Хүрээ Тыва Бөлүк

Буддийжи Ассамблеяның волентерлары , Алдын-Чырык фондузу. Россияның кадыы кошкак, инвалид уруглар организациязы база Иениң чүрээ социал дузаламчы төвүнүң 18 харга чедир 53 инвалид ♿️ чаштарга үнүп орар 2025 чаа чыл, бүдүү айында, чигирсиг чем болгаш белектерни тывыскан. Кадык шынарлыг болурунуң илби-шидизин тып, аас-кежиктиг болурун бүгү Тываның-лама башкыларындан йөрээдивис 🙏🙏🙏

Хүндүлүг чонувус!

Ноябрь 24, 25, 26 хүннеринде бүгү Тываныӊ хүрээлеринге
12:00 шакта сарыг-шажынчыларныӊ улуг байырлалы «ЧУЛА» хуралы болуп эртерин дыӊнаттывыс. «ЧУЛА» байырлалы – Цонхава башкывыстыӊ бо орандан «Кандан» оранынче чорутканынга тураскааткан улуг хурал болуп турар.
Бо хүннерде буян кылып – өскелерге дуза кадып, дуган-хүрээлерге тейлээшкин кылып, Цонхава башкывыска, Буддаларга, 3 Эртинеге чырыктыӊ дээжизи чуланы өргүп, субурганнар, хүрээлерни хүн аайы-биле долганып, тариналар номчуп эртирер болза ооӊ буяны 1000 катап делгерээр. 2 дугаар Будда деп санадып турар Цонхава башкывыс-биле сырый харылзаа тургустунар болзун дээш башкывыска, Уш Дээди Эртинеге улуг тейлээшкин, өргүлдер өргээн, дилеглер кылган йөрээл, номналдар болур.

Камбы-Лама Эргелели

Чөөн-Хемчик Үстүү-Хүрээ

Бохүн Тыва Республиканың Пандито Лобсаң Чамзы Камбы-Лама башкывыстың 105 чыл ою. База Тыва Арат Республиканың совет эвилелинге катышканының 80 чыл ою таварыштыр, Тыва хүреш, баг адар оюн тоглааны эртирип база Камбы-Лама эргелиниң мурнундан эрес-дидим Маадырлыг Сво-да оолдарывыска Мотоцикл хөлгени деткимче кылдыр берген.