OSHO

Кириллицабы же латиницабы? Казакстан кайрадан "эркелигин" баштады


Мажилисте депутат Ринат Заитов бейөкмөт уюмдардын белгилерин кирилл алфавитинен баш тартып, жалаң латын арибиндеги жазууларды калтырууну сунуштады, деп жазат https://t.me/ExpressAsia каналы.


Ал мындай демилгени ири шаарларда көрнөк-жарнактардын бир эле учурда үч вариантта – казак тилинде латын жана кириллицада, ошондой эле орус тилинде кайталанып жатканы менен түшүндүргөн.

"Азыр минимализмдин мезгили. Кириллицаны баары эле түшүнө бербейт, өзгөчө чет элдик туристтер", - деп белгилеген депутат.

Бул идеяны талкуулоону экономика министри Серик Жумангарин да колдогон. Ал латын тилиндеги расмий казак алфавити азырынча жок экенин, бирок бул маселени кароого даяр экенин айткан.

Адатта Казакстан Россиядан бир нерсе үмүт этерде эле кириллица маселесин көтөрүп калчу эле. Анткени бул жөн гана көрнөк-жарнак дизайны эмес, сырткы кызыкчылыктардын атайын таңууланган саясаты.

Бирок "минимализмди" шылтоологон казак бийлиги кириллицаны алып салуу менен эле ити чөп жеп, кетперин өздөрү деле түшүнүп турат да. Батыштын Казакстанды чек аралаш кошунасы, кылымдык мамилеси, миңдеген мигранттары, жүздөгөн ишкерлери алака түзүп отурган өлкөдөн, өз тарыхынан алыстатууга кылган аракети.

Албетте, алар КМШ өлкөлөрүн тарыхын бекемдеп, кошунасы менен мамилесин жакшыртып, жаштары 4-5 тилди билип билимдүү болуп, тынчыктын негизинде өнүгүшүн каалашпайт.

Алар үчүн ушул өлкөлөр арасында бүгүн кириллица, эртең дагы башка ушул сыяктуу темалардын алкагында эле талаш-тартыш жаралып, ызылдашып турушса ыңгайлуу окшойт.

Анткени, бир туруп Казакстанда, бир туруп Кыргызстанда маал-маалы менен атасынын сакалы менен ойногон баладай болуп, бул маселени улам көтөрүп келишет.

Кошуна өлкө Өзбекстан "өз эрки" менен латиницага 1993-жылы кагаз жүзүндө өтүп, 2023-жылга чейин толук кандуу өтүп бүтөрү каралган эле. Бирок ушул күнгө чейин мамлекеттик мекемелерде документ жүгүртүү кириллицада, окуу жайларда сабак окутуу латиницада уланып келет. Жыйынтыгында ата-бала, эки муун бири-биринин тилин түшүнбөгөн коом жаралды, дешет өзбек агартуучулары.

Албетте мындай маселелер Казакстанда же Кыргызстанда кириллица же латиница болушун "каалаган" тараптын башын оорутпайт да.




@kgosho Билип жаша!

12 жылдык билимге өткөндүктөн мектеп окуучулары ар кандай программа боюнча окумай болушту.


Быйылкы жаңы окуу жылында ата-энелер жана окуучуларды мына ушундай “бардак”күтөт. Жаңы окуу жылында 2019-жылы төрөлгөн жана “Наристе” 480 сааттык даярдоо
программасын окубагандар 1-класска, ал эми 2018-жылы мектепке чейинкидаярдыктан өткөндөр түз эле 2-класска барышат.

Мындан тышкары 11 жылдык мектептин 3-классынын окуучулары 12 жылдыкмектептин 5-классына, 11 жылдык мектептин 6-классынын окуучулары 12 жылдык мектептин 8-классына секиришет.


Бирок параллелдер ар кандай программалар боюнча окушат.



Мисалы, 8-класска аттап кеткен 6-класстын окуучулары 12 жылдык билимберүүнүн жаңы программасы боюнча окуса, 8-класска адаттагыдай эле өткөн 7-класстын окуучулары 11 жылдык билим берүүнү улантат. “Башка параллелдер да ушундай эле тартипте окушат.


Ошол эле учурда министрлик 12 жылдык программага өтүүнү айрым мугалимдер өздөрү да курч кабыл алып жатканын жашырбайт.

Өзгөчө борбор калаада бир класста 55тен окуучу окуп, санитардык жана башка нормалар сакталбай, орус тилдүү мектептерде болсо мугалимдердин жетишсиздиги көйгөйлүү маселе боюнча калууда.

Өлкөнүн жогорку бийлиги баш болуп 12 жылдык окууга өтүү маселесине аярмамиле кылууга чакырып жаткан кезде, министр айым эмнеге мынча шашып жатат? Кендирбаева кимдин алдында берген убадасына тургусу келүүдө?Эмнеге? Өзгөчө 12 жылдык система менен 1-класска кирчү окуучуларга орун жетишпей,шаарларда мугалимдер бала бакчага каттап окуу пландалып жаткан учурда, алгач бардык социалдык көйгөйлөрдү чечип алып, анан 2-3жылдан соң өтсөк болбойт беле!





@kgosho Билип жаша!

Ички иштер министрлиги менен Финансы министрлиги активтисттерге моралдыкзыян келтиргени үчүн 500 000 сом төлөп бермей болду. Мындай чечимди Биринчи Май райондук соту чыгарды



2023-жылдын 14-июлунда Селекция айылынын тургундары таза суу маселесин чечүү үчүн жол тосушкан. ИИМ бул боюнча эртеси "Мыйзамсыз жол тосуу"жана "Бейбаштык" беренелери менен иш козгогон.


Анын жыйынтыгында окуяны чагылдыруу үчүн барган блогер Эртай Исаков жана жергиликтүү 2 тургун Бакыт Балбаев жана Бактыбек Бекболотов кармалган.
Сокулук райондук соту аларды №1 тергөө абагына эки айга камоо чечимин чыгарган.


Кийин Сокулук райондук соту үчөөнү бейбаштык боюнча актап, бирокмыйзамсыз жол тосуу боюнча күнөөлүү деп тапкан. Натыйжада Искаковго 50 миң сом айып салынса, Балбаев менен Бекболотов 100 күндүк коомдук жумуштарга милдеттендирилген.

Бирок кийин аларды облустук да, Жогорку да соттор толугу менен актаган. Акталган эки жергиликтүү тургун Финансы министрлиги менен ИИМди соткоберген.

Алар 2 айдан ашык абакта күнөөсүз отурганын жүйөө келтирип, моралдык компенсация катары 500 000 сомдон төлөп берүүнү талап кылышкан. Бишкекшаарынын Биринчи Май райондук соту 2 активтисттин арызын канааттандырды.





@kgosho Билип жаша!

Франция президентиЕвропаны Россиядан сактап калуу үчүн өзөктүк курал колдонууну сунуштады

Франциянын президенти элгекайрылуу жасады. Эммануэль Макрон Украинадагы жаңжалды токтотууга каршы пикирин
билдирди.
Анын айтымында, Россия,Франция менен Европага коркунуч жаратат.


Франциянын президентиЕвробиримдикти коргоо үчүн өлкөнүн өзөктүк куралын колдонуу маселесин
талкуулоого чакырды. Ал ошондой эле Украинадагы жаңжал “басаңдабай жатканын”,Кошмо Штаттар “келечектеги кадамдары тууралуу белгисиздикти калтырып жатканын”
жана ошондой эле “Европадан келген товарларга бажы алымдарын киргизүү” планын белгиледи.


“Европанын келечегин Москвада же Вашингтондо аныктоо мүмкүн эмес”, - деди Макрон.

Ошентип, Франция келерки аптада "Украинада
келечектеги тынчтыкты кепилдикке алууга" даяр мамлекеттердин штаб башчыларын чогултууга белсенүүдө. Анда бүткүл Евробиримдикти коргоо үчүн
Франциянын өзөктүк куралын колдонуу талкууланат.

Ошондой эле, Украинага Европа аскерлерин жайгаштыруу да
каралат.


Эми Франция бюджетинин көп бөлүгүн аскердик тармакты камсыздоого бөлөрүн да кошумчалады.





@kgosho Билип жаша!

Президент Садыр Жапаровчакан ГЭСтер курулуп жаткан аймак жашоочуларын тоскоолдук жаратпоого чакырды


Садыр Жапаров өзүнүн социалдык баракчасына өлкө 142 млрд кВт/с электр энергиясын иштеп чыгуу
мүмкүнчүлүгү болсо, учурда 4 млрд кВт/с гана иштеп чыгарын, таңсыкты жоюу үчүнжылына 8,5 млрд сомго электр энергиясын сатып аларыбызды жазган.


Ал суунун башындагы мамлекет болуп туруп сууларыбызды жөн гана агызып жибербей, чакан ГЭстердикуруп, ички таңсыкты жоюп, керек болсо экспортко чыгуу мүмкүнчүлүгү бар экенин айткан.


Президент өлөкөдө учурда ириГЭСтерден сырткары 40 чакан ГЭС иштеп. Дагы 37си курулуп жатканына токтолгон.
Бирок ошол курулуш жүрүп жаткан айрым аймак жашоочулары “ичер сууну булгапжатасыңар” деп, курулушчуларды өткөрбөй, жолду бууп коюшканын айтып, жергиликтүү бийлике көзөмөлгө алуу тапшырмасын койгон.


Ал эми элге кайрылып,сууну таң эрте тунуп турган таза кезинде алып алууга чакырып, курулуш иштерине 3 ай чыдап коюуга үндөгөн.




@kgosho Билип жаша!

АКШ, Украинада аба соккусу тууралуу эскертүү системаларын өчүрдү


Экономисттин кабарчысы Оливер Кэрролл X социалдыктармагында АКШ Украинанын аба соккусу жөнүндө эскертүү системаларын, ошондой
эле HIMARS үчүн бутага алуу системаларын өчүрдү, деп жазды.

АКШ бул кадамды кечээ 5-мартта, Бишкек саатыбоюнча 18:00дө жасаган.

Жыйынтыгында Киев, Украинанын алыскы аймактарындагы
соккулар боюнча маалыматты реалдуу убакыт менен алуу мүмкүнчүлүгүнөн ажырады.


Буга чейин Sky News телеканалы АКШ чалгыдоо маалыматтарын Украина менен бөлүшүүнү толугу менен токтотконун кабарлаган эле. Бул маалыматты ЦРУнун директору Джон Рэтклифф ырастаган.

Ак үй өзү эле эмес, америкалык чалгындоо маалыматтары менен бөлүшүүгө Улуу Британияга да тыюу салды.




@kgosho Билип жаша!

Мектептердеги каникул17-мартта башталат


Министрликтин билдиришинчебыйылкы жазгы каникул 17-мартта башталат. Окуучулар 24-мартка чейин эс алышат.



@kgosho Билип жаша!

"Жеңиш 9/45" долбоорунун алкагында Кыргызстанда мектеп окуучулар арасында чемпионат өтөт. Жеңишке жеткен командалар өз мектебине Улуу Ата Мекендик согуш темасын чагылдырган музей ачууга грант алат



"Жеңиш 9/45" долбооруна Кыргызстан да кошулду. Анын алкагында Улуу Жеңиштин 80 жылдыгынын урматына 9-майда парад уюштуруу пландалууда.

Бишкектеги Жеңиш парадына аскердик техникаларды, анын ичинде Т-34 танкасын алып келүү пландалууда. Борбор шаардын мыкты аянтчалары тематикалык, интерактивдик аймактар үчүн жабдылып, жасалгаланат.


9-майда, шаарда ачык жайда аскердик ашкана жана почта иштеп, Улуу Ата Мекендик согуштун арт-фактыларынан көргөзмө уюштурулмакчы. Ретротехникалар менен аскердик формалардын музейи ачылып, 1940-жылдардагы сүрөттөр коюлат жана башка иш-чаралар өткөрүлөт.

Мындан сырткары долбоордун жүрүшүндө түрдүү иш чаралар да уюштурулат.

1) Балкандагы эң маанилүү монументке баруу менен коштолгон “Мурастар” эл аралык автожарышы.

2) "Жеңиш 9/45 — муну баары билиши керек" аталышындагы эл аралык тарыхый-агартуучулук чемпионаты. Көптөгөн өлкөлөрдөн окуучулардан түзүлгөн командалар башкы байге үчүн интеллектуалдык марафондун бир нече этаптарынан өтүшөт. Баш байге — өзүнүн мектебинде Улуу Ата Мекендик согуштун музейин ачууга грант алуу.


"Жеңиш 9/45" долбоорунун уюштуруучусу Евразия автономиялуу бейөкмөт уюму. Уюм долбоорго кошулууга СССРдин курамына кирген бардык өлкөлөрдү чакырган. Муну менен катар каалаган мамлекеттер өз ыктыяры менен кошулса болот.





@kgosho Билип жаша!

12 жылдык окууга өтүү уланат. Билим берүү министрлиги билдирүү таратты.


Министрлик өлкө жетекчилиги айткан бардык сунуштарды эске алуу менен 12 жылдык окууга өтүүнү киргизүүнү уланта берерин жарыялады. Мекеменин билдиришинче 12 жылдык окуу бир гана 6 жаштан баштап окуу дегенди түшүндүрбөйт. Анда окуучуларга билим берүү сапаты жогорулайт. Ошондой эле министрлик мектептердин жетишсиздиги көйгөйүн да унутта калтырбаганын айтат.


Баарынан кызыгы 12 жылдык окуу системасына өтүү мамлекеттин бюджетинен каржыланарын ачыктады. Түшүнүп жатасыз да, эми канча деген каражаттар талап кылынарын, башкысы алар максаттуу иштетилеби? Буга чейин минкабдын төрагасынын орун басары Камчыбек Ташиев "билим берүүнүн сапаты абдан төмөндөп кеткенин" айтып, алгач ички маселлерди чечүүгө чакырып, 12 жылдыкка өтүүгө ашыкпай туруу пикирин билдирген эле.

Аз күндөн кийин ал президент жана билим берүү тармагындагы эксперттер менен акылдашып, 12 жылдык системага дароо эле өтө калуу мүмкүн эмес деген чечимге келишкенин кошумчалаган.

Мамлекет жетекчилигинин мындай кооптонуусу да бекер эмес. Анткени билим берүү мындай турсун, балдардын коопсуздугун колго ала албай калган Билим берүү министрлиги 12 жылдык окуу системасын жүйөө кылып, бар нерсени да талкалап жатат.





@kgosho Билип жаша!

Зеленский Ак үйдөгү Трамп менен кайым айтышуусуна өкүнөрүн билдирди


Украина президенти В. Зеленский соцтармактагы баракчасына Ак үйдөгү сүйлөшүү оң өңүттө жүрбөй калганына өкүнөрүн жазды. Муну менен катар эле ал Украина чыр-чатакты эртерек токтотуу үчүн өзү тарап бардык сүйлөшүүлөргө даяр экенин айткан.

Бирок Ак үйдүн админстрациясынын кечирим суроо талабын аткарган эмес.




@kgosho Билип жаша!

Бүгүн 5-март улуттук кийимдер жана Ак калпак күнү!



2011-жылы бул күн Ак калпак күнүн белгилөө катары кабыл алынган. ал эми 2016-жылы Жогорку Кеңеш "улуттук кийимдер жана Ак калпак күнүн белгилөө күнү" деп өзгөрткөн.


Майрамдын максаты улут уңгусун түзгөн атрибуттардын бири кийимдерибизде терең катылган тарбия, патриоттуулук жана ыңгайлуулук менен кооздуктун айкалышын туура түшүнүп, аны келечек муунга кемитпей өткөрүп берүүнү пропагандалоо болуп саналат.

Бүгүнкү жаркыраган майрам менен биз да жалпы окурмандарыбызды куттуктайбыз!





@kgosho Билип жаша!

Муфтият быйыл Кадыр түн качан белгиленерин айтты Быйыл Кадыр түндү 26-марттан 27-мартка караган түнү болот. Бул түнү мусулмандар ушак-айыңдан алыс болуп, ынтымакта, ысырапкорчулукка жол бербей жакшы ой-тилек менен өткөрүү сунушталат. Эркек кишилерге мечитке баруусу, аялдарга үйдөн тосуусу жакшырак деп айтылат маалыматта. Эске сала кетсек, быйыл Орозо 29-мартта аяктайт. 30-март Орозо Айт белгиленет. @kgosho Билип жаша!

Ташиев 12 жылдык билим берүү боюнча кайрадан пикирин билдирди



УКМК төрагасы Камчыбек Ташиев 12 жылдык билим берүүгө өтүү боюнча кайрадан билдирүү жасады.

“Мен буга чейин 12 жылдык билим берүүгө карата өзүмдүн тынчсыздануумду билдиргем. Ошол кайрылуумдун натыйжасында, бүгүн бул маселе боюнча эксперттер, Билим берүү министрлигинин жетекчилиги, окумуштуулар жана тиешелүү органдардын өкүлдөрү менен мамлекет башчыбыз Садыр Нургожоевичтин катышуусунда атайын жыйын өтүп, кеңири пикир алышып, талкуу кылдык. Мамлекет башчысы да бул маселеге көңүл буруп, тынчсыздануусун билдирип, бардык тобокелдиктерди эске алуу менен, билим берүүдөгү реформаны этаптарга бөлүү менен дыкат ишке ашыруу чечимин кабыл алды. Башкача айтканда, баштапкы ойлонуштурулган шартта эмес, акырындык менен, улам кемчиликтерин жоюп, жетишпегенин толуктап отуруп, ишке ашыруу чечими кабыл алынды, буга макул болсок болот”,- деп жазган өкмөт башчынын орун басары Камчыбек Ташиев.




@kgosho Билип жаша!

ӨКМ: Майлуу-Сууда радиациянын деңгээли Бишкекке караганда төмөн



Жогорку Кеңештин тиешелүү комитетинин жыйынында өзгөчө кырдаалдар министринин биринчи орун басары Азамат Мамбетов Майлуу-Суудагы калдык сактоочу жайлар калыбына келтирилип, андагы радиациянын деңгээли учурда Бишкекке салыштырмалуу төмөн экенин билдирди.

"Азыр эгер дозиметр менен түз эле калдык сактоочу жайга турсаңыз, радиациянын деңгээли саатына 0,16 микрорентгенди көрсөтөт, ал эми борбордо табигый радиациянын деңгээли саатына 0,22 микрорентгенди түзөт", - деди ал.

Министрдин орун басары депутаттарга калдык сактоочу жайлардын үстүнө инженердик курулуштар орнотулуп, топурак төгүлгөнүн түшүндүрдү. Союз учурунда курулган калдык сактоочу жайлардын үстүндөгү дамбалар жер титирөөдөн улам жараксыз абалга келген.





@kgosho Билип жаша!

АКШ Украинага болгон аскердик жардамын токтотту



Маалыматта Америка тарабынан берилип жаткан жардам абалды жөнгө салууга канчалык таасирин тийгизип жатканын байкоо үчүн токтотулганы айтылат. Ак үй Украинага жардам берип келе жаткан башка өлкөлөрдү да ушундай кадамга чакырган.



@kgosho Билип жаша!

Улуттук банк кредит алууга өзүнө өзү чектөө коюу кызматын киргизгени жатат




Учурда каржы алдамчылыгы көбөйүп кеткендиктен Улуттук банк адамдар өзүнө өзү кредит алууга чектөө коюуга мүмкүнчүлүк берген кызматты киргизүүнү пландоодо.

Мындай кызмат жарандарды 4 нерседен сактайт:

1) алдамчылыктан коргоо (чектөө активдештирилгенден кийин, адам да, анын атынан башка бирөө да насыя ала албайт);

2) каржылык ресурстарды сактоо (алдамчылар жаранга билдирбей насыя алып, анын акчасын уурдап кете албайт);

3) соттук талаш-тартыштардын алдын алуу (адам анын макулдугусуз насыя берилгенин далилдөөгө милдеттүү болбойт);

4) негизделген чечим кабыл алуу (тыюуну алып салуу убакытты талап кылгандыктан, потенциалдуу карыз алуучу насыя алуу зарылдыгын кылдаттык менен карап көрө алат).


Улуттук банк мындай механизмди киргизүү убакытты талап кыларын билдирет. Анткени иш бир нече этаптан турат. Эске салсак, мындай ыкманы Россия жана Казакстан киргизүүдө.




@kgosho Билип жаша!

СПИД менен күрөшүү комитети 3 млн долларга жыпар жыттуу презерватив сатып алган. Депутататтар келген гранттар аркылуу ЛГБТ коомчулугуна кам көрбөй, ВИЧ жуктурган балдарга каралашуу зарылдыгын айтышты



Жогорку Кеңештин Социалдык саясат боюнча комитетинин жыйынында депутат Жылдыз Садырбаева Глобалдык фонддон түшкөн каражаттын негизсиз сарпталышына токтолду.

Анын айтымында, СПИД, кургак учук жана безгек менен күрөшүү боюнча Глобалдык фонддон Кыргызстанга бөлүнгөн акча ВИЧке чалдыккан балдарга эмес, жыпар жытуу презервативдерди сатып алууга жана ЛГБТ коомдорун колдоого жумшалат.

Эл өкүлү Саламаттыкты сактоо министри Эркин Чечейбаевден Координациялык комитетинин (ӨКК) ишин көзөмөлгө алууну суранды.

"7 миллион калкы бар өлкөбүз жыпар жыттуу презервативдерди 3 миллион долларга сатып алат. Комитеттин ишин көзөмөлгө алышыбыз керек. Мен аталган мекемеге өзүңүз жетекчилик кылышыңызды каалайт элем. Азыр кесиптешим дарыгерлердин күнөөсү менен массалык түрдө ВИЧ инфекциясын жуктуруп алган балдар каржылык колдоосуз калып жатканын жар салды. (2006-2007-жылдары Ноокат районунда дарыгерлердин шалаакылыгынан улам 400дөн ашуун ымыркайга ВИЧ инфекциясы жугуп калган) Аларга 18 жашка чейин айына 8 000 сомдон берилет, бүттү. Ал эми биз бул эки глобалдык инфекция менен күрөшүү үчүн ар бир 3 жылда 29 миллион доллар алабыз. Бирок аталган балдар бул каражаттан бир тыйын да алышпайт. Кесиптешибиз Айбек Маткеримов экөөбүз бул көйгөй менен качантан бери күрөшүп келебиз, МСКнын жыйындарында көйгөй көтөрүлөт, бирок жыйынтык жок", — дейт Жылдыз Садырбаева.


"Азыр угуп жүрөгүңүз түшөт. 900 000 долларды презерватив сатып алууга, 230 000 долларды интим майларын алууга жумшайбыз. Муну анан ЛГБТ өкүлдөрүнө таратабыз. Ал эми дарыгерлердин айыбынан ВИЧ жуккан балдар мамлекеттин колдоосунан ажырап жатат", - дейт Жылдыз Садырбаева.

Эске салсак, 2023-жылдын декабрында Кыргызстан менен Глобалдык фонддун ортосунда кургак учук менен СПИДди дарылоого 27,8 миллион доллар грант алуу боюнча келишим түзүлгөн.

Келишим талкууланып жатканда да депутаттар долбоорду ишке ашырууда жоопкерчилик жана ачык-айкындуулук жок экенин белгилеп, ВИЧ/СПИД, кургак учук жана безгек менен күрөшүү комитети бейөкмөт уюмдардын пайдасына иштерин, сексуалдык азчылыктын кызыкчылыктарын кызуу колдоорун айтып, жоюп салууну талап кылышкан болчу.





@kgosho Билип жаша!

Камчыбек Ташиев 12 жылдык окууга өлкө даяр эместигин айтып, жеке пикирин жазды.



Бул маселе азыркы учурда коомдук талкууга чыгарылган билим беруу системасындагы мектеп окуу мөөнөтүн 12 жылга чейин узартуу боюнча жүргүзүлгөн аналитиканын негизинде жаралды. Менин жеке оюм боюнча бул туура эмес,эмне үчүн;

📌Биздеги мектептеги билим беруу өто начарлап кетти, ушул көйгөйдү чечмейинче башка системага умтулуунун кереги жок.

📌Жактоочулар айтып жатышат “чет мамлекетке барып окууга ынгайлуу болот” дешет,статистиканы алып көргүлөчү болгону 3-5 % гана бүтүрүүчү Европа,Америкага барып окушат экен,а калгандары СНГ мамлекеттеринде жана өз өлкөбүздө эле жогорку билим алууну улантышат.

📌Финансылык экономикалык жагынан да өтө коп зыянга учурап калабыз,30,0 миңден ашык кошумча мугалим,200 дүн тегерегинде кошумча мектеп ж.б.

📌Биз алдыңкы мектептерди жоюп,арткы мектептерге теңеп салдык,бул да чоң көйгөй болду.

📌Билим берүү боюнча негизинен эле айта турган болсок,биз өтө чоң кооптуу абалга бара жатабыз,себеби жогорку окуу жайда окуу жөнөкөй эле акча төлөө,зачётканы толтуруу жана кимдир бирөөлөр үчүнбайлык топтоо системасына айланды.

Университеттерге окууга барбай эле,миграцияда же чет өлкөлөрдө жүрүп эле диплом алгандар көбөйдү жана бул көрүнүш бардык жогорку окуу жайларда кездешип жатат.

Университетти 200,0 студент диплом албаса да ,таза жакшы эмгеги менен билим алган 20,0 студент диплом алса мамлекет үчүн алда канча пайдалуу эмесби!


Дагы бир жолу бардык жогорку окуу жайлардын жетекчилерине эскертип кетемин: ар бир жогорку окуу жайды текшерүүго жетишебиз, жакынкы 2 жылда коррупциясы жок мамлекетке айланабыз.

Баарыбыз чогуу аракет жасашыбыз керек!- деген УКМК төрагасы К. Ташиев.

Жогорку бийликтин билим берүү тармагына көңүл буруп жатканы албетте кубанычтуу маселе. Башкысы балдарыбыз сапаттуу билим алса.




@kgosho Билип жаша!