп окуучуларынан отряд түзүп, аларга системдүү иш алып барганы тапшырса болррун билдирет. Мисалы согуш жылдары төрөлгөн балдар, азыркы карыялар менен учурдагы өспүрүмдөр ортосунда жолугушууларды уюштуруп, сүйлошүү клубдары түзүлсө эки муун үчүн тең пайдалуу болорун кошумчалайт.




Сиз кандай ойлойсуз?





@kgosho Билип жаша!

“12 жылдыка өтүүдө мугалимдер тартыштыгы жаралбайт”. Билим берүү министринин билдирүүсү


Билим берүү жана илим министри Догдургүл Кендирбаева “Кабар” мамлекеттик агентигине 12 жылдык системага өтүү боюнча кыскача интервью берген.

Ата-эне, педагог, бийлик жетекчилигине чейин сарсанаа болуп , жаңы системанын күңгөй-тескейин талкуулап отурганда мурдун балта кеспей, мамлекеттик казынадан миллиондогон сомдорду коротуп командировкалап жүргөн Кендирбаева негизинен 3 себептен улам 12 жылдык окууга өтүү керектигин айткан.

📌 Чет мамлекетке окууга тапшырган балдарыбыз кайрадан 1 жыл даярдоо курсунан өтүшүүдө.

📌 “Piza” эл араляк мелдешинен 11 жыл окуганыбыз үчүн эң арткы орунду алып калуудабыз

📌 Азыр технология өнүккөн заманда бардык окуучулардын үйдөн кошумча билим алуу мүмкүнчүлүгү бар.


📌Бул айым Кыргызстанда эле жашайбы, деген суроо жаралат. Балдар жаңы технология эмес бүтүн китепке, компьютерге эмес, мектебине жеткирчү транспортко эч кур дегенде партада кенен отура албаган мектеп деңгээлдери менен кайсы технологияларды айтууда?


📌Эмнеге бизге андай деле пайда алып келбеген Piza га ылайыкташууга жандалбасташыбыз керек?


📌Догдургүл айым, чет элге тапшырган кыргызстандык абитуриенттер 12-классты эмес, ошол элдин тилин үйронүү үчүн даярдык курсун окуп жатканын кантип билбей калсын?


📌Дүйнөнүн 190 ашык өлкөсүнүн 150 сү 12 жылдыкка өттү, биз да өтө калалы эмес, эмнеге калган 40ы өтпөй жатат, эмнеге Улуу Британия баш тартса Кытай сыяктуу ири державалар такыр эле колдобойт, деп эмнеге анализ жасалган жок?


Соңунда айтарым, мугалимдер жетишсиздиги көйгөй жаратпайт, дептир. Министр айым азыр эле өлкөгө миңдеген мугалимдер жетишпестигин билбейби?

Өзгөчө ошол кыргыз тилинен башка тилдерди окуткан педагогдордун таңсыктыгын унутуп калдыбы?

Батыштын гранттарына маарыш үчүн жалпы билим берүү системасын курмандыка чалып жатканы келечегибиз үчүн кыйпысыр доорду жаратпаса болду.



@kgosho Билип жаша!