Sputnik Кыргызстан — негизги жаңылыктар


Гео и язык канала: Киргизия, Русский
Категория: Новости и СМИ


Ыкчам жана актуалдуу жаңылыктар.
https://www.sputnik.kg
Комментарий калтыруу эрежелери: https://clck.ru/SsTod


Гео и язык канала
Киргизия, Русский
Категория
Новости и СМИ
Статистика
Фильтр публикаций


❗️Коррупция жана ири өлчөмдө жасалган алдамчылык кылмышынын эскирүү мөөнөтү мыйзамдан алып салынды

Тиешелүү мыйзамга президент Садыр Жапаров кол койду.

Эскирүү мөөнөтү уюшкан топ ишенип берилген ири жана өзгөчө ири өлчөмдөгү мүлктү ыйгарып алса же коротсо да колдонулбайт.

@Sputnik_Kyrgyzstan_KG


Владимир Путин ракета ташыган жаңы муундагы учакка түшүп көрдү

Россиянын президенти стратегиялык Ту-160 учагы конгондон кийин анын күчүнө жана ыңгайлуулугуна баа берген.

"Техника мыкты экен, жаңы муунда экени сезилип турат! Куралдуу Күчтөрдүн курамына кабыл алууга болот", — деди Путин.

Өлкө башчы Ту-160м менен асманга көтөрүлөрү кечээ белгилүү болгон. Учуу алдындагы даярдык 45 мүнөткө, учуунун өзү 30 мүнөткө созулган.

@Sputnik_Kyrgyzstan_KG


Кыргызстандыктарды телефон аркылуу алдап кеткен шылуундар тобу кармалды

ИИМдин маалыматы боюнча, 16-17-февраль күндөрү алдамчылар кишилерге чалып, алардын туугандары жол кырсыгына кабылганын айтышкан. Ишенимге кирген соң курьер аркылуу акча жиберүүнү суранышкан.

Шылуундар ушундай жол менен 2 күндө эле элди жарым миллион сомго алдап кеткен.

Колго түшкөн топтун курамында кошуна өлкөлөрдүн жарандары да бар экендиги айтылды.

@Sputnik_Kyrgyzstan_KG


❗️Балыкчыдагы кафеде милиционерлердин чуу салган видеосу тарады

Кадрдан тартип сакчысынын бир кишини эшиктен киргизе урганын, андан соң сөгүнүп-сагынып аялга тап бергенин көрүүгө болот. Ал кишинин аялды урган-урбаганы азырынча белгисиз.

Бул окуяны прокуратура жана ИИМдин Ички иликтөө кызматы териштирип жатат.

@Sputnik_Kyrgyzstan_KG


Владимир Зеленский АКШ Украинага жардам бербесе, кошумча планы барбы деген суроого жооп бере алган жок.

@Sputnik_Kyrgyzstan_KG


❗️Кара-Суу менен Баткенде мөөнөтүнөн мурда шайлоо өтөт

Бул Жогорку Кеңештин депутаттары Матраимов менен Ражабалиевдин мандатын тапшырганы менен байланыштуу.

Мыйзам боюнча бир мандаттуу округдан чыккан депутат мандатынан кол жууса 2 айдын ичинде кайра шайлоо өтөт. БШК жаңы депутаттарды шайлоо күнүн дайындоо боюнча сунуштамасын президентке жөнөттү.

@Sputnik_Kyrgyzstan_KG


⚡️Искендер Матраимов менен Нурлан Ражабалиев ЖК депутаты мандатынан кол жууду

Экөө тең БШКга өз ыктыяры менен мөөнөтүнөн мурда ыйгарым укуктарын тапшырууга арыз жазганы белгилүү болду.

Искендер Матраимов — издөө жарыяланган бажычы Райым Матраимовдун бир тууган агасы. №9 Кара-Суу шайлоо округунан депутат болуп келген.

Нурлан Ражабалиев — мурда Бажы кызматынын төрагасынын орун басары болуп иштеген. “Райым миллиондун” коррупция боюнча ишинде ал да айыпталып, мамлекетке 12 млн сом төккөн. Бир мандаттуу №2 Баткен округунан шайланган.

@Sputnik_Kyrgyzstan_KG


❗️БШК бүгүн Искендер Матраимов менен Нурлан Ражабалиевди мандатынан ажыратышы мүмкүн

Жогорку Кеңеш депутаттарынын маселеси күн тартибине киргизилди.

Искендер Матраимов — издөө жарыяланган бажычы Райым Матраимовдун бир тууган агасы. №9 Кара-Суу шайлоо округунан депутат болуп келген.

Нурлан Ражабалиев — мурда Бажы кызматынын төрагасынын орун басары болуп иштеген. “Райым миллиондун” коррупция боюнча ишинде ал да айыпталып, мамлекетке 12 млн сом төккөн. Бир мандаттуу №2 Баткен округунан шайланган.

@Sputnik_Kyrgyzstan_KG


⚽️ Камчыбек Ташиев футбол боюнча курама команданын башкы машыктыруучусу Штефан Таркович менен жолукту

Алар улуттук курама команданын 2026-жылы өтө турган Дүйнө чемпионатынын квалификациялык оюндарына даярдыгын талкуулашкан.

Буга чейин КФСтин президенти улуттук командага оюнчуларды тандоонун жаңы системасын киргизүүнү убада кылып, эми татыктуулар гана таймаша турганын билдирген. Ташиев машыктыруучуларды алмаштырбай, иштөөгө шарт түзүү керек деп эсейтей турганын билдирген.

@Sputnik_Kyrgyzstan_KG


❗️УКМК “Беш-Сары” ЖЧКсынын негиздөөчүсү, экс-депутат Камчыбек Жолдошбаевди кармады

Ал өзгөчө ири өлчөмдө салыкты төлөөдөн качкан деп шектелүүдө. Атайын кызмат "Беш-Сары" базарындагы соода борбордун администрациясы көп жылдан бери бухгалтердик кош эсеп жүргүзүп келгенин аныктаган.

Салыктык отчеттордо киреше аз көрсөтүлүп, салык органдарына жалган маалымат берилип келгендиги айтылды. Ошондой эле келишимдерде төмөндөтүлгөн сумма жазылса, чындыгында баалар бир нече эсе жогору болгонун да билдиришти.

Жолдошбаев 21-февралда кармалып, УКМКнын убактылуу кармоочу жайына киргизилди. Ал коомчулукка "маршруткада жүргөн депутаттардан уялам" деген сөзү менен эсте калган.

@Sputnik_Kyrgyzstan_KG


🇰🇬Кыргызстан аскердик кубаттуулугу жагынан Global Firepower Index рейтингинде 100-орунга көтөрүлдү. Бул туурасында Нурланбек Шакиев билдирди.

Спикер акыркы жылдары коргоону жана коопсуздук тармагына өзгөчө көңүл бурулуп, мамлекеттин бүтүндүгүн камсыздоого багытталган чаралар күчөтүлгөнүн белгиледи. Тагыраагы, аскердик жаңы техникалар, учкучсуз аппараттар, сооттолгон автоунаалар, абадан коргонуучу ракеталар, тик учактар, курал-жарактар сатып алынды.

Чек аралар бекемделип, аны кайтарган аскерлердин айлыгы 17 миңден 80 миң сомго чейин көтөрүлдү.

"Кыргызстандын куралдуу күчтөрүүнүн рейтинги 7 позицияга алдыга жылып, күчтүү 100 мамлекеттин катарына кирди. Бул албетте чек эмес, мекенди коргоого багытталган бардык реформаларды колдоону улантабыз. Башкысы элибизде ынтымак, жергебизде тынчтык болсун!" — деди Шакиев.


@Sputnik_Kyrgyzstan_KG


Бишкекте спецназ жашырынып кумар ойноп жаткан 50дөй кишини кармалды

УКМК билдиргендей, алар кумаркана үчүн кеңселерди (кафе, оюн-зоок борборлору) мамлекеттик мекемелерден ижарага алышкан.
Мыйзамсыз казино иштеткен жана ойногон 48 адам кармалып, суралган. Ал эми башкы уюштуруучусу делген А.О.Б. УКМКнын убактылуу кармоо жайына киргизилди.

Атайын кызмат кумарканаларды мыйзамсыз уюштургандар 8 жылга чейин эркинен ажыратылып, бардык мүлкү жана ортого коюлган акчалар мамлекетке алынарын эскертти.

@Sputnik_Kyrgyzstan_KG


Бишкектеги жүрөк тилген кырсык. Фуранын айдоочусу 10 жаштагы кызды тебелеп кетип, каза болду.

Жол кырсыгы бүгүн эртең менен Тунгуч кичи районунун жака-белинде болгон.

27 жаштагы айдоочуну окуядан бир нече саат өткөндөн кийин Пригородное айылынан кармашты. Ал кызды байкабай калганын айткан.

❕Ата-энелер, балдарга жол эрежелерин жана кооптуулуктар тууралуу эскертип туруңуздар!

@Sputnik_Kyrgyzstan_KG


Видео недоступно для предпросмотра
Смотреть в Telegram
Украинанын Майданды баштаган көзүрлөрү азыр кайда? Алар бул күндөрү эмне менен алектенип жүргөнүн видеосюжеттен көрө аласыз.

@Sputnik_Kyrgyzstan_KG


Дарыкана баңгилигине берилип кеткен баланын жүрүм-туруму кандай өзгөрөрүн нарколог Карина Уразова биздин пресс-борбордо санап берди

▪️баланын жүрүм-турумуна, досторуна жана окуусуна сөзсүз көңүл буруш керек
▪️ошондой эле баланын ой жүгүртүүсү жайлап, окуусу менен эс тутуму начарлайт. Териси кургап, тамакты жакшы ичпей калат
▪️кыздардын менструалдык цикли бузулуп, чачы, тырмактары түшө баштайт

Уразова ата-энелер эгер балдарынан "меф", "мяу", "аптечка" сыяктуу сөздөрдү угуп калса коңгуроо кагышы керектигин айтат.

@Sputnik_Kyrgyzstan_KG


Айым депутаттар Ата Мекенди коргоо күнүнө карата кесиптештерине белек беришти

Ар бирине аты-жөнү жазылган термос жана кружка тартуулап, ак кагазга куттуктоо сөзүн да жазышкан.

Сиз мырзаларга кандай белек камдадыңыз?

@Sputnik_Kyrgyzstan_KG


Тааныбаган аялга 11 унаасын каттатып, салык төлөбөй жүргөн киши кармалды

К.В. аттуу келин өзүнүн “байлыгы” тууралуу кабарды Салык кызматынан уккан. Ага өткөн жылы Германия, Түштүк Корея жана Япониядан алып келген темир көлүктөрү үчүн 618 миң сом салык төлөшү керектигин айтышкан. Аял ошол убактан бери унааларга тиешеси жоктугун айтып келет.

ИИМ бул боюнча иликтөө жүргүзүп, былтыр өлкөгө 19 млн сомдон ашык суммага 11 унаа алып келингенин аныктаган. Транспорт бажы аркылуу аялдын атына мыйзамсыз катталганы да такталды.

Жыйынтыгында кылмыш иши козголгон. Териштирүүнүн жүрүшүндө маселени чечүү үчүн аялга 50 миң сом берип жаткан жеринен 41 жаштагы шектүү кармалган. Анын жанынан салыкты жабууга даярдалган 861 миң сом табылган.

Кармалган киши “Түндүк” бажы кызматында брокер болуп иштегени маалым болду.

@Sputnik_Kyrgyzstan_KG


❗️Жогорку Кеңеш бейөкмөт уюмдарга көзөмөлдү күчөтүү боюнча мыйзам долбоорун экинчи окууда жактырды

Надира Нарматованын демилгесине 64 депутат “макул”, бешөө “каршы” добуш берди.
Алгач мыйзам бузгандарды 5-10 жылга эркинен ажыратуу жазасы сунушталган, кийин 3-5 жылга кыскартуу менен киргизилген. Талкуу учурунда парламентарийлер кылмыш жоопкерчилигин такыр эле алып салды.

Эгер мыйзам кабыл алынса "чет өлкөнүн өкүлү функциясын аткарган бейөкмөт уюм" түшүнүгү киргизилет. Тагыраагы, сырттан каржыланып, саясий иштерге аралашып жүргөн коммерциялык эмес уюмдарды "чет элдик агент" деп аташат.

Буга чейин АКШнын мамлекеттик катчысы Садыр Жапаровго кат жиберип бейөкмөт уюмдар боюнча мыйзам кирип жатканына тынчсыздануусун билдирген. Президент ага берген жообунда Кыргызстандын ички иштерине кийлигишпөөгө чакырган.

@Sputnik_Kyrgyzstan_KG


❗️УКМК эмгек, социалдык коргоо жана миграция министринин орун басарын кармады

Атайын кызмат министрликте жетекчинин мамлекеттик сатып алуулар аркылуу акчаны кымырып алган схемасын аныктаган.

Учурда башка шектүүлөр такталууда.

@Sputnik_Kyrgyzstan_KG


❗️Улуттук госпиталдын кош бойлуу медайымын сабоого шектелген аял кармалды

Окуя 19-февралда болгон. УКМКнын маалыматы боюнча, С.А. аттуу медайым оор абалдагы бейтапты таңуу маалында аялдан палатадан чыгуусун бир нече ирет суранган. Бирок аял медайымдын эскертүүсүнө ачууланып, аны себепсиз сабап салган.

Натыйжада С.А. “боюнан түшүү коркунучу бар” деген диагноз менен ооруканага жаткырылган.

Аялга "Бейбаштык" беренеси боюнча иш козголуп, тергөө абагына киргизилди.

@Sputnik_Kyrgyzstan_KG

Показано 20 последних публикаций.