Кыргызская профессиональная футбольная лига

ФУТБОЛ УЮМДАРЫНЫН КЫЗМАТКЕРЛЕРИНЕ МЕДИА ЖАНА МАРКЕТИНГ БОЮНЧА СЕМИНАР ӨТҮЛҮҮДӨ

Бүгүн, 29-январь күнү Бишкекте футбол клубдарынын, регионалдык ассоциациялардын, футбол академияларынын жана лигалардын пресс-катчылары жана маркетологдору үчүн атайын семинардын биринчи күнү орун алды.

Семинар Кыргыз профессионалдык футбол лигасынын (КПФЛ) жана Кыргыз футбол биримдиги тарабынан футбол уюмдарында медиа жана маркетинг жаатында уюмдун иш деңгээлин көтөрүү, жалпыга маалымдоо каражаттары менен кызматташууну жакшыртуу жана кесиптик жактан өнүктүрүү максатында өткөрүлүүдө.

Семинарды КФБнын башкы катчысы Медербек Сыдыков жана КПФЛдин аткаруучу директору Канат Асенов ачып берди. Ал эми жүрүшүндө техникалык регламент, беттешти түз эфирде чагылдыруу, футбол күйөрмандары менен иш алып баруу, мелдештерде маркетинг жана медиага тиешелүү ишти уюштуруу боюнча презентациядар көрсөтүлдү. Семинардын негизги спикери катары Казахстан футбол федерациясынын маркетинг боюнча алдыңкы адиси Исаханов Дастан болду.

Белгилей кетсек, КПФЛдин жана КФБнын адистеринен сырткары, семинарга Казахстан футбол федерациясынын маркетинг боюнча алдыңкы адиси Исаханов Дастан спикер катары чакырылды. Эки күндүк семинарга жалпы 34 киши катышууда.

#kfu_kg

2025-ЖЫЛЫ 20ГА ЖАКЫН ФУТБОЛДУК ОБЪЕКТ КУРУЛУП, РЕКОНСТРУКЦИЯДАН ӨТӨТ

Бүгүн, 20-январда, Кыргыз футбол биримдигинин кеңсесинде стадиондорду куруу жана реконструкциялоо боюнча долбоорлорду ишке ашыруу боюнча жумушчуу жыйын өттү. Жыйынга Кыргыз футбол биримдигинин башкы катчысы Медербек Сыдыков, КФБнын Президентинин кеңешчиси Аманбек Каскеримов, жергиликтүү өз алдынча башкаруу органдарынын өкүлдөрү, ошондой эле курулуш долбоорлору боюнча иш алып барган уюмдарынын өкүлдөрү катышты.

Жыйында Токмок, Нарын, Талас, Таш-Кумыр, Шамалды-Сай, Токтогул жана Сокулук районундагы стадиондордун курулушунун жана реконструкциясынын учурдагы абалы талкууланды. Катышуучулар курулуш иштери, графиктер, долбоорлордун аткарылышы жана келип чыккан көйгөйлөрдү чечүү боюнча чаралар боюнча талкуу жүргүзүштү.

Ошондой эле каржылоо, логистиканы жакшыртуу жана долбоорлорду ишке ашыруунун бардык этаптарында көзөмөлдү камсыз кылуу маселелери көтөрүлдү. Бул жылы 20 жакын объекттин курулушу жана реконструкциясы пландалууда.

Долбоорлор спорттук инфраструктураны өнүктүрүүгө багытталып, региондордо спорт менен машыгуу үчүн заманбап шарттарды түзүүдө, анын ичинде улуттук жана эл аралык турнилерди уюштурууга мүмкүндүк берет.

-

В 2025 ГОДУ БУДЕТ ПРОВЕДЕНО СТРОИТЕЛЬСТВО И РЕКОНСТРУКЦИЯ ОКОЛО 20 ФУТБОЛЬНЫХ ОБЪЕКТОВ

Сегодня, 20 января, в офисе Кыргызского футбольного союза состоялось рабочее совещание в рамках реализации проектов по строительству и реконструкции стадионов в регионах Кыргызстана. В совещании приняли участие генеральный секретарь КФС Медербек Сыдыков, советник Президента КФС Аманбек Каскеримов, представители местных органов власти различных регионов страны, а также представители подрядных и проектных организаций.

На повестке дня обсуждались вопросы текущего состояния строительства и реконструкции стадионов в городах Токмок, Нарын, Талас, Таш-Кумыр, Шамалды-Сай, Токтогул, а также в Сокулукском районе. Участники рассмотрели ход выполнения работ, графики строительства, качество исполнения проектов и меры по устранению возникающих трудностей.

Также поднимались вопросы финансирования, улучшения логистики и обеспечения контроля на всех этапах реализации проектов. В этом году планируется строительство и реконструкция около 20 объектов по стране.

Проекты нацелены на развитие спортивной инфраструктуры в регионах, что создаст современные условия для занятий спортом, тренировок и проведения соревнований, включая национальные и международные турниры.

#kfu_kg

«ДОРДОЙ» ЖАНА «МУРАС ЮНАЙТЕД» КЛУБДАРЫ CAFA SILK WAY CUP 2025 КЛУБДУК ТУРНИРИНЕ КАТЫШАТ

Ата-мекендик «Дордой» жана «Мурас Юнайтед» клубдары эл аралык CAFA Silk Way Cup 2025 клубдук турнирине катышат. Аталган мелдешке БАФАга мүчөлүк кылган Кыргызстан өлкөсүнөн сырткары, Иран, Ооганстан, Таджикистан, Түркмөнстан жана Өзбекстандын клубдарын чогултат.

Борбор Азия футбол ассоциациясынын клубдук турниринин тайпалык жана плей-офф этаптары 24-апрелден 6-майга чейин өтөт. Анын өтө турган жерлери жакынкы арада белгилүү болот.

Белгилей кетсек, бул турнир Борбордук Азиянын футбол клубдары арасында алгачкы ирээт өткөрүлүп, алардын эл аралык деңгээлде өздөрүн көрсөтүүгө шарт түзгөн аянтча катары түзүлүүдө. Биринчи сезондо мелдештин тайпалык баскычында сегиз клубдун катышуусу пландалууда.

Турнирге акыркы сезондун жыйынтыгы менен, өлкө чемпионатынын жадыбалында жогорку орундарды ээлеген же/жана өлкө кубогунун ээси болгон клубдар гана катыша алат. Эске салсак, «Мурас Юнайтед» 2024-жылы Кыргызстандын Кубогунун жеңүүчүсү болгон, ал эми «Дордой» Кыргыз Республикасынын чемпионатында 2-орунду ээлеген. «Мурас Юнайтед» тайпалык баскычка түз жолдомо алса, «Дордой» турнирге катышуу укугун алуу үчүн алдын ала баскычта түркмөндүк клубу менен кез келет.

Турнирге катышуучу клубдардын толук курамын БАФА жакынкы мезгилде жарыялайт.

#kfu_kg