Sputnik Кыргызстан — негизги жаңылыктар

@sputnik_kyrgyzstan_kg

Channel's geo and language: Kyrgyzstan, Russian

Category: News and media

Similar channels

Channel's geo and language

Kyrgyzstan, Russian

Sputnik Кыргызстан — негизги жаңылыктар

21 Dec, 14:14

01:59

Бишкекте курулуп жаткан таштанды өрттөөчү завод 2025-жылы декабрда ишке берилет

Кытайлык подрядчы тарабынан курулуп жаткан завод алгачкы этапта күнүнө 1 миң тонна таштанды өрттөөгө жөндөмдүү болот. Кийин бул көрсөткүч 3 миң тоннага жетип, суткасына 460 мегаватт электр энергиясын өндүрүүгө шарт түзөт. Заводдун иштөө процессин видеодон көрүүгө болот.

Шаар мэри Айбек Жунушалиевдин айтымында, башкы талап — экологиялык нормаларды сактап, айлана-чөйрөгө зыян тийгизүүнү алдын алуу.

@Sputnik_Kyrgyzstan_KG

1.8k 0 1 28

Sputnik Кыргызстан — негизги жаңылыктар

21 Dec, 12:16

Кеминдеги жашыл шаардын курулушу жазында башталып, үч жылда бүтөт. Бул тууралуу президент Садыр Жапаров билдирди.

“Кеминдеги контейнерлер менен курчалган 400 гектар жер алынган. Март айында бул жерге 80 миң батирден турган жашыл шаарды курууга киришебиз. Аталган долбоор үчүн 1 миллиард долларга чукул каражат табылган. Бул акча Улуттук банктын эсебинде сакталууда, аны колдонуп курулушту баштайбыз. Долбоорду алдыдагы үч жыл ичинде бүтүрүүнү пландап жатабыз. Шаардагы үйлөрдүн бийиктиги 9 кабаттан ашпайт, анткени андан бийик куруу мүмкүн эмес. 9 кабаттуу үйлөрдү куруу өтө тез жана ыңгайлуу,” — деди Жапаров.

@Sputnik_Kyrgyzstan_KG

2.1k 0 4 46

Sputnik Кыргызстан — негизги жаңылыктар

21 Dec, 11:44

❗️Садыр Жапаров күзгө чейин айланма жол 6 тилкелүү болуп салынарын айтты

III Элдик курултайда президент Кант — Бишкек жолунун курулушу февраль-март айларында башталып, күзгө чейин бүтөрүн билдирди. Анын айтымында, 2026-жылы бул иш уланып, Токмок — Кеминге чейин жасалат.

“2025-жылы Бишкектен Кантка чейинки жолду курууга каражат бөлүнгөн, министрлик күн жылыса ишти баштайт. Айланма жол Сокулуктагы ГАИ постунан баштап Канттан келе жаткан ажырым жолго чейин 6 тилкелүү болуп курулат. Бул жумуш жазда башталып, күзгө чейин аяктайт”, — деди Жапаров.

Ошондой эле ГЭС-5ке баруучу жолду 4 тилкелүү кылып кеңейтип жасалары кошумчаланды.

@Sputnik_Kyrgyzstan_KG

2k 0 4 28

Sputnik Кыргызстан — негизги жаңылыктар

21 Dec, 11:30

🇰🇬Садыр Жапаров Европа парламентин Кыргызстандын ички иштерине киришпөөгө чакырды

Жакында эле Европа парламенти КРдагы адам укуктары жаатындагы абал жана “Социал демократтар” партиясынын лидери Темирлан Султанбековдун шайлоочулардын добушун сатып алуу иши боюнча кармалышы тууралуу резолюция кабыл алган.

Жапаров резолюцияга Европарламенттин Франциядагы мүчөсү Тьерри Мариани жооп берип койгонун белгиледи.

"Ал Европа парламенти Кыргызстандан миңдеген чакырым алыста туруп, эч бир далили жок эле кантип резолюция кабыл алып жатканын түшүнбөгөнүн билдирди. Туура айтты. Партиянын добуш сатып алганы белгилүү болуптур, биз анан алардын башынан сылашыбыз керекпи? Бизде үч революция болду, анын баары шайлоолор акыйкатсыз өткөнү үчүн болгон да. Силер биздин өлкөнүн кандай экенин элестете да албайсыңар, келип көрүп кеткиле, бизде баары ачык-айкын. Биз көз карандысыз мамлекетпиз, ошондуктан ички иштерибизге кийлигишпегиле", — деди Жапаров.

Кыргызстандын ТИМи Европа парламентинин резолюция кабыл алышын республиканын укук коргоо жана сот органдарына одоно басым жасоо аракети деп сыпаттады.

@Sputnik_Kyrgyzstan_KG

1.7k 0 0 34

Sputnik Кыргызстан — негизги жаңылыктар

21 Dec, 11:01

Садыр Жапаров айыл аймактагы молдолорго 8 000 сомдон маяна төлөнө баштаганын жана бул иш март айынан тарта бардык мечиттерге жайылтыларын билдирди.

“Дааватты эч ким тыйган жок. Болгону үймө-үй кыдырууга чектөө коюлууда. Азыр 233 айыл аймакттын молдолоруна 8 миң сомдон маяна берип жатабыз. Эми өлкөдөгү 4 000ге жакын мечиттин молдолоруна да төлөнө баштайт. Жылдын аягына чейин бул сумма 20 000 сомго чейин көтөрүлөт. Каражат мамлекеттик бюджеттен эмес, башка булактар аркылуу табылды, анткени дин мамлекеттен ажыратылган,” — деди Жапаров.

Ошондой эле ал садакаларды QR код аркылуу кабыл алуу мүмкүнчүлүгү жакында ишке ашарын белгиледи. Молдолор туура эмес агымдарга кирип кеткендерди туура жолго салуу боюнча иш жүргүзүшү керектигин да кошумчалады.

@Sputnik_Kyrgyzstan_KG

1.6k 0 2 42

Sputnik Кыргызстан — негизги жаңылыктар

21 Dec, 10:47

Президент АКШнын мамлекеттик департаментине кайрылды

Курултайда Садыр Жапаров Батыш каржылаган өкмөттүк эмес уюмдар жана ЖМКлар чоң суммадагы каражаттарды алышып, өздөрүнүн грант берүүчүлөрүнө “кооз” отчётторду берип жатышканын айтты. Президент иш жүзүнө келгенде алар жалган маалыматтарды таратуу менен жалаа жаап, терс көрүнүштөрдү гана издешерин белгиледи.

“Эгерде силер акчаны кайда коротууну билбей жатсаңар анда түз эле бизге бергиле, биз аны даректерине жеткиребиз. Журналистиканы жогорку деңгээлге көтөрүү керек болуп жатса, анда көтөрөбүз. Керек болсо сөз эркиндигин толук камсыздап беребиз. Силердин акчаңарды натыйжалуу пайдаланып, отчётун көрсөтөбүз, алдабайбыз", — деди Жапаров.

@Sputnik_Kyrgyzstan_KG

1.6k 0 0 34

Sputnik Кыргызстан — негизги жаңылыктар

21 Dec, 10:32

Ипотекалык турак жай менен камсыздоо программасы айылдарга чейин жетет. Садыр Жапаровдун маалыматы

“Азыр облустук борборлор менен кичи шаарларга өтүп жатабыз. Бара-бара айылдарга чейин жетебиз. Эски үйүңөрдү бузуп, ордуна жаңысын салып 25 жылда бөлүп төлөгүлө дегенге жетебиз”, — деди Жапаров.

Ошондой эле өлкө башчы МИКтин тизмесиндеги түшүнбөстүктөр боюнча айтты. Ал белгилегендей, маселе ЖКнын трибунасынан көтөрүлгөн.

“Депутат 2000-орунда турган адам батир алганын айтууда. Биз бардык жагынан шарт түздүк. Ар кандай тандап алса болот. Бюджеттен бөлүнгөн каражатка салынып жаткан үйлөргө анын тиешеси жок. 40 миң адам кезекте турасыңар, кимде-ким 50 пайызын төксө, аларга кезексиз берилет. Анын берки тизмеде тургандарга тиешеси жок. Муну эл өкүлү деле тактап, сурап алса болмок”, — деди мамлекет башчы.

Жапаров дүйшөмбү күнү 47-абактын ордуна курулуп жаткан үйлөрдөн миңге чукул батир тапшырыларын белгилеп, 2-3 жылдын ичинде турак жай менен толук камсыз болоорун кошумчалады.

@Sputnik_Kyrgyzstan_KG

1.7k 0 1 20

Sputnik Кыргызстан — негизги жаңылыктар

21 Dec, 10:11

Бензин, дизелдин литринен бир сомдон алып, ошол акчага жайлоолорго чейинки жолдор асфальттанат.

Бул тууралуу президент Садыр Жапаров III Элдик курултайдын делегаттарынын суроолоруна жооп берип жатып айтты.

“Солярка менен бензиндин ар бир литринен бир сомдон кармалат. Каражат фондго түшөт. Ал фонд аркылуу өлкө боюнча бардык жолдор жасалып, айылдарга эле эмес, жайлоолорго чейин жеткиребиз”, — деди Жапаров.

Ошондой эле өлкө башчы бул каражаттан фонддо иштегендердин маянасына, техникасына коротулбай турганын кошумчалады. Ошондой эле ал бул жолду ким көп пайдаланса, ошол көбүрөөк төлөй тургандай ыкма экенин белгиледи.

“Бирөө 100 чакырым жүрөт. Башкасы аз айдайт. Ошол жолдо көп жүргөндөр асфальтты бузуп жатат да”, — деди өлкө башчы.

@Sputnik_Kyrgyzstan_KG

1.6k 0 0 57

Sputnik Кыргызстан — негизги жаңылыктар

21 Dec, 09:43

Курултайда Улуттук гвардиянын формасынын жаңы дизайны сунушталды

Делегат Таалайбек уулу Айбек Улуттук гвардия үчүн кыргыздын улуттук оюм-чийимдери жана элементтери менен форма дизайнын президентке жана катышуучуларга көрсөттү.

Ал эскизди курултайдын катчылыгына калтырууну убадалады.

@Sputnik_Kyrgyzstan_KG

1.7k 0 0 50

Sputnik Кыргызстан — негизги жаңылыктар

21 Dec, 09:26

Бишкектин мэри жолдогу кар начар тазалангандыгы үчүн кол алдындагыларды жазалады

Бишкек шаарынын мэринин орун басары Рамиз Алиев, Октябрь районунун акими Жаныбек Орозалиев, "Тазалык" муниципалдык ишканасынын директору Жолдош Чуштуков, Октябрь районунун участогунун башчысына тартиптик жаза алышты.

Мэрия өзгөчө Октябрь районунда иш начар уюштурулганы белгиленди.

Кечээ, 20-декабрда, борбор калаада кар жаап, тургундар көчөлөр жана тротуарлардын жакшы тазаланбай жатканына нааразы болушкан.

@Sputnik_Kyrgyzstan_KG

1.7k 0 0 18

Sputnik Кыргызстан — негизги жаңылыктар

21 Dec, 08:33

01:16

Video is unavailable for watching

Show in Telegram

Же Курултай, же Жогорку Кеңеш тарасын...

Курултайда Гүлайым Сейитказиева эки күндөн бери делегеттар жергиликтүү бийлик, маморгандар чече турган көйгөлөрдү көтөрүп жатканын белгилеп, Курултай идеологиялык, масштабдуу маселелер менен алектениши керектигин айтты.

“Кыргыз — бул бүркүт. Асманга бийик, эркин учушу керек. А биз болсо бүркүттөй болгон балдарды тоокканага камап жатабыз. Мындан ары Курултайдын делегаттары өз вазыйпасын аткара албаса же Курултай тарасын, же мобундай майда-барат маселени чече албаган Жогорку Кеңешти таркаталык”, — деди Сейитказиева.

@Sputnik_Kyrgyzstan_KG

1.9k 0 2 61

Sputnik Кыргызстан — негизги жаңылыктар

21 Dec, 08:10

05:35

Video is unavailable for watching

Show in Telegram

"Назик үн менен ырдап жан дүйнөнү жылуулукка бөлөдү", "кыймылдарың да жарашыктуу", "ырың жүрөктү козгоду"...

Мындай пикирлер Россиянын "Царица" шоу-берүүсүнө катышып жаткан кыргызстандык Бегимай Турусбековага калыстар тарабынан айтылды.

Берүүнүн кезектеги чыгарылышында ал "Полет на дельтаплане" ырын аткарды.
Кыргызстандык айым калыстар тобунун эң жогорку 40 упайын алды. Ал эми залдагы көрүүчүлөр 9,21 балл беришти. Муну менен Турусбекова кийинки турга өттү.

Учурда 5 катышуучу калды.

@Sputnik_Kyrgyzstan_KG

1.9k 0 2 36

Sputnik Кыргызстан — негизги жаңылыктар

21 Dec, 07:28

00:07

Германиядагы терактыдан кеминде 11 адам каза болуп, 68 киши жаракат алды. Бул тууралуу немец ЖМКлары жазууда.

Магдебургдун рождестволук жарманкесинде чогулгандардын арасына машина катуу ылдамдык менен кирип кеткен.

Алдын ала маалыматтар боюнча, айдоочу Сауд Арабиядан келген 50 жаштагы киши болгон. Ал эми немец басылмалары ал 2006-жылдан бери Германияда жашап, психиатрия тармагында медициналык адис болуп иштеп келгенин жазууда.

@Sputnik_Kyrgyzstan_KG

2k 0 3 33

Sputnik Кыргызстан — негизги жаңылыктар

21 Dec, 07:18

Бишкекте III Элдик курултайдын экинчи күнү өтүүдө

Иш-чарага Кыргызстандын бардык аймактарынан келген 700 делегат жана ар кайсы тармактын өкүлдөрү катышууда.

Жыйындын жүрүшүндө делегаттар жергиликтүү тургундардын көйгөйлөрүн чечүү жолдорун сунуштап, мамлекеттик органдарга кайрылышууда.

Жыйын соңунда делегаттар жалпы резолюция кабыл алышат.

@Sputnik_Kyrgyzstan_KG

1.9k 0 0 26

Sputnik Кыргызстан — негизги жаңылыктар

21 Dec, 07:02

Фотокапканга түшүп калган ак илбирстер

Сүрөттөрдү "Хан-Теңири" мамлекеттик паркы жарыялады.

Мамлекеттик корук 2024-жылга карата жапайы жаныбарларды каттоону аяктады. Ак илбирстин саны көбөйгөнү же азайганы өтө деле байкалган эмес.

@Sputnik_Kyrgyzstan_KG

1.9k 0 0 32

Sputnik Кыргызстан — негизги жаңылыктар

21 Dec, 03:01

Кутман таң, бурадар!

Ишембиде өлкөнүн көпчүлүк аймактарына кар жаап, туман түшөрүн Кыргызгидромет билдирди.

Абанын температурасы Чүй жана Талас аймагында -2...-7, Ош, Жалал-Абад жана Баткен облустарында -1...+4, Ысык-Көлдө -4...+1, Нарында -4...-9 градус болот.

Термометр Бишкекте -2…-4, Ош шаарында +1...+3 градусту көрсөтөт.

Адамдын жумшагын адам жейт
Жыгачтын жумшагын курт жейт.

@Sputnik_Kyrgyzstan_KG

2.2k 0 0 28

Sputnik Кыргызстан — негизги жаңылыктар

20 Dec, 19:17

00:34

Кооздук! Бүгүн Ошто Жаңы жылдык балатынын оту жанды.

@Sputnik_Kyrgyzstan_KG

2.4k 0 3 67

Sputnik Кыргызстан — негизги жаңылыктар

20 Dec, 18:37

00:30

Бүгүн 203-автобус "Дордой" базарынын Кожевенная көчөсүнөн Элебесов көчөсүнө чыгып жатып, тайгаланып, жолдон чыгып кеткен

Мэрия бактыга жараш, жүргүнчүлөр жана автобус жабыркабагандыгын билдирди.

Бүгүнкү аба ырайынан улам Бишкек шаары менен анын чет жакасындагы жолдордун тайгак болушу автокыймылды кыйындатып, автотыгындарды жаратууда.

@Sputnik_Kyrgyzstan_KG

2.5k 0 6 29

Sputnik Кыргызстан — негизги жаңылыктар

20 Dec, 18:07

Бишкекте Кытай — Кыргызстан — Өзбекстан темир жолун куруу боюнча инвестициялык макулдашууга кол коюлду

Кол коюу аземине Кытай менен Өзбекстандын да өкүлдөрү катышты.

Документте долбоорлоо, курулуш иштери, каржылоо, эксплутация жана техникалык иштер тууралуу тартиптер көрсөтүлгөн.

Садыр Жапаров бүгүнкү Курултайда Кытай — Кыргызстан — Өзбекстан темир жолунун расмий курулушу 27-декабрда башталарын билдирген.

@Sputnik_Kyrgyzstan_KG

2.4k 0 1 32

Sputnik Кыргызстан — негизги жаңылыктар

20 Dec, 15:11

00:33

Урматтуу президент, Кыргызстанда сизден башка министрлер иштейби?

Мындай суроону III Элдик курултайдын делегаты Тилеген Керимкулов президент Садыр Жапаровго жолдоду.

Ал делегаттарды угуп отуруп, ушундай ойго кептелгенин айткан.

@Sputnik_Kyrgyzstan_KG