Хафиза кыз 🫀)

📌 «Аллахты эстөө — жүрөктүн шыпаасы»

Бир күнү сахабалар Пайгамбарыбыз Мухаммад (с.а.в)дан мынтип сурашат:

👥 : Йа Расулуллах ! Айтыңызчы эң жакшы амал кайсы?

Пайгамбарыбыз (с.а.в) ага мындай жооп берди :

👤:Тилиң Аллахты эстеп турган абалда өлүшүң !

Ойлоп көрүңүз, бул дүйнөдө биз эмне үчүн жашайбыз? Күн сайын тамак, кийим, билим, иш... Бирок жүрөгүбүз тынчсыз болсо, бакытты кайдан табабыз?
Чыныгы бакыт — бул Аллахка жакын болуу.

Аллах Таала Куранда мындай айтат:
«Билиңиздер! жүрөктөр Аллахты эскерүү менен гана тынчтанат»
(Раъд сүрөсү, 28-аят).

Адамдын жаны денеге кандай керек болсо, жүрөктүн азыгы — зикр, куран, намаз. Эгер бунун бири да жүрөктө болбосо жүрөгүбүз бош калат, ал бош калган жүрөк шайтанга баш ийип, ыплас иштер менен алек болот.

Дүйнө бир күнү бүтөт. Жашоо токтойт. Бирок ахырет — түбөлүктүү. Ошондуктан Аллахты көп эстеп, ар бир күндү наамаз, зикр, жакшы амал менен өткөрөлү.

Эсиңизде болсун бир тууганым!
Көп нерсеге жетпей калсаңыз да, Аллахка жетүүгө аракет кылсаңыз, сиз дүйнөнүн эң ийгиликтүү адамысыз🤍!

✍🏻: Хафиза кыз 🫀)

Суроолорго жооп берип жаткандар ❤️ басып колдоп турсаныздар боло!? 🙈

❤️ Хадия кылууну унутпаңыз 🙊

📌Салиха кыз кандай болушу керек?

1. Ыймандуулук жана такыбалык

Салиха кыз эң биринчи Аллахка жана Анын Элчисине (ﷺ) бекем ишенет. Ал жүрөгүндө чыныгы ыйманды сактап, Аллахтын буйруктарына баш ийет. Ал боюнча Куранда мындай делет:

"Ким Аллахтан корксо, Ал ага чыгуу жолун көрсөтөт."
(Талаак сүрөсү, 2-аят)

Ыймандуу кыз дайыма өзүнө "Аллах мени көрүп турат" деген сезим менен жашайт. Ал ар дайым адептүү жана уяттуу болуп, жаман иштерден алыс болот.

2. Намазды, орозону жана ибадатты бекем кармоо

Салиха кыз күнүмдүк беш убак намазын калтырбай, Аллахка жакын болууга аракет кылат. Анткени Пайгамбарыбыз (ﷺ) мындай деген:

"Намаз – диндин тиреги"
(Тирмизи, 2616)

Ошондой эле, ал Рамазан айында орозо кармайт, зекет, садака берип, мүмкүнчүлүк болсо ажылык милдетин аткарат.

3. Ата-энени урматтоо жана аларга жакшылык кылуу

Ислам дини ата-энени урматтоону жана аларга кызмат кылууну күчтүү баса белгилейт. Куранда мындай айтылат:

"Ата-энеңерге жакшылык кылагыла…"
(Исра сүрөсү, 23-аят)

Салиха кыз ата-энесине баш ийип, аларга жакшы мамиле жасайт, сөздөрүн эки кылбайт жана аларды кубантууга аракет кылат.

4. Адамдар менен жакшы мамиледе болуу

Салиха кыз сылык-сыпаа, боорукер жана калыс болот. Ал Пайгамбарыбыздын (ﷺ) "Мусулман – колу менен да, тили менен да башкаларга зыян келтирбеген адам" деген хадисине амал кылат.

Албетте, ал көрө албастык, ушак, жалган сүйлөө, ачуу, кек сактоо сыяктуу жаман сапаттардан алыс болот.

5. Кийим-куюн жана адеп-ахлак

Салиха кыз уяттуулук жана тазалыкты сактайт. Ал уятсыз кийимдерди кийбей, Куранда айтылгандай хижаб же узун, уяттуу кийимдерди кийүүгө аракет кылат:

"Эй, Пайгамбардын аялдары! Башка аялдардай болбогула. Аллахтан корккула!"
(Ахзаб сүрөсү, 32-аят)

Мындан тышкары, ал жөнөкөй, тартиптүү жана ыймандуу жүрүм-турумду карманат.

6. Үй-бүлөгө жана жолдошуна берилгендик

Эгерде салиха кыз турмушка чыкса, ал күйөөсүнө сооп иштерде жардамчы жана ишенимдүү жар болот. Ал Пайгамбарыбыздын (ﷺ)5 хадисине амал кылат:

"Дүйнө – бул убактылуу ырахат. Анын эң жакшысы – ыймандуу аял"
(Муслим, 1467)

Ал үй-бүлөсүнүн тынчтыгын сактайт, күйөөсүнө баш иет жана балдарына жакшы тарбия берет.

📌 Салиха кыз – бул Аллахка жакын, такыба, ыймандуу, ата-энесине урматтуу, адептүү жана ибадаттуу кыз. Ал өзүнүн ыйманы, адеби, билими жана жүрүм-туруму менен башкаларга үлгү болот. Ар бир мусулман кыз салиха кыз болууга умтулушу керек, анткени бул дүйнөдө да, акыретте да ийгиликке жетелейт.

Аллах Таала бардыгыбызга ыймандуу жана салиха кыздардан болууга насип кылсын! Аамин!

✍🏻: Хафиза кыз 🫀)

Майрамдап жүргөндөр ❤️ басабыз 🙊

Айтыңыз маарек болсун!

Ассаламу алейкум ва рохматуллохи ва баракатух!
Бир тууганым 😊!

Бул куттуу күнү Аллах Таала сизге жана жакындарыңызга тынчтык, ден соолук, узун өмүр, ырыскы жана жүрөктөгү ыйманды бекемдөөчү мээримин төксүн! Айт күндөрү боорукердикти, кечиримдүүлүктү жана биримдикти күчөтчү өзгөчө учур.

Жараткан ар бир амал-жакшылыктарыңызды кабыл кылып, дуба-тилектериңизди орундатсын! Бүгүнкү күн сиз үчүн кубанычка, соопко жана жакшылыкка толсун. Жакындарыңыз менен бирге, жылуу мамиледе, ыйман нуру менен курчалган бактылуу өмүр кечирүүнү насип кылсын!

Айтыңыз маарек болсун, ар дайым сооптуу амалдарда болуңуз!