Кыргыз Республикасынын Президентинин Администрациясында 2024-жылдын 10-декабрында Министрлер Кабинетинин Төрагасынын Биринчи орун басары А.А. Касымалиевдин жетекчилиги алдында Кыргыз Республикасынын Президентинин Администрациясынын, Кыргыз Республикасынын Улуттук банкынын, министрликтер менен ведомстволордун, Президенттин облусундагы ыйгарым укуктуу өкүлдөрү, «Кыргызстан банктарынын союзу» юридикалык жактар бирикмесинин, «KG (КЕЙ-ЖИ) Төлөм системаларынын операторлорунун Ассоциациясы» юридикалык жактардын бирикмесинин, коммерциялык банктардын, «Банктар аралык процессинг борбору» жабык акционердик коомунун жана «Кыргыз почтасы» мамлекеттик ишканасынын өкүлдөрүнүн катышуусунда Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү боюнча ведомстволор аралык комиссиясынын кезектеги отуруму өттү.

Отурумдун жүрүшүндө 2024-жылдын 9 айынын жыйынтыгы боюнча Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү боюнча өткөрүлгөн иш-чаралар, ошондой эле пенсионерлердин төлөм карталарынан нак акча каражаттарын алуудагы тариф саясаты талкууланды. Мындан тышкары, Кыргыз Республикасында накталай эмес төлөмдөрдүн жана эсептешүүлөрдүн үлүшүн көбөйтүү боюнча иш-чаралар планына өзгөртүүлөрдү киргизүү маселеси демилгеленди.