#Сооронбай_ЖУСУЕВ

ТОО КАРАГАЙЛАРЫ

Капчыгайга көз жүгүртсөм мен келип,
Карагайлар түздө турду термелип,
Карагайлар секи, кырда, белесте,
Карагайлар туу чокуда шерденип.

Алар турду ушак-айың таратпай,
Ар бирине ичи тардык жарашпай.
Түздөгүсү кырдагысын этектеп,
Суктук кылып алган ордун талашпай.

Тоодогусу түздөгүсүн кемсинтип,
Тоотпостон кекирее карашпай.
Карагайлар ынтымактуу, туруктуу,
Түздө, кырда өскөндөрү биригип,
Тоонун койнун көрккө бөлөп турушту.


____________________

👉 "КЫСКА-НУСКА"

🖌️ Авторлор

🙏 Колдоо көрсөтүү