Төрөппүт модьуйан сахатын тылын оҕотугар иҥэрэрэ сатыыра сороҕор үлэлиир, сороҕор үлэлээбэт. 50/50. Сорох оҕо төһө эрэ сааһыгар, холобур, утаран төттөрүтүн оҥоро сатыыр кэмҥээх.

Бу ыалы оннук түгэҥҥэ омук дойдуларыгар сылдьыылара абыраабыт (ол кэпсээнин ситэ устубакка хаалбыппыт, онон салгыы суругунан биэрэбит). Онно сылдьан эрэн оҕолоро ыйытар буолбуттар:

Бу бешбармак, кыргыыстар астара, оттон, маама, биһиги аспыт тугуй?

Бу кинилэр былаахтара, оттон биһиэхэ былаахтаахпыт дуо?

Оннук кэпсэтии түмүгэр оҕолор (биллэн турар төрөппүттэрин көмөтүнэн, ол эрээри бэйэлэрэ!) салгыы "биһиги сахалар туспа омук эбиппит, бэйэбит тыллаах эбиппит" диэн санааҕа кэлбиттэр. Кырачаан дьон бэйэлэрэ тыл туһунан түмүк оҥостубуттар уонна сахалыы ыйыттахха омуктуу хоруйдаабат буолбуттар.

Биики Халандаар | Сурут