Илим Нуру 🔉📲 📚

Илим Нуру 🔉📲 📚:
Жума күнү Кахф (Үңкүр)  сүрөөсүн окуунун артыкчылыгы...

وروى الحاكم في المستدرك قال رسول الله صلى الله عليه و سلم: "ان من قرأ سورة الكهو يوم الجمعة أضاء له من النور ما بين الجمعتين" 

Имам Хаким "Мустадрагында " байандаган хадисте Алланын элчиси (Алланын алкыш саламдары болсун) айтты: " Кимде ким жума күнү Кахф (Үңкүр) сүрөөсүн окуса, бир жумадан кийинки жумага чейин ага жарык болуп жаркырап турат"(Сохих).

Түшүндүрмө:"Эки жума ортосу жарык болот"- дегени, ошол убакыт ичинде пендени жамандыктан тосуп, жакшылыктын даңгыр жолун көрсөткөн жарык болот дешет айрым аалымдар.
Кээ бир аалымдар тикелей маанисин алып, кадимкидей адам нурлуу болот деп айтышат.

Эгерде арапча окуй алсаңыз Кахф сүрөөсүн  терең ой жүгүртүп окууганга аракет кылыңыз. Көп убакытты албайт.

Арапча окуй албасаңыз, Кахф сүрөөсүн окуган каарыны, жүрөгүңүздү бош койуп тыңдаңыз. Жараткан ниеттерибизге жараша жакшылыктарын жайат. Жакшы ниет менен кылынган эч бир жакшылык жерде калбайт.

Аллах баарын Билүүчү.Жараткан баарыбызды жакшылыктарынан айырбасын.

Жума күнүнүн адептери
1. Гусул алуу
2. Эң чырайлуу кийимдерди кийинүү
3. Атыр жыпар - жыттарды себинүү
4.Ибадатка көбүрөөк көңүл буруу
5.Жума баянын кунт коюп угуу
6. Кахф сүрөөсүн окуу.
7.Пайгамбарыбызга صلى الله عليه و سلم көп салават айтуу
8.Мечитке эрте барып, алгачкы сапка эрте отуруу
9. Көп дуба кылуу
10. Тууган туушкандарды  зыярат кылуу.
Эскертүү:Жазылгандардын кээ бир эркектер үчүн . Мисалы 3.5.8.

Эскертүү момундарга пайда берет..

Аллахтын элчиси (ага Аллахтын алкыш салам салваттары болсун) айтты: 

"Жуманын түнү (Бейшембиден Жумага караган түн) жана Жума күнү мага алкыш салам салаваттарды көбөйткүлө! Ким ошондой кылса, мен Кыйамат күнү ал адамдын пайдасына күбөлүккө өтүп, Жараткандын алдында ортомчу (шапаатчы) болом" 

Көп салават айтканга аракет кылыңыз.

Соллаллооху алейхи ва саллам.

Хадис Шариф
Күндөрдүн эң жакшысы - жума күнү. Ал күнү мага көп салават айткыла. Чынында айткан салаватыңар мага жетет. (Абу Дауд).
https://t.me/ilim444