🇰🇿 Ааспыкка Казахстаан уонна казаахтар тустарынан кэпсээммитин саҕалаабыппыт уонна биир дьикти киһини кытта билиһиннэриэх буолбуппут.
Дьэ ол киһибит араспаанньата Ахет(ов). Тоҕо маннык суруйабытый? Тоҕо диэтэххэ казаахтар -ов сыһыарыыттан батына сылдьаллар. Ону ити биһиги дьоммутугар өйдөнүмтүө буоллун диэн -ов сыһыарыылаах суруйабыт.
Дьэ, бу киһи дьиктитэ туохханый? Бастатан туран, Алматы мээрийэтигэр үрдүк дуоһунаска үлэлиир эрээри, билим чинчийиитин ыытар киһи эбит. Риторикаҕа үс туомнаах казаахтыы кинигэ суруйбут! Манна эбии күүһүрдэн биэрэбит: Алматы элбэх мөлүйүөннээх, бөдөҥ, баай куорат. Уонна онно Казахстаан былааһын уорганнара суоҕун кэриэтэ – бырабыыталыстыба, ил түмэн, үрдүкү суут уонна бары министиэристибэлэр ыраах Астанааҕа бааллар. Ол аата Алматы мээрэ куоракка муҥутуур тойон. Дьэ ол тойон сүбэһитэ биһиги бүгүҥҥү киһибит.
Иккис дьиктитэ – саха суруйааччытын казаахтыы тылбаастаабыт. Бу тылбааһа бэчээттэнэ илик эрээри, син биир бэчээттэниэҕэ, аныгы саха уран суругар туспа дьикти көстүү дии саныыбыт.
Үсүһэ. Арассыыйа салалтатын күүскэ өйүүр. Көннөрү ылбат-биэрбэт ыккардынан буолбакка, чугас күүстээх ыалбытын кытта эйэлээхтик олоруохтаахпыт иҥин диэн санааттан буолбакка, геополитика төрүөтүнэн өйүүр киһи эбит. "Англосакстары" утаран. Маннык казаахтары, манна диэн эттэххэ, элбэҕи көрсүбэт эбиккин. "Итинник саныыр дьон төһө элбэҕий" диэн бэйэтиттэн ыйыттахха: "Аҕыйахпыт, ол эрээри баарбыт!" – диир.
Хаартыскаларга Ахет бэйэтэ, эрэдээктэрбит Халан, Алматы мээрийэтин дьиэтэ, уонна мээрийэ аттыгар баар тааска суруллубут суруктар. Ити мээрийэ дьиэтин икки сыллааҕыта өрө турааччылар бүүс-бүтүннүү уоттаан кэбиспиттэрин саҥа чөлүгэр түһэрбиттэр. Аттыгар өссө бэрэсидьиэн эрэсидьиэнсийэтэ (тохтуур, түһэр дьиэтэ) баар буола сылдьыбыт, ону эмиэ халаабыттар уонна уоттаабыттар. Ол дьиэни чөлүгэр түһэрбэтэхтэр, отой суох гыммыттар.
Туох суруктарын мээрийэ аттыгар суруйбуттарый диир буоллахха, сүнньүнэн омугу түмэр суруктар.
Аныгыскы кэпсээммит тенгри (таҥара) итэҕэлин өрө тутар Африкаҕа олорбут киһи туһунан буолуоҕа.
Сэҥээриктэ тал:
🕊 – өскөтө урут истибэтэххин аахпыт буоллаххына
🔥 – урут истибиккин санаппыт буоллахпытына
👍🏻 – көннөрү сөбүлээбиккин биллэрэн
Биики Халандаар | Сурут
Дьэ ол киһибит араспаанньата Ахет(ов). Тоҕо маннык суруйабытый? Тоҕо диэтэххэ казаахтар -ов сыһыарыыттан батына сылдьаллар. Ону ити биһиги дьоммутугар өйдөнүмтүө буоллун диэн -ов сыһыарыылаах суруйабыт.
Дьэ, бу киһи дьиктитэ туохханый? Бастатан туран, Алматы мээрийэтигэр үрдүк дуоһунаска үлэлиир эрээри, билим чинчийиитин ыытар киһи эбит. Риторикаҕа үс туомнаах казаахтыы кинигэ суруйбут! Манна эбии күүһүрдэн биэрэбит: Алматы элбэх мөлүйүөннээх, бөдөҥ, баай куорат. Уонна онно Казахстаан былааһын уорганнара суоҕун кэриэтэ – бырабыыталыстыба, ил түмэн, үрдүкү суут уонна бары министиэристибэлэр ыраах Астанааҕа бааллар. Ол аата Алматы мээрэ куоракка муҥутуур тойон. Дьэ ол тойон сүбэһитэ биһиги бүгүҥҥү киһибит.
Иккис дьиктитэ – саха суруйааччытын казаахтыы тылбаастаабыт. Бу тылбааһа бэчээттэнэ илик эрээри, син биир бэчээттэниэҕэ, аныгы саха уран суругар туспа дьикти көстүү дии саныыбыт.
Үсүһэ. Арассыыйа салалтатын күүскэ өйүүр. Көннөрү ылбат-биэрбэт ыккардынан буолбакка, чугас күүстээх ыалбытын кытта эйэлээхтик олоруохтаахпыт иҥин диэн санааттан буолбакка, геополитика төрүөтүнэн өйүүр киһи эбит. "Англосакстары" утаран. Маннык казаахтары, манна диэн эттэххэ, элбэҕи көрсүбэт эбиккин. "Итинник саныыр дьон төһө элбэҕий" диэн бэйэтиттэн ыйыттахха: "Аҕыйахпыт, ол эрээри баарбыт!" – диир.
Хаартыскаларга Ахет бэйэтэ, эрэдээктэрбит Халан, Алматы мээрийэтин дьиэтэ, уонна мээрийэ аттыгар баар тааска суруллубут суруктар. Ити мээрийэ дьиэтин икки сыллааҕыта өрө турааччылар бүүс-бүтүннүү уоттаан кэбиспиттэрин саҥа чөлүгэр түһэрбиттэр. Аттыгар өссө бэрэсидьиэн эрэсидьиэнсийэтэ (тохтуур, түһэр дьиэтэ) баар буола сылдьыбыт, ону эмиэ халаабыттар уонна уоттаабыттар. Ол дьиэни чөлүгэр түһэрбэтэхтэр, отой суох гыммыттар.
Туох суруктарын мээрийэ аттыгар суруйбуттарый диир буоллахха, сүнньүнэн омугу түмэр суруктар.
Аныгыскы кэпсээммит тенгри (таҥара) итэҕэлин өрө тутар Африкаҕа олорбут киһи туһунан буолуоҕа.
Сэҥээриктэ тал:
🕊 – өскөтө урут истибэтэххин аахпыт буоллаххына
🔥 – урут истибиккин санаппыт буоллахпытына
👍🏻 – көннөрү сөбүлээбиккин биллэрэн
Биики Халандаар | Сурут