Таасирдүү сөздөр 🍃

КЫЗЫМ СИЗДИ АПАСЫ ДЕП ОЙЛОП АЛДЫ

Сакалдуу киши кызын көтөрүп алган. Кыз болсо токтобойт, улам-улам ыйлайт эле. Сакалын кырып, жылтыратып алган бир киши кичинекей кызга боору ооруп, атасынын колунан алды. Кызык, ал колуна алганда кичинекей кыз унчукпай калды.

Мүмкүнчүлүктөн пайдаланып жанагы киши мыскылдады:

- «Тооба, силер сакалдуулардан жаш балдар дагы коркушат».

Ата жооп берди:

- "Менин оюмча кызым сизди апасы деп ойлоду...))"

"Сакал койсоң атаңа окшоп каласың, сакал койбосоң апаңа окшоп каласың".
© Чубак ажы Жалилов

Шейх Мухаммад Закария (рохимахуллооху алейхи) айтат: "Бүгүнкү күндө, эркектер сакал кырууну "күнөө" деп санабай калышкан."

Күндөрдүн биринде, пайгамбарыбыздын (саллаллаху алейхи уа саллам) жанына эки каапыр элчи келди. Ошол кезде Аллахтын элчиси мубаарак жүзүн буруп алды.

Эй, менин момун бир туугандарым! Эгер өлүмдөн кийин кимдир бирөө пайгамбарыбыздын (саллаллаху алейхи уа саллам) жанына барып калса, ал зат берекелүү жүзүн буруп кетсе, ал инсандын абалы кандай болот?

Дүйнөдөгү эң мыкты эркек бул Мухаммад (саллаллаху алейхи уа саллам). Мына ошол инсан сакал койгон.

Эркек менен аялды айырмалап турган нерсе бул - сакал.

~ "Бизге сажда жарашат" китебинен

Ассалоому алейкум уа рахматулохи уа баракатуху!🙋‍♂
Кандайсыздар, урматтуулар?

Реклама кабыл алабыз! 🤩
48+ саат болгону 1⃣0⃣0⃣ сом.

Рекламаңыз үч каналга тең жүктөлөт:
1)https://t.me/english_easy_go
2)https://t.me/iygilikti_bagyndyrabyz
3)https://whatsapp.com/channel/0029VaBQlixAojYlfIbHNo0K

Байланышуу үчүн👇:
@Janibek0v

365 КҮН ӨТTY

Африкадагы айылдарынын биринде жаңы имам шайланат. Ал Куранды жатка, жергиликтүү диалектини жана фикхти жакшы билген адам болот. Имам жергиликтүүлөрдүн купулуна толуп, баары аны жакшы көрүп калышат да, Рамазан айында күнүгө бирден үй-бүлө аны ифтарга чакырып турушат. Ооз ачырууга бир үй-бүлөнүн кезеги жетип, алар имамды конокко чакырышат. Имам алардыкынан ооз ачып, андан соң алар үчүн дуба кылып кетет. Имам кеткен соң үй ээсинин аялы үйдү жыйнап жатып, дасторконго чоң суммадагы акчасын калтырганын эстеп, бирок койгон ордунан таппай калат. Күйөөсү үйүнө кайтканда ал акчаны алган-албаганын сурайт, күйөөсү албаганын айтат. Экөө ойлонуп олтуруп, үйгө имамдан башка адам келбегенин айтышат. Ошентип шектүү адам жалгыз гана имам экенин түшүнүшөт. Үйдүн ээси абдан катуу ачууланат. Бирок табиятынан токтоо адам болгондуктан бул окуяны эч кимге айтпайт. Бирок ошол окуядан кийин имамдан качып калат. Ошентип арадан бир жыл өтүп, кийинки Рамазан айы келет. Кайрадан имамды ифтарга чакырууга ушул үй-бүлөнүн кезеги келет, бирок үй ээси былтыркы уурулукту эстейт. Ал аялы менен кеңешип, имамды үйүнө чакыргысы келбегенин айтат. Бирок анын аялы абдан такыба адам эле, ошондуктан ал: «Балким ошондо имам кыйын акыбалда болгондур, балким ошол абалы аны акчаны алганга мажбурлагандыр. Биз аны кечирип коёлу, ошондо балким Аллах да бизди кечирээр» - деп күйөөсүн имамды ифтарга чакырууга көндүрөт. Күйөөсү имамды чакырат да, ифтардан кийин имамдан: «Мен былтыркы Рамазандан бери сизге мамилем өзгөргөнүн байкадыңызбы?» - деп сурайт. Имам: «Ооба, байкадым, бирок себебин сураганга колум бошобой койду» - дейт. Үй ээси: «Мен сизден бир нерсе сурайм, бирок мага чынын айтыңыз! Менин аялым дасторконго акча калтырган экен, сиз кеткенден кийин ал акчаны таппай калдык эле. Акчаны сиз алдыңыз беле?»- деп сурайт Имам: «Ооба, мен алгам!» - дейт. Үй ээси анын жообуна айран-таң болду, имам болсо сөзүн улады: «Мен акчанын дасторкондо жатканын көрдүм, ошол маалда терезе ачык эле, андан шамал кирип, акчаны чачып салды.

Мен аларды дагы шамал учуруп чачып салып, силерди таппай калбасын деп чогултуп койгон элем». Ушуну айтып имам башын ылдый салды да ыйлап жиберди. «Мен эмнеге ыйлап жатканымды билесизби? Мага катуу тийсе да, сиз менден күмөн санаганыңызга ыйлаган жокмун. Бирок былтыр сиздикинен ооз ачып кеткенимден бери 365 күн өттү, ушул убакыт ичинде силердин эч бириңер үйүнөрдөгү Куран китептен бир аят окуп койбогонуңарга ыйлап жатам! Эгерде силер Куранды бир эле жолу ачканыңарда ал жактан өз акчаңарды тапмаксыңар!». Үй ээси чуркап барып Куран китепти ачты, былтыр жоголгон акчасы Куран китептин ичинде жаткан эле...

"Бизге сажда жарашат" китебинен

Ассаламу алейкум уа рахматулохи уа баракатуху. Кандайсыздар, мусулман бир туугандарым. 😊
Жакшы эс алып, саарлыкка туруп, тамактанып, оозду жаап алдыңыздарбы? ☺️

Кирип келген Ыйык Рамазан айы маарек болсун. Ушул ыйык айга жеткирген Аллах Таалага чексиз шүгүрлөр болсун. 🤲

Аллах Таала бул Рамазан айын берекелүү, ибадаттуу, тынч кылсын. Пайгамбарыбыздын (саллаллаху алейхи уа саллам) сүннөттөрүн калтырбай аткарууну насип кылсын.
Бул Рамазан айы баарыбыздын күнөөлөрүбүздү жууп кетсин. 🤲
Кармаган орозолорубузду Аллах Таала кабыл кылсын. Амиинь. 😊🤲