Турат Алыбаев


Гео и язык канала: Киргизия, Киргизский
Категория: Технологии


Жазган макалаларым окурмандарды изденүүгө, ой жүгүртүүгө түртөт деп ойлойм.
1. Пайдалуу маалыматтар
2. Өздүк макалалар
3. Эксклюзивдүү, башка жакта жок контенттер
4. Кызыктуу тексттер
Мага жекече суроолор болсо
https://turatalybaev.taplink.ws жазыңыз!


Гео и язык канала
Киргизия, Киргизский
Категория
Технологии
Статистика
Фильтр публикаций


🤷🏼 АйТи курстарда окугандардын кетирген каталары

📌 Ассалоому алейкум, урматтуу окурманым амансызбы? Ар күнү өзүңүздүн ийгилигиңиз үчүн бир нерсе кылып жатасызбы? Эгер күнүгө кичине болсо дагы бир нерсе үйрөнүп жатсаңыз жана үйрөнгөн нерсеңизден ыракат алып жаткан болсоңуз, бул аракетиңиз бир күнү өзүңүз үчүн жана өлкөбүз үчүн чоң бир ийгилик болуп кайтарына ишенебиз, сиз дагы ишениңиз.

📌 Бүгүн бул макалада АйТи курстарда окуп, бирок ийгиликтүү боло албай жаткандардын катачылыктарын сөз кылабыз.

1. Cабактарды калтыруу.
Курстар бул чоң билимдин эң маанилүү жерлери кыскартылып берилген интенсивдүү билим болгондуктан бир канча сабакта калтырып коюу менен өтө чоң нерседен артта калышыңыз мүмкүн.

2. Тартынуу, суроо бербөө.
Эки түрдүү адамга билим жукпайт дешет. Мен билем деген текебер адамга жана билбей калганын уялып, тартынып сурай албаганга. Демек курстарда окуп жатканда мугалимдерди, менторлорду тажатып суроо сурай бериш керек. Антпесе билимдин жугушу кыйын.

3. Азыраак практика кылуу же сабактан тышкары аз убакыт бөлүү.
АйТи курстарда алган билимди бышыктоонун эң жакшы жолу эле бул көп практика кылуу. Колду, көздү, кулакты терминдерге, жазылып жаткан коддорго көндүрүү. Курс учурундагы гана убакытта жазып, башка учурда жазбай жаткан болсоңуз алдыга жылууңуз абдан кыйын болот.

4. Бир курсту аягына чыгарбай таштап коюу.
АйТи негизи эле оор тармак, фроненд окусаңыз деле, бекенд окусаңыз деле же Флаттер окусаңыз деле. Кыскасы кайсы тармагын окусаңыз деле оңой болбойт, анан жетиштүү билим албай жатып эле, 2-3 ай окугандан кийин таштап коесуз. Эмне болду десең, менден чыкпайт окшойт – дейт. Ооба, чыкпайт да, таштап коюп жатсаңыз. Таштап койсоңуз анан програмчы болуп каласызбы?

📌 Урматтуу окурманым, негизи АйТи окуп жатканда дагы көптөгөн каталар кетет, биз маанилүү деп ушул төртөөнү жаздык, сиз эмнеден кыйналдыңыз эле же эмнеден кыйналып жатасыз? Комментарийге жаза кетиңиз жана АйТи окуп, улантпай таштап койгон таанышыңызды бул жакка белгилей кетиңиз.

📌 Ийгиликтүү болуу үчүн аракетти таштап койбоңуз, ар күнү окуңуз, ар күнү өзүңүздү өнүктүрүңүз, өлкөнүн өнүгүүсүнө жана өзүңүздүн келечегиңизге салым кошуңуз.

✍🏻 Турат Алыбаев, програмчы, агартуучу. Бишкек, 19-февраль, 2024-жыл.


Видео недоступно для предпросмотра
Смотреть в Telegram
Чынында жашоодо бул чоң апа жок, бирок жасалма интеллект анын видеосун жасай алат.

Шумдугуң кургурдуку десе, эртең мен жөнүндө кандай кабар уксаңар дагы, көрсөңөр дагы өзүмдү жандуу жанымдан көрүп, өз оозумдан укмайын ишенбеңиздер 😁


Видео недоступно для предпросмотра
Смотреть в Telegram
❓Мультфильм тартуу жеңилдейби? Же Нейросетчилер көбүрөөк акча табабы?


Видео недоступно для предпросмотра
Смотреть в Telegram
Технология эмне болуп баратат ыя?

Буга эмне дейсиздер?


Репост из: Неизвестно
DevKurultay ITJoop (@turat_alybaev @SultanIman @murat_jumashev @plibrBr @kalys @timur_turat ) подкасты тартуулайт. Жасалма интеллект:

00:00 Кириш сөз
03:08 GPT’ге аныктама берип атабыз
17:55 Жетишкендиктер жана колдонуу мисалдары
41:02 Жасалма интеллект жөнүндө талкуу
01:01:04 Кыргыз програмчы коомчулугунун салымы

Сиз колдонгон подкаст тиркемеси аркылуу угуңуз https://choyro.com/podcast/




❓Гуглда туура издөөнү билесизби?
Уландысы...

📌 Ассалоому алейкум урматтуу окурманым, Гуглда туура издөө боюнча сериалуу жазылып жаткан макалабыздын акыркы сериасына кош келдиңиз.

📌 Бул макала адаттадыган кыска жана нуска болмокчу. Себеби ушул 2 түрдүү издөө сизге өтө сонун пайдалуу болоруна ишенебиз.

📌 Айрым учурда кандайдыр бир проект менен иштеп жаткан болсоңуз, сизге конкреттүү бир түрдөгү файл керек болуп калышы ыктымал, же бир жерге сүрөт жайгаштырайын десеңиз, ал жер сүрөттүн конкреттүү бир түрүн сурап калса, ошол учурда дал ушул издөөнүн ыкмасы сизге өтө чоң пайдасын бере.

📍Файлдын түрү боюнча издөө
Интернеттен файлдын белгилүү бир түрүн табуу керек болгондо (pdf, txt, fb2, psd ж.б.), "filetype:" буйругу жардамга келет. Бул китептерди издөө үчүн абдан ыңгайлуу. Биз "filetype:pdf алиппе" деп киргизебиз жана биринчи шилтемени колдонуп 1-класстар үчүн алиппе китебинин ПДФ форматтагы китебин таап окусак болот.

📍 Google маалыматы белгилүү бир тилде издөө
Белгилүү бир тилде маалымат табуу керек болгон жагдайлар бар. Бул учурда биз "lang:" буйругун колдонууну сунуштайбыз. Андан кийин, кыскартылган түрдө тилди көрсөтүү керек (kg - кыргыз, en - англис, ru – орус ж.б.). Мисалы, “gap year” деген сөз айкашы көп учурда орус тилине которулбайт жана англис тилиндеги макалаларды 100% чыпкалоо үчүн “gap year lang: ru” суроосун колдонуңуз.

📌 Урматтуу окурманым үйрөнүүнүн жашы жок, бири 7 жашында үйрөнүүнү баштайт, бири 17 жашында. Ар дайым өзүңүздү өнүктүрүңүз, өлкөнүн өнүгүүсүнө салым кошуңуз. Азыр замандын талабына ылайык, мен билем деп отура бербей, ар күнү жаңы бир нерсе үйрөнүүгө аракет кылыңыз, замандын талабынан артта калбаңыз. Ийгилик жасаңыз!

✍🏻 Турат Алыбаев, програмчы, агартуучу. Бишкек, 7-февраль, 2024-ж.








❓Гуглда туура издөөнү билесизби?
Уландысы...

📌 Ассалоому алейкум урматтуу окурманым, гуглда маалыматты туура издөө боюнча сариал макалабыз жагып жатат деген ойдомун. Азыркы учурда маалымат абдан көп, керектүү маалыматты тапканга чейин убакыттан уттуруп коесуз, же туура эмес маалыматты алып аласыз. Андыктан гуглда туура издөөнү үйрөнүү абдан маанилүү.

📍Google котормочунун артыкчылыктарын дагы биле жүрүңүз.
Сиз сөздү (тилге) которуу сурамынын жардамы менен сөздү чет тилден тез которо аласыз. Мисалы “gap year translate to ru” Google Translator тез жардамга келет. Бирок колдонмону смартфонуңузга орнотуп алыңыз, сөздөрдү жана сүйлөмдөрдү которуу жагынан “ok Google” дегенди унутарыңызга ишенем.

📍Бирдик өзгөрткүчтү колдонуу
Google сөздөрдүн гана котормочусу эмес, ошондой эле бирдик которгучу бар. Мисалы, бир тоннада канча центнер бар экенин билүү үчүн "1 тонна центнерде" деп Google'га жазыңыз. Ал эми издөө системасы ошол замат жооп берет.

📍Валюта конверторун колдонуу
"100 доллар сом" дегенди издөө менен, сиз Google'дун валюта конверторунан жооп аласыз. Google учурдагы алмашуу курсунун негизинде эсептөөлөрдү жүргүзөт.

📍Google эсептегичти колдонобуз
Google онлайн гана өлчөө бирдиктерин жана акчаны эсептей албайт. Аны кадимки калькулятор катары колдонсо болот. Биз жөн гана сапка бир мисал киргизип, жооп алабыз.

📌 Урматтуу окурманым, бул маалыматтар сизге пайдалуу болду деп ишенем. Эгер макала жаккан болсо сөзсүз жакты деп комментарий калтыра кетиңиз. Жактырып гана тим болбостон макалада көрсөтүлгөн ыкмаларды гугл издөөдө колдонуңуз. Ар күнү өзүңүздү өнүктүрүңүз, өлкөнүн өнүгүүсүнө салым кошуңуз!

✍🏻 Турат Алыбаев, програмчы, агартуучу. Бишкек, 1-февраль, 2024-ж.


https://allmylinks.com/turat-alybaev

Ушул шилтемеге кирип көрүңүздөрчү, кандай экен?

Жакса комментарий калтырып коюңуздар.


https://www.youtube.com/@etnomediakg

Кыргыз кинолорун көрүп туруу үчүн Этномедия каналына катталып алыңыздар.


Видео недоступно для предпросмотра
Смотреть в Telegram


Репост из: Неизвестно
Жаңы үйрөнгөндөр, мурда кандайдыр бир педагогикалык тажрыйбасы барлар кийинкилерге жакшы үйрөтүшөт. Анын үстүнө тажрыйбалуу програмчылар, оңой эле бир нерсени сурасаң "Гуглдан карасаң, бул оңой эле" коет. Жаңы тажрыйба алып жаткандар жан дили менен жардам кылат, өзү билбесе дагы издеп жүрүп, гуглдан таап келип көрсөтүп берет 😁


Гуглда туура издөөнү билесизби?
Уландысы...

📌 Ассалоому алейкум, урматтуу окурманым. Кечээ Гуглда маалыматты туура издөө боюнча бир канча маселени жаздым эле. Ошону бүгүн улантабыз.

❓Кечээ жазылган макаламды окудуңузбу? Ал жердеги мисалдарды өз колуңуз менен текшерип көрдүңүзбү? Жазгандарым чын эле пайдасын берип жатабы? Же көпчүлүккө пайдам тийсе экен деген байкуш жаным курулай убараланып жатамбы?

📌 Урматтуу окурманым, азыр билим абдан көп, аны иргеп ала билген, алганын жашоосунда пайдалана билгендер гана ийгиликтүү болуп жатышат. Ыраматылык Чубак ажы айтмакчы, “азыр молдо билгенди баары билет, молдонун айырмасы билгенин пайдалана билгендикте” – демекчи, бүгүн окуганыңызды, бүгүн үйрөнгөнүңүздү жашооңузда жакшылап пайдалана алсаңыз, анда сөзсүз ийгиликти багынтасыз.

📍Сөздөрдүн маанисин аныктоо
" define:" оператору Google'дан сөздөрдүн маанисин (аныктамаларын) табууга жардам берет. Издөө тилкесине "define: cccр" деп терүү менен, биринчи шилтемеден аббревиатуранын декоддоосун табасыз.

📍Сөз тандоо менен убара болбой издейбиз
Издөө үчүн ачкыч сөздөрдүн бирин чече албасаңыз, "*" белгисин колдонуңуз. Издөө системасы керектүү баракчаларды тандайт. Мисалы, "математика боюнча мыкты *" издөө менен сиз курстарды, китептерди, тапшырмаларды, лайфхактарды жана башка пайдалуу нерселерди таба аласыз.

📍Google'да белгилүү бир сөз айкашын издөө
Цитата же тексттин башка бөлүгүн баштапкы түрүндө табуу керек болгондо, аны тырмакчага алып коюңуз. Издөө суроого так дал келген барактарды гана көрсөтөт.

📍Кокус жабылып калган сайтты табуу
Google издөө таржымалыңызды көрүүгө мүмкүнчүлүк берет: www.google.com/myactivity (бул жөнүндө дээрлик эч ким билбейт). Бул ыңгайлуу өзгөчөлүк, өзгөчө, эгер сиз

📍Белгилүү бир веб-сайттан маалымат издөөнү үйрөнүү
Сиз макаланы бүтүндөй Интернеттен эмес, белгилүү бир сайттан табышыңыз керекпи? Издөө тилкесине “site:” деп киргизип, кош чекиттен кийин сайттын дарегин жана суроону көрсөтүңүз. Ушундай жол менен сиз керектүү бетке тез жетесиз.

📌 Урматтуу окурманым, бул берилген мисалдарды окуп коюп, таштап койбоңуз. Ар дайым жашооңуздар колдонуңуз. Убактыңызды үнөмдүү кылат, жана так, туура маалыматтарды тезирээк табууга жардамы тиет. Өзүңүздү ар дайым өнүктүрүңүз, өлкөнүн өнүгүүсүнө салым кошуңуз.

✍🏻 Турат Алыбаев, програмчы, агартуучу. Бишкек, 2024-ж. 28-январь.




😁😁😁


Гуглда туура издөөнү билесизби?

📌 Ассалоому алейкум, урматтуу окурманым, сизге бир чындыкты айта кетейин деп чечтим. Биз программисттер ар дайым эле коддун баарын оюбуздан чыгарып жазып отурбайбыз. Көбүнчө эле Google издөө кызматынын пайдасын көрүп келебиз.

📌 Эгерде сиз дагы Гуглда туура издөөнү билип алсаңыз, жашооңузда абдан пайдасы тиет. Көбүнчө карапайым адамдар «окей, Google!» деп эле оюна келгендей жаза калып издейт деп ойлошот, эгер сиз дагы ошондой ойлоп жүргөн болсоңуз жаңылышасыз. Окей Гуглдан тышкары дагы, мен сиздерге бир канча издөө сырларын айта кетейин, үйрөнүп алыңыз.

📌 Урматтуу окурманым, албетте гуглдан издегенде англис тилинде көп маалымат чыгат, айрым маалыматтар кыргыз тилинде табылбай калышы мүмкүн, бирок ошентсе дагы, биз кыргыз тилиндеги маалыматтарды жайылтууга жана көбөйтүүгө салымыбызды кошо берели.

📍Google – синонимдерди билет.
Гугл сиз издеп жаткан сөздүн синонимдерин дагы билет, бирок ал үчүн атайын белги колдонууну билип алыңыз. Издөө натыйжаларында барактардын диапазонун синонимдердин эсебинен кеңейтүү үчүн, каалаган сөздүн алдында тильда “~” белгисин коюңуз. Мисалы, "~ укмуш үйлөр" деп издөө аркылуу сиз "укмуш" сөзүнөн тышкары анын синонимдери пайда болгон макалаларды таба аласыз: "өзгөчө, укмуштуудай, кайталангыс, эң башкача". Бул издөө натыйжаларыңызды жакшыртат жана убакытты үнөмдөйт. Ушул эле издөөнү башка тилде дагы издеп көрсөңүз да болот.

📍 Бир эле учурда бир нече суроону киргизиңиз
Бир эле учурда бир нече суроону издөө үчүн сыйкырдуу таякчаны («|») колдонуңуз. Эгер сиз Google'да "ноутбук сатылат | планшет” деп жазсаңыз. Google сизге "ноутбук сатылат" же "планшет сатылат" деген барактарды таап берет. Ноутбук сатыла турган, планшет сатыла турган барактарды өзүнчө издөө көйгөйүнөн арыласыз. Жана сиздин убактыңыз үнөмдүү болот.

📍 Издөөдөн керексиз сөздөрдү алып салуу
Google айрым учурда сиз жазган сөздөрдү туура эмес кабыл алгандыктан, сиз эч кандай маалыматты таба албайсыз. Абдан жөнөкөйлөштүрүлгөн мисал. Сиз издөө натыйжаларынан сөздү, сөз айкашын же символду анын алдына “-” белгисин коюу менен чыгарып салсаңыз болот. "Наполеон торт" дегенди издөөнү каалап жатасыз, бирок сиз Наполеон деп жазсаңыз тортту таба албайсыз. Наполеон -Бонапарт деп жазсаңыз, анын Бонапарт сөзүн алып салып, сизге башта торт боюнча маалыматтарды чыгарып берет.

📌 Урматтуу окурманым, үйрөнүү жана ийгиликтүү болуу эч качан качан кеч эмес. Өзүбүздү өнүктүрүү жана тилибизди өнүктүрүү үчүн ар дайым аракет кылалы. Кыргыз тилиндеги маалыматтарды жайылталы. Өзүңүздү өнүктүрүңүз, өлкөбүздүн өнүгүүсүнө салым кошуңуз.

✍🏻 Турат Алыбаев, програмчы, агартуучу. Бишкек, 2024-ж. 26-январь.



Показано 20 последних публикаций.