Shtab faoliyati: Yangi yil bayramiga tayyorgarlik, aholiga kommunal xizmatlar ko‘rsatish va benzin yoqilg‘isi sotuvi masalalari muhokamasiKuni-kecha Surxondaryo viloyati hokimi Ulug‘bek Qosimov rahbarligida viloyat navbatchilik shtabida navbatdagi muhokama yig‘ilishi bo‘lib o‘tdi. Unda elektr energiyasi, gaz, ichimlik suvi va ko‘mir bilan ta’minlash, shahobchalarda benzin yoqilg‘isi sotuvi va sifatini oshirish yuzasidan berilgan topshiriqlar ijrosi hamda yangi yil bayramiga tayyorgarlik ko‘rish masalalari muhokama qilindi.
Viloyat bo‘yicha 220 dan ortiq benzin shahobchalarining faqatgina 30 ga yaqinida benzin sotilayotganligi, bu bo‘yicha berilgan topshiriqlar talab darajasida bajarilmaganligi, benzin sifatini ishchi guruhlar tomonidan o‘rganilganda ham qator muammolar aniqlanayotganligi tanqid qilindi. AYOQSHlarga benzin yetkazib berish hajmini oshirish, metan shahobchalarining grafik bo‘yicha ishlashini ta’minlash topshirildi.
Shuningdek, yangi yil bayramini ko‘tarinki kayfiyatda kutib olish, aholiga bayramona kayfiyat ulashish maqsadida qilinishi lozim bo‘lgan vazifalar belgilab berildi.
Shtab muhokamasidan so‘ng viloyat rahbari Termiz shahri “San’at saroyi” majmuasi old qismida o‘rnatilgan viloyatning asosiy bayram archasi bilan tanishdi. Hududda haqiqiy bayram shukuhi uyg‘otish maqsadida konsert dasturlarini tashkil etish, ko‘cha, hiyobon va maydonlarni bayramona bezash topshirig‘i berildi.
Surxondaryo viloyati hokimligi Axborot xizmati
Kanalga ulanish: t.me/axborot_xizmatiTelegram | Facebook | Instagram | @surxondaryo_pressa' rel='nofollow'>YouTube |
Web-site | Twitter
