ᎪᏦЫᏢᎬᎢᎢИᏦ ᎪᎷᎪЛДᎪᏢ

БИЗ СЕЗБЕГЕН ЖАЗАЛАР

Бир киши солих адамдардан биринин жанына келип:
— Ар бир күнөө үчүн жаза бар деп уккамын. Мен Аллага көп күнөө кылдым, бирок Алла мени жазалаган жок го? — деп сурады.

Солих адам:
— Эй, уулум! Балким, Алла сени өзүн сезбей тургандай кылып жазалап койгондур! — деп жооп берди.

Ал киши таң калып:
— Кантип?! — деди.

Солих адам мындай деп түшүндүрдү:
— Сени күнөө-кемчилик кылуудан ырахат алгыдай кылып койгон жокпу?!
— Куран окубай жума, айларды өткөрүп жиберчү кылган жокпу?!
— Түндө туруп ибадат кылуудан куру калтырган жокпу?!
— Тилиңди зикирден тосуп койгон жокпу?!
— Сени мансапкор, дүйнөгө берилип, акчадан башканы сүйбөгөн кылган жокпу?!
— Ибадаттарды сен үчүн оор кылган жокпу?!
— Тилиңе ушак, жалган, гайбатты жеңил кылган жокпу?!
— Акыретти унуттуруп, дүйнөнү эң чоң көйгөйүң кылып койгон жокпу?!

Мына ушул кордуктардын баары — сен сезбеген Алланын жазалары! — деп жооп берди.

Жакшы Мүнөздүн Баркын Билгиле

Бир күнү бай адам базардан азык-түлүк сатып алып, кызматкери менен үйүнө кайтып келе жатты. Жолдо бир киши ага катуу сөздөрдү айтып, акарат кылды. Бай адам мындай сөздөрдү угуп турду, бирок эч кандай жооп кайтарган жок. Кызматкери таң калып сурады:
— Урматтуу мырзам, бул киши сизди кемситти, бирок эмне үчүн ага жооп берген жоксуз?
Бай адам жылмайып мындай деди:
— Эгер кимдир бирөө мага жамандык кылса, мен да ага жамандык менен жооп кайтарсам, анда мен дагы ал сыяктуу болуп калам. Бирок ага жакшылык менен жооп кайтарсам, балким ал өзүнүн катасын түшүнөт.
Ошондо кызматкер дагы сурады:
— Бирок ал сизди абдан жаман сөздөр менен тилдеди го!
Бай адам акылмандык менен мындай жооп берди:
— Эгер бирөө мага белек берсе, бирок мен аны албай койсом, белек кимге калат?
— Белек, албетте, берген кишинин өзүнө калат, — деди кызматкер.
— Ооба, дал ошондой. Эгер кимдир бирөө мага жамандык кылса, мен аны кабыл албасам, анда жамандык кимге калат?
Кызматкер бул акылман сөздөрдү түшүнүп, мындан ары сабырдуу болууну жана адамдар менен жакшы мамиле кылууну өзүнө сабак алды.

Бул окуядан алынган сабак:

1️⃣ Жамандыкка жамандык менен жооп кайтаруу адамды пас кылат.
2️⃣ Жакшы мүнөз – адамдын чыныгы байлыгы.
3️⃣ Сабырдуулук жана жакшы мамиле адамдарды оң жакка өзгөртөт.
4️⃣ Жаман сөздөрдү кабыл албоо – эң жакшы жооп.

*Жакшы мүнөз – адамды бул дүйнөдө да, акыретте да эң жогорку даражага жеткирчү улуу сапат!*

🌿 НААЛЫБАНЫЗ...

💫 Өлүмү анык болсо да, жашоого суусаган оорулууларды көрдүм...

👁 Көзү көрбөсө да, жүрөк көзү ачылгандарды көрдүм...

💰 Акчасы аз болсо да, шүгүрү көптөрдү көрдүм...

🌱 Оору-сыркоосу оор болсо да, үмүтү барларды көрдүм...

⏳ Дагы көпкө уланта алмакмын...

😊 Тынчсызбы, көңүлүңүз токпу, ден соолугуңуз аманбы – наалыбаңыз, берилген жакшылыктарга кыянат кылбаңыз...

🌿кичинекей
жакшылык (аңгеме)

Бир кедейдин кабырына жарык дүйнөдөн үч түтүк түшүп келиптир. 🌟 Кедей таң калып, Аллахка жалбарып сураптыр:
— Эй, Жаратуучум, бул кандай керемет? Бул түтүктөрдөн мен эмнени күтөм?

Жооп болуптур:
— Сооп...
— Кандай сооп?
— Биринчисинен тиккен дарактарың менен өстүргөн бактарыңдан сооп агат. 🌳💧
— Оо, аттиң! Өмүрүмдө бир да көчөт тиккен эмесмин. Демек, бул түтүктөн үмүт жок.
— Экинчисинен урпактарыңдан сооп келет. 👶💫
— Эх, мен бул жакшылыктан да куру калдым. Жарык дүйнөдөн бала-чакасыз өттүм. Артымдан дуба кылчу эч кимим жок.
— Үчүнчүсүнөн курган көпүрөлөрүң, казган арыктарың, салган медреселериң, тегирмендериңден сооп агат. 🌉💦📚
— Оо, тагдырым кандай оор экен. Бир арык казбасам да, өкүнүч!

Кедей ушинтип кайгырып турганда, үчүнчү түтүктөн тамчылап шербет агып баштаптыр. 🍹 Кедей кайрадан Аллахка жалбарып сураптыр:
— Эй, Бардыгын билген жана Көрүп тургучуу Аллахым, бул кандай ырайым болду? Сен кулуңду ушунчалык сыйладыңбы?

Жооп болуптур:
— Жашооңдо көпүрө куруп жаткан кишилерге эки даана ысык нан менен бир кумган чай жеткирген элең. 🍞☕ Ошол ишиң көпүрө курган адамдардын катарында эсептелди. Эми ошол көпүрө бузулуп бүткүчө сага сооп келе берет.

жакшылык унутулбайт деген ушул болуш керек. 🌱

🍂 Адамдын пайдалуулугу анын зериккен деңгээлине жараша болот.
Башкача айтканда, киши канчалык зериккен болсо, ошончолук пайдасыз нерселерге алаксып, убакытын текке кетирүүгө аракет кылат.

🍂 Зериккенде сөзсүз түрдө мейманга барып же саякатка чыгыш керекпи? Же андан кутулуунун башка жолдору да барбы?..

🍂 Аял киши үй тиричилигин бүтүргөндөн кийин зерикпеш үчүн көркөм же диний китеп окушу 10 кино көргөндөн, Куран окушу 100 жолу мейманга баргандан, ал эми аз-аздан Куранды жаттоого көнүшү 1000 жолу саякатка чыккандан да пайдалуураак жана артыкчылыктуу.

🍂 Берекелүү адам ар бир иштин башында өзүнө суроо берет:
“Бул ишимдин кайсы дүйнөм үчүн пайдасы чоңураак?” деп. Анан, албетте, акырети үчүн салмагы оорураак болгонун тандайт.

🍂 Бул дүйнө кыска, амалдар аз. Ошол эле учурда түбөлүк жашообуз үчүн канчалаган убактыбызды текке кетирдик. Кудай калган өмүрүбүздү акыретке пайдалуу кылып өткөрүүгө, эки дүйнө үчүн да берекелүү өмүр сүрүүгө баарыбызга сабыр, кайрат жана күч-кубат насип кылсын!

Жолум – Ислам

Күндөр өтөт, өмүр кыска,
Кайда кетем, кайда турам?
Түбөлүктүү сапар үчүн
Туура жолду издеп турам.

Азгырыкка алдансам да,
Тообо кылып кайтам кайра.
Дүйнө жалган – көз ирмемдей,
Чын бейишке умтул дайым

Ыйман менен жан тынчтыгы,
Куран менен жүрөк нуру.
Аллах сүйгөн пенде болуп,
Акыретке жолдуу бол !

Бисмиллахир-Рахмаанир-Рахим

Махшарда берилсе ушундай мүмкүнчүлүк
ЖАННАТка бир адамды ала кетүүгө уруксат болсо...
Мен ойлонбой туруп сизди тандайт элем,
Сиз да макул болмок белеңиз, урматтуу ИНСАНЫМ? 💟

КАУСАРды сизге сунуп бермекмин,
АРШтын көлөкөсүндө чогуу турмакпыз
СИРАТ көпүрөсүнөн чогуу өтмөкпүз,
Насип болсо ЖАННАТка чогуу кирмекпиз. 🥰

Балким бул үмүттүн бир түрү – «Кайырлуу күн» деген сөз,

Балким бул тилектин бир көрүнүшү.

Ким билет, балким бул бир сагыныч,

Балким бул эшиктен кирген нурду күтүүнүн белгиси!



Ар бир адамдын жүрөгүндө жакшы ниеттери болот.
Силер үчүн Алладан чын жүрөктөн тилегим –
Ыйык тилектер, үмүттөр, кыялдар кайырлуу түрдө орундалсын.
Ар бир ишибиз күн бою жакшылыктарга себепчи болсун!🌝

✿︎Ар бир бакчага роза гүлдөрүн отургузсаңыз, ал жерди кооздоп, жашоого көрк берет. Бирок ар бир тилге Аллахты зикир кылууну отургузсаңыз, жүрөктөргө нур чачып, руханий тынчтыкты тартуулайт.

♡︎АЛЛОХУ АКБАР – бул жөнөкөй эле зикир эмес, чексиз көркөмдүк жана чексиз сооп! Ар бир айтылган сөздө күнөөлөр кечирилип, жүрөктөр жеңилдейт.

❀Өз бакчаңызга руханий гүлдөрдү да отургузуп коюуну унутпаңыз!



❁𝑨𝒌𝒚𝒓𝒆𝒕𝒕𝒊𝒌 𝒂𝒎𝒂𝒍𝒅𝒂𝒓 ✍︎