Qidiruv uchun matnni kiriting
Ilg‘or kanal qidiruvi

Продам твой канал за сутки.

Любой по федеральной программе.
img
reklama

Продам канал с доходом 138090

Всего за 55 000. Срочно нужны деньги.
img
reklama

Telegram Analytics

TGStat хизмати янгиликларидан бохабар бўлиш учун обуна бўл!
img
reklama

Kaktus.kg

@kaktuskg
Kanal geosi va tili: Qirg‘iziston, Qirg‘izcha

Биз менен биргеликте Кыргызстандагы жана дүйнөдөгү жаңылыктар менен кабардар болуңуз!

Связанные каналы  |  Похожие каналы
Kanal geosi va tili
Qirg‘iziston, Qirg‘izcha
Toifa
Yangiliklar va OAV
Statistika
Kanal siznikimi? Tasdiqlash Канал в реестре блогеров РКН? Tasdiqlash Kanal tarixi
Postlar filtri

Kaktus.kg

27 Jan, 05:53

Telegram'da ochish Ulashish Shikoyat qilish
Чүй облусунун Кант шаарында 16 жаштагы окуучу мушташтан кийин каза болду. Окуя 22-январда №3 мектептин жанында болгон. Тергөөнүн маалыматына ылайык, 11-класстын окуучусу Р.А. менен 16 жаштагы Ч.Д. чырдаша кетип, мушташка айланган.

Жабырлануучу Ч.Д. оор жаракат алып, ооруканага жеткирилген. Бишкектеги жеке ооруканада операция жасалганына карабастан, ал эсине келбей каза болгон.

Бул факты боюнча Кылмыш-жаза кодексинин 130-беренеси (“Ден соолукка оор зыян келтирүү”) менен кылмыш иши козголду. Тергөөнү Чүй ОИИББи жана ИИМ жеке көзөмөлүнө алды.
73 0 0 1
Kaktus.kg

26 Jan, 07:30

Telegram'da ochish Ulashish Shikoyat qilish
Бишкекте рейд учурунда 1 тоннадан ашык мыйзамсыз күйүүчү май алынды

Профсоюзная көчөсү жана Махатма Ганди проспектисинде немаркаланган күйүүчү май саткан соодагерлерден 1 190 литр май алынган. Рейдди Биринчи Май райондук администрациясы, салык кызматы жана муниципалдык инспекция өткөрдү. Салык кызматкерлери айып базасына майды жеткирип, эки протокол түзүп, 6 000 сом айып салды.
97 0 0
Kaktus.kg

25 Jan, 12:54

Telegram'da ochish Ulashish Shikoyat qilish
Көк-Жар конушундагы көп кабаттуу үйдө болгон газ жарылуудан жабыркаган 62 жаштагы аял каза болду. Бул тууралуу Шаардык клиникалык тез жардам ооруканасынын башкы дарыгери Алмазбек Кубатбеков билдирди.

Дарыгер аялдын денесинин 60-70 пайызы күйүп, ооруканага оор абалда түшкөнүн айтты. Ал жандандыруу бөлүмүнө жаткырылган, бирок дарыгерлер анын өмүрүн сактап кала алган жок.

Кырсыктан аялдын 38 жаштагы кызы дагы жабыркаган. Анын бети жана колу күйгөн. Учурда ал ооруканада дарыланууда, абалы туруктуу экени кабарланды.

Эске салсак, 19-январда Сейтек көчөсүндөгү көп кабаттуу үйлөрдүн биринчи кабатындагы батирде газ жарылып, эне менен кызы жабыркаган.
110 0 0
Kaktus.kg

25 Jan, 11:13

Telegram'da ochish Ulashish Shikoyat qilish
Путин Акаевге ардактуу наам ыйгарды

Россиянын президенти Владимир Путин Кыргызстандын мурдагы президенти Аскар Акаевге "Россия Федерациясынын илимге эмгек сиңирген ишмери" деген наам ыйгарды. Бул тууралуу Кремлдин расмий сайтында маалымдалды.

Аскар Акаев азыр Москва мамлекеттик университетинде илимий ишмердүүлүк менен алектенип, китептерди жазып, лекция окуп келет.

2005-жылы марттагы революциядан кийин ал үй-бүлөсү менен Россияга көчүп, ошол эле жылы президенттиктен кеткен.
109 0 0
Kaktus.kg

24 Jan, 15:20

Telegram'da ochish Ulashish Shikoyat qilish
Мамлекеттик ооруканалардын жетекчилерине жеке клиникаларда иштөөгө тыюу салынды

Президент Садыр Жапаров "Кыргыз Республикасындагы жарандардын ден соолугун коргоо жөнүндө" мыйзамына өзгөртүүлөрдү киргизүүчү мыйзамга кол койду. Бул мыйзам 24-январда "Эркин-Тоо" гезитинде жарыяланды.

Мыйзамга ылайык, мамлекеттик ооруканалардын жетекчилерин дайындоо Саламаттыкты сактоо министрлиги тарабынан атайын кадрлар резервинен жүргүзүлөт. Жетекчилер беш жылдык мөөнөткө гана дайындалат жана бир эле мекемени эки мөөнөттөн ашык жетектей албайт.

Мындан тышкары, мамлекеттик жана муниципалдык менчиктеги саламаттыкты сактоо мекемелеринин жетекчилери менен бөлүм башчылары жеке клиникаларда кошумча иштей алышпайт. Эгерде мындай факт аныкталса, алар он жумуш күндүн ичинде кызматынан бошотулат.

Мыйзам расмий жарыяланган күндөн тарта он күндөн кийин күчүнө кирет
295 2 1 1
Kaktus.kg

23 Jan, 16:44

Telegram'da ochish Ulashish Shikoyat qilish
Аширова мамлекеттик цирктин директору кызматынан алынды

Светлана (Асланайым) Аширова А. Изибаев атындагы Кыргыз мамлекеттик циркинин директорлугунан бошотулду. Бул маалыматты Маданият министрлиги тастыктады.

Министрликтин билдирүүсүндө, анын иш келишиминин мөөнөтү аяктагандыгы себеп болгондугу айтылды. Келишим үч айлык мөөнөткө түзүлгөн болчу.

Белгилей кетсек, буга чейин цирк кызматкерлери анын ишине нааразычылыктарын билдирип, аны кесиптик жөндөмсүздүккө айыпташкан.
343 2 1
Kaktus.kg

23 Jan, 10:47

Telegram'da ochish Ulashish Shikoyat qilish
Депутаттар зордукчулдарды өмүр бою эркинен ажыратууну колдошту

Жогорку Кеңеш майыптарга жасалган сексуалдык кылмыш үчүн өмүр бою эркинен ажыратуу мыйзамын кабыл алды

Документте майыптарды зордуктагандарга, аларды сексуалдык мүнөздөгү аракеттерге түрткөндөргө эркинен ажыратуу каралган. Ошондой эле алар айрым кызматтарга өмүр бою алынбайт. Анын ичинде кылмыш жасоо учурунда 60 жашка толгондордун жоопкерчилиги жеңилдетилбейт.

Кылмыш-жаза кодексинде аялдарга, 18 жашка чыга элегинде кылмыш жасаган адамдарга, ошондой эле кылмыш жасаган учурда 60 жашка чыккан эркектерге өмүр бою эркинен ажыратуу жазасы колдонулбай турганы каралган. Бирок жаңы мыйзамда бул норма өзгөртүлүп, педофилдерди өмүр бою эркинен ажыратуу мүмкүнчүлүгү белгиленген. Эми ага майыптардын жыныстык кол тийбестигине каршы жасалган кылмыштар кошулду.
129 0 0 1
Kaktus.kg

23 Jan, 07:34

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
Энергетика министри: "Менин айлыгым 62 миң сом"

Энергетика министри Таалайбек Ибраев Токтогул ГЭСине болгон экскурсия учурунда өз айлыгынын өлчөмүн билдирди.

"Менин айлыгым 62 миң сом. Бул жашыра турган сыр эмес. Жогорку билими бар инженер 25 миң сом алат. Силер министр эң көп алат деп ойлойсуңарбы?" – деп суроо узатты ал.
303 2 1
Kaktus.kg

22 Jan, 16:56

Telegram'da ochish Ulashish Shikoyat qilish
Президент Садыр Жапаров Баткен, Нарын, Ош, Талас жана Чүй облустарындагы айрым айылдар менен айыл аймактарын кайра атоо тууралуу мыйзамга кол койду.

Мыйзам 2024-жылдын 5-декабрында Жогорку Кеңеш тарабынан кабыл алынган. Аталган мыйзам улуттук идеологияны чыңдоо жана эл арасында колдонулуп келген аталыштарды мыйзамдаштыруу максатында кабыл алынган.

Айрым өзгөртүүлөргө токтолсок:

- Баткен облусунда Говсувар айылы Орто-Боз, Чимген айылы Чымкен, Голбо айылы Алтын-Бешик деп өзгөртүлдү.

- Нарын облусунда Дыйкан айылы Чоко-Бий, Жерге-Тал айыл аймагы Эсеналы Дайракунов айыл аймагы деп аталды.

- Ош облусунда Сары-Булак айыл аймагы Рыспай Абдыкадыров айыл аймагы деп аталды.

- Талас облусунда Куру-Маймак айылы Сатыкей, Покровка айылы Семетей деп өзгөртүлдү.

- Чүй облусунда Военно-Антоновка айылы Кожомкул, Горная Серафимовка айылы Кебек-Бий деп аталды.

Айылдардын жаңы аталыштары жергиликтүү тургундардын жана кеңештердин макулдугу менен бекитилген.
120 0 0
Kaktus.kg

22 Jan, 15:27

Telegram'da ochish Ulashish Shikoyat qilish
Сокулук районунда 14 жаштагы өспүрүм асынып алган абалда табылды

Сокулук районунун Асылбаш айылында 14 жаштагы өспүрүм асынып алган абалда табылды. Бул тууралуу Чүй облусунун ИИБсы Kaktus.mediaга тастыктады.

Маалыматка ылайык, 2025-жылдын 21-январында Сокулук райондук ИИБсына реанимация бөлүмүнөн кабар келип түшкөн. Анда 2010-жылы төрөлгөн М.А. аттуу өспүрүм өмүр белгилери жок, моюнунда жиптин изи менен жеткирилгени айтылган.

Текшерүү учурунда 21-январь күнү саат 08:00дөр чамасында Асылбаш айылындагы Биримкул атындагы орто мектептин 8-классынын окуучусу үйүнөн чыгып, мектепке барам деп кеткен.

Бирок 40 мүнөт өткөндөн кийин туугандары аны сарайдан асынып алган абалда табышкан. Дароо ооруканага жеткиришкен, бирок дарыгерлер анын көз жумганын айтышкан.

Учурда бул факт боюнча керектүү соттук-медициналык экспертизалар дайындалып, текшерүү иштери жүрүүдө. Анын жыйынтыгы боюнча мыйзамга ылайык чечим кабыл алынат.
114 0 0
Kaktus.kg

21 Jan, 10:58

Telegram'da ochish Ulashish Shikoyat qilish
Антарктидадагы балет

Француз балеринасы Виктория Добервилл Антарктидада муз арасында бийлеп, видеону өзүнүн социалдык тармактарына жарыялаган.

Анын бийи, миллиондон ашык лайк топтоп, комментарийлерде талкуу жаратты. Социалдык тармактын колдонуучулары нейросеть аркылуу жасалган видео деп сындап чыгышты.

Натыйжада, балерина бийдин алдындагы даярдык боюнча видео жүктөп, чынында эле муз арасында жүргөнүн көрсөттү.
116 0 0
Kaktus.kg

21 Jan, 10:06

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
Лазат Нуркожоеванын колун сураган жигиттин апасы кайрылуу жасады

Лазат Нуркожоеванын колун сураган жигиттин апасы Гүлзат Сыдыкова президент Садыр Жапаровго жана УКМКнын башчысы Камчыбек Ташиевге кайрылып, ага жана анын уулдары Тариэль менен Афтандил Сабырбековдорго жардам берүүнү суранды.

Эске салсак, Афтандил Сабырбеков өткөн жылдын 5-июль күнү милиция кызматкерлери тарабынан баңгизатын жасап, тараткан деген шек менен кармалып, СИЗОго киргизилген. Андан кийин Афтандил Сабырбековдун бир тууганы Тариэль да кармалып, камакка алынганы маалым болгон.
125 0 0
Kaktus.kg

21 Jan, 07:59

Telegram'da ochish Ulashish Shikoyat qilish
Трамп инаугурациядан кийин дароо мигранттарды массалык депортациялоону баштайт

Талазоо адегенде Чикагодо, андан кийин Нью — Йорк, Лос-Анджелес, Денвер жана Майамиде, деп айтылат маалыматта.

Дональд Трамп шайлоодо жеңишке жете электе, Ак үйгө кайтып келген биринчи күнү эле "кылмышкерлерди жок кылуу үчүн американын тарыхындагы эң ири депортация программасын" баштоону убада кылган. АКШнын жаңы шайланган президенти 15 миллиондон 20 миллионго чейин мигрантты депортациялоону пландап жатканын билдирди. Ал эң алгач, депортациялоону миграттардын шаары делген Чикагодон баштаарын айтты.
123 0 0
Kaktus.kg

20 Jan, 13:11

Telegram'da ochish Ulashish Shikoyat qilish
Көл жээгинен табылган жаралуу ак куу “Бугу-Эне” зоопаркына өткөрүлдү

Жети-Өгүз районунун Пристань айылындагы Ысык-Көлдүн жээгинен табылган жаралуу ак куу Караколдогу “Бугу-Эне” зоопаркына өткөрүлүп берилди.

Жети-Өгүз районунун имамы Ысык-Көл облустук ички иштер башкармалыгынын туристтик жана экологиялык милициясына кайрылган.

Милиция кызматкерлери жана Мамэкотехинспекциянын Ысык-Көл облусу боюнча башкармалыгынын өкүлдөрү ак кууну Караколдогу зоопаркка алып барышкан.

Маалыматта, "Бугу-Эне" зоопаркында канаттууга бардык шарттар түзүлгөнү айтылат.
128 0 0
Kaktus.kg

20 Jan, 13:11

Telegram'da ochish Ulashish Shikoyat qilish
113 0 0
Kaktus.kg

20 Jan, 10:44

Telegram'da ochish Ulashish Shikoyat qilish
TikTok кайрадан АКШда иштей баштады

TikTok социалдык тармагы АКШда 19-январда кабыл алынган тыюу салуу мыйзамына карабастан, ишин улантууну чечти.

Компания бул чечимин АКШнын жаңы шайланган президент Дональд Трамптын мыйзамды колдонуу мөөнөтүн 90 күнгө жылдырышы менен байланыштырды.

Мыйзамга ылайык, TikTok платформасынын ээси болгон ByteDance компаниясы сервисин АКШ компаниясына сатууга же өлкөдөн чыгып кетүүгө милдеттүү. Бул аракеттер TikTok улуттук коопсуздукка коркунуч жаратышы мүмкүн деген тынчсыздануудан кийин кабыл алынган.
291 2 1
Kaktus.kg

20 Jan, 08:03

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
Бишкектеги И.Ахунбаев көчөсүндө жайгашкан эки кабаттуу дүкөндө чыккан өрт саат 10:06да толугу менен өчүрүлдү. Өрттөн улам төрт адам түтүнгө ууланып, тез жардам кызматы тарабынан дароо жардам көрсөтүлдү. Алардын абалы туруктуу.

Өрт болжол менен дүкөндүн 300 чарчы метр аянтын каптаган. Өрттү өчүрүүгө төрт күжүрмөн эсеп жана штаб тартылып, ыкчам аракеттер көрүлдү.
122 0 0
Kaktus.kg

19 Jan, 11:57

Telegram'da ochish Ulashish Shikoyat qilish
АКШда TikTok бөгөттөлдү

АКШда TikTok социалдык түйүнүнө бөгөт коюлду. Эми колдонуучулар тиркемени жүктөп, видео көрө албайт. Бул өлкөдө платформага тыюу салуу боюнча мыйзам күчүнө киргенден кийин болду.

Мыйзамга ылайык, TikTok'тун ээси ByteDance платформаны сатышы керек эле, бирок талап аткарылган жок. Ошондуктан тиркеме ишин токтотту.

Дональд Трамп инагруциясынан кийин маселени кайра карап чыгарын айтып, платформанын иши калыбына келиши мүмкүн экенин кошумчалады.
137 0 0
Kaktus.kg

18 Jan, 12:37

Telegram'da ochish Ulashish Shikoyat qilish
Садыр Жапаров менен Өмүрбек Бабанов Алтайда лыжа тээп келишти

Президент Садыр Жапаров Алтайдагы жаңы курулган “Манжерок” лыжа базасына барып келди. Бул тууралуу ал социалдык тармактагы баракчасына жазды.

Сүрөттөрдөн көрүнүп тургандай, аны менен бирге мурдагы премьер-министр Өмүрбек Бабанов дагы коштолгон. Президент лыжа базанын шарттары жогорку деңгээлде экенин белгилеп, Кыргызстанда ушундай деңгээлдеги лыжа базаларын куруу планы тууралуу айтты.

Жапаровдун айтымында, Жыргалаң, Ак-Булак жана Бозучук тоолорун бириктирген ири лыжа базасынын курулушу жакында башталат. Февралда куруучу компанияларды тандоо үчүн конкурс өткөрүлөрү белгиленди. “Конкурска катышууга шашылыңыздар”, – деди президент.
144 0 0
19 ta oxirgi post ko‘rsatilgan.