Sputnik Кыргызстан — негизги жаңылыктар

@sputnik_kyrgyzstan_kg

Kanal geosi va tili: Qirg‘iziston, Ruscha

Toifa: Yangiliklar va OAV

Ыкчам жана актуалдуу жаңылыктар.
https://www.sputnik.kg
Комментарий калтыруу эрежелери: https://clck.ru/SsTod

Связанные каналы | Похожие каналы

Kanal geosi va tili

Qirg‘iziston, Ruscha

Toifa

Yangiliklar va OAV

Statistika

Saralanganlar

Postlar filtri

O‘chirilganlarni yashirish

Repostlarni yashirish

Sputnik Кыргызстан — негизги жаңылыктар

30 Dec, 18:07

❗️Россияда мыйзамсыз жүргөн мигранттар 30-апрелге чейин өлкөдөн чыгып кетүүгө милдеттендирилди

Владимир Путин кол койгон жарлыкка ылайык, бул убакытка чейин өлкөдө мыйзамсыз жүргөндөр укуктук макамын жөнгө салышы керек. Болбосо атайын реестр аркылуу көзөмөлдөнүп, аларга бир катар чектөөлөр колдонулат.

Ошол эле учурда Россиянын Куралдуу күчтөрүндө аскердик кызмат өтөөгө келишим түзгөндөр депортацияланбайт. Улуттук коопсуздукка коркунуч келтиргендерге бул норма колдонулбайт.

2024-жылдын августунда никеге туруу шарттарына өзгөртүүлөр киргизилип, жогоруда белгиленген реестрде катталган адамдар менен никеге турууга тыюу салынган.

@Sputnik_Kyrgyzstan_KG

954 0 1 10

Sputnik Кыргызстан — негизги жаңылыктар

30 Dec, 16:00

Сот медреседе 14 жаштагы баланы өлтүргөн деп айыпталган адамды камактан бошотту

Ноокат райондук соту ишти “Адам өлтүрүү” беренесинен “Байкабастыктан өлүмгө алып келүү” беренесине өзгөртүп, 16 жаштагы М.М. шарттуу түрдө бир жылга эркинен ажыраткан.

Башкы прокуратура маалыматты тастыктап, соттун чечиминин мыйзамдуулугун иликтеп жатат.

@Sputnik_Kyrgyzstan_KG

Sputnik Кыргызстан — негизги жаңылыктар

❗️Медреседе каза болгон өспүрүм дем салдырууга келген Муфтияттын айтымында, 14 жашар баланы дем салдырууга медресеге 3 күнгө таштап кетишкен, ал жерде окучу эмес. Ал эми кылмышка шектелген 16 жаштагы бала медреседе билим алчу. “Окуянын чоо-жайын тактоо үчүн жумушчу топ түзүлдү. Окуя түндө болгон....

1.5k 0 0 12

Sputnik Кыргызстан — негизги жаңылыктар

30 Dec, 15:04

Байден Украинага дээрлик 2,5 млрд доллар бөлүнөрүн жар салды

АКШ президенти анын 1,22 млрд доллары Украинанын коопсуздугуна көмөктөшүү демилгесинин алкагында берилерин билдирди.

Россия Украинаны куралдандыруу жаңжалды мындан да күчөтөрүн, НАТО өлкөлөрүн жаңжалга түзмө-түз аралаштырарын жана алар "от менен ойноп жаткандыгын" эскертүүдө.

@Sputnik_Kyrgyzstan_KG

1.7k 0 0 26

Sputnik Кыргызстан — негизги жаңылыктар

30 Dec, 14:06

❗"Унаа" борборунун бардык аймактык бөлүмдөрү эртең, 31-декабрда, саат 17.00гө чейин гана иштейт

Ал эми 1-7-январь күндөрү майрамга карата эс алуу болуп, бөлүмдөр жарандарды 8-январдан тарта кадимки режимде кабыл ала баштайт.

@Sputnik_Kyrgyzstan_KG

1.8k 0 0 13

Sputnik Кыргызстан — негизги жаңылыктар

30 Dec, 13:19

Өкмөт башчы маморгандарга калкты жаңы жылдык майрам күндөрү электр энергиясы менен үзгүлтүксүз камсыздоону тапшырды

Адылбек Касымаллиев ошондой эле министрлер менен аткаминерлерге майрам күндөрү байланышта болууну тапшырды.

@Sputnik_Kyrgyzstan_KG

1.9k 0 0 9

Sputnik Кыргызстан — негизги жаңылыктар

30 Dec, 12:03

Вице-мэр Бишкекте автобустар үчүн ушундай атайын тилке чийилип баштаганын билдирди

Анын айтымында, бул иштер мэрдин тапшырмасы менен коомдук транспорт үчүн жол ачып берүү максатында жасалууда.

"Атайын тилкелер автоунаалар токтоп алып коомдук транспортторго тоскоол болбошу үчүн жасалып жатат", — деп жазган Жамалбек Ырсалиев соцтармак баракчасына.

@Sputnik_Kyrgyzstan_KG

2k 0 1 55

Sputnik Кыргызстан — негизги жаңылыктар

30 Dec, 11:15

2025-жылдын аягына чейин Кыргызстандагы бардык бала бакчаларга видеокамералар коюлат. Бул тууралуу билим берүү министринин орун басары Надира Жусупбекова билдирди

"Азыр өлкө боюнча бала бакчалардын 63 пайызы видеокөзөмөл менен камсыз болгон. Калган 37 пайызына 2025-жылдын аягына чейин толугу менен коюлат. Видеокөзөмөл орнотуп коюп эле отуруп калбастан, ИИМ менен сүйлөшүп, видеокамераларды "Коопсуз шаар" долбоору менен интеграциялайбыз", — деди министрдин орун басары журналисттер үчүн уюштурулган маалымат жайында.

@Sputnik_Kyrgyzstan_KG

1.9k 0 1 24

Sputnik Кыргызстан — негизги жаңылыктар

30 Dec, 11:04

❗️2024-жылы Сириядан 121 кыргызстандык алып келингенин ТИМ жетекчиси Жээнбек Кулубаев билдирди

Согуш жүрүп жаткан Газа сектору менен Палестинадан 22 мекендеш кайтарылган.

“Кыргызстандыкмын дегендер бар, бирок текшере келгенде алар коңшу өлкөлөрдүн жарандары болуп чыгып жатат. Биз атуулдарыбызды Сирия менен Ирактан алып келүү боюнча иштеп жатабыз, бул өтө оор процесс. Буюрса, иш 2025-жылы дагы уланат”, — деди Кулубаев.

@Sputnik_Kyrgyzstan_KG

1.9k 0 0 20

Sputnik Кыргызстан — негизги жаңылыктар

30 Dec, 10:10

31-декабрда "Ала-Тоо" аянтында бишкектиктерге жаңы жылдык концерт тартууланат

Мэрия иш-чарага россиялык жылдыздар, Клава Кока жана "Дискотека авария" тобу, кыргыз эстрадасынын жылдыздары катышарын айтты.

Концерт саат 18:00дө башталат.

@Sputnik_Kyrgyzstan_KG

1.9k 0 2 43

Sputnik Кыргызстан — негизги жаңылыктар

30 Dec, 09:30

❗️Өкмөт 1-7-январга чейин эс алуу күн болорун бекитти

Жаңы жылдык каникулдар төмөнкүдөй жылды:

▪️2-январдын ордуна 11-январь (ишемби) иш күн
▪️3-январдын ордуна 24-февраль иш күн
▪️6-январдын ордуна 10-март жумуш күн

@Sputnik_Kyrgyzstan_KG

2k 0 2 17

Sputnik Кыргызстан — негизги жаңылыктар

30 Dec, 09:17

01:46

Video oldindan ko‘rish uchun mavjud emas

Telegram'da ko‘rish

Ошто баңгизат сатып жүргөн 4 адам кармалды

ИИМ алар уюшкан кылмыштуу топтун мүчөлөрү экенин билдирди. Топту 33 жаштагы мурун 8 жолу соттолгон адам жетектеп келген. Анын унаасынан эки бычак, ал эми экинчи шектүүнүн машинасынан гашиш алынган.

Жалпысынан Ош облусунда баңгизат сатып жүргөн төрт адам кармалды.

@Sputnik_Kyrgyzstan_KG

2k 0 0 17

Sputnik Кыргызстан — негизги жаңылыктар

30 Dec, 08:33

❗️ОСАГО полиси жокторго айып салуу мөөнөтү 2025-жылдын 1-июлуна жылдырылды

Бул тууралуу өкмөттүн токтому чыкты.

Эске салсак, полиси жок айдоочуларга 3 миң сомдон айып салуу 1-январдан тарта башталмак. Бир жылдык камсыздандыруу — 1680 сом турат.

@Sputnik_Kyrgyzstan_KG

2k 0 1 23

Sputnik Кыргызстан — негизги жаңылыктар

30 Dec, 08:22

00:24

Video oldindan ko‘rish uchun mavjud emas

Telegram'da ko‘rish

Түндө Бишкекте үрөй учурган жол кырсыгы катталып, 19 жаштагы жигит каза болду

ЖКККББнын маалыматына караганда, жол кырсыгы түнкү саат 02:15 чамасында Алматы көчөсүндө катталган. Анда Honda Fit каршы тилкеге чыгып, бакты сүзгөн. Видеодон машина бакты катуу сүзүп, талкаланып калганын көрүүгө болот.

Кырсыктан 19 жаштагы жигит каза болуп, 21 жаштагы эки жигит жана 18, 20 жаштагы балдар Чүй облустук ооруканага жеткирилген.

@Sputnik_Kyrgyzstan_KG

2.1k 0 2 17

Sputnik Кыргызстан — негизги жаңылыктар

30 Dec, 07:18

Президент "Кабар" агенттигине мамлекеттик ипотекалык компаниядан үй алуу шарттарын түшүндүрүп маек берди

▪️Мурда ипотека аркылуу 30%ын дароо төлөп, калганын 10 жылга 14% менен алышса, азыркы учурда 4%га түшүрдүк

▪️Колунда бир аз акчасы бар, бирок үй ала албай жүргөн жарандар 50%ды дароо төлөп, 8% менен 10-15 жылга алышса болот. 1-1,5 жылда эле куруп беребиз

▪️Келечекте шарты жок, бирок үйгө муктаж болгон карапайым калкты 25 жылдык мөөнөт менен алдын ала төлөмү жок толук камсыз кылабыз. Ага убакыт керек

▪️Төлөмдү ай сайын убагынан кечиктирбей төлөп, жоопкерчиликтүү мамиле жасагыла. Артыңарда батир алам деп кезекте 100 миңдеген киши турат

▪️Буга чейин батир алгандардын арасында чама-чаркын карабай 3 бөлмөлүү батир алып алгандар болсо, дароо 1 бөлмөлүүгө алмаштыргыла

▪️5-6 жыл мурда эки балалуу, азыр беш балалуу болуп калган үй-бүлөлөр бар. Алар азыр батирин кеңейтебиз десе, ал жагын да эске алдык. Каалоочулар 1-2 бөлмөлүү батирин өткөрүп, ордуна үч бөлмөлүүнү ала алышат

@Sputnik_Kyrgyzstan_KG

2k 0 8 38

Sputnik Кыргызстан — негизги жаңылыктар

30 Dec, 07:08

00:20

Бишкек — Кант жолунда бараткан эки унаа бетме-бет сүзүшүп, 5 адам, анын ичинде чет элдиктер ооруканага түштү

ЖКККББнын айтымында, чыгышты көздөй бараткан Volkswagen Golf 3 унаасы менен батышты көздөй келе жаткан Toyota Mark X унаасы кагышкан.Унаалардын бири каршы тилкеге чыгып кеткен.

Биринчи машинанын рулунда айдоочулук укугунан ажыраган, күбөлүгү жок 21 жаштагы адам болгон. Ал эми Toyota Mark Xта жалаң чет элдик жарандар баратканы айтылды.

@Sputnik_Kyrgyzstan_KG

2k 0 0 10

Sputnik Кыргызстан — негизги жаңылыктар

30 Dec, 06:55

Алмамбет Шыкмаматов чакан жана орто бизнес үчүн ЭТТК колдонулбай турганын айтты

Анын айтымында, ЭТТК көмүскө экономиканы көмүскөдөн чыгара албайт.

"ЭТТК экономиканы көмүскөдөн чыгара деген туура эмес түшүнүк. Жакында кармалган алты салыкчы ЭТТКны пайдаланып, көмүскө иштерди жасашкан. Биз кичи жана орто бизнести ЭТТКдан бошотолу деп жатабыз. Аларга мамлекет тарабынан көмөк болушуна каалоодобуз. Алар көмүскөдө иш алып бара алышпайт. Анткени салык отчеттуулугу, бажы, укук коргоо органдарынын көзөмөлү бар”, — деген Шыкмаматов “Ала-Тоо 24” телеканалына берген маегинде.

@Sputnik_Kyrgyzstan_KG

1.9k 0 1 21

Sputnik Кыргызстан — негизги жаңылыктар

30 Dec, 06:31

Төлөмдү бир ай кечиктирсеңер, мамлекеттик ипотекалык компания батирди алып, кезекте турган башкага берип коет! Садыр Жапаров үй алгандарга кайрылды

"Батир алгандар акчасын кечиктирбей өз убагында төлөп тургула. Силер төлөгөн акча башка жакта жүрүп жаткан курулуштарды каржылоого кетет. Төлөмдү убагында төлөбөй, бир ай кечигип калсаңар эле МИК батирди алып, кезекте турган башка кишиге берип коет. Канча убакыт төлөп келген акчаңар да кайтарылбайт. Себеби ижарада жашасаңар айына андан көп акча төлөмөксүңөр да. Амортизация деген бар. Айып пулдары бар", — деген президент "Кабар" агенттигине берген маегинде.

@Sputnik_Kyrgyzstan_KG

2k 0 5 81

Sputnik Кыргызстан — негизги жаңылыктар

30 Dec, 06:10

❗️Актаудагы авиакырсыктан жабыркаган 3 кыргызстандык Бишкекке алып келинди

Бейтаптар Улуттук госпиталга жаткырылган. Экөөнүн абалы канааттандырарлык деп бааланса, үчүнчү бейтаптын абалы оор экенин Саламаттык сактоо министрлиги билдирди.

@Sputnik_Kyrgyzstan_KG

2k 0 0 30

Sputnik Кыргызстан — негизги жаңылыктар

30 Dec, 03:39

Кутман таң, Кыргызстан! Бүгүн декабрдын 30у. Көз ачып-жумганча эле 2024-жыл дагы аяктап калды.

Синоптиктер бүгүн күндүз тоолуу райондордо кар жаашы күтүлөрүн, дыйканчылык аймактарда күн ачык болорун болжолдошууда.

Абанын температурасы Чүйдө +3...+8, Талас аймагында +2...+7, Ош, Жалал-Абад жана Баткен облустарында +6...+11, Ысык-Көл жергесинде +4...+9 градус жылуу болсо, Нарын өрөөнүндө 0...-5 градуска чейин суук болору айтылды.

Борбор калаада күн ачык болуп +5...+7 градуска чейин жылыса, Ош шаарында күндүн табы +9...+11 градуска көтөрүлөт.

Жаңы жыл жакшылыкты алып келсин, деңиздей толкуп турган бакыт берсин!

@Sputnik_Kyrgyzstan_KG

2.6k 0 1 28

Sputnik Кыргызстан — негизги жаңылыктар

29 Dec, 14:36

“Азербайжан аба жолдорунун” Актауда кыйраган жүргүнчү ташыган учагы жерден аткыланган, бирок ал атайылап жасалган эмес. Бул тууралуу Ильхам Алиев билдирди.

“Акыркы версия кара кутулар ачылгандан кийин белгилүү болот. Бирок баштапкы божомолдор далилдүү жана фактыларга негизделген”, — деди Азербайжандын президенти.

Баку Москвага кечирим сурап, күнөөлүүлөрдү жазалап, кенемте төлөп берүү талаптарын койду. Анын биринчиси кечээ аткарылган.

@Sputnik_Kyrgyzstan_KG

Sputnik Кыргызстан — негизги жаңылыктар

Путин Алиевге телефон чалып, AZAL учагынын кыйрашына байланыштуу кечирим сураганын Кремль билдирди. РФ лидери белгилегендей, учак Грозныйга бир нече жолу конууга аракет кылган, бирок бул учурда Украинанын куралдуу күчтөрү Чеченстандын борборуна, Моздокко жана Владикавказга учкучсуз учактар менен ча...