Бир адам жөнүндө ушак айтканын кабарлоо экөөнүн ортосунда кастыкка алып келээрин билсе, анда ага барып (ушактаганын) айтпай, Аллахка ал адам үчүн кайрылып, кечирим сурап, артынан жакшы сөздөрдү айтуусу жетиштүү.

Абу Хурайра (Аллах андан ыраазы болсун) айтты: Аллахтын элчиси ﷺ айтты:

{ من كانت له مظلمةٌ لأخيه من عرضه أو شيءٍ فليتحلَّلْه منه اليوم قبل أن لا يكون دينار ولا درهم ، إن كان له عمل صالح أُخذ منه بقدر مظلمته ، وإن لم تكن له حسنات أُخذ من سيئات صاحبه فحمل عليه }
“Диндеш бир тууганынын намысына же дагы башка нерсесине зыян кылып алган адам ал (карызынан) бүгүн - динар жана дирхамдар жок боло электе кутулуп калсын, анткени ал Күнү анын сооптуу амалдары болсо, бир тууганына жеткирген зыянына жараша алардан алып берилет, ал эми анын сооптуу амалдары жок болсо, ал капа кылган адамдын күнөөлөрү ага жүктөлөт".

📖(Сахих аль-Бухари, 2317).

Шейхуль-ислам Ибн Таймия айтты:

"Кимде-ким бирөөнү жаманатты кылып, ушактап же караласа, анан тообо кылса, Аллах анын тообосун кабыл кылат. Ал эми жалаа жабылган адам бул тууралуу билип калса, эсептешкенге укугу бар. Эгерде кимди жамандап, ушактап, бул жөнүндө ал билбесе, анда аалымдардын айтымында, бул маселе боюнча эки пикир бар. Экөө тең Ахмаддан келет жана туурараагы - ал адамга барып, анын артынан ушактаганын кабарлоонун кереги жок. Ошондой эле (ушактап койгон адам тууралуу) артынан кандай ушак айткандай, артынан жакшы сөздөрдү айтканы жакшы.
Хасан аль-Басри айткандай: "Гыйбаттын каффараты (жуучу нерсе) - ушактаган адамына Аллахтан кечирим сурап кайрылуу".
📚 (Мажмуъ аль-Фатауа, 3/291).
____________
ИСЛАМ: СУРОО-ЖООП
➤➤https://chat.whatsapp.com/FxhjPxUUS3XDd9AItDqRSc
➤➤https://t.me/Islam_SurooJoop
➤➤https://www.instagram.com/invites/contact/?i=1bi7415d1h6u2&utm_content=kmxuio7
➤➤https://www.facebook.com/islamsuroojoop.islamsuroojoop