Баян Акматов

Оңду солду карангыча эле ойдо жок иштер болуп ойлонгонго да убакыт аз😊. Эмгек сиңирген ишмер кайсы? Эмгек сиңирген артист кайсы? экенин алигиче аңдап биле албай жатам.

Мага чейин мээнети сиңгендерден озунуп алып, адепсиздик кылсам кечирим сурайм. Мурдагы замандай чайга чакырып, чөнтөгүн кампайтып, Чыңгызхан досум айтмакчы паластын асты менен алган жокмун Кудай акы… өзүм деле түшүнбөй калдым.

Манас театырынын ачылышы болду. Кудай кут кылсын. Бул имараттын ачылышына ар ким физикалык көмөгүн көргөздү. Кудайдын буйругу менен ачылды. Кубат Тукешов экөөбүздүн дагы метафизикалык көмөгүбүз бар…. Анын сырын ачпай эле койойун😊.

Барган сайын президентиме сый урматым өсүп баратат. Сыйлык бергенден улам эмес😊. Пахтакорсуң деп патыратып жүрбөгүлө. Кайран кишинин жаны тынбайт экен. Сүйлөсө так, кыймылы чапчаң, эрктүү жана башка…
Баатырлардын далайын,
Баракелди!!! Өлтүргөн дейт. Көз тийбесин.

Анан дагы Манасчы менен Акындар Курманкул Зулушев мырзага ченебей рахмат айтсак болот. Кайсы айтышыбыз болбосун калбай, өбөк-жөлөк болуп келе жатат. Азыркы имаратыбыздын идея-адреси ошол инсанга такалаарын баары билсе керек. Чооң ырахмат мырзам!!!

Ошоооол… Сыйлык ала элегиме көөп убакыт болуп кетиптир. Аш кыла албай, улам сайын ыктытып. Муздак суудан кайталап жутуп, баракчамды карап, ким кандай тилек айтты деп😊. “Ну погоди” мультфильминдеги шарик жуткан карышкырдай кампайып отурам. Тамашасы менен. Баары бир пенделик да.

Биз Театр ачып чардап атсак, коңшу өлкөлөрдү суу каптап атса ичиң ооруйт экен. Апаат кырсыктан сактасын. Казак элибизде аманчылык болсун. Биз дайым биргебиз.

Башка эмне дейм. Бүгүнкү күндөгү эмоциялуу учурдан жылуу салам жолдодук. Рахмат баарыңыздарга.