Мәгариф - Гаилә һәм мәктәп

🎀Кадерле гүзәл затларыбыз, сезне якынлашып килүче Халыкара хатын-кызлар көне белән котлыйбыз!

Сезгә исәнлек-саулык, гаилә бәхете, иҗади уңышлар телибез. Балкуыгыздан туктамагыз❤️

Иптәшләр Татарлар х Гаилә һәм мәктәп

📚Лаештагы Г.Р.Державин исемендәге туган якны өйрәнү музее – республикабызда экспонатларга иң бай музейханәләрнең берсе.

Монда борынгы чорлардан алып бүгенге көнгә чаклы сакланып калган табигый һәм кеше кулы ясаган бик күп әйберләр белән хозурланырга, Лаеш җире, анда яшәгән халыклар, күренекле шәхес  Державин хакында бик күп материаллар белән танышырга була. Бирегә Россиянең төрле төбәкләреннән туристлар   даими агылып тора. Мәктәп укучылары өчен музейханә төрле предметлар буенча өйрәнү мәйданчыгы да әле.

@magarifgaile

📚Мартның беренче атнасында Милли китапханәдә бай чаралар программасын әзерләгәннәр.

Кунакларны мода турында лекцияләр, дизайнерлар белән очрашулар һәм квестлар көтә. Барлык вакыйгалар да бушлай, әмма катнашу өчен алдан ук китапханә сайтында теркәлергә кирәк.

— Пәнҗешәмбе, 6 мартта,
17:00 дә «Актуальная мода 2025 года – о стилях в одежде и не только» мастер- классы башлана. Катнашучылар якындагы биш елга төп тенденцияләр, шулай ук киемдә төрле стильләрне ничек яраштыру турында беләчәк.

— 19:00 дә модельер һәм дизайнер Екатерина Борисова белән очрашу узачак, ул үз бренды өчен кием коллекцияләрен генә түгел, ә театрлар өчен костюмнар да булдыра.

— Шимбә, 8 мартта, 13:00 дә «Позывной «Победа» дигән мавыктыргыч квест старт ала (12 яшьтән өлкәнрәк балалар өчен). Катнашучылар маршрут кәгазе буенча (җиде этап) юл узачак. Аларны катлаулы биремнәр көтә: күзәтүчәнлеккә тест һәм Бөек Ватан сугышы чорындагы хәрби аермаларны белү.

@magarifgaile

Бүген ТНВ каналының «Манзара» тапшыруында кунакта баш мөхәрриребез Гөлүсә Рәүф кызы Закирова булып кайтты 📺

Тапшыруда «Гаилә һәм мәктәп» журналының февраль саны хакында сүз барды.

Кайдан карарга?
ТНВ-Татарстан каналында:
🕕10 март ~ 7:20 сәгатьтә

@magarifgaile

УТ ЯҢАЛЫК!!!

«Мәгариф. Татар теле» электрон журналының март саны табадан гына төште!

🎀Тышлыкта — Казандагы 346 нчы балалар бакчасы
тәрбиячесе Эльвира Илфат кызы
СОЛТАНОВА.

🌕«Мәгариф татар теле» журналының март ае саны «Иң яхшы туган тел һәм әдәбияты укытучысы» Бөтенроссия һөнәри конкурсында җиңү яулаган Казандагы 41 нче урта мәктәпнең татар теле тәрбиячесе Айсылу Лотфуллина һәм узган ел Россия күләмендә беренче бишлеккә кергән 346 нчы балалар бакчасы тәрбиячесе Эльвира Солтанова хакындагы язма белән башланып китә. Журнал укучыларыбыз аларның туган телдә тәрбия бирү, татар телен саклау юнәлешендә башкарган эшчәнлекләре белән даими кызыксынып тора. Халыкара туган телләр көне алдыннан алар ирешкән уңышлары, балаларга туган телдә белем һәм тәрбия бирүгә кагылышлы фикерләре белән уртаклашты.

🎀«Һөнәри тәҗрибә» рубрикасында алдынгы укытучыларыбызның «Дәресләрдә Каюм Насыйри хезмәтләрен куллану», «Уку грамоталылыгын формалаштыруда мнемотехника алымын куллану», «Пропп карталары ярдәмендә әкиятләр төзү» кебек кызыкы методик язмалары белән таныша аласыз. Моннан тыш, һәрвакыттагыча журналыбызда иң яхшы дәрес эшкәртмәләре дә бирелгән.

🌕Ә иң яхшы язма – Татар теленнән 2024 елгы дәүләт имтиханнары нәтиҗәләре. Биредә филология фәннәре кандидаты, КФУ доценты туган (татар) тел буенча предмет комиссиясе рәисе Гөлназ Мөгътәсимова дәүләт йомгаклау аттестациясе биремнәренең үтәлешенә җентекле анализ ясады.

Укырга: magarif-uku.ru