Бейиш жолу

Азирети Абу Бакир Сыддыктын (радиаллаху анху) дубасы:

Өтө мээримдүү, чексиз ырайымдуу Алланын ысымы
менен.

Алла Таалам! Сен аларга эч муктаж болбосоң да инсандарды жараттың; андан кийин алардын айрымдары саалих амалдарды кылып бейиштик болушту, айрымдары көшөрүп жасашкан күнөөлөрүнөн улам тозоку болушту. Раббим, суранарым, бул алсыз пендеңди тозок азабындан сактай кер, бейишиңе ылайыктуу пенделериңден кыл!

Алла Таалам! Адам баласын болмуш мейкиндигине чыгарган Сенсиң, али жарата электен мурун кимдер жашоосун жакшы иштерде колдонуп сааид (кадыр-барктуу) болорун, кимдер жаман жолдорго түшүп кудум кор болгон абалга жетерин билген дагы бир гана Сенсиң. Раббим, кечиримиңе өтө муктаж болгон бул пендеңди билип-билбей жасаган күнөөлөрүнөн улам кор кылба!

Алла Таалам! Баарынын бул дүйнөдө кандай иштерди жасаарын, али аларды жарата электе Сен эзелки илимиң менен билип, көрүп тургансың. Алардын да Сенин илимиңден сырткары чыгуулары эч качан мүмкүн эмес. Раббим, жардамыңды аяба, бул пендеңди дайыма Сага кулдук кылуусун насип эт!

Алла Таалам! Сен бир нерсени каалабасаң, эч ким аны тилей албайт. Суранарым, Илаахи тилегиңди, эркимди мени дайыма Сага жакындатчу амалдар үчүн колдонуу багытында жүзөгө ашыр!

Оо, Кудурети чексиз Алла Таалам. Жаралган бардык нерсенин кыймылын иретке салган бир гана Сенсиң. Сен каалабасаң, эч бир нерсе эч качан кыймылдай албайт. Сенден менин бардык кыймыл-аракетимди Өзүңдүн ыраазычылыгың багытында жана такыба чегинде кармашыңды тилейм!

Алла Таалам! Жакшылыкты да, жамандыкты да жараткан Сенсиң. Сенин пенделериңдин кай бирлери жакшы жолду, кай бирлери жаман жолду карманышты. Раббим, Сен мени дайыма жакшы жолдо жүргөндөрдөн кыла көр!

Алла Таалам! Бейишти да, тозокту да жараткан
Сенсиң. Пенделериңдин кай бирөөлөрүн бейишке талапкер абалга жеткирдиң, кай бирөөлөрү өз жүрүм-турумдарынан улам тозокко ылайык болушту. Раббим, Сен бул начар кулуңду бейиштиктерден кыла көр!

Алла Таалам! Сен кааласаң ылайыктуу болгондорду адашуучулук өрөөндөрүндө кыдыртып, башына кыйынчылык үстүнө кыйынчылык бересиң. Раббим, суранарым, көөдөнүмдү ыйманга ач, ыймандын
кооздуктарын жүрөгүмө сездир жана да ошол кооздуктар менен рухумду тойгуза көр!

Алла Таалам! Болуп жаткан иштерди болтуруп жаткан бир гана Сенсиң, акыр аягында бардык нерсенин барар жери да бир гана Сенсиң.

Алла Таалам! Өлүмдөн кийинки жашоомду көркөмдүү жашоо кыла көр жана да мени Сага жакын болгон мукарраб пенделериңдин арасына
кошо көр!

Улуулардын Улуусу Алла Таалам! Тилегендер ар башка каалгаларга кайрылып, ошол жерлерден өзүлөрүнө кандайдыр бир коргоо издеп турушат, менин жалгыз таянычым Сенсиң, ишенич булагым да бир гана Сенсиң. Анткени улуулук тагынын жалгыз Султаны Сенсиң, чыныгы күч-кубаттын жалгыз ээси да кайра эле Сенсиң!

✍🏻Чынчылдыктын өрнөгү Азирети Абу Бакир Сыддык (Алла ага ыраазы болсун) китебинен

Жума маарек болсун!

Аллахумма солли ‘аля Мухаммадин ва ‘аля али Мухаммад

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّد

Ассаляму алейкум, мусулман бир тууганым! Дагы бир аткан таңга шүгүр кылууну унутпайлы. Ибадаттарыбызга бекем бололу. Күнүңүздөр берекелүү өтсүн!🌸

Уйкудан турганда окулуучу дуба:

الحَمْـدُ لِلّهِ الّذي أَحْـيانا بَعْـدَ ما أَماتَـنا وَإليه النُّـشور

Бизди өлтүргөндөн кийин кайра тирилткен Аллага мактоолор болсун жана биз кайрадан тирилип Ага гана кайтабыз.

Умму Ма’бад (радиаллаху анха) пайгамбарыбызды (саллаллаху алейхи ва саллам) мындай деп сыпаттаган экен:

“Жүзүнөн нуру жанып, жаркырал турат экен. Келишимдүүлүгүн, сулуулугун айтпа. Өтө арык да эмес, өтө толук да эмес. Карагаттай көздөрүнүн карасы менен агы бири-биринен таптак айырмаланып турат. Кудайдын
кудурети менен көздөрү сурма коюп алгандай сонун. Каштарынын учтары ушунча назик, чачы чымкый кара. Бир караган кишиге бою узун көрүнөт. Сакалы жыш. Унчукпай олтурса ушунчалык оор басырыктуу, сүйлөсө жүзүнөн жылмаюу, сөзүнөн таттуулук сезилет. Оозунан сез берметтери шурудай төгүлүп турду. Айткан кеби оозунан так, даана чыгып, чындык менен жалганды ачык-айкын бөлүп сүйлөйт экен. Сөзү киши түшүнбөй кала тургандай аз да эмес, пайдасыз көп да эмес, ушундай жанга жагымдуу сүйлөйт дейсиң, сөз менен жеткире албайсың. Алыстан караганда адамзаттын эң сүрдүүсү деп ойлойсуң. Жакындан карасаң ушундай жагымдуу көрүнүшү бар. Орто бойлуу, бир караган киши анын узун да, кыска да эмес экенин сезе алат. Досторунун арасында эң келишимдүү көрүнгөнү, нур жүздүү болгону ошол экен. Кандай десем, кудум эле көчөт сыяктуу, эки көчөттүн арасында өсүп чыгып, жарыктыгы, жашылдыгы жанындагы көчөттөрдү жаап салгандай болуп турду. Жанындагы достору аны ортосуна алып, айкандарына кулак төшөп, бир нерсе айтса дароо аткарууга шашылып жатышты. Ал өзү кабак-кашын бүркөбөй дайыма жылмайып турду. Эч бирөөнү сындап, же көңүлүн калтырганын көрбөйсүң".

(Ибн Саад, ат-Табакаат, 1/230-231)