OSHO

Россия, кыргызстандагы 1-2-5- жана 7-класстын окуучуларын орус тили китептери менен камсыздайт


Россия Федерациясы КРдин Билим берүү министрлигин 1, 2, 5- жана 7-класстын окуучулары үчүн чыгарылган орус тили китептери менен камсыздайт. Мындай маалыматты министрлик таратты.

Мындан сырткары министрлик 740 миллион сомго 2,5 миллион даана окуу китептерин сатып алат.

Анын айтымында, 3-9-класстар үчүн англис тили, 1, 2, 5, 7, 8-класстар үчүн табият таануу китептери, 1, 2, 5, 7, 8-класстар үчүн математика китептери сатылып алынат.




@kgosho Билип жаша!

Быйыл январь-февраль айларында Россиядан Кыргызстанга келген бензин көбөйгөн

2025-жылдын январь-февраль айларында Кыргызстанга 73 миллион 300 миң долларга 170,2 миң тоннадан ашык автобензин импорттолду, деп жазат 24kg сайты.

Маалым болгондой, күйүүчү майдын негизги көлөмү Россиядан ташылып келинген — 168,7 миң тонна. Ошондой эле аз өлчөмдөгү бензин Казакстандан (776,4 тонна) жана Беларустан (745 тонна) жеткирилген.

Өткөн жылдын ушул мезгилине карата күйүүчү майдын импортунун көлөмү 118,3 миң тоннаны түзүп, Россиядан гана ташылып келген.





@kgosho Билип жаша!

Эми кыргызстандыктар Россия-Беларусь чек арасынан тоскоолдуксуз өтө алышат



Евразиялык экономикалык биримдикке мүчө мамлекеттер – Армения, Казакстан жана Кыргызстандын жарандарынын Россия-Беларусь чек арасынан өтүүсүнө коюлган чектөөгө байланыштуу тоскоолдуктар жоюлду. Бул тууралуу Евразия экономикалык комиссиясы билдирди.

Бул 2025-жылдын 11-январында Россия Федерациясы менен Беларусь Республикасынын өкмөттөрүнүн ортосундагы визаларды өз ара таануу жана чет өлкөлүк жарандардын жана жарандыгы жок адамдардын ЕАЭБ аймагына кирүүсүнө байланышкан башка маселелер боюнча макулдашуунун күчүнө киришинен улам мүмкүн болгону белгиленген.

"Россия жана Беларусь комиссияга Армениянын, Казакстандын жана Кыргызстандын жарандары учурда Россия менен Белоруссияга колдонулган эл аралык темир жол жана аба каттамдары, ошондой эле аталган макулдашуунун тиркемесинде саналып өткөн автомобиль каттамдары аркылуу кирүүгө жана чыгууга практикалык мүмкүнчүлүктөрү бар экендигин маалымдашты", - деп белгиледи ЕЭК.




@kgosho Билип жаша!

"Мамлекеттик тилди билбегендер айып төлөйт". Депутат Дастан Бекешов мыйзамга сунушталып жаткан өзгөртүүлөр боюнча айтты


Анын айтымында, өзгөртүүлөр колдонуудагы мыйзамдарды "Мамлекеттик тил жөнүндө" конституциялык мыйзамга ылайык келтирүүгө багытталган. Сунуштарда адистердин кеңири чөйрөсү үчүн милдеттүү түрдө кыргыз тилин билүү камтылган:

жергиликтуу Кеңештин депутаттары;
нотариустар;
юристтер;
судьялар;
прокурорлор;
тергөөчүлөр жана башкалар.
Тилди билүү деңгээлин министрлер кабинети аныктап, контролдук курал катары Кыргызтестти колдонуу сунушталууда. Кошумчалай кетсек, мыйзам долбоорунда мамлекеттик тил мыйзамдарын сактабагандык үчүн айып пул салуу боюнча норма бар. Бирок айып пулду колдонуунун конкреттүү механизми иштелип чыга элек.

"Мен тилди билүүнү айып пул аркылуу сиңирүүнү таптакыр каалабайт элем. Бул маанисиз жана кыжырды келтирет. "Адамдар тилди мотивация жана сүйүү менен үйрөнсө жакшы болмок", - деди депутат.
Бекешев чечимдерди кабыл алууда маселенин курчтугун эске алып, кыргыз тилин өнүктүрүүнүн натыйжалуу жана гумандуу жолдорун издөөгө чакырды.






@kgosho Билип жаша!

"Москвада кыргызстандыктардын кармалышы боюнча болгон окуя мыйзам чегинде чечилип, кырдаал Кыргызстан менен Россиянын ортосундагы бекем достукка доо кетирбейт". Мамлекеттик Думанын депутаты окуя боюнча пикирин билдирди


РФнын Мамдумасынын депутаты Алена Аршинова Москва шаарындагы мончодо болгон окуя боюнча жеке пикирин билдирди. Эл өкүлү кээ бир жагдайлар Россия менен Кыргызстан элинин мамилесин эч качан бузбашы керек, деп эсептейт.

Ал Евразия өкмөттүк эмес уюмунун "Салттуу баалуулуктардын аймагы" аттуу флагманы долбооруна Кыргызстан биринчилерден болуп кошулганын эске алып, биргелешип жаштарды тарбиялоого, мектептерге жардам берүүгө жана тарыхый чындыкты сактоого багытталган чоң масштабдуу билим берүүчү, патриоттук долбоорлорду ишке ашыруудабыз, деп жазган.

Ал жогорудагы окуя мыйзам чегинде чечилип, эки өлкөнүн мамилесине терс таасирин тийгизбейт деген ишеничин айткан.






@kgosho Билип жаша!

Калкты тейлөө борборлору (ЦОН) 1-майдан 12-майга чейин иштебейт



12-майдан тартып ишин кадимки тартипте улантышат. Тагыраагы, саат 9:00дөн 18:00гө чейин иш, түштөнүү тыныгуусу 12:30дан 13:30га чейин болот. Андыктан окурмандарыбызды Калкты тейлөө жайларында ишиңиздер болсо апрель ичи бүтүрүп алууга чакырабыз.


@kgosho Билип жаша!

Кыргызстанда кезектеги парламенттик шайлоо 2026-жылдын ноябрында өтөт

Кийинки парламенттик шайлоо 2026-жылдын ноябрында өтөт.Бул тууралуу Жогорку Кеңештин жыйынында белгилүү болду.

Депутат Дастан Бекешев Борбордук шайлоо комиссиясынын жетекчиси Тынчтык Шайназаровдон Жогорку Кеңешке шайлоо күнүн дагы мыйзамда президенттик шайлоонун күнүндөй так көрсөтүүнү суранды.

Белгилей кетсек, кыргыз парламенти 90 депутаттан турат жана беш жылдык мөөнөткө шайланат. Жогорку Кеңешке шайлоо 2021-жылдын 28-ноябрында өтүп, 7-чакырылышы 29-декабрда ишин баштаган.





@kgosho Билип жаша!

Жогорку Кеңеш Казакстан менен Ысык-Көлдөгү пансионаттар боюнча келишимди жактырды

Жогорку Кеңештин жыйынында депутаттар Казакстан менен Ысык-Көлдөгү пансионаттар боюнча келишимди үч окууда жактырышты.

Кеп Кыргыз Республикасынын Министрлер Кабинети менен Казакстан Республикасынын Өкмөтүнүн ортосундагы Ысык-Көл облусунда жайгашкан курорттук-рекреациялык объекттерге Казакстандын менчик укуктарын жөнгө салуу жөнүндө макулдашууга өзгөртүүлөрдү киргизүү тууралуу протокол жөнүндө болуп жатат.

Экономика министринин орун басары Искендер Асылкуловдун айтымында, "Университет" спорттук-ден соолукту чыңдоо лагери, "Олимп" спорттук-ден соолукту чыңдоо борбору, "Самал" эс алуу үйү, "Казакстан" санаторийлери, мүмкүн болсо, жыл бою иштөө менен үч же төрт жылдыздуу мейманканалардын деңгээлине жеткирүү шарты менен Казакстан Республикасына өткөрүлүп берилди.


Депутат Улугбек Ормонов мындай шарттар 2006-жылкы келишимде көрсөтүлгөнүн, бирок казак тарап аны аткарбаганын белгиледи.

"Ооба, ошондой талаптар бар болчу, бирок келишимде кайсы объекттерди үч же төрт жылдыздуу деңгээлге көтөрүү керектиги так көрсөтүлгөн эмес эле. Долбоорду ишке ашыруунун мөөнөтү да аныкталган эмес. Азыр биз беш жыл берип жатабыз, эгер казак тарап келишимдин шарттарын аткарбаса, анда көрсөтүлгөн объекттер Кыргызстандын менчигине өтөт",

— деди Искендер Асылкулов.

Эске сала кетсек, 2024-жылдын 4-декабрында Бишкекте казак-кыргыз өкмөттөр аралык кеңешмеси өткөн. Жыйында Казакстан Республикасынын премьер-министри Олжас Бектенов менен Кыргыз Республикасынын министрлер кабинетинин ошол кездеги жетекчиси Акылбек Жапаров Казакстандын Ысык-Көл жээгиндеги объектилерге болгон менчик укугуна байланышкан маселелерди чечишкен.

Тараптар: Казакстан Республикасы "Казакстан" санаториясын төрт жылдыздуу мейманканага, "Университет" лагерин жана "Самал" эс алуу үйүн үч жылдыздуу мейманканага, ал эми "Олимп" мейманканасын жылдыздар рейтингин көрсөтпөстөн, ошондой эле беш жылдык милдеттенмени аткаруу мөөнөтүн 2029-жылдын 31-декабрына чейин, деп белгилешти.




@kgosho Билип жаша!

Жогорку Кеңештин төрагасы жана депутаттары Санкт-Петербургга учуп кетишти

Жогорку Кеңештин төрагасы Нурланбек Тургунбек уулу иш сапары менен Санкт-Петербургга учуп кетти. Бул тууралуу парламенттин басма сөз кызматы билдирди.

Спикер КМШга мүчө мамлекеттердин Парламенттер аралык ассамблеясынын 58-пленардык жыйынына катышат.

Ал ошондой эле Улуу Ата Мекендик согуштагы Жеңиштин 80 жылдыгына арналган КМШ ПААнын салтанаттуу жыйынында сөз сүйлөйт.

Спикер баштаган парламенттик делегациянын курамында депутаттар Бактыбек Сыдыков, Арсланбек Малиев, Бактияр Калпаев жана Карим Ханжеза бар.




@kgosho Билип жаша!

Айтилек Орозбековдун коомдук жайларды кыдырып жүргүзгөн "тил рейди" боюнча депутаттар үн катты


Блогердин жеке ишкерлерге тийишип, кыргыз тилин даңазалоо шылтоосу менен расмий тилде жазылган билдирмелерди сыйрып, ыргытып жургөн кылыгы боюнча "Вечерний Бишкек" гезити коментарий алуу максатында ЖКтин депутаттарына кайрылган.

"Өзүн блогер атаган бул жарандын жасап жаткан иштери туура эмес. Биздин өлкөдө 80 ден ашык улут жашайт жана алардын орток тили орус тили болуп эсептелет. Биз титулду алып жүргөн улут катары тескерисинче республикада жашап жаткан башка этносторго сый мамилебизди көрсөтүшүбүз керек. Ал эми Орозбековдун кадамдары этностор аралык кастыкты козутууга алып келиши мүмкүн"

, - деген депутат Дастан Бекешов.


Башкадан эрежени талап кылардан мурда өзү жалпы эрежелерди сактабаган блогер тууралуу депутат, "Ынтымак" фракциясынын лидери Марлен Маматилев буларды айткан:

"Россия, Кыргызстан үчүн стратегиялык маанидеги өлко. Орус тили бизде расмий макамга ээ. Айрым өзүн блогер атаган адамдардын жеке кызыкчылыктары жалпы калктын, улуттар аралык ынтымактын бузулушуна алып келбеши керек. Ал эми ОРозбековду "Ынтымак" партиясы менен эч нерсе байланыштырбайт. Ал бир кезде депутат Эрулан Көкүловдун коомдук башталгычтагы жардамчысы болгон үчүн элде биздин партияга тиешеси бар деген пикир жаралса керек. Бирок ал азыр эл өкүлүнүн жардамчы эмес. Бул кызматтан кеткен",

- дейт Маматалиев.

Канча тил билсең ошончо дил билесиң, дейт кыргызда. Өлкодогү тилдин ээси болгон калк катары озүбүздү маданияттуу алып жүрүп, тилибизди орой мамиле, корс тил менен талап кылбай, оз жүрүм-турумубуз менен кызыктырсак, эффекти алда канча жогору болору бышык эмеспи.

Бирок, тергөө абагында отуруп, учурда күйүп-бышымыш болуп жаткан өлкөнүн мыйзамдарын сыйлабаган кишинин муну түшүнүшү кыйын болуш керек.






@kgosho Билип жаша!

Россия куруп бере турган 9 мектептин курулуучу жерлери аныкталды



Бул тууралуу министрлер кабинетинин басма сөз кызматы билдирди.

Маалым болгондой, министрлер кабинетинин төрагасынын орун басары Данияр Амангелдиевдин жетекчилиги астында өткөн республикалык штабдын жыйынында Россия Кыргызстанга мектептерди куруп бере турган келишимдин аткарылышынын жүрүшү кеңири талкууланган.

Буга чейин 2025-жылга республикалык бюджеттен тышкы инженердик тармактарды курууга жана жер тилкелерин даярдоого каражат бөлүнгөн.

Данияр Амангелдиев долбоорду ишке ашыруу президент менен министрлер кабинетинин төрагасынын көзөмөлүндө экенин, андыктан бардык иштер өз мөөнөтүндө бүткөрүлүшү керектигин эскертти.



Эске сала кетсек, 2024-жылдын октябрында Жогорку Кеңеш орус тилдүү 9 мектепти курууга грант берүү боюнча Россия менен келишимди ратификациялоо тууралуу мыйзам долбоорун үч окууда жактырган.

Алар типтүү долбоор боюнча 1224 балага ылайыкташып курулат. Долбоор Евразия өнүктүрүү банкы тарабынан ишке ашырылат.





@kgosho Билип жаша!

Кыргызстанда кезектеги президенттик шайлоо 2027-жылдын 24-январында өтөт.




Бул тууралуу Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында белгилүү болду.

Комитет “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” мыйзамга өзгөртүүлөрдү киргизүү тууралуу” мыйзам долбоорун үч окууда жактырды. Демилгечи мамлекет башчысы.

Мыйзам долбоору мыйзамдын 48-беренесинин 1-бөлүгүнүн жоболорун Конституцияга ылайык келтирүү жана Кыргыз Республикасынын Президентин кезектеги шайлоонун мөөнөтүн тактоо максатында иштелип чыккан.

Өзгөртүүлөргө ылайык, кезектеги президенттик шайлоо ал шайланган президенттин ыйгарым укуктары аяктаган жылдын январь айынын төртүнчү жекшембисинде өткөрүлөт жана Жогорку Кеңеш тарабынан шайлоо күнүнө төрт ай калгандан кечиктирилбестен дайындалат.

Белгилей кетсек, Садыр Жапаров 2021-жылдын 28-январында алты жылга (эски Конституция боюнча) Кыргызстандын президенти болуп шайланган.







@kgosho Билип жаша!

Кыргызстандын паспорту дүйнөдө 79-орунга чыкты



Visa Index 2025 өлкө паспортунун рейтингине ылайык, Кыргызстан 107 өлкөнүн ичинен 79-орунду ээледи.

Анда Кыргыз Республикасынын жарандары 27 мамлекетке визасыз бара алышары, 35 мамлекетке кирип виза ала алышары, бир мамлекетке кирүүгө электрондук уруксат ала алышары, 40 мамлекетте eVisa ала алышары жана 126 мамлекетте виза алуу үчүн алдын ала кайрыла алышары айтылган.

Борбор Азия мамлекеттеринин ичинен Кыргызстан 63-орунду ээлеп Казакстандан кийинки орунда алган. Казакстан Республикасынын жарандары 44 мамлекетке визасыз бара алышат жана 36 мамлекетке келгенде виза ала алышат.

Ошого карабастан, Кыргыз Республикасы Борбордук Азиянын башка өлкөлөрүнөн озуп кетти:

Өзбекстан — 80-орун (визасы жок 28 өлкө, 33 — келүү боюнча);

Тажикстан — 84-орун (визасы жок 23 өлкө, 33 өлкөгө келгенде);

Түркмөнстан — 92-орун (визасы жок 14 өлкө, 33 өлкөгө киргенде).






@kgosho Билип жаша!

Кыргызстандын хоккей курамасы дүйнө чемпионатына катышат



Хоккей боюнча дүйнө чемпионатында Кыргызстандын курама командасы «А» тайпасында үчүнчү күчтүү дивизиондо күч сынашат.Бул тууралуу спорттун бул түрү боюнча федерация социалдык тармактарда билдирди.

Турнир 21-27-апрель күндөрү Стамбулда өтөт.

Кыргызстандын курама командасы Босния жана Герцеговина, Түштүк Африка, Люксембург, Түркмөнстан жана Түркиянын командалары менен беттешет.


Жеңген команда экинчи дивизионго (Б) тобуна жолдомо алат.


@kgosho Билип жаша!

Дин иштери боюнча мамлекеттик комиссия Улуттук агенттик болуп өзгөрдү



Садыр Жапаров Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттикти түзүү жөнүндө жарлыкка кол койду. Жаңы агенттик Дин иштери боюнча мамлекеттик комиссиянын негизинде түзүлдү.

Документке ылайык, агенттикке мурда Маданият, маалымат, спорт жана жаштар саясаты министрлигинин карамагында болгон этностор аралык мамилелер тармагындагы функциялар берилет. Алар менен катар 14 штаттык бирдик, ошондой эле тиешелүү финансылык жана материалдык-техникалык ресурстар которулууда.

Кайра түзүү дин чөйрөсүндөгү мамлекеттик саясаттын натыйжалуулугун жогорулатууга жана улуттар аралык ынтымакты чыңдоого багытталган.

Жарлык бүгүнтөн тарта күчүнө кирет.





@kgosho Билип жаша!

"Өчпөс полк" 9-майда аймактарда да өтөт


Улуу Ата Мекендик согуштун Же\ишинин 80 жылдыгынын урматына "Өчпөс полк" уюштурулат. Жылдагыдай эле акция аймактарда да өтөт.

Эске салсак, Улуу Жеңиштин 80 жылдыгына карата уюштурулуп жаткан парад 8- майда өтөөрү кабарланган. Ошого жараша коомчулукта "Өчпөс полк" качан болот, деген суроо пайда болгон.

Уюштуруучулар параддан башка бардык элдик оюн-зооктор жылдагыдай эле 9-майда өтөрүн айтышты.





@kgosho Билип жаша!

Эми 5-6-7-8-класстарга министрлик мамлекеттик тилди билүү боюнча экзамен өткөрөт



ЖКда Билим берүү жана илим министринин орун басары Надира Жусупбекова 5-6-7-8-класстар мындан ары класстан класска ктороуларда кыргыз тили боюнча сынак тапшырышарын айтты.


Министрдин орун басарынын билдиришинче сынактын суроолору жыл башында сайтка илинет, окуучулар окуу жылынын соңуна чейин даярданып алышса болот.

Депутат Аида Исатбек кызы мындай учурда сынактан өтпөй калган окуучулардын андан кийинкисине кызыгып, айрым мугалимдер бул котормо сынагынан өтпөй калган баланы класстан, класска көчүрбөй коюшарын айтып, окуучуларды сестентерин кошумчалады.

Надира Жусупбекова бул класстан, класска көчүрүүчү сынак эмес экендигин, баа коюлбастынын билдирип, жөн гана балдардын мамлекеттик тилди билүү дараметин баалап, аларга кыргыз тилин үйрөнүүгө кызыгуусун арттыруучу кадам катары уюштурулуп жатканын айтты.






@kgosho Билип жаша!

“Дордой” базары санариптештирилет: ар бир контейнер QR код алат

Мамлекеттик салык кызматынын төрагасынын орун басары Мирлан "Дордой" базарындагы салыктарды администрация тейлей турганын билдирди. Анткени ал контейнерлер кандай тартипте жайгашканын жакшы билет, - деп жазат Караван инфо каналы.


Андан тышкары, базар жетекчилиги таштанды чыгаруу, электр энергиясы жана коопсуздук үчүн төлөмдөрдү чогултат.
Мирлан Рахмановдун айтымында базар санариптешсе электрондук форматта тигил же бул контейнердин соодагери салык төлөгөн-төлөбөгөнүн көзөмөлдөөгө болот.

"Ар бир контейнерге QR коду тиркелет жана биздин система ишкердик субъекти тууралуу бардык маалыматты көрсөтөт. Биз өз системабыз аркылуу түздөн-түз көз салып, базардын администрациясы менен байланыша алабыз, алар өз кезегинде төлөбөгөн базардагы соодагерлерден салыктарды чогултушу үчүн"

, - деген ал.





@kgosho Билип жаша!

Президенттик шайлоону октябрда эмес январда өткөрүү сунушталды



Президенттин админстрациясы 2021-жылы январь айында өткөн шайлоону мисал келтирип, мындан ары президенттик шайлоону октябрда эмес, январда өткөрүүнү сунуштады.

Буга чейин президенттик шайлоо октябрдын үчүнчү жекшембисинде өтүп келген. Анткени Конституцияда ушинтип көрсөтүлгөн.





@kgosho Билип жаша!

🇰🇬🇷🇺КР Тышкы иштер министрлиги РФга расмий нота жөнөттү



Тышкы иштер министрлиги Россия Федерациясынын өлкөдөгү элчиси Сергей Вакуновду чакырып, 11-апрелде Москвада мончодо болгон окуяга байланыштуу расмий нота тапшырганын кабарлайт.

Анда кыргызстандыктардын массалык түрдө кармалуусу боюнча түшүндүрмө берүү өтүнүчү жазылган. Ошондой эле күч органдары тарабынан жасалган орой мамиле, жүргүзүлгөн операциянын чоо-жайы суралган.

ТИМдин орун басары Алмаз Имангазиев РФ элчиси Сергей Вакунов менен жолугушууда кыргызстандыктардын укугун коргоо жана союздаш эки өлкөнүн ортосунда мындай окуялар менен мамилесин бузбоого чакырган.






@kgosho Билип жаша!