Орон кызым! Хиджаб болсун кийимиң,
Көрүнбөсүн көкүрөк-баш, ийиниң.
Көйнөгүңдүн узундугу далилдейт,
Көптөрүнөн намысыңдын бийигин!

Орон кызым! Назарыңды сындыргын,
Оронууда жандырмагы бир сырдын.
Оронушкан Каныкей да Айчүрөк,
Жаңылмырза, Курманжаны,- кыргыздын!

Орон кызым! Оромолуң жарашсын,
Оронгон деп күйөө балдар талашсын.
Ортосунан тандап нике кыялы,
Омиин айтып тойдогулар тарашсын!

Орон кызым! Сен оронсоң оңолот,
Оңолбогон жигиттер да оболоп.
Оңду солду карай берген каректүү,
Калк арасы зынакорлор жоголот.

Орон кызым! Жакшы гана сүйлөгүн,
Бул да жолу жакшылыкка үндөөнүн.
Силер кийген кийимиңер себептүү,
Дин таркасын төрт бурчуна дүйнөнүн!

Орон кызым! Бейпил өмүр сүрөсүң,
Опурталдуу динсиз жошоо билесиң.
Доомат кылуу, жаман күмөн, кызгануу,
Кетирет го бал турмуштун ширесин.

Орон кызым! Пейлиңди да оңдогун,
Орой мүнөз оозу жаман болбогун.
Ой бул менин укугумдун өзү деп
Обочого наркты таштап койбогун!

Орон кызым! Жакшы болсун жолдошуң,
Жараткан зат жалпы элди колдосун.
Жакшы кыздын жары болуш максатта,
Жигиттер да жүрүштөрүн оңдосун.

Орон кызым! Баалуулуктар алмашсын,
Ким кымбат да ким арзанын аңдашсын.
Кыздарыбыз кадырланып баркталып,
Ак никеде мырзалары жандашсын!