БОЛОЧОК ЖАРЫМА КАЙРЫЛУУ💌

Мен сүйсөм сиз да мени сүйөсүзбү?
Биргеликте сүйүү отуна күйөсүзбү?
Болбосо жарым жолдо таштап кетип,
Бар балээни башыма үйөсүзбү?

Ыйласам кошо жашып ыйлайсызбы?
Жан тартып көз жашыңыз тыйбайсызбы?
Жоро-жолдош, туугандар арасында,
Орой сүйлөп, жаманга кыйбайсызбы?

Жанашып жанымда жүрөсүзбү?
Айтканымды көңүлгө түйөсүзбү?
Колуңдан келбейт сенин эч нерсе деп,
Басмырлап, же үстүмдөн күлөсүзбү?

Камкор болуп сырткы күчтөн коргойсузбу?
Ар бир иште кош колдоп колдойсузбу?
Же болбосо жиниң чыгып ар күн сайын,
Бар ишиңе күнөөлөп кордойсузбу?

Ардагым деп ар качан аяйсызбы?
Жыгылсам колдон кармап таяйсызбы?
Кээ күнү маанайым суз болсо эгер,
Бир ооз жакшы сөзгө жарайсызбы?

Автор✍🏻: Эдилбек кызы Акылай