ПолитКлиника медиа

@politklinika

Гео и язык канала: Киргизия, Киргизский

Категория: Новости и СМИ

ПолитКлиника - такталган гана маалыматтар!

Связанные каналы | Похожие каналы

Гео и язык канала

Киргизия, Киргизский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

ПолитКлиника медиа

21 Nov, 10:12

«Арал», «Сосновка» постторундагы чектөө алынды. Бул тууралуу Өзгөчө кырдаалдар министрлигинин басма сөз кызматынан билдиришти.

Бишкек – Ош унаа жолундагы «Арал» жана «Сосновка» постторунда оор жүк ташуучу унаалардын бардык түрүнө киргизилген убактылуу чектөө бүгүн саат 8:30да алынды.

Белгилей кетсек, кечээ, 20-ноябрда кечке маал Бишкек-Ош унаа жолунда жол тайгак болуп жаткандыгына байланыштуу кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында убактылуу жабылган.

29 0 0

ПолитКлиника медиа

21 Nov, 10:09

Бүгүн, 21-ноябрда Улуттук банктын сайтына жарыяланган расмий валюта курсу менен таанышып алыңыздар.
Сатып алуу:
• 1 доллар 86 сом 50 тыйын;
• рубль 86 тыйын;
• 1 евро 91 сом 37 тыйын.
Сатуу:
• 1 доллар 85 сом 85 тыйын;
• рубль 87 тыйын;
• 1 евро 91 сом 30 тыйын.

33 0 0

ПолитКлиника медиа

20 Nov, 17:12

01:14

Видео недоступно для предпросмотра

Смотреть в Telegram

#Талкуу: Шайлоонун жыйынтыктары: күнгөйү менен тескейи

Борбордук шайлоо комиссиясынын мүчөсү Абдыжапар Бекматов жана саясатчы Мавлян Аскарбеков менен жергиликтүү кеңештеги шайлоонун жыйынтыгы тууралуу талкууладык.

Видеону толугу менен биздин YouTube-каналыбыздан көрө аласыз. Шилтеме👇

https://youtu.be/NnuMjqfoPIo?si=G4_l23aTBhBdJEav

98 0 0

ПолитКлиника медиа

20 Nov, 16:17

⚡️‼️Ташиев: “Садыр Жапаровго эки жолу, мага 5-6 жолу кол салуу аракети болду”

Улуттук коопсуздук мамлекеттик комитетинин (УКМК) төрагасы Камчыбек Ташиев президент Садыр Жапаровго эки жолу жана өзүнө 5-6 жолу кол салуу аракети болгонун журналисттерге билдирди.

“Садыр Жапаровго эки жолу жана мага 5-6 жолу кол салуу аракети болду. Ташиев өтөр жолду жардырып да жиберишмекчи болушкан” деди Камчыбек Ташиев.

Анда айтылгандай, УКМК төрагасын жана анын үй-бүлөсүн эки жолу коркуткан кат да түшкөн. Анда чет элдик атайын кызматтардын жана айрым олигархтардын изи көрүнгөн.

“Мен силер сунуштаган миллиондорду алган эмесмин. Силердин өлкөдөн чыгып кетишиңер керек болгону силердин жиниңерди келтирген. Биздин өлкөдө криминалдар да, олигархтар да болбой турганы силерди кыжырданткан. Эгер силер мени жок кылсаңар, ошонун баары кайтып келет. Балким, кандайдыр бир жолдор менен силер мага залал келтирерсиңер. Бирок көзүм тирүү турганда мен баштаган жолдон кайтпайм”

деди Камчыбек Ташиев.

105 0 0 1 2

ПолитКлиника медиа

20 Nov, 10:09

01:05

Видео недоступно для предпросмотра

Смотреть в Telegram

⚡️‼️“УКМК жетекчилигине кол салуу планын иштеп чыккан”

16-ноябрда Жалал-Абад облусунун Токтогул районунун аймагында мурда тергөө органдарынан жашырынып жүргөн, Камчы Көлбаевдин (К. Асанбек) уюшкан кылмыштуу тобунун активдүү мүчөсү, 1983-жылы Ысык-Көл облусунун Бостери айылында туулган, криминалдык дүйнөдө «Рус Коен» же «Руслан Бостери» деген каймана аты бар Руслан Дүйшеев кармалды.

Бул тууралуу УКМК басма сөз кызматы билдирди.
Маалматта айтылгандай, Руслан Дүйшеев Камчы Көлбаевдин жакын адамдарынын бири болуп, Ысык-Көл районунун Бостери айылын караган. Мурда каракчылык, адам өлтүрүү сыяктуу оор жана өзгөчө оор кылмыштар үчүн соттолгон.

“Ошондой эле колдо болгон маалыматтарга ылайык, издөөдө жүргөн Р. Дүйшеев УКМК жетекчилигине кол салууну уюштуруу планын иштеп чыккан” деп айтылат билдирүүдө.

Иликтөө жана ыкчам иш-чаралардын жыйынтыгы менен Дүйшеевге уюшкан кылмыштуу топту түзгөн жана ага катышкан деген айып тагылып, УКМКнын тергөө абагына киргизилди.

119 0 0

ПолитКлиника медиа

17 Nov, 22:25

⚡️‼️Бишкек шаардык кеңешине беш партия өттү

Шайлоо участокторунун 97,22% нын маалыматтары боюнча, Бишкек шаардык кеңешинин депутаттыгына ат салышкан алты саясий партиянын бешөө өттү.

Бул тууралуу Борбордук шайлоо комиссиясы (БШК) билдирди.

Алар:

1.“Жаңы күч” партиясы – 29,40% (16 мандат);

2. “Эмгек” партиясы – 21,93% (12 мандат);

3. “Адилет” партиясы – 15,11% (9 мандат);

4. “Ынтымак” партиясы – 14, 02% (8 мандат);

5.”Эл үмүтү” 11,04% (6 мандат).

“Улуу журт” партиясы 1,34 % добуш алып, 5% чектен өтө алган жок.

Бишкек шаарында 8686 же 7,16% шайлоочу баарына каршы добуш берди.

167 0 1

ПолитКлиника медиа

16 Nov, 19:45

01:37

Видео недоступно для предпросмотра

Смотреть в Telegram

#БулЖумада: Матраимов бошотулду, Жапаров сөз эркиндиги бар деди, жаңы айыл ачылды

Апта ичинде болуп өткөн маанилүү жаңылыктар менен таанышыңыз👇

https://youtu.be/jSFlBMqw3vE?si=qlha6D4KiOhgbGmW

214 0 0 1

ПолитКлиника медиа

16 Nov, 10:51

00:30

Видео недоступно для предпросмотра

Смотреть в Telegram

⚡️‼️Легендарлуу Майк Тайсон 27 жашар Жейк Полго жеңилип калды

58 жаштагы оор салмактагы легендарлуу мушкер, мурдагы абсолюттук чемпион Майк Тайсон жылдын башкы мелдешинде 27 жаштагы мушкер Жейк Полго жеңилип калды. Мелдеш 8 раундга созулуп, калыстардын чечими менен жеңиш атаандашына ыйгарылды.

Жаңылыктарды видео форматта көрүүнү кааласаңыз биздин Instagram баракчага катталып кетиңиз👇👇👇

https://www.instagram.com/politklinika.kg?igsh=MWR4Znd4cnhuNmhxZg%3D%3D&utm_source=qr

205 0 0 1

ПолитКлиника медиа

16 Nov, 09:56

02:20

Видео недоступно для предпросмотра

Смотреть в Telegram

⚡️‼️Темирлан Султанбековдун атасы Медетбек Султанбеков уулунун кармалышына байланыштуу кыргыз элине, президент Садыр Жапаровго, УКМК төрагасы Камчыбек Ташиевге кайрылды.

173 0 0 3

ПолитКлиника медиа

14 Nov, 18:57

⚡️‼️«Социал-демократтар» партиясы шайлоодон четтетилди

Бүгүн, 14-ноябрда Бишкек шаардык аймактык шайлоо комиссиясы «Социал-демократтар» партиясын Бишкек шаардык кеңешке шайлоого катышуудан четтетүү чечимин кабыл алды. Бул тууралуу «Азаттык» жазды.

Аймактык шайлоо комиссиясы аталган партиянын маселесин Бишкек шаардык ички иштер башкы башкармалыгынын (ШИИБ) арызы боюнча караган. Бишкек ШИИБ бүгүн эртең менен «Социал-демократтар» партиясынын штаб башчысы Ирина Карамушкина менен партиянын тарапташы Роза Турксевердин шайлоочулардын добуштарын сатып алуу кылмыш иши менен кармалганын билдирген.

«Аймактык шайлоо комиссиясынын төрагасы Бахадыр Конуров аталган партияга буга чейин эки ирет эскертүү берилгенин билдирген»,- деп жазды «Азаттык».

199 0 0 2 3

ПолитКлиника медиа

14 Nov, 14:41

⚡️‼️ИИМ Жумгалда дайынсыз жоголгон ата-баланын бирөөсүнүн сөөгү табылганын билдирди

Бүгүн, 14-ноябрда Ички иштер министрлиги (ИИМ) Нарын облусунун Жумгал районунда дайынсыз жоголгон 45 жаштагы жарандын жансыз денеси табылганын билдирди. Аны менен кошо жоголгон баласы табыла элек.

Маалыматка ылайык, ИИМдин Баңгизаттарды мыйзамсыз жүгүртүүгө каршы күрөшүү кызматынын Кинологиялык борборунун кызматкерлери иттердин жардамы менен жансыз денени дарыянын жээгинен табышкан.

«Ит жоголгон жарандын жытын алып, анын сөөгүн Көкөмерен суусунун боюнда аныктады. Учурда издөө иштери анын уулун табууга багытталган»,- деп айтылат маалыматта.

Эске салсак, ата-бала 16-октябрь күнү мал кайтарууга жайлоого кетишкен бойдон дайынсыз болуп жаткандыгы тууралуу маалымат 19-октябрь күнү кабарланган.

200 0 0

ПолитКлиника медиа

14 Nov, 12:44

01:21

Видео недоступно для предпросмотра

Смотреть в Telegram

⚡️‼️Камчыбек Ташиев Райымбек Матраимовду эмнеге бошотушканын айтты

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Райымбек Матраимов мамлекетке 200 млн доллар төлөп, үй камагына чыкканын айтты. Ал муну бүгүн, 14-ноябрда парламенттин жыйынында билдирди.

Камчыбек Ташиев мамлекетке ушунча төлөткөндөн кийин Матраимовду түрмөгө камап отуруунун эч кандай пайдасы жок экендигин, ошондой эле жакында анын соту боло турганын, ошондо ал өзүнүн күнөөсүн тартарын айткан.

212 0 1 1

ПолитКлиника медиа

13 Nov, 17:26

00:30

Видео недоступно для предпросмотра

Смотреть в Telegram

‼️⚡️«Социал-демократтар» партиясынын төрагасы Темирлан Султанбековду суракка алып кетишти.

Бул тууралуу ал Инстаграм баракчасындагы түз эфирден билдирди. Бирок кайсы жакка суракка кеткенин айткан жок.

218 0 0

ПолитКлиника медиа

13 Nov, 16:32

⚡️‼️“Социал-демократтар” партиясынын штабына милиция кызматкерлери келди

“Социал-демократтар” партиясынын штабына милиция кызматкерлери келди. Аталган партиянын мүчөсү Кадырбек Атамбаев окуя болгон жерден Фейсбуктагы баракчасы аркылуу түз эфирге чыкты.

https://www.facebook.com/share/v/1BRHxqA62C/?mibextid=iCjFHx

Партиянын төрагасы Темирлан Султанбеков штабдын кеңсесине киргизилбей жатканын айтып, Инстаграмдагы баракчасында түз эфирде чагылдырылып жатат.

https://www.instagram.com/temirlan_sultanbekov__/live/18077018059585481

211 0 0 1

ПолитКлиника медиа

13 Nov, 15:24

⚡️‼️Райымбек Матраимов эч жакка чыкпоо тилкаты менен коё берилди

Бишкектин Биринчи Май райондук соту Райымбек Матраимовду эч жакка чыкпоо тилкаты менен эркиндикке чыгарды.

Маалыматта айтылгандай, сот Улуттук коопсуздук боюнча мамлекеттик комитеттин (УКМК) тергөөчүсүнүн Матраимовдун баш коргоо чарасын өзгөртүү боюнча өтүнүчүн канааттандырып, аны эч жакка чыкпоо тилкаты менен коё берген.

Эске салсак, 2024-жылдын 25-мартында УКМК тиешелүү атайын кызматтар менен бирге Азербайжан аймагында Кыргызстандын мамлекеттик бажы кызматынын төрагасынын мурдагы орун басары Райымбек Матраимовду кармап, Кыргызстанга алып келген. Ошондой эле аны менен бирге Р.Матраимовдун бир туугандары Тилек Матраимов, Руслан Матраимов, Исламбек Матраимов да алынып келинген.

169 0 0

ПолитКлиника медиа

13 Nov, 12:07

⚡️‼️ӨКМ: Жумгалда жоголгон ата менен баланы үзгүлтүксүз түрдө издөө токтотулду

Өзгөчө кырдаалдар министрлиги (ӨКМ) Жумгал районунда дайынсыз жоголгон ата-баланы издөө натыйжа бербегенинен улам активдүү түрдө издөөнү токтотту. Бул тууралуу аталган министрликтин басма сөз кызматы бүгүн, 13-ноябрда билдирди.

Маалыматта айтылгандай, аталган министрлик жоголгон ата менен баланын жакындары менен жолугушуп, издөөнүн активдүү фазасы аяктаганын, бир жумада эки жолу издөө жүргүзүлүп турарын билдиришкен.

Эске салсак, ата-бала 16-октябрь күнү мал кайтарууга жайлоого кетишкен бойдон дайынсыз болуп жаткандыгы тууралуу маалымат ӨКМнын «112» номерине 19-октябрь күнү кабарланган. 49 жаштагы К.Б . жана 9 жаштагы С.Б. аттуу ата-баланы издөө иши ушул күнгө чейин үзгүлтүксүз уланып келген.

«Өзгөчө кырдаалдар министри, генерал-майор Бообек Ажикеевдин жеке көзөмөлү менен бир айга жакын издөө иштери уланып, куткаруучулар менен жалпы 30дан 120га чейинки сандагы адамдардын коштоосунда жана дрондордун, дүрбү, рация, авариялык куткаруу унааларынын жардамында изделип келди»,- деп айтылат маалыматта.

181 0 0

ПолитКлиника медиа

13 Nov, 10:18

⚡️‼️Садыр Жапаров мушкер Дмитрий Биволго Rolls-Royce Silver Shadow үлгүсүндөгү автоунааны белекке берди

Унааны Президенттин уулу Рустам Жапаров тапшырган. Бул туурасында мушкер өзүнүн instagram баракчасында жарыялады.

154 0 2

ПолитКлиника медиа

13 Nov, 10:04

00:46

Видео недоступно для предпросмотра

Смотреть в Telegram

⚡️‼️Дастан Бекешев Бишкектин жолдоруна троллейбустарды кайтарууга чакырды

Депутат Дастан Бекешев парламенттин 13-ноябрдагы жыйынында бийликти Бишкектин жолдоруна троллейбустарды кайтарууга чакырды. Ал шаарда коомдук транспорт жетишпей жатканын белгиледи.

174 0 0

ПолитКлиника медиа

13 Nov, 09:09

01:54

Видео недоступно для предпросмотра

Смотреть в Telegram

⚡️‼️Жанар Акаев: Мугалимди шылдыңдаган аялды мугалимдердин, коомчулуктун алдында кечирим суратуу керек

Жогорку Кеңештин (ЖК) депутаты Жанар Акаев мектепте мугалимди шылдыңдаган аялга болгону миң сом айып пул салынганына нааразычылыгын билдирди. Ошондой эле аны эл алдына чыгарып, кечирим суратууну жана жазага тартууну сунуштады. Ал бул билдирүүсүн ЖКнын бүгүн, 13-ноябрда болуп жаткан жыйынында айтты.

Депутат ансыз да мугалимдер жетишпеген өлкөдө мындай окуялар менен мугалимдерди мектепке тартуу оор болорун айтты.

179 0 0

ПолитКлиника медиа

8 Nov, 10:54

Бакальчук Кыргызстандын жарандыгын жазында алганын, жана бул кадам сонун жана достук мамиледеги өлкөдө ишкердик жүргүзүүгө жардам берерин айткан.

«Кыргызстан — биз ири логистикалык борбор курууну пландаштырган өлкөлөрдүн бири, эми мен компанияга кайтып келерим менен бул ишти мүмкүн болушунча натыйжалуу ишке ашыра аларыма ишенем»,- деген ал.

Ошондой эле Владислав Бакальчук Wildberries компаниясына кайтып келүүнү жана компаниянын кызыкчылыгы үчүн иштегенди улантууну пландап жатканын билдирген. «Орусиядан кетейин деген оюм жок»,-деген ал.

266 0 0 1 1

Показано 20 последних публикаций.

702

подписчиков

Статистика канала

Язык сайта

TGStat Academy | Большой урок

3 урока по Telegram бесплатно

Прямой эфир по Таро. Любые вопросы

ПолитКлиника медиа

Гео и язык канала

Категория

702

Популярное в канале