Мээримдүү Ырайымдуу Жараткандын аты менен

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Туура жолго жолдоочу
Түз жүргөндү колдоочу
Жараткандын алдында
Жашына турчу, ортомчу

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Жаратканга баштады
"Жакшы бол"-деп какшады
Жакшы-жаман чектерин
Жалпыбызга тактады.

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Жараткандын сүйгөнү
Жалпы үммөтү күйгөнү
Көрбөй сүйдү сиз-бизди
Кел биз да аны сүйөлү

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Ашыктардын күн-түнү
Акыйкаттын төркүнү
Ай-күн, көк-жер баарысы
Айтканына көнгөнү

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Жаңсашынан бөлүндү
Жалчык жарты көрүндү
Жылып келди агач да,
Жер-таш дагы үндөдү

Оо Кудайдын элчиси
Оо көкүрөк эмчиси
Жаасын салам-алкыштар
Жаандан көп энчиси

Анын жолун кармангын
Ак сөз, ак иш жасагын
Азгырыкка берилсең
Азаптуу арман айагың

Түшүндүрмө:
Ортомчу - шапаатчы
Жаратканга баштады - бизди Жаратканга багыттады, аны ыраазы кылуу жолун көрсөттү.
Эмчи - табып, дарыгер
Энчи - берилүүчү үлүш, бөлүк
Ашык - катуу сүйүүчү
Жаңсоо - колун шилтөө, ишарат кылуу
Жалчык - ай 🌙 🌒
Агач - дарак 🌳