🎙Tohir Mahkamov
🎼 Men gapirmay


✴️Мен гапирмай сиз эшитманг✴️

Дунёлардан безиб қўйдим,
Мен гапирмай сиз эшитманг,
Мехр даштин кезиб тўйдим,
Мен гапирмай сиз эшитманг,

Фарқ йўқдир дўсту ғанимда,
Бари ёт мен куйганимда,
Дўст бўлмас кўнгли яримда,
Мен гапирмай сиз эшитманг.

Бошимга қўнди ғурбатлар,
Оёғим чалди улфатлар,
Жонга тегди турфа гаплар,
Мен гапирмай сиз эшитманг.

Номардга остона дилим,
Умр беш кун мингдир зулм,
Гар гапирсам куяр тилим,
Мен гапирмай сиз эшитманг.

Суйганим бағри тош бўлди,
Мехрлар бари лош бўлди,
Кўнгил киприги ёш бўлди,
Мен гапирмай сиз эшитманг.

Бошимда сўзнинг балоси,
Ғийбатдан юрак яроси,
Борлигим дунё хатоси,
Мен гапирмай сиз эшитманг.