Хадистер📜

Алхамдулиллах бул күндү көрдүк , алхамдулиллах дагы бир кунду көрүүгө жаралдык ,таңды атырган Аллахыма шугурлор болсун ☺️.

"Телефонубузга арнаган убактыбызды ибадатка арнаганыбызда,баарыбыз Аллахтын сүйүктүү кулу болмокпуз"

Автор ✍️ akmatbekovich

📌Урматтуу "Хадистер" каналынын окурмандары сиздерге чукул кайруу❗️
Жогорудагы посторго жакын арада реакция басылбаса, жаңы келген Адмика таарынат экен, андыктан
Адамды таарынтпай ❤️ басабыз🙊😁)

🗓️Жума күнүнүн артыкчылыктары

1. Жума – майрам күнү
Пайгамбар ﷺ айтты:
«Жума күнү – күндөрдүн эң жакшысы. Ошол күнү Адам (а.с.) жаратылган, ошол күнү бейишке киргизилген жана ошол күнү (дүйнө) кыйрайт».
(📚Абу Дауд, Тирмизи)


2. Жума күнү дубалар кабыл болот
Пайгамбар ﷺ айтты:
«Жума күнүндө бир кыска убакыт бар. Эгер ошол учурда бир мусулман дуба кылса, Аллах аны кабыл кылат».
(📚Бухари, Муслим)


3. Жума күнү күнөөлөр кечирилет
Пайгамбар ﷺ айтты:
«Кимде-ким жума күнү гусул алып, мечитке эрте барып, жума намазын окуса, анын эки жуманын ортосундагы (кичине) күнөөлөрү кечирилет».
(📚Муслим)


4. Жума күнү Кахф сүрөсүн окуу
Пайгамбар ﷺ айтты:
«Кимде-ким жума күнү Кахф сүрөсүн окуса, анын жүзү кийинки жумага чейин нур менен жаркырайт».
(📚Хаким, Байхаки)


5. Жума күнү Пайгамбарга ﷺ салават айтуунун сообу чоң
Пайгамбар ﷺ айтты:
«Силердин жума күнү мага айткан салаваттарыңар мага жеткирилет».
(📚Абу Дауд)



📌Жума күнү аткарылуучу амалдар

✅ Гусул алуу (тазалануучу жуунуу)
✅ Мисвак колдонуу (тиш жуу)
✅ Жакшы кийим кийүү жана атыр себүү
✅ Эрте мечитке баруу
✅ Жума намазын окуу
✅ Кахф сүрөсүн окуу
✅ Көптөгөн дуба кылуу
✅ Пайгамбарга ﷺ көп салават айтуу

Жума күнү – дүнүйөлүк жана акыреттик береке ала турган өзгөчө күн. Аллах бул күндүн сообун көбүрөөк алууга насип кылсын!

💫ОТУЗ КҮНГӨ ОТУЗ БАЯН
⠀
📍Кыйналгандардан кабар алып турушубуз керек
⠀
Бир айылда узак убакыт жамгыр жаабай койду. Адистер: "Быйыл кыш ызгаардуу болуп, жаан-чачын көп жаайт. Ошого жараша даярдангыла" – дешкенине карабастан, асманда бир да булут көрүнбөйт. Айыл эли чогулуп, дуба кылып, намаз окуп, бардык аракеттерди жасашты. Бирок жамгыр жааган жок.
⠀
Бир аксакал мунун башка себеби болушу мүмкүн деп, ар бир үйдү кыдырып, элдин ал-акыбалын сурап чыгууга кеңеш берди. Ал мындай деди:
⠀
— Мындан кырк жыл мурда да ушундай абал болгон. Көрсө, бир ит көпүрөнүн астына төлдөп, күчүктөрүн сел агызып кетпеши үчүн Аллах жамгырды жаадырбай койгон экен. Балким, азыр да биз билбеген себеп бардыр.
⠀
Аксакал айыл элин ээрчитип, үйлөрдү кыдыра баштайт. Бир үйгө киргенде, ал үйдө жесир аял эки кичинекей кызы менен жашарын көрүшөт. Аксакал кыздарга суроо узатты:
⠀
— Кыздарым, силер дуба кыласыңарбы?
⠀
Чоң кызы жооп берди:
⠀
— Ооба.
⠀
— Эмне деп дуба кыласыңар?
⠀
— "Аллахым, жамгыр жаадырба" деп дуба кылабыз.
⠀
— Эмнеге?
⠀
— Анткени жамгыр жааганда, чатырыбыздан суу өтүп, үйдүн ичи толуп кетет. Жашай албай калабыз.
⠀
Аксакал кичинекейинен да сурады:
⠀
— Сен да дуба кыласыңбы?
⠀
— Ооба.
⠀
— Эмне деп дуба кыласың?
⠀
— "Аллахым, жамгыр жаадырба. Бизге ырайым кыл" – деп дуба кылам.
⠀
— Эмнеге?
⠀
— Чатырыбыздан суу өтсө, бут кийимим суу болот. Менин жалгыз бут кийимим эски, суу тийсе, кийе албай калам.
⠀
Бул жоопторду уккан аксакал айыл элине кайрылды:
⠀
— Көрдүңөрбү? Биз жаан тилеп жатсак, бул кыздар анын жаабашын сурап жатышыптыр. Биз башкалардын абалын сурабай туруп, көйгөйлөрүбүзгө чечим издеп жатыптырбыз.
⠀
Ошондон кийин айыл эли аялга жардам берип, үйүнүн чатырын оңдоп беришти. Ошол эле түнү асман булут каптап, эртеси күнү жамгыр жаай баштады.
⠀
Бул окуядан алынчу сабак – башкалардын абалынан кабар алып туруу керек. Кайрымдуулук кылып, муктаждарга жардам берүү – биздин парзыбыз. Анткени, кыйналган адамдардын дубасы менен дүйнө өзгөрөт. Пайгамбарыбыз (саллаллаху алейхи ва саллам) айткан:
⠀
"Ким дубасынын кабыл болушун жана балээден оолак болууну кааласа, ал кыйналган кишиге жардам берсин". (Муснад Ахмад 2/23)
⠀
Демек, биз ар дайым жардамга муктаждардын жанында болуп, аларды колдошубуз керек. Жакшылык кылган адам жакшылык табат.
⠀
"Дилимдеги" китебинен даярдалды.
⠀
Орозоңуздар кабыл болсун!

"Кызык! Куранды кооз жана кыраат менен окугандарга сыйлык берилет, ал эми ошол эле Курандын маанилерин түшүндүрүү иши үчүн абакка түшүп же экстремист атка конушуң мүмкүн. Анткени түшүнбөстөн Куран угуу коомду уктатат, ал эми Курандын маанилерин түшүнүү ойготот. Ойгонгон коом ар бир бийлик үчүн коркунуч туудурат. Дал ошондуктан бийлик төбөлдөрү (глобалдык система) Куранды жаттоо, аны кыраат менен кооз окууга каршы эмес, тескерисинче ар дайым колдоп да турат. Кооз окууну тыйып койсо, мааниси менен окууга кызыккан катмар пайда болорунан чочушат.

Түшүнүү менен Куран окууну Жараткан жалпы момундарга насип этсин!"

- Нуриет Абдулазиз

@akmatbekovich010

“Демек, кимде-ким кыпындай жакшы иш кылган болсо аны көрөт, кимде-ким кыпындай жаман иш кылган болсо аны да көрөт”

📖 Залзала сүрөөсү, 7-8-аяттар

@akmatbekovich010

Момун мусульман Бир туугандарым бугун киминиздердин конулунуздордуу ооруткан болсом кечирип койунуздар бардыныныздарга бейпил Тун тунунуздор бейпил тушунуздор бейиш Болсун ыйманда эс алыныз дар эрттен амандашканга чейин бардыныныздарды жакшы кором менин Бир туугандарым🤍🫀🫀