Турат Алыбаев

​📢 ЖАСАЛМА ИНТЕЛЛЕКТИН – БҮГҮНҮ ЖАНА ЭРТЕҢИ 🤖✨

Жасалма интеллект дүйнөнү өзгөртүүдө! Ал бүгүн бизге кандай мүмкүнчүлүктөрдү берип жатат? Деги эле Жасалма интеллект илимий чөйрөгө, АйТи тармагына, медицинага кандай таасирлери кандай болууда? Келечекте эмнелер бизди күтүүдө? Ушул суроолорго жооп издегендер үчүн кызыктуу иш-чара өтөт!

📅 Дата: 29-март
⏰ Убактысы: 15:00
📍 Орду: Technoрark Coworking, Meta Hall.
👥 Кирүү: Акысыз! Каалоочулар келе алышат.

🎤 Спикерлер:
Айзада Акбекова – Германиядагы SAP компаниясында Senior Software Engineer.
Мурат Жумашев – MBank компаниясында Senior програмчы.
Заирбек Бактыбаев – Журналист, редактор, техно блогер.
Абдилахат Матраимов – АйТи компаниянын негиздөөчүсү жана “iSistant” аналитикалык программасынын ээси.

🔎 Тема: ЖАСАЛМА ИНТЕЛЛЕКТИН – БҮГҮНҮ ЖАНА ЭРТЕҢИ!

👨‍💼 Уюштуруучулар: Kyrgyz – German IT Community, Турат Алыбаев – агартуучу, программист жана TechnoPark Co-working.

🚀 Жасалма интеллект жөнүндө тереңирээк түшүнгүңүз келеби? Анда бул иш-чарага катышууну унутпаңыз!

🔗 Катталуу үчүн бул жерди басыңыз:

#AI #ЖасалмаИнтеллект #TechnoPark #ИшЧара #Келечек #Программисттер #Технология

​🥳 Агартуунун алптары менен

❓Ассалоому алейкум урматтуу окурманым, бүгүнкү бийлик төбөлдөрүбүздүн билимге карата жүргүзүп жаткан саясатына сиздердин көз карашыңыздар кандай болуп жатат?

🔹 Кечээ жакында агартуунун алдыңкылары, өлкөбүздө легендага айланып калган инсандар менен бирге ооз ачуу дасторконунда отуруп, көп нерседен кеч кабардар болдум.
Гапыр Мадаминов агай, Кубат Чекиров агай, Германияда көп жылдан бери АйТи тармагында иштеп, өлкөбүздүн билим тармагында өсүп-өнүүсүн каалап, жаштарга үлгү болуп, алардын билимдүү болуусуна күйүп жүргөн Айзада Акбекова эжебиз, Гапыр агайдын кызы Гүлсара, биздин мыкты программист кызыбыз Италияда окуп билим алып жүргөн Арууке болуп ооз ачууда отуруп, көп маселени талкуу кыла отурдук.

🔹 Ооба, 12 жылдык окууга өтүп жатканыбыз бул көп эле жагынан жакшы экени баарыбызга маалым. Жалпы мугалимдер жамааты, коомчулук буга канчалык даяр же даяр эмес экени ал башка тема, бирок 12 жылдык билим берүүгө өтсөк бул албетте кийинки муун жаштарыбыз үчүн, айрыкча чет өлкөдө билим алууну самаган жаштарыбыз үчүн эбегейсиз зор салым болору бышык.

🔸 Бирок деген маселе бар эмеспи, ушул 12 жылдык окуу системасына өтүү менен эле бирге, өлкөбүздөгү 180 дей лицей-гимназиялардын дагы лицензиялары алынып, алар жөн гана орто мектеп болуп калыптыр. Бир нерсени жабуудан мурда же бузуудан мурда, анын ордуна кандай альтернатива коюп жатабыз ошону жакшы ойлонсок э. Же бир канча туура эмес жери үчүн баарын жапырт жаап салбай, ошол иштебеген жерин гана алып койсо кантмек дейм да.

🔹 Айтайын дегеним, 180 лицей-гимназиянын баарын жаап салбай, алардын максатына жете албай жаткандарын жаап, жакшы иштеп жаткандарын деле алып калса болмокпу деген ойдо калдым.

🔹 Урматтуу окурманым, кандай болгон күндө да ар бирибиз өзүбүздү өнүктүрөлү, өлкөнүн өнүгүүсүнө салым кошолу. Кубат агайлар, Гапыр агайлар Айзада эжелер кандай аракет менен ушул даражага жетишкен, алар жеткен ийгиликти ар бир жараныбыз багынта аларына ишенем. Өлкөбүз билим менен гана алдыга жылат, билим менен гана көз карандысыз, эркин, азат жашай алат.

✍🏻 Турат Алыбаев – агартуучу, програмчы. Бишкек, 23-март, 2025-жыл.

​🚀 6 АЙЛЫК IT СТАЖИРОВКАСЫНА КАТТОО БАШТАЛДЫ!

Сиз IT тармагында тажрыйба топтогуңуз келеби? Реалдуу долбоорлор менен иштеп, профессионалдардан үйрөнүүгө даярсызбы? Анда биздин 6 айлык IT стажировкабызга кош келиңиз!

📌 Багыттар:
✅ Flutter
✅ Java
✅ Python
✅ Front-End
✅ UX/UI Design

📅 Узактыгы: 6 айга чейин
📍 Формат: Онлайн гана. Дискорд платформасында иштейбиз.

👨‍💻 Команда менен иштөө:
🛠 Тим лидерлер жана проект менеджерлер менен иш алып барасыз.
💡 Тех лидерлер долбоолорду анализдеп, техникалык жактан жаралган маселелерди чечүүгө жардам кылышат.

📢 Катталуу бүгүн башталды!

🔗 Толук маалымат жана катталуу үчүн + калтырыңыз, бизге сизге өзүбүз байланышабыз!

👨‍💻 Урматтуу окурманым келиңиз өзүңүздү өнүктүрүңүз жана өлкөнүн өнүгүүсүнө салым кошуңуз! АйТи тармагын окуган, код жазууга киришкен ар бир адам бул тармакта иштеп кете алат. Өзүңүзгө ишениңиз, жана биз менен тажрыйба топтоп, биз сунуштаган же өзүңүз каалаган компанияга коркпостон ишенимдүү ишке кирип алыңыз!

🚀 IT тармагында келечегиңди бүгүн башта!
#ITстажировка
#Өнүгүү
#ПрограммистЖолу

​🥳 Сүйүнчү! Туугандар сүйүнчү, уулдуу болдук!

🔹 Кудайдын буйругу менен 3-мартта биздин үй-бүлөбүзгө дагы бир үй-бүлө мүчөбүз кошулду.

🔹 Атын Жусуп деп койдук. Жусуп пайгамбардай, Жусуп Баласагындай, Жусуп Абдрахмановдой мыкты инсандардын катарын толуктасын деген максат менен ушул атты тандадык.
Динибизде балага атты атасы коет дейт, бирок ошентсе дагы биз өз атабызды, энебизди урматтап аларды ат коюп бериңиздер деп сурандык. Алар койгон ат бизге да жакты, уккан адамдын бардыгы жактырып жатышат.

🔹 Кудайым перзентибиздин ыйманын бек, өмүрүн узун, ырысын кең кылсын деп тилек кылабыз жана ата-эне катары биз дагы анын жакшы адам болуп чоңоюусуна аракетибизди кылабыз.

🔹 Урматтуу окурманым, биз кубанычыбызды сиз менен тең бөлүшүп жатабыз, сиз дагы бир-эки ооз сөз жакшы каалоо тилегиңизди жаза кетиңиз.

✍🏻 Турат Алыбаев – агартуучу, програмчы. Бишкек. 6-март, 2025-жыл.

​🕌 Рамазан айыбыз куттуу, берекелүү болсун!

👋🏻 Ассалоому алейкум урматтуу окурманым. Кудайдын буйругу менен бул ыйык Рамазан айына дагы аман-эсен кирип алгандардын катарында турганыбызга абдан кубанычтабыз.

🔹Бул жылы Рамазан айынын алдында абдан катуу оорудум. Улам барган сайын гриппке туруштук берүү деле оорлой берет окшобойбу көрсө. Бардыгыңыздарга ден соолук каалайм. Кудайым оору-сыркоодон алыс кылсын. Ден соолукта болуңуздар.

🔹Урматтуу окурманым, бул ыйык Рамазан айы сиз үчүн болуп көрбөгөндөй сонун болсун. Ар бир кылган ишиңиздин Кудай Таалам берекесин миң эселеп арттырсын. Рамазан айы берекенин айы, тынчтыктын айы, жакшылыктын айы. Рамазан айы айлардын султаны.

🔹Рамазан айында адамдар да ушунчалык жумшак, мээримдүү, сылык болуп кетет эмеспи. Ошол орозонун шарапаты менен жеткен мүнөзүбүз туруктуу болуп бизде калсын. Ушул айда жеткен жакшылыктарыбыз кетпесин. Рамазан айында жеткен жакшы мүнөзүбүз кетпес болуп бизде сиңип жашасын.
🔹 Күндүзү сабыр менен, түндөсү тообо жана дуба менен өткөрүү насип болсун. Рамазандагы ар бир күнүбүз береке, кубаныч жана сооптуу амалдар менен кооздолсун. Ар күнү өзүңүздү өнүктүрүңүз, өлкөнүн өнүгүүсүнө өзүңүздү өнүктүрүп салым кошуңуз!

✍🏻 Турат Алыбаев – агартуучу, програмчы. Бишкек ш. 1-март, 2025-жыл.

​🔊 Ассалоому алейкум, урматтуу окурманым.

🔸 Азыр барыбыз билгендей АйТи курстар жана АйТи тармагын окуткан окуу жайлар, университеттер, колледжер абдан көп, бирок дагы деле баягы көйгөй, жумуш табуу абдан оор маселе болуп жатат.

🔸Чындап АйТи тармакта өз ордумду тапкым келет, жумушка орношкум келет дегендерге жардам берүүнү улантып жатабыз.

🔸Буга чейинки ачылган стажировка командабыздан Оптима банкка, Бай дыйкан компаниясына дагы бир канча компанияга жумушка кирген стажерлерубуз болду.

🔸Биз бул ирет жакшы тажрыйба топтой алдык. Проекттерди даярдап чыктык. Эми бизде мурункудан да жакшы жаңылыктар пайда болду.
Бакай банктан Нурдөөлөт мырза, Элдик банктан Элдияр мырза, Италиядан Арууке, Польшадан Кызсайкал, жана бул жактан мен командам менен кийинки стажировканы дагы да профессионалдуу жана олуттуу кылып иштеп чыктык.
1 жылдык узун стажировка баштадык.

🔸Рамазан айынын ичинде 2 проект фроненд, бекенд, мобилька, дизайнер команда менен толугу менен талкуу кылынат. Андан кийин чогуу отуруп техникалык тапшырмалар жазылат. Дизайнерлер проекттин дизайнын иштеп чыкканга чейин программисттер кошумча тапшырмаларды алып, билимин арттырып турушат.
Качан гана дизайн даяр болгондо программисттер архитектура түзүп, кайрадан проектти талкуулап, разработка жумуштарын башташат.

🔸Стажировка толугу менен он-лайн болот. Күндүз башка жумушун аткарып, кеч киргенде толугу менен разработкага отура алам дегендер, 1 жыл аралыгында сөзсүз жакшы компанияга жумушка кирип кетишим керек деген стажерлерду кабыл алууга даярбыз.

1. Flutter developer;
2. Java developer;
3. JavaScript developer;
4. UX – UI Designer;

🔸 Ушул багыттагы стажерлерду кабыл алабыз, албетте төлөмү арзан болбойт. Каалоочулардын бардыгын ала бербейбиз, каалоосу күчтүү жана ушул багытта сөзсүз иштеп кетишим керек деген гана адамдарды алабыз. Өзүнө ишенген, АйТи тармакта өзүн издеген стажерлер үчүн эшигибиз ачык. Албетте орундар чектелүү.

✍🏻 Турат Алыбаев, агартуучу, програмчы. Бишкек ш. 26-февраль, 2025-жыл.

​👩‍🏫 Мугалим коомдук фонду - келечек мугалимдердин колдоочусу! 🌟

Ассалоому алейкум, урматтуу окурманым! Көптөн бери сиздер менен кабарлашпай, катташпай кеттим. 🕰 Мунун бир канча себептери бар. Сиздер үчүн макала жазып турбасам, өзүмдүн да колум кычышат. 📜 Негизи бул макаланы бир канча күн мурда эле жазышым керек эле, бирок убакты сааты чыкпай отуруп ушуга келдик.
🇰🇬 Билим берүү - ийгиликтин ачкычы! 🔑

Мен өлкөмдүн билим берүү тармагы өнүксө, жарандарыбыз жакшы билим алса деп тилек кылам. Билим берүүгө салым кошо турган иш-чара болсо, аны колдоого ар дайым аракет кылам. Эгерде колуман келбесе, жок дегенде жакшы сөзүмдү, комментарийимди калтырып колдоо көрсөтөм. 💬
Эрмек - агартуу жаатында жигердүү жигит! 💪

Эрмек иним мен жакшы көргөн, сыймыктанган инсандардын бири. Биз бир топ жыл чогуу иштеп, билим берүү жаатында тажрыйба топтогонбуз. Ал кезде Эрмек студент болуп, жатак мектепте окуучуларга тарбиячы болуп иштеп жүргөн. 👨‍🏫

📚 Мугалим коомдук фонду - келечектин пайдубалы!
Эрмек азыр болочок мугалимдерди тарбиялап, айына 8 миң сомдон стипендия берип жатат. 🤯 Бул гана эмес, алар үчүн атайын офис ачып, кошумча семинарлар, тренингдер өткөрүп, алардын кесиптик деңгээлин жогорулатууда. 🌱

✊ Колдоо көрсөтөлү!
Мындай иштерди колдоо менен өлкөбүздүн билим берүү тармагына салым кошо алабыз. mugalim.chyrak инстаграм барагына катталып, өзүбүздүн салымыбызды кошолу. 🙌 Ал тургай, бир студенттин стипендиясын көтөрүүгө да жардам берсек болот. 📈

✍🏻 Турат Алыбаев, програмчы, агартуучу.
Бишкек ш., 3-февраль, 2024-жыл.
📢 Билим берүүдө биргеликте алдыга жылабыз!
🌐 #БилимБерүү #МугалимКоомдукФонду #КелечекМугалимдер #КолдооКөрсөтүү #ИйгиликкеЖетели

💻 Программист болуунун негизги 3 себеби

📌 Ассалоому алейкум урматтуу окурманым, негизи АйТи окуу үчүн себептер көп, бирок менин жеке көз карашым жана биздин компаниябыздын алдыга койгон максаттарына байланыштуу негизги 3 себепти кененирээк баяндап берейин. А сиз болсо АйТи окуп жүргөн, окуйм деп жүргөн, иштеп жүргөн программисттерге балдарын АйТи тармагына окуткусу келген ата-энелерге бул макаланы жиберип коюңуз.

Кыскача айта турган болсом:
1. Өлкөбүздү өнүктүрүү үчүн;
2. Билим берүүнү өнүктүрүү үчүн;
3. Жакшы жашоо үчүн;

📌Бул айтылган 3 себеп үстүртөн караганда бардык эле тармакка тиешелүү жана жалпылай гана көрүнүшү мүмкүн. Мен азыр бул 3 себепти тереңирээк түшүндүрүп берейин.

1. Эң негизгиси АйТи тармагын өнүктүрүү менен, бул тармак окуу менен өлкөбүздүн өнүгүүсүн көздөшүбүз кажет. Эптеп окуп, эптеп иштейм деген түшүнүктөн чыгып. Масштабдуу иштерди кылайын, жок дегенде СНГ да таасирдүү бир нерсе жасап чыгайын же жасап чыгалы деп чоңураак максаттар менен аракет кылалы. Биз жасаган продуктулар бүтүндөй өлкөбүзгө пайда алып келерине ишенип аракет кылалы.

2. АйТи тармагын окуунун же бул тармакты үйрөнүүнүн дагы бир негизги максаты, биз үйрөнгөн билимибиз менен өлкөбүздөгү билим берүү сапатын, тилибиздин интернет тармагында жайылышына салым кошууну максат кылсак дейм. Жасап жаткан иштерибизди, үйрөнүп жаткан материалдарыбызды Кыргыз тилинде чыгарууга аракет кылсак. Эптеп акча тапканыбызга ыраазы болуп, курсак ток болсо эле кайгы жок экен деп бейкапар жашай бербей, биздин билимибиз, биздин аракетибиз келечек үчүн да пайда калтырабы – ошону да ойлоно иштесек.

3. Албетте бардыгыбыздын эле каалообуз жакшы жашоо. Бирок элибизде айтылат эмеспи, өзүңө каалаган жакшылыкты башкага да кааламайын жакшы адам боло албайсың деп. Эң башта АйТи тармагынын пайдасын өзүңүз көрүңүз. Жакшы айлык алыңыз, жакшы жашоо куруңуз. Жакшы үйүңүз, жакшы машинеңиз болсун. Балдарыңыз жакшы мектептерде окусун. Алгач өзүңүздүн жашоо шартты жакшыртыңыз, анан курсак ток болсо, изденүүгө, жаңыланууга, жакшы нерселерди ойлоп табууга мүмкүнчүлүк болот эмеспи.

Урматтуу окурманым, бул айтылып жаткан ойлор сиздерди изденүүгө, аракет кылууга түртөт деп ойлом. Биздин АйТи компаниябыздын максаттары ушундай. Биздин програмчылар жакшы жашаса, анан жалпы өлкөбүз үчүн пайдалуу боло турган нерселерди иштеп чыксак деген асыл ой-тилектерибиз бар. Биз ушунун үстүндө аракет кылабыз. Ооба, биз ойлогон ойлорго дароо жете албашыбыз мүмкүн, бирок ошол жолдо аракет кылуубуз дагы бизди бактылуу кылат. Буюрса чоң ийгиликтерди бирге жараталы. Сизге жана бардыгыбызга ийгиликтерди каалайм. Өзүбүздү өнүктүрүп, өлкөбүздүн өнүгүүсүнө салым кошолу! Ден соолукта болуңуз!

✍🏻 Турат Алыбаев, агартуучу, програмчы. Бишкек шаары 25-декабрь, 2024-жыл.